دیدار، سالار محەمەد دۆسكی:

2 – 5

وی دەمی ئەز نك خوە گەلەك عاجز بووم و من پرسیار ژ خوە كر، ئەرێ‌ هەوە ئەف خەلكە ڤە گوهاستن و دەرخستن و ئەڤە گوندێن خەلكی نە و هە وە چیە هاتین گوندا ب سوژن؟، دەمێ‌ ب رێكەفتن من گۆت كا ئێك تڤەنگا خوە بدەتەف من و ئەز دێ‌ چمێ‌ و پێشمەرگە بناڤێ‌( ئەسعەد) وەغەركریە وی گۆت ئەز دێ‌ تڤەنگا خوە دەمەف تە و ساجورێن خوە ڤەكرن، و كەسەكێ‌ دی ژی گۆت دێ‌ ل گەل تە هێم و ئەو چوون و هێشتا دونیا زەلال نەبووی مە خوە نێزیكی گوندی كر و ئەم چووینە ناڤ تراشەكێ‌ را نێزیك گوندی و مە تەماشەكرێ‌ یێ‌ هاتن و چوونێ‌ دناڤا گوندی دكەن و بێ‌ ترس چونكە ئەوا زانی چو پێشمەرگە و چ كەس نەماینە ل دەڤەرێ‌ و هێزەكا مەزن بوو و من گوهداری كر ئەفسەرەكی گۆتە هندەك جندیان پیشی بكەن، و ئاگری بەردەنە خانیان و چوونە پیشی و ئاگر بەردایێ‌ و هاڤێـنە دناڤا سیڤان دارا و ئێكسەر من و هەڤالێ‌ خوە هاڤێتێ‌ و گرۆپەك بوون، و هەر هەمی مە ئێخستن و ئەو رەڤین و هیڤیا من هەڤالێ‌ من چەك بوو مە هەبیت و مە هەر دوكا چەكێن دو پێشمەرگان ژێ‌ وەرگرت بوون، و ئەم چووینە مە چەند كلاشینكوف ژی ئینان و ئەم زڤرینە جهێ‌ خوە ڤە و ئەو رەڤین و گەلی دا بوون، ژوور دا چوون و ئەو جهێ‌ خوە راوستیان بۆ شەر و مە هزرا فرۆكا نەكر، و مە گۆت دێ‌ چین گەهینە هەڤالێن خوە و مە چەكێ‌ ئەڤان ژی وەرگرت و ژ نیشكەكێ‌ ڤە مە دیت ژ هەر دو ئالیان فرۆكە هاتن و پشت مە لەشكر هاتەخوار و ئەو لەشكرێ‌ بەرامبەر مە ژی بەرەف مە ڤە دهات و بتنێ‌ ئەم دو بتنێ‌ نە، بهێنەكێ‌ مە تەماشەی چەكێ‌ خوە كر بتنێ‌ ساجورەك مایە و ئەو ژوور دا هاتنە مە و گرێ‌ ئەم لێ‌ تەنشت نەهال بوو و دەحل بوو، و مە هەردوكان قەستا وی دەحلی كر و دونیا بۆ رۆژ و هەر هەمی گركێن بلند ژلایێ‌ لەشكری ڤە هاتبوونەگرتن، دناڤا دەحلی دا وەك شكەفتان بوو و هەمی بەر بوو و ئاڤ ژی تێرا دهات ئەم چووینە ناڤ بەرا بووین، و هەر رەمی كر و جهێ‌ ئاگر بەر بوو بەردایێ‌ و جهێ‌ ئەم تێدا یێ‌ تەر بوو و یێ‌ ڤەشارتی بوو و گولە ب مە نەدكەفتن وەكی چەپەرەەكی بووم ئەم چووینە بن را و مە گولێن خوە هێلان و مە گۆت دەمێ‌ دهێنە ڤێرە و مە دبینن و دێ‌ ب ئەوان گولان ژی هاڤێنێ‌ و رێك نەمان تو خوە رادەست بكەی دێ‌ هەر تەكوژن چونكە مە هاڤێتیێ‌ و خوە رادەست نەكەی ژی چ رێك نەمان.
ئەم ماینە هەتا مەغرەب و گازیكەرە ئێك دو و فرۆكە چوون و لەشكر ژی چوو و ئەم كەفتینە گەلی وی دەمی ئەم نەشارەزا بووین ژی و هەڤالێن مە ژی هزر كر ئەم هاتینە كوشتن، و ئەم ل دووڤ رێكێ‌ و دەوسێن دەوارا چووین و رۆژا دوڤدا ئەم گەهشتینە هەڤالێن خوە هاتنە سەرێ‌ مە و مە بابەت بۆ گۆتن و مە گۆتێ‌ ئەم نەشیاین تڤونگا بینین، و مە ڤەشارتینە و گۆتن مە گوهداری یا شەری كر و مە هزر كر هوون نەماینە، و ئەڤە ئێك شەر بوو و یێ‌ نە شارەزا بووم و من شنی چەك هاڤێت و ژ خوە بێ‌ هیڤی بووم، دیسا دووماهی شەرێ‌ منێ‌ سالا 2017 ل گەل تیرۆرستێن داعش ئەوی ژی ژ خوە بێ‌ هیڤی بووم، رێكەفتی 24/10/2017 شەرێ‌ داعش هەمیێ‌ ئەم ل (زمار) بووین و مە كونترۆلەكا باش ل سەر داعش كربوو، و ئەگەر هێرش ژی كربا دا هێتە ژناڤبرن و دا كەلەخێن وا مینن و شەر ب دووماهی هات، و داعش خوە رادەستكرن و خێزانێن وا خوە رادەست كر و حوكمەتا ئیراقێ‌ ژلایێ‌ مویسل ڤە و دووماهی ب داعشێ‌ هات، و ئەم ماینە ل جهێ‌ خوە دا و ماوەكی هێزێن (حەشدا شەعبی) هاتنە ئەوان دەڤەرا و دیسا دهاتنە دەف مە ژی و مە تەنیسق ژی ل گەل ئێك هەبوو و كو مە سنورێن خوە گرتینە، بابەتێ‌ ریفراندوومێ‌ هات و مە ل وێ‌ دەڤەرێ‌ دەنگێن خوە دان وی دەمی هەمی بوونە دوژمنێن مە، و دوڤدا هەوپەیمان هاتن و گۆتن ساترێن خوە بەردەن و بلا هێزان وا بهێن و ئەو هزر كر كو دێ‌ دەڤەرێ‌ هەمیێ‌ بۆ بەردەین و دوف بروسكا جەنابێ‌ سەرۆك (مەسعود بارزانی) گۆتن گوهداریا وان نەكەن و جها دروست بكەن و شەری بكەن، و هێزێن وا هەرێ‌ دهێن و گەلەك جهان هێزێن وا پشت پێشمەرگەی كەفتن و بلەز هێز دهاتن و پشتا (زمار) مە هندەك ساتر بلەز دروستكرن و ئێكسەر هێرشا وان دەستپێكر، و شەڤا 24ێ‌ هەیڤا 10 /2017 وی دەمی ساتری دا بووم و من گۆتە هەڤالێن خوە من باوەرە بەرێ‌ سپێدێ‌ دێ‌ هێرشا وان دەستپێ‌ كەت، چونكە ئەمێ‌ دبینین هێزێ‌ دهێن و ئەم ژی ل گەل پێشمەرگە و هەڤالان گەریاین و مە گۆت دێ‌ شەرێ‌ مان و نەمانێ‌ كەین، و جهێ‌ ئەز لێ‌ بەرپرس بووم ژ دو فەوجێن پێشمەرگەی و جهێ‌ من نێزیكی 150 پێشمەرگە ل گەل بوون، و هێزا مە گەلەك بوو و هەر ئێك ل محوەرێ‌ خوە و مە گۆتە پێشمەرگەی دێ‌ شەرێ‌ مان و نەمانێ‌ كەین، و ئەگەر هوسا نەبیت دێ‌ ب دووماهی ئێین چونكە پێزانین بوومە دهاتن و ئەگەر رێكێ‌ بەرنەدەین كەسەكێ‌ ساخ نامینت و جورێن چەكی ل گەل خوە ئیناینە و ئەگەر رێكێ‌ بەردەن ئەف هێزە دێ‌ چیتە زاخو و رۆژا دی دێ‌ چنە دهۆكێ‌ و هوسا پێزانین گەهشتنە مە و مە شەر كر و خودێ‌ هاریكار بوو و هەمی پێشمەرگەی گۆتن یان دێ‌ مرین یان دێ‌ سەر كەلەخێ‌ مە را دەربازبن، ئەگەر ئامارێن كوشتنێ‌ هاتبانە دیاركرن بتنێ‌ خودێ‌ زانیت چەند ژوان هاتنە كوشتن و سپێدێ‌ هێشتا دونیا زەلال نەبووی ئەوا دەست ب هێرشێ‌ كر و هاڤێتنەكا ب تەركیز و بێ‌ راوستیان و شاهد هەنە و گەلەك جاران ژ بەر دیكێلا توپان مە عەرد نەدیت و هندی تۆپ هاڤێتن و هێرش كر و پێشمەرگەی لێدا و چەندین هێرشكرن و پێشمەرگەی شكاند و دەبابە و مدرع سوتن .