هاریکارا سەرۆکێ پەرلەمانێ تورکیا دیار کر، کۆنگرەیا ڤێ دووماهیێ یا دەم پارتی د هەمان دەمی دا ئامادەکاریە بۆ ئاڤاکرنا بزاڤا کۆمارا دیموکراتی و سالا بهێت دێ کۆنگرەکا دی هێتە ساز کرن و ئەو یەک ژی نیشا ددەت کورد خوە بۆ گوهۆڕینێن مەزن بەرهەڤ دکەن.

پەروین بولدان هاریکارا سەرۆکێ پەرلەمانێ تورکیا و ئەنداما شاندێ ئیمرالیێ پشتی ب دووماهی هاتنا کۆنگرەیێ پێنجێ یێ دەم پارتی بۆ دەزگە‌‌هێن راگەهاندنا تورکیا دیار کر، سازکرنا کۆنگرەیێ پێنجێ یێ دەم پارتیێ د رەوشا نها دا گەلەک گرنگ بوو و کۆنگرە ب رەنگەکێ سەرکەفتی ژی ب دووماهی ب کارێ خوە ئینا و ئەو یەک گەلەک گرنگە و گۆت: (بێگومان کۆنگرەیێ نها وەکو بەرهەڤی بۆ سازکرنا کۆنگرەیەکێ مەزنە کو دهێتە پێشبینیکرن بهارا سالا بهێت ل تورکیا بهێتە ساز کرن و ئەو کۆنگرە دێ بیتە دەستپێکا ئاڤاکرنا بزاڤا کۆمارا دیموکراتی ل تورکیا، چونکی کورد ئێدی شریکێ دەستهەلاتێ نە و کوردان دڤێت د ئاڤاکرنا کۆمارا دیموکراتی یا تورکیا دا خوەدان رۆلەک گەلەک مەزن بن).
ناڤهاتیێ د پشکەکا دی یا ئاخڤتنا خوە دا سەبارەت ب قووناغا ئاشتیێ کو بەرپرسێن تورکیا وەکو قووناغا تورکیا بێ تیرۆر بناڤ دکەن ژی دیار کر، ئێدی بۆ هەموو ئالیەکێ ل تورکیا هاتە سەلماندن کو ئەو نەشێن ب شەڕی و توندوتیژیێ کوردان ژناڤ ببەن و ئالیێ کوردی ژی هەردەم بەحسێ ئاشتیێ و چارەسەریێ کریە، یا نها روو ددەت دەستپێکا قووناغەکا نوو یە بۆ کوردان و تورکان ل تورکیا و گۆت: (کوردان ب سالان ل تورکیا شەڕ بۆ ئازادیا خوە کرینە و گەلەک قوربانی داینە، نها سەردەمەک نوو دەستپێکریە و کوردان دڤێت ل گەل تورکان پێکڤە کۆمارەکا نوو و دیموکراتی ئاڤا بکەن کو تێدا هەموو مافێن کوردان بهێنە گەرەنتیکرن و ژ بۆ ڤێ یەکێ ژی گرنگە د پێنگاڤا ئێکێ دا چەک نەمینن و پاشی ژی گوهۆڕینێن سیاسی و قانوونی ل تورکیا بهێنە کرن، وی دەمی دێ هەموو ئاستەنگێن هەی ل هەمبەر خەباتا گەلێ کورد رابن و کورد دێ شێن ب رێیا سیاسی و خەباتا مەدەنی بگەهنە هەموو مافێن خوە).
هاریکارا سەرۆکێ پەرلەمانێ تورکیا و ئەنداما شاندێ ئیمرالیێ د پشکەکا دی یا ئاخڤتنا خوە دا ئاماژە ب ڤێ یەکێ ژی کر کو، ئێدی سەردەمێ ئینکارکرنا کوردان ل تورکیا و هەموو دەڤەرێ ب دووماهی هاتیە، ئێدی چو وەلاتەک نەشێت هەبوونا گەلێ کورد ئینکار بکەت، ژ بەر ڤێ یەکێ ژی دێ بەرهەڤی بۆ ئاڤاکرنا بزاڤا کۆمارا دیموکراتی هێنە کرن، پارتا نوو کو دبیت پشتی بهارا سالا بهێت ل تورکیا بهێتە راگەهاندن دێ بۆ ئارمانجەکا وەسا کار کەت و گۆت: (ئاڤاکرنا کۆمارا دیموکراتی دێ بیتە دەستپێکەکا نوو بۆ هەموو گەلێن تورکیا، کورد دێ بنە شریکێ دەستهەلاتێ و دێ گەهنە هەموو مافێن خوە، ژ بۆ ڤێ یەکێ ژی پێدڤیا مە ب خەباتەکا مەزن هەیە، دێ ب خەباتا سیاسی و ب رێیێن ئاشتیانە گەهینە هەموو مافێن خوە، ژ بۆ ڤێ یەکێ ژی دێ کارێن گەلەک مەزن هێنە کرن و بزاڤا کۆمارا دیموکراتی ژی دێ بیتە هێزەکا نوو بۆ هەموو تورکیا).
ئەو یەک د دەمەکێ دایە کو بەری دو رۆژان تونجەر باکرهان هەڤسەرۆکێ دەم پارتی ژی دیار کر، ئێدی ل تورکیا قووناغەکا نوو دەستپێکریە و سەردەمێ شەڕی و ناکۆکیان و کینێ ب دووماهی هاتیە، بهێزبوونا کوردان ل تورکیا دهێتە رامانا بهێزبوونا تورکان و هەموو نەتەوەیێن دی، ئانکۆ پێدڤی ناکەت چو هێزەک ل تورکیا ژ بهێزبوونا کوردان بترسیت، کورد دێ بنە هێزا سەرەکی یا ئاڤاکرنا کۆمارا دیموکراتی و گۆت: (قووناغا ئاشتیێ بۆ هەموو تورکیا یا گرنگە، مە دڤێت ئێدی ل تورکیا چو شەڕ روو نەدەن و د هەمان دەمی دا کورد ژی وەکو تورکان بگەهنە هەموو مافێن خوە، نابیت ئێدی وەکو وەلاتیێن پلە دو سەرەدەری ل گەل کوردان بهێتە کرن، ئارمانج ژ ئاڤاکرنا کۆمارا دیموکراتی ژی ئەوە کو هەموو وەلاتیێن تورکیا خوەدان هەمان ماف بن و ئێدی چو جوداهی د ناڤبەرا کوردان و تورکان دا نەمینیت).
ئەو یەک د دەمەکێ دایە کو گەلەک ژ پارتێن سیاسی ل باکورێ کوردستانێ وەسا دبینن کو یا نها روو ددەت ژ بۆ چارەسەرکرنا پرسا کوردی نینە، بەلکو رێککەفتنەکە د ناڤبەرا ئۆجەلانی و دەولەتا تورکیا دا هاتیە کرن دا شەڕ ب دووماهی بهێت، چونکی ژ بۆ چارەسەرکرنا پرسا کوردی ل تورکیا بەری هەر تشتەکێ دڤێت هەبوونا کوردان ب فەرمی ل تورکیا بهێتە قەبوول کرن و خالا دی دڤێت هەموو مافێن گەلێ کورد د دستوورێ تورکیا دا بهێنە گەرەنتیکرن و هەروەسا دڤێت سیستەمێ سیاسی ل تورکیا بهێتە گوهۆڕین و ببیتە فیدرالی، چونکی هەتا سیستەمێ نها یێ سیاسی ل تورکیا نەهێتە گوهۆڕین و هەموو مافێن گەلێ کورد د دستوورەکێ نوو دا نەهێنە گەرەنتیکرن کەس نەشێت بەحسێ چارەسەرکرنا پرسا کوردی بکەت و یا نها روو ددەت ژ بۆ چارەسەرکرنا پرسا کوردی نینە، بەلکو بابەت راگرتنا شەڕی چەکداری یە و ئەو یەک ژی ژ بۆ چارەسەرکرنا پرسا کوردی تشتەک باشە.

وەزیرێ دەرڤە یێ رۆسیا دیار کر، بەری چەند رۆژان دەزگەهێ هەوالگریێ ئەلمانیا دیار کریە کو وان درۆنەکا رۆسیا ل ئەلمانیا ئێخستینە خوارێ و پاشی ژی ئەلمانیا چەندین کۆنسولخانە و جهێن کاری یێن رۆسیا دائێخستینە و ئەو یەک ژی نیشا ددەت ئەلمانیا یێ خوە بۆ شەڕی بەرهەڤ دکەت، چونکی بابەت وەسا نینە، هەتا نها ژی ڤەکۆلین ل سەر وێ درۆنێ نەهاتینە کرن و هەروەسا ئەنجامێ وێ بۆ رایا گشتی نەهاتیە ئاشکرا کرن و یا نها ئەلمانیا ل دژی رۆسیا دکەت راگەهاندنا شەڕی یە.
سیرگێی لاڤرۆڤ ئەو یەک ژی دیار کر، دیارە ئەلمانیا وانە ژ دیرۆکا خوە وەرنەگرتیە و دیسان دخوازن ئالۆزیان دروست بکەن، رۆسیا ل هەمبەر هەر بزاڤەکا تێکدەرانە یا ئەلمانیا و هەر وەلاتەکێ دی یێ ئێکەتیا ئۆرۆپا دێ خوەدان هەلوەست بیت و ژ بەر ڤێ یەکێ ژی دڤێت بەرپرسێن ئەلمانیا دەست ژ فشارێن خوە یێن ل سەر رۆسیا بەردەن، چونکی ئەو نەشێن وەسا بگەهنە چو ئەنجامەکێ.