سالار محەمەد دۆسكی:

6-7

هەمان پێشمەرگەیێ‌ شۆرشا گولانا پێشكەفتنخواز گۆت: بوو من شەرێ‌ دەشتێ‌ نەخوشتر بوو ژ شەرێ‌ چیا و جارەكێ‌ ل گەل جەماعەتێ‌ خازری چووم و مە ل دوژمنی دا و مە شكاندن و ئەوا هێرش كر و هوسا سەقایێ‌ دەڤەرێ‌ بوو توز و مە ئێك و دو نەدیت و نەزانی كی پێشمەرگە یە و كی داعشە و ئەم هەمی كەفتینە دناڤ ئێك دا و لێك بەرزەبووین و خودێ‌ سەر شاهد و چ جارا ژ گولا دوژمنی نەترسیاینە بەلێ‌ وێ‌ رۆژێ‌ بو توز و مە ئێك و دو نەدیت و ئەم ب ناڤ ئێك كەفتین و ئەڤە نەخوشترین رۆژ بوو چونكە رەنگە تۆ هەڤالێ‌ خوە ب كوژی و كەسەكێ‌ كەس نەدیت و گەلەك یا نەخوش بوو ئەڤ رۆژە و رۆژا مان و نەمانێ‌ بوو و توز و مژ گەلەك نەخوش بوون، هەتا جارەكێ‌ ئەم ل شنگالێ‌ بووین و جارەكێ‌ زێرەڤانی ئاگەهداركرین و گۆت ئەڤە سێ‌ خوە كوژ یێ‌ بەرەف چەپەرێن پێشمەرگەی دهێن و بەرەف مە ڤە دهێن و ئەوێ، هاتین دو هەمەر بوون و دەبابەک بوو و هەڤالێن مە پەیوەندی ب فرۆكێ‌ كر و هات لێدا هەمەرەك ژناڤ بر و هەمەرا دی خوە دناڤ زەیتیناندا بەرزەكر و و دەبابەک بەرەف مە ڤەهات و كەفتە خەندەكێ‌ دا و هندی هات نەشیا دەربازبیت و ئێكسەر خوە پەقاند و سوپاس بۆ خودێ‌ پێشمەرگە هەمی ب سلامەت دەربازبوون و ئەو هەمەرا ناڤ زەیتینا بەرزەبوو و مە نەدیت چ لێ‌ هات و بتنێ‌ ب توپان مە گەلەك ژێ‌ كوشتن و گەلەك بریندار كەفتن و بەرپرسێ‌ وان ل تەلەعفەرێ‌ پەیوەندی ب (موسا گەردی) هاتەكرن و گۆتێ‌ هەوە (9) داعش كوشتینە و بەرپرسێ‌ داعش بناڤێ‌ (سالح تەتەنە) یێ‌ بریندارە و یێ‌ بێژیت دێ‌ چەندەكا دی هێرشەكا دی بەینە سەر پێشمەرگەی و (موسا) كرە كەنی و گۆت بلا بهێن و بتنێ‌ ئەڤێن هاتینە كوشتن ب توپا هاتنە كوشتن .
هەمان پێشمەرگەیێ‌ شۆرشا گولانا پێشكەفتنخواز ئەو ژی گۆت: وی دەمی تورە دبن دەمێ‌ كەسەك بەرمن را دەربازدبیت بوو وی نەخوش بیت ئەز پێشمەرگە مە و خزمەتا مللەت و ئاخا خوە دكەم و مخابن گەلەك بڤی رەنگی هەنە و هێشتا شیرێ‌ بەعسیان دناڤ مێشك و سینگێ‌ وان دا هەیە و هەتا جەمەدانیا سور و جەمەدانیا سور یا ئیسلامێ‌ یە و جەمەدانیا رەش یا جوهی یانە و دەمێ‌ جبرئیل هاتیە خوارێ‌ دەرسوكا سۆر بۆ پێغەمبەرێ‌ مە ئینایە و جوهی ل ئاكرێ‌ مە هەبووینە و زێدەتر ئەوا دەرسوكا رەش دكرە سەرێ‌ خوە و سالا 1948 چووینە ژ كوردستانێ‌ و گەلەك زور نینە و خەلكێ‌ ساخ هەنە و ب چاڤێن خوە دیتی نە، ئەرێ‌ بۆچی هندەك هەنە جەمەدانیا سور نەڤێت؟ بارزانیا چ تشتێ‌ خراب كریە؟ بەلكو بتنێ‌ بەرەڤانیا ملەتی كریە و قەربانی بۆ تەناهی و ئارامی یا ملەتی داینە، ل ڤێ‌ كوردستانێ‌ بوو من كەسەكی یان پارتەكێ‌ بینە ژ ئەڤێ‌ باشتر دا ئەز بچم خزمەتا وێ‌ بكەم و كەسەك هەیە ژ سەرۆكی باشتر ؟ ژ مالا سەرۆكی باشتر؟ دوژمنێن مللەتێ‌ مە ژ مە باشتر دزانن كو ئارمانجا مالا بارزان و سەرۆكی ئەوە بتنێ‌ مللەتێ‌ كورد بگەهیتە ئارمانجا خوە و ژبن دەستێ‌ رژێمێ‌ بهێنە قورتالكرن و بهێنە ئازادكرن و ئەگەر مال و مولك ڤیابا گەلەك مال و مولك ل هەمی جیهانێ‌ هەبوو و هەتا رژێما بەعس چ ڤیابا دا دەتێ‌ بتنێ‌ رونشتبانە خوارێ‌ بەلێ‌ بتنێ‌ ئارمانج و ڤیانا ڤێ‌ مالێ‌ ئەو بوویە مللەتێ‌ كورد بهێتە ئازادكرن و گۆت ئەم ناراوستین هەتا مافێن كوردا ب دەست ڤە بهینین.
هەمان پێشمەرگەیێ‌ شۆرشا گولانا پێشكەفتنخواز ئەو ژی گۆت: مرید و عەقدە و دەروێشی و پارتایەتی ئێك نین، محەمەد شەریف هەڤلنگێ‌ منە و موقدەم عزیزی ئاكرەیی فەرماندەكێ‌ ب ناڤ و دەنگێ‌ پێشمەرگەی بوو و خەباتا وی چ جاران بەرزەنابیت وی دەمی (شكێب ئاكرەیی) بەرپرسێ‌ پاراستنێ‌ بوو و عبدولرەحمان برایێ‌ من سەر لەق بوو و دكتور شاكر و جەعفەر جێگرێن وی بوون و عبدلرەحمان جێگرێ‌ موقدەم عزیزی دبێژیتە هەڤلنگێ‌ من تو بۆ ناهێی ببیە حزبی و هەڤلنگێ‌ من گەلەك عاجز دبیت و هزر كەت حزبی تشتەكێ‌ دیە‌ و هەمان دەم هەڤلنگێ‌ من ل گەل بارزانیێ‌ نەمر بوو و هەسپێ‌ وی دگرت و سالا 1974 سەرۆك بارزانی ل قەسرێ‌ بوو و عومەر ئاغا وەكیلێ‌ وی بوو و عبدولرەحمان چوو دەڤ سەرۆكی و گۆتێ‌ محەمەد شەریف ئەڤە گۆتنا وی بوو و ئاخفتنێن گۆتینە حزبێ و سەرۆكی گۆتێ‌ محەمەد شەریف ل گەل بابێ‌ منە و خزمەتا وی دكەت ئەو چەوا و ئەوان ژی گۆتێ‌ خودێ‌ وەكیلە هوسا بوویە و فرێدكرنە دوڤ محەمەد شەریف را و پشتی دهێت جەنابێ‌ سەرۆكی بێژیت عومەر ئاغا بلا ئەڤە ل دەف تەبیت و دەرنەكەڤیت هەتا دزڤرم و ئەو دبێژیتێ‌ كاك مەسعود ما من چ كریە؟؟ و سەرۆكی بەرسف نەدا و عومەر ئاغا گۆتێ‌ نەهی شەڤێ‌ جەنابێ‌ بارزانیێ‌ نەمر هەمی كاغەزێن ئدریس و مەسعود بارزانی ئیمزا دكەت و هەوە خوە بگەهینێ‌ نوكە ل دیلمانە و محەمەد شەریف خوە قورتالكر و عومەر ئاغا گۆتێ‌ سەرۆك مەسعود بارزانی یێ‌ شتە تورەیە و هەرە خوە بگەهینە دیلمان دەف جەنابێ‌ بارزانیێ‌ نەمر و تە كارەكێ‌ نەباش كریە ، محەمەد شەریف ژی نوزانیت چ كریە و دەمێ‌ دگەهیتە وێرێ‌ دبینت لائێتەكا ف مەلا مستەفا بارزانی و رەحمەتیێ‌ مەلا مستەفا دبێژیت شریك تو ل ڤێرە چ دكەی و ئەو دبێژیت هاتیمە لایێ‌ جەنابێ‌ تە و مەلا مستەفا بارزانی گۆتێ‌ تە خێرە محەمەد شەریف ئەوی گۆتێ‌ قوربان ئەژی نوزانم بەلێ‌ یا ئەز زانم كاك مەسعود بارزانی ژ من تورەیە و سەرۆك مەسعود بارزانی ژی ل وێرێ‌ بوو و جەنابێ‌ مەلا مستەفا بارزانی پرسیار ژ مەسعود بارزانی كر بۆچی یێ تورەی ژ محەمەد شەریف و ئەوی گۆت بلا محەمەد شەریف بێژیت و محەمەد شەریف ژی هەر گۆت ئەز نوزانم من چ كریە و بۆچی جەنابێ‌ هەوە ژ من تورە بوویە و جەنابێ‌ ملا مستەفا گۆت مەسعود محەمەد شەریف چیە؟ گۆت ئەزبەنی گەلەك ئاخفتنێن كرێت گۆتینە حزبێ و محەمەد شەریف گۆت ئەرێ‌ من گۆتینە حزبێ‌ ئێكسەر هەمان دەم مەسعود بارزانی تورە بوو و مەلا مستەفا بارزانی گۆتە مەسعود بارزانی راوستە ئەڤە نوزانیت حزب چیە، حزبا چێ‌؟ گۆتنێ‌ محەمەد شەریف حزب چیە؟ گۆتێ‌ ئەزبەنی وللا نوزانم حزب چیە و ئێك هاتیە دف من گۆت وەرە ببە حزبی و من ژی ئاخفتن گۆتینێ‌ چەوا مەلا مستەفا بارزانی پێلم و ببمە حزبی و مەلا مستەفا بارزانی گۆتە مەسعود بارزانی ئەڤە نوزانیت حزباتی چیە و بتنێ‌ ئەڤە رێبازا بارزان و خودانێ‌ بارزان شێخ ئەحمەد و مەلا مستەفا بارزانی زانیت و ئەڤە چ نوزانیت.

ئاواز ڕەمەزان ئەمین

ژ ڕوویێ مرۆڤایەتی و جڤاكی ڤە؛ زارۆك نیشانا ژیان و پاشەڕۆژا وەلاتینە، بەلێ ل هندەك دەڤەران و ب تایبەتی ل هەرێما كوردستانێ گەلەك جاران دبینین كو زارۆك ل شوینا كو بچنە قوتابخانێ و بخوینن و فێری زانست و زانینێ و پەروەردەیێ ببن، ل سەر جادەیان كار دكەن و هەولددەن ژیانا خۆ ب چەند دیناران بڕێڤە ببەن. ئەڤ پەیوەندییا نەدادپەروەرانە یا د ناڤبەرا “مرۆڤ و كار”یدا ب شێوەیەكێ مەزن د ژیان و بارێ دەروونی دا كاریگەرییەكا خراب هەیە. مرۆڤێن ل سەر جادەیان ژ خێزانێن هەژارن، ژ ئەگەرێ نەبوونا خزمەتگوزارییێن بنەرەتی یان نە د شیانا خێزانێدایە ژبۆ پارەدانا تێچوویێن قوتابخانێ د ژیانا ڕۆژانەدا، هۆكارێ سەرەكیینە كو ئەڤ زارۆكە دەربكەڤن و ل سەر جادەیان كاربكەن. ئەڤ زارۆكە گەلەك جاران ماندی دبن ب فرۆتنا باڵۆنان، ئاڤێ، كلینسان.. و چەندین كارێن دی یێن ب زەحمەت، هەتاكو پتریا جاران ل گەل كاركرنێ نەچار دبن خوازخوازۆكییێ ژی بكەن و خەلكەكێ نەچار دكەن تشتان ژ وانا بكڕن تاكو خەرجیا ڕۆژانەیا خۆ پەیدا دكەن. ئەنجامێ ئەڤێ ڕەوشێ دبیتە ئەگەرێ شێوازێ نە دادپەروەرانە كو تێدا مرۆڤ ب كاركەر دهێنەدیتن و نیاسین، نە ب شێوەیێ “قوتابی یان پاشەڕۆژا وەلاتی”. كێشەیا سەرەكی ئەوە كو سیستەمێ پەروەردەیا ئابووری ل كوردستانێ نەشیاییە پارێزگەهەكێ دروست بكەت كو مرۆڤ تێدا د ژیانەكا سەخت و بێ پارەیدا پاراستی بن، بێكاری و نەبوونا خزمەتگۆزارییین حكۆمی وەك هۆكارەكێ بنەڕەتی كریار دكەن، ل گەل هندێ بەشەك ژ خێزانان ب ئەگەرێ نەبوونا زانین و زانست و ئاگەهدارییی ب خۆ زارۆكێن خۆ پاڵ ددەن داكو ل سەر جادەیان كار بكەن و هزر دكەن ب ڤی كارێ دێ زارۆكێن خۆ بەرەڤ پێش بەن.
چارەسەری ژبۆ دەربازكرنا ڤێ كێشەییێ پێدڤی ب كارێ گرۆپەكێ هەڤبەشە ب هاریكارییا حكۆمەتێ دێ كۆمەلگەهەكا مێژووی چارەسەر كەن، ئەڤە ژی پێدڤی ب دروستكرنا یاسایەكیێنە ژبۆ پاراستنا مرۆڤان بۆ تاوانان و كارێن نە یاسایی، پاراستنا خێزانێن هەژار و دەستكۆڕت و هاریكاریكرن د وارێ دارایی و خواندن بێ پارەییێدا ل گەل ئەڤان خێزانان، ئامادەكرنا پەروەردە و فێركرنا تایبەت ژبۆ زارۆكێن نەشیان قوتابخانێ بەردەوام بكەن ژ بەر كاركرنێ داكو بشێن ب ساناهی بۆ سیستەمێ خواندنێ بزڤڕن.
كێشەیا زارۆكێن ل سەر جادەیان نە بتنێ كێشەیا ئەوان زارۆكانە، بەلكو نیشانەیا نەمانا ژینگەهەكا دادپەروەرە كو تێدا پاشەڕۆژا نیشتیمانی بەرەڤ داهاتیەك مەترسیدار دچیت. چارەسەرییا وێ بەرەڤ پێشبرنا سیستەمێ پەروەردەیێ و هاریكاریكرنا دارایی بۆ خێزانێن هەژار و پێدڤییە.
مرۆڤ ب تنێ كەسێن بچووك نینن بەلكو ئەو ڕێڤەبەر و داهاتووێ نیشتیمانینە، هەروەسا ل باغێ ژیانێ هەر مرۆڤەك وەك دانەیەكێنە، ئەگەر كار ل سەر بكەی و فێربكەی، دێ بنە دارەك ببەرهەم و خۆش و پڕی ژ سەركەڤتن و پێشكەفتنێ ژبۆ پاشەڕۆژێ.
ئارمانجا من ژ ڤێ گۆتارێ ئەوە كو ب شێوەیەكێ زانستی و كۆمەلایەتی كێشەیا مرۆڤێن ل سەر جادەیێن هەرێما كوردستانێ بهێتەچارەسەركرن، هۆكارەكێ ل سەر ڕوون بكەن و پێشنیار و چارەسەریێ پێشكێش بكەن ژبۆ دامەزراندن و ئاڤاكرنا كۆمەلگەهەكا پاراستیتر و پەروەردەتر. زارۆك پاشەڕۆژا وەلاتینە، زارۆكینییا وان نە كارگەهەكا بەرهەمینانا پارەیانە.