دهۆك، دلۆڤان ئاكرەیی:
ڕێڤەبەرەكا بازرگانیا دەخل و دانی ل هەرێما كوردستانێ دیاركر، پشكەك ژ پارەیێ گەنمێ جۆتیاران بوویە چەك و حەفتیا بهێت دێ هێتە بەلاڤكرن، كو پتر ژ دو مەهان ل سەر وەرگرتنا گەنمێ جۆتیارێن هەرێما كوردستانێ دا دەرباز دبیت و هەتا نوكە جۆتیاران چو پارە وەرنەگرتیە.
نەرمین ئەحمەد، بەرپرسەكا بازرگانیا دەخل و دانی بۆ رۆژنامەیا ئەڤرۆ گۆت: «57 ملیار دینارێن گەنمێ جۆتیارێن هەرێما كوردستانێ ژ بەغدا هاتیە هنارتن و نوكە پارە بوویە چەك، 20 ملیار بۆ پارێزگەها هەولێرێ، 12 ملیار بۆ پارێزگەها دهۆكێ و 25 ملیار ژی بۆ پارێزگەها سلێمانیێ و هەلەبجە هاتینە تەرخانكرن، ڕێكارین مەزاختنا چەكان دەست پێ كرینە و رەنگە حەفتیا بهێت ل سەر جۆتیاران بهێتە بەلاڤكرن».
ئەڤ سالە ئیراقێ 400 هزار تەنێن گەنمێ جۆتیارێن كوردستان ب 850 هزار دیناران بۆ هەر تەنەكێ وەرگرت، كو هەمی دگەهیتە نێزیكی 340 ملیار دیناران.
نيشاندان