سالار محەمەد دۆسكی:
4-8
فەریق جەمال ئێمینكی، بەحسێ رۆژێن ئازادكرنا ئیراقێ كر و گۆت: وی دەمی ل گەل محوەرێ شێخان چووم و بەری وی دەمی من ل گەل سوپایێ 12 كاركربوو وەك جێگرێ سوپایی و ئەم چووین هەتا دەڤەرا شەلالاتات وی دەمی هێزێن ئیراقێ هاتبوونە هەلوەشاندن و چ دەڤەرا مە نەدیت هێزێن ئیراقێ بەرامبەر مە راوستیاین و فرۆكێن ئەمریكی ژی بوون وی دەمی هێزێن هەوپەیمانا نەبوون بەلكو هێزێن ئەمریكی پێ راب بوون و چ شەر دروست نەبوون هەتا گەهشتینە ناڤ مویسل، پشتی ب بریارا (پول برێمەر) لەشكرێ ئیراقێ هاتیە هەلوەشاندن و ئەڤ خەلكە هەر هەمی چوونە مالێن خوە و هەمان دەم رێكخراوێن تیرۆرستی بناڤێن جودا جودا دەست ب كریارێن تیرۆرستی ل سەرانسەری ئیراقێ و تایبەت باژێرێن سوونی كرن، گەلەك ژ خەلكێ سڤیل بۆ قوربانی شەرێ وان و هەر وەسا دژایەتیا هەرێما كوردستانێ و هێزێن پێشمەرگەی ژی كرن و ل هەر جهەكێ دەلیڤا خوە دیتبا، وی دەمی سوپاسێ ئیراقێ ئەوێ نوو هاتیە دروستكرن ئەو هێز نەبوو بشێت كارێن تیرورستی رابگریت و ل گەلەك دەڤەرا و تایبەت ل بەغدا و رومادی و تكریت و دیالا. پشتی دووبارە پێكئینانا لەشكرێ ئیراقێ و دوی سەرد ەمی دا لایەنێ، ئەرەبی گەلەك پشكدار نەبوون دناڤ رێزێ، لەشكرێ ئیراقێ دا و هەر وەسا هزر دكر ئەڤە داگیركەری یە ژلایێ ئەمریكا ڤە و ژ بەر ڤێ چەندێ پتر باوەری دا هێزێن پێشمەرگەی و چەندین لیوا بناڤێ زێرەڤانێن نشتیمانی ژ پێشمەرگەی هاتنە پێكئینان ل دەڤەرێن(موسل، مەخمور، كەركووك، دیالا) رۆلەكێ بەرچاڤ هەبوو و بەرەڤانیەكا گەلەك باش ل ئەوان دەڤەراكر و سەرەرایی وێ چەندێ بۆ خزمەتا ڤان دەڤەران و هەمان دەم ئەرەبێن شوفینی بەردەوام دژایەتیا ئەڤان هێزاكر و داخاز كر ژ ئەوان دەڤەرا دەركەڤن، چونكە دەسپێكا پێكیانا لەشكرێ ئیراقێ ل سەر بنیاتەكێ نشتیمانی نەهاتبوو دروستكرن و پتریا سەربازێن هێزێن ناڤخو و باوەری ب كارێن خوە نەبوو، بۆ نموونە رۆژا 11/11/2004 ل ناڤ باژێرێ مویسل پتریا بنگەهێن پولیسان و بارەگایێن سەربازی هاتنە كونترۆلكرن ژلایێ تیرۆرستان ڤە، ئەگەر ئەو لیوا پێشمەرگە ئەوا دناڤ بارەگایێ فرقا دوو ئەوژی داهێتە كونترۆلكرن ژلایێ تیرۆرستان ڤە، وی سەردەمی هێزێن ئەمریكی سەرپەرشتیا زووبەیا دەڤەرێن ئیراقی كر، ئەو بارودوخ گەلەكێ خراب بوو و جەنەرالەكێ ئەمریكی بناڤێ (هانی) هاتە لایێ جەنابێ سەرۆك(مەسعود بارزانی) داخاز كر پێشمەرگە بهێنە دەڤەرێن دەر دوری پارێزگەها نەینەوا هەر ژ لایێ رۆژهەلات و باكور و رۆژئاڤایێ ڤە و هەمی جهان و پاش دانانا هێزێن پێشمەرگەی ل ئەڤان جهان و ب هەمان شێوێ ل مەخمور و كەركووك و خانەقینێ ژی پێشمەرگە هاتنە دانان و شیان هەتا رادەكێ باش كونترۆلا جهێن خوە بكەن و بەرەڤانیێ ژ ئەوان جهان بكەن و هەتا سالا 2009 وی دسەردەمی و ژ بەر هەبوونا كێشا دناڤبەرا هێزێن پێشمەرگەی ل گەل هێزێن ئەمنیێن ئیراقی ل دەڤەرێن مادێ 140 ل سەر پێشنیارا هێزێن ئەمریكی لژنەكا بالا هاتە پێكئینان دناڤبەرا وەزارەتا بەرەڤانیا ئیراقێ و وەزارەتا پێشمەرگەی دا و سرپەرشتیا هێزێن ئەمریكی بۆ چارەسەركرنا كێشەیان بتایبەت ل دەڤەرێن مادێ (140) و چەندین مەرکەزێن تەنسیقێ هاتنە پێكئینان دناڤبەرا هێزێن پێشمەرگەی و هێزێن ئیراقی دا بۆ چارەسەركرن و چاڤدێریكا هەر سەرپێچیەكێ، وی دەمی لایەنێ ئیراقی بەردەوام داخاز دكر لەشكرێ ئیراقی بهێتە جهێ پێشمەرگەی و ژبەر وێ چەندێ بەردەوام كێشە دناڤبەرا هەر دو ئالیان دا هەبوون هەتا سالا 2011 و پشتی هێزێن ئەمریكی بریارا ڤەكێشانێ ژ ئیراقێ دایی مەلەفێ ئەمنی پێشكێشی هێزێن ئیراقی كر و بوشاهیەكا زور ل پشت خوە هێلا و لەشكرێ ئیراقێ ژی نە گەهشت بوو وی ئاستی كو بشێت كونترولا هەمی دەڤەرا بكەن و ئەو بوو ئەگەرەكێ سەرەكی و رێخوشكەر بۆ تیرۆرستێن داعش رۆژ بۆ رۆژێ چالاكیێن تیرۆرستت گەلەك ناوچەێن هاوسنور ل گەل ئیراقێ كەفتنە دەستێ داعش و نە شیان كونترۆلا گەلەك دەڤەرا بكەن و مەترسیەكا گەلەك مەزن كەفتە سەر گەلەك دەڤەرێن ئیراقێ و هێزێن ئەمنی یێن ئیراقی نەشیان بۆ شاهیێن ئەمنی پر بكەن و ژ بەر ڤێ چەندێ گەلەك دەڤەر ل باكور و رۆژئاڤا بەغدا كەفتنە دەستێ تیرورستێن داعش و ئەو بوو رۆژا 9/6/2014ێ باژێرێ مویسل ب تەمامی كەفتە دەستێ تیرۆرستێن داعش و بەری كەفتنا باژێرێ مویسل جەنابێ سەرۆك (مەسعود بارزانی) نامەك بۆ سەرۆك وەزیرێن ئیراقێ رەوانەكر كو پێزانین هەنە كو هێرشە ل سەر باژێرێ مویسل هەیە، هیچ هێزەكا ئیراقی ل ل وان دەڤەرا نەما هەر ژ خانەقین هەتا رۆژئاڤا دیجلە و هەمی هێزێن وا هاتنە ڤەكێشان و هێزێن تیرۆرستێن داعش هاتنە جهێ وان دا بەرامبەر هێزێن پێشمەرگەی دا ل دەسپێكێ خوە تووشی شەرێ ل گەل پێشمەرگەی نەكر و پرۆپاكندە بەلاڤە دكرن و دگۆتن ( قادمون یا بغداد) و ئەڤە ژی وێ چەندێ دگەهینت هەتا كو هێز هاتنە غافلكرن و هەتا 2/8/2014 دەست ب هێرشێن خوە كر دژی پێشمەرگەی ل (كەسكێ) و دەڤەرا زومار چونكە چەكەكێ پێشكەفتیێ روسی ل سوریا كەفت بوو دەستێ داعش و هەر وەسا چەندین فرقەیێن سەربازیێن ئیراقی چەكێ گرانێ ئەمریكی ل جهێ خوە هێلا بوون و ئەوژی كەفتبوونە دەستێ تیرۆرستان و ژبەر ڤێ چەندێ هاوسەنگیا هێزێ دناڤبەرا هێزێن پێشمەرگەی و تیرۆرستان دا زور جێواز بوو.
نيشاندان