هەردو یانەیێن دەڤەرا بەهدینان دهۆك و زاخۆ د ڕەوشەكا نە جیگیر دا نە د خولا ستێرێن ئیراقێ‌ یا فوتبۆلێ‌ دا پشتی بۆرینا هەشت یارییان ژ خولێ‌، د حەفتییا بۆری دا ژبلی ڕێزبەندیێن وان قەیرانا دارایی ل یانەیا دهۆكێ‌ سەرهلدایە و یانەیا زاخۆ بەرۆڤاژی مووچەیێ هەموو یاریزانێن خوە بەلاڤكریە.
دهۆك دناڤا ئاریشەیان دا
تیما یانەیا دهۆك ئەوا د هەشت یاریێن بۆری دا بتنێ‌ نەهــ خال كۆمكرین ل ڕێزا نەهێ‌ د هێت ژ شەش وەكهەڤییان و ئێك سەركەفتن و ئێك وەكهەڤی، 11 گۆل ل سەر بووینە و هەمان گۆل ژی ل سەر هاتینە تۆماركرن، ئەڤ ئەنجامە پشتەڤانێن دهۆكێ‌ زێدەت توورەكرینە هەتا گەهشتبوو وێ‌ ڕادەیی كارگێرییا یانەیێ ژ ڕاهێنەرێ‌ تیمێ‌ یێ ئیرانی یەحیا گول محەمەد دەست كار ب كێشیت، لێ‌ ئەوی ب بوهانا بەندێن یاسایی كو هەكە پێنچ یارییان لدووڤ ئێك ئەنجامێن خراب هەبن دێ‌ دەست ژ كار كێشیت، لێ‌ ژێدەرێن رۆژنامەڤانی دیاركرییە یارییا بهێت بەرانبەر زەورا بوویە دووماهی دەلیڤە هەكە ئەنجام نەهێت دڤێت دەست ژ كاربكێشیت.
یاریزانان مووچەیێ خوە دڤێت
ژلایەكێ‌ دووڤە ل پێنجشەمبییا بۆری یاریزانێن تیمێ‌ بایكۆتا ڕاهێنانان كر و خواستن مووچەیێ خوە وەربگرن ئەوا كو بوویە 63 رۆژ دو مووچە نە وەرگرتینە، ئەڤچەندە وەكرییە گڤاشتن بكەڤیتە ل سەر كارگێرییا یانەیێ، بۆ زانین ژبەر ئەنجامێن خراب یانەیێ هەموو یاریزان ب ڕێژەیا كێمكرنا 15% ژ مووچەیێ وان سزاداینە.
ئەنجام بەرۆڤاژی پێشبینییان
بەری دەستپێكرنا وەرزێ‌ نوو یا خولێ‌ هەموو چاڤدێران و جادەیا وەرزشی هوسا پێشبینی دكر تیما زاخۆ دێ‌ ب هێز و سەركەفتنێن لدووڤ ئێك د خولێ‌ دا هێتە دیتن، لێ‌ بەرۆڤاژی هوسا نە دەركەفت، سەرباری سەركەڤتنا ئێكێ‌ یا خولێ‌ بەرانبەر غازئەلشیمال ب گۆلەكێ‌ بێ بەرانبەر لێ‌ سێ‌ خوسارەتی و سێ‌ وەكهەڤی ژی هاتن دگەل سەركەفتنەكا دی كو خالێن وێ‌ گەهشتنە نەهـ خال ل ڕێزا 12ێ‌ ڕاوەستیا، ئەڤچەندە ژی وەكو یێن دهۆكێ‌ پشتەڤانێن زاخۆ زێدە توورەبوون، بوو ئەگەر ڕاهێنەرێ‌ خوە یێ فرەنسی برانیت دووربێخن و یێ قەتەری تەلال ئەلبلۆشی بینن، ب هیڤییا وێ‌ یەكێ‌ ڤەگەرنە سەركەفتنان.
ڕەوشا دارایی یا باشە
كارگێرییا یانەییا زاخۆ ئەوا زێدەتری 11 ملیار دینارا بۆ گرێبەستێن یاریزان و كادرێ ڕاهێنانێ‌ بەرهەڤكرین هەتا نوكە ژلایێ دارایی ڤە د ڕەوشەكا باش دانە، ل حەفتییا بۆری زێدەتری ملیارەك و 500 ملیۆن دینارا وەكو مووچەیێ شایستە ل سەر تیما خوە بەلاڤكربوون، ئانكو تیمەكا بێ‌ كێماسی ژلایێ دارایی ڤە.
لدۆر ڤێ‌ بابەتی جاسم محەمەد حاجی سەرپەرشتێ‌ تیمێ‌ هیڤی خواست حوكمەتا هەرێما كوردستانی وەكو هەر سال بۆ وەرزێ‌ ئەڤ سالە ژی پشتەڤانییا تیمێ‌ بكەن و گۆت: تیما مە یا د دەمەكێ‌ هەستیار دایە یاریزانێن تیمێ‌ بایكۆدا ڕاهێنان كرییە ژبەر نە دانا مووچەیێ وان كو دێ‌ بیتە دو مەهـ هەرچەندە ئەو حەفتییەك بوو مە كار ل سەر كر ڤێ‌ بایكۆدێ‌ نەكەن لێ‌ ئەوان باوەری ب ئاخڤتنان مە ژی نەما و بایكۆد كرن و مووچە مافێ‌ وانایە، یا نەخۆش بڕیاربوو یارییەكا هەڤالینی ل گەل یانەیا غازئەلشیمال بكەین لێ‌ ژبەر ڤێ‌ بایكۆدێ‌ نەشیاین یاریێ بكەین.
هەروەسان ناڤهاتی گۆت: هەرچەندە هەرسال حوكمەتا هەرێما كوردستانێ‌ بەردەوام پشتەڤانییا یانەیێ كرییە، بارەدوخێ‌ یانەیێ یێ خرابە، لێ‌ وەرزێ‌ ئەڤ سالە هێشتا بڕیارا ڕازیبوونێ‌ ئێك دینار ژی نە هاتیە دان لێ‌ ئەم گەشبینن دێ‌ حوكمەتا هەرێمێ‌ ئەڤێ‌ ئاریشەیێ چارەسەركەت، ژبەركو یاریزانان مووچە و گرێبەستێن خوە دڤێت و خودانێن شوقەیان ژی هەروەسان، هیڤییا مە ئەوە ئەڤ ئاریشەیە چارەسەربیت، ئەوا نوكە یا ژ هێزا مە یا دەركەڤتی مە شیان نینن دو مووچەیان بدەینە یاریزانان و مافێ‌ وانایە هەتا 15ێ‌ مەها بهێت سكالایا ل یانەیێ بكەن لدووڤ بەندێن یاسایی یێن جیهانێ‌.
ژلایێ خوەڤە سیابەند عەگید گۆت : راستە ئەنجامێن مە د خرابوون ئەو دەمێ‌ بۆری مە یێ ڕاوەستانا خولێ‌ مە بەرهەڤیێن باش كربوون و هەر كێماسیەكا د تیمێ‌ دا تایبەت یێن تەكنیكی دهاتنە چارەسەركرن، مخابن د ڤی دەمێ‌ هەستیار دا ئەڤ چەندە بهێتە دیتن، مە یارییەكا بهێز هەیە ل پێنجشەمبییا بهێت بەرانبەر یانەیا زەورا، مە بەرهەڤیێن گەلەك باش كرینە و باشترین تەركیز یا كری، ئەز نزانم دێ‌ باشترین هێنە دناڤ خولێ‌ دا لێ‌ ژنشكەكێ‌ ڤە ئاریشەیا مووچەیی سەرهلدا، راستە خەلكێ‌ دهۆكێ‌ مە و دێ‌ بهێنفرەهـ بم و یاریێ كەم بێ‌ دانا مووچەیی هندی شیان هەبن، لێ‌ یاریزانەكێ‌ دەرڤە ئەو نەشێت وەكو من بیت، هیڤییا مە ئەوە چاڤێ‌ وان ل یانەیێ بیت و بارەدوخەكێ‌ خرابە پشتەڤانیێ لێبكەن،دهۆك نە ژ هەژی ڤێ‌ تشتی یە.

د داخویانیەكێ‌ دا ئەیهەم جامی سەرۆكێ‌ یانەیا یاتیفا یا وەرزشی خوەشحالییا خوە دیاركر كو تیما وان یا فوتبۆلێ‌ شیایە ناسناڤێ‌ خولا پلا دویێ یا كوردستانێ‌ ب دەستڤە بینیت پشتی د یارییا فینالێ‌ دا ب سەركەفتی ل سەر یانەیا حاجیاوا و دەربازبوونا خوە پێشتر مسۆگەر كریە بۆ خولا پلا ئێك.
زێدەتر ناڤهاتی گۆت: گەلەك كەیفخوەشین یانەیا باتیفا ناسناڤەكێ‌ دیرۆكی د وەرزشا كوردستانێ‌ دا تۆماركر و ل سەر دەستكەڤتێن وەرزشا بەهدینان و ئیدارەیا سەربەخوەیا زاخۆ زێدەكر، ئەڤە ژی بەرهەمێ‌ حەز و ڤیانا كوڕٍێن باژێری نە و پشتەڤانییا بەردەوام یا سەرپەرشتێ‌ ئیدارا سەربەخوەیا زاخۆ و قائیمقامێ‌ باتیفا و هەركەسەكێ‌ پشتەڤان بووی، پێنەڤێت كارووانێ‌ مە ب سانەهی نە بوو هەتا ئەم گەهشتینە ڤێ‌ قووناغێ‌، لێ‌ هەكە براوەربكەین بەرانبەر دامەزراندنا یانەیێ ئەوا 2021ێ‌ ئەم شیاین دیرۆكەكا زێرین و پری شانازی تۆماربكەین.
ژلایەكێ‌ دووڤە ناڤهاتی گۆت: ئەڤ دەستكەڤتە نە بتنێ‌ دێ‌ بیتە دیرۆكەكا زێرین بەلكو دێ‌ بیتە قووناغەكا نوو ژبۆ پێشئێخستنا ئاستێ‌ وەرزشا دەڤەرا باتیفا، دێ‌ بیتە سەرهلدانەك بۆ یاریزانان ئاستێ‌ خوە باشتر لێبكەن، هەروەسان ئێدی دێ‌ بدیتنەكا جودا تەماشیی وەرزشا دەڤەرا مە هێتە كرن، لەوما ژی دڤێت بۆ داهاتی ئەم پلان و بەرنامەیێن ڕێكخستی بهێنە دناڤ چالاكییان دا تایبەت بۆ وەرزێ‌ نوو یا خولا پلا ئێك، پێنەڤێت ب هەبوونا پشتەڤانییا دارایی یا بەردەوام گەشبینن دێ‌ گەهینە ئارمانج و هیڤیێن مەزنتر.
لدووماهیێ ناڤهاتی گۆت: ژبەركو مە پشتەڤانەكێ‌ زوور هەیە و حەز ژێكەرێن یانەیێ نە، ئەم پێدڤی زێدەتری پێنج هزار پەلۆكێن یاریگەهێ‌ نە ژبۆ جەماوەری، ژبەركو نە بتنێ‌ ل باتیفا بەلكۆ ل دەوروبەرێن وێ‌ ژی جەماوەری دهێنە یاریگەهێ‌ بۆ پشتەڤانیێ.

ل سەر تۆڕا چڤاكی یا سۆشیالێ‌ دا یاریزانێ‌ بەرازیلی ڕاڤینیا ستێرێ‌ یانەیا بەرشەلۆنا یا ئسپانی مزگینیەكا خۆش بۆ پشتەڤانێن بەرشەلۆنا بەلاڤكر و تێدا دیاركر بۆ یارییا بهێت بەرانبەر خیتاڤی ژ خولا پلا ئێكا ئسپانیا یێ بەرهەڤە ئەوا دێ‌ ل 10ێ‌ ڤێ‌ مەهێ‌ هێتە كرن.
ڕاڤینیا ئەوێ‌ د یارییا بۆری یا هەڤالینی دناڤبەرا بەرازیل و ئوسترالییا دا تووشی هنگاڤتنێ‌ بووی د پێخوە یێ راستێ‌ دا دەنگۆیێن رۆژنامەڤانی ئاماژە پێ دا دبیت بۆ ماوەیێ زێدەتری دو مەهان دوور كەڤیت لێ‌ مزگینییا ڕاڤینیایی دلێ‌ جەماوەرێ‌ یانەیێ خوەشكر ب ڤەگەریانا وی.

ڕاپۆرتێن رۆژنامەڤانی ل ئۆرۆپایێ دوپات كرییە كو ستێرێ‌ پۆرتۆگالی كرێستیانۆ رۆنالدۆ دێ‌ تووشی سزایێن توند بیت بەرانبەر ئەوێ‌ ڕەفتارا كری كو بیێ ئاگەهدارییا فەرمی ژ فدراسیۆنا وەلاتێ‌ خوە وەربگریت پشتی ژ نشكەكێ‌ ڤە ژ كەمپێ ڕاهێنانێ‌ یێ هەلبژارتیێ پۆرتۆگال دووركەڤتی.
ل دووڤ رۆژنامەیا سپۆرتس یا پۆرتۆگالی هاتییە ئێك ژ بەندێن سزایێ هەر یاریزانەكێ‌ بێ وەرگرتنا مولەتێ‌ ژ كەمپێ ڕاهێنانێ‌ یێ هەلبژارتیێ وەلاتێ‌ خوە ب دەركەڤیت دێ‌ ب شەش مەهان هێتە سزادان دگەل سزایێن دارایی، هەرچەندە بوهانا رۆنالدۆیی ئەوە كو دگەل جورجی جیسۆس ئاریشەیەك پەیدابوویە و ئەو ئاگەهداركرییە نامینیت ژبەركو ل پەلۆكێن یەدەكا روونشتییە.

د دیدارەكا رۆژنامەڤانی دا ستێرێ‌ سربی نۆڤاك جۆكۆڤێچ پلەدارێ‌ پێشتر و یێ نوكە ل 11ێ‌ جیهانێ‌ بۆ یارییا تێنسا ئەردی گەشبینییا خوە دیارك ردێ‌ د قارەمانییا داهاتی دا بهێز ڤەگەڕیت و ئەو ئاستەنگێن كەڤتینە د ڕێیا وی دا دێ‌ چارەسەركەت.د دیدارەكا رۆژنامەڤانی دا ستێرێ‌ سربی نۆڤاك جۆكۆڤێچ پلەدارێ‌ پێشتر و یێ نوكە ل 11ێ‌ جیهانێ‌ بۆ یارییا تێنسا ئەردی گەشبینییا خوە دیارك ردێ‌ د قارەمانییا داهاتی دا بهێز ڤەگەڕیت و ئەو ئاستەنگێن كەڤتینە د ڕێیا وی دا دێ‌ چارەسەركەت.دیۆكۆڤێچی گۆت: د وەرزێ‌ ئەڤ سالە دا تووشی ئاریشەیێن تەندرۆستی بووم نەك یێن جەستەیی و بەرهەڤییان، د سێ‌ قارەمانیێن مەزن دا نەشیام پشكداربم ئەڤچەندە كارتیكرن ل سەر ڕێزبەندییا من كر، د نوكە دا قووناغا چارەسەریێ باش دەربازبوویە، بۆ هەر ئاستەنگەكێ‌ ڕێكا چارەسەریێ یا هەیی، قارەمانییا بهێت ATP Finals دێ‌ هەلوەستێ‌ ڕێزبەندییا من گوهۆڕیت و ڕژدم بگەهمە دەستكەڤتەكی.