سالار محەمەد دۆسكی:

2-6

هەمان پێشمەرگەیێ‌ شۆڕشا گولانا پێشكەفتنخواز گۆت: چونكە دەڤەرا مە دەڤەرەكا پر شەر و ئالوزی بوویە، و لژنا ئامێدیێ‌ رۆلەكێ‌ كاریگەر ل دەڤەرێ‌ هەبوو، و رێكخراوا مە ل پتریا چالاكیێن لەشكری پسكداری تێدا دكر، و دەمێ‌ تو پرسیار بكەی پتریا چالاكیان ئەم پشكدار بووینە و مە خەبات بۆ گەل وەلاتێ‌ خوە كریە سەخمراتی سەرفەرازی یا مللەتێ‌ مە ژ زورداری و بن دەستیێ‌، تایبەت ئەڤ چالاكیێن مەزن وەكی داستانێن دێرەلوكێ‌ و كانی ماسێ‌ و فرۆكخانا بامەرنێ‌.
پێشمەرگەیێ‌ شۆڕشا ئیلۆن و گولانا پێشكەفتنخواز، قادر حەكیم شوكری تیلەری گۆت: پتریا چالاكیێن لەشكری دنەخوش بوون، بەلێ‌ نەخوشترین چالاكی داستانا دێرەلوكێ‌ بوو و مە گەلەك شەهید دان، سێ‌ شەهید بەرپرسێن رێكخراو بوون (بورهان ئامێدی، خسرو بامەرنی، سەعدی) ئەڤە گەلەك یا نەخوش بوو، دیسا مە گەلەك نەخوشی ژی وێ‌ رۆژێ‌ دیتن و هزر بكە ل دانێ‌ مەغرەب ئەم رونشتینە خوارێ‌ و سەقایەكێ‌ گەلەك نەخوش بوو، و بارانەكا مەزن دهات و هەوایەكێ‌ نەخوش دهات، و ل دەمژمێر 1ی شەڤێ‌ چالاكیا پێشمەرگەی دەستپێكر و نڤستن و بهێنڤەدان نەبوو، و ئەم ماینە چالاكیێ‌ دا هەتا رۆژا دی دەمژمێر 9ی سپێدێ‌ و ئەو جهێ‌ بومە هاتیە دەستنیشانكرن جهێ‌ رێكخراوا حزبی یا بەعسییا بوو، ل دەمژمێر (10) رۆژێ‌ بارەگایێ‌ وێ‌ رێكخراوا حزبی هاتە ستاندن، و دووڤد ا مە جەنازێن شەهیدێن خوە و بریندارێن خوە ڤەگوهاستن و بەرەف مەغرەب چوو ، و ئەم بەرەف گەلیێ‌ ڕەشاڤا چووین وێ‌ شەڤێ‌ ژی ئەم مێهڤانێن هندەك مالا بووین، و ئەو مال ژی ئاوارە بوون و ئەم نێزیكی 20 بۆ 30 مرۆڤان ل ژوورەكا بچیك دا بووین و خوە ئەم نەشیاین پێن خوە راست بكەین، و رۆژا پاشتر ئەم دەرباز بووین و بەرەف لقێ‌ چووین، و دووڤدا هاتینە دەڤەرا بەرواری یا و گوندی دگۆتنێ‌ ئێكمالێ‌ و هەتا پیچەكێ‌ بهێنا مە هاتی، و مە شەهیدێن خوە ئینان و هەر ئێك یێ‌ دەڤەرەكێ‌ بوو و ئەم رابووین مە شەهیدێن خوە رادەستی ئاخا كوردستانێ‌ كرین.
پێشمەرگەیێ‌ شۆڕشا گولانا پێشكەفتنخواز، قادر حەكیم شوكری تیلەری گۆت: هێشتا جوداهی دناڤبەرا پێشمەرگەی و تایبەت شەهیدان دا نەبوو، و رێكخراوا مە گەلەك شەهید داینە هەر ژ رۆژ دامەزراندنا وێ‌ هەتا هەوا ئەنفالێن رەش، بۆ (عەلی) گەلەك عاجز بووم چونكە دەمەكی ئەم ل گەل ئێك دا بووین ،سەعید سپینداری ئەو ژی بەرپرسێ‌ رێكخراوا مە بوو، و گەلەك بۆ عاجز بووم، و دووڤدا ژی گەلەك شەهید مەدان و بەرپرسێ‌ رێكخراوا مە دگۆتنێ‌ سەعید چەلكی و مرۆڤەكێ‌ گەلەك زیرەك بوو و شەهید بوو، بورهان ئامێدیی بەرپرسێ‌ رێكخراوا مە بوو ئەو ژی شەهید بوو بۆ وی ژی گەلەك عاجز بووم، هەتا 17 شەهیدان بتنێ‌ رێكخراوا مە هەبوون، ئەڤە هەمی ل گەل ئێك ئێك هەیف و سال دا شەهید نەبووینە بەلكو هەر ئێك دەمەكی دا و هەر ئێك رۆژەكێ‌ دا شەهید بووینە لێ‌ بگشتی رێكخراوا مە ژ رێكخراوێن چالاك بوویە، وەك پێشتر مە ئاماژە پێكری ژ رێكخراوێن دەسپێكێ‌ بوو ل شۆرەشا گولانێ‌ لژنا ناوچا ئامێدیێ‌ هاتیە دامەزراندن و هەر ئەندامێ‌ رێكخراوێ‌ بووم و ماوەكی داخازی ژ من هاتەكرن بەرپرسایەتی یا رێكخراوێ‌ وەربگرم بەلێ‌ راستی من نەخوشی هەبوو و ئەو رازیبوون كو یێ‌ نەخوش بم ژی بتنێ‌ بەپرسایەتی یا رێكخراوێ‌ وەربگرم و من نەدڤیا وەربگرم وی دەمی دەستیردان نەبوو و ئەم هەر دئەركێ‌ خوە داب ووین.
پێشمەرگەیێ‌ شۆرشا گولانا پێشكەفتنخواز، قادر حەكیم شوكری تیلەری، زێدەتر گۆتژی: وی دەمی جوداهی دناڤبەرا پێشمەرگان دا نەبوو و جوداهی نەبوو ئەڤە برپرسێ‌ رێكخراوێ‌ یە و ئەڤە ئەندامێ‌ رێكخراوێ‌ یە و گەلەك جاران ئەندامێ‌ رێكخراوێ‌ ب قەدر و قیمەتر بوون ل دەف پێشمەرگەی و سالێن دووماهیێ‌ فەرمان هات هندەك پاران بدەنە پێشمەرگەی و باوەربكە هەر هەمی شتی ئێك بوون، زگورد 25 دینار وەردگرتن و ئەگەر پێشمەرگە خودان خێزان و زارۆك با 50 دینار وەرگرتن و ئەف بریارە ل سەر هەمیان دهاتە چەسپاندن، هەر ژ ئەندامێ‌ لقێ‌ و هەتا دگەهیتە پێشمەرگەكێ‌ ئاسان ئانكو ئەڤە نموونەك بوو من گۆتی چ جوداهی نەبوو و هەر هەمی ئێك رێز بوون، ئەڤە ل سالا 1986 هێرڤە بوو و پێشتر هەر چەند هەیڤان جارەكێ‌ 10 دینار دانە مە و ئەڤە ژی بۆ پێدڤیێن رۆژانە بوو بۆ پێشمەرگەی، بەلێ‌ ڤیان و حەزا پێشمەرگەی گەلەك بوو و هەمی بزاڤ و كار و خەباتا وی خزمەتكرنا ئاخ و مللەتێ‌ كورد بوویە.
دەربارەی چەكێ‌ پێشمەرگەی ل شۆڕشا گولانا پێشكەفتنخواز، پێشمەرگەیێ‌ شۆرشا گولانێ‌، گۆت: ل شۆڕشا ئیلۆنێ‌ زێدەتر پێشمەرگەی بڕنو هەبوون، بەلێ‌ ل شۆڕشا گولانا پێشكەفتنخواز زێدەتر پێشمەرگەی كلاشینكوف هەبوون، بەلێ‌ خەباتا خوە من چەكێ‌ گران ژی هەلگرتینە وەك بیكەسیێ‌ و ئارپیچی ژی و چەكەكێ‌ ئەمریكی ژی هەبوو، وەكی نارنجووكێ‌ و قەوس دبوو چوو، دیسا من پشكداری خولەكا لەشكری یا هەندسێ‌ یا راكرنا مینان كر بوو، و ئەو خول ل ئیرانێ‌ بوو و پشتی من پشكداری خولێ‌ دا كری ئەز فێربووم چەوا مینان بدانم و چەوا مینان ڕاكەن، و بتنێ‌ ئەز وێ‌ خولێ‌ پشكدار ب بووم، ئەڤ خولە چەوا هات وی دەمی چوومە نوژداری و عبدولسەلام بەرپرسێ‌ لقێ‌ بوو و هەڤالەكێ‌ من ژی ئاكرەیی بوو و گۆت لقێ‌ فەرمان دایە كو ئەگەر هندەك گەنج هەبن، و دێ‌ هەر چنە كوردستانێ‌ و بلا پشكداری خولەكێ‌ بن و حەفتیەك و دێ‌ مفا ژێ‌ وەرگرن و ئەم نێزیكی 10 رۆژا پشكداری خولا ناڤبری بووین .
پێشمەرگەیێ‌ شۆڕشا گولانا پێشكەفتنخواز، قادر حەكیم شوكری تیلەری دیاركر: هەر دو شۆرشێن ئیلۆن و گولانێ‌ من خاك كرینێ‌ و زێدەتر پێشمەرگەی خاك كرنێ‌ ل شۆرشا گولانا پێشكەفتنخواز و بەرگیز پتر خەلكی ل رۆژێن خوشی ئانكو دەوات و شەهیان دكرنێ‌.