سالار محەمەد دۆسكی:

4-13

هەمان زیندانی گۆت: ئەز مامە ل گەل ئەڤێ‌ ریكخراوێ‌ هەر ژ 1/10/1978 هەتا 1980 پاشی من بریاردا و من گوتە كاك مستەفای و عیرفان هروری ئەز دێ‌ بخو جودا رێكخراوەكێ‌ دروست كەم بناڤێ‌ (جەلەولا) لژێر ناڤێ‌ نهێنی (شولكەر) رازی بوون ل سەر هاتەكرن وی دەمی لژنە هاتبوونە چێكرن، بەلێ‌ چو بارەگا دجێگر نەبوون و لژنە دگەروك بوون و هەر رۆژ ل جهەكی بوون و هەتا سالا 1981 دوو چادر ل تەنگا گەلیێ‌ بازێ‌ هەلدان و كرنە بارەگا ئێك بوو بەرپرسێ‌ لژنێ‌ یادی بۆ قەلەمێ‌ لژنێ‌ دەمێ‌ لژنەیا گەروك من چاڤپێكەفتن ل گەل سەید سالحی كری ل پشت گورستانا گوندێ‌ چەم سەیدا جارەكێ‌ نەدوەك ل گەل خەلكی گوندی كرو ل مزگەفتا گوندی ئەز ئامادەبووم ل ناڤ وێ‌ نەدوێ‌ دا و خودێ‌ ژێ‌ رازی سەید سالح بەحسی كاودانێن وی سەردەمی كرو شۆرەشا گولانی و شیرەت ل خەلكێ‌ گوندێ‌ خوە كرن و كەس تێكەلیا رژێما بەعسا عیراقێ‌ نەكەت و سكالا ل ئێك و دوو نەكەن و دئێك گرتی بن د ئەوێ‌ نەدوێ‌ دا رەحمەتی گەلەك یێ‌ ب هیڤی بوو مللەتێ‌ كورد دێ هەرگەهیتە هڤیێن خوە و پشتی كومبوونی من و رەحمەتی ژ نێزیك ئێك و دو ودیت و مە دانوستاندنێن خوە كرن و پشتی چادرژی هەلداین ل گەلیێ‌ بازێ‌ چەندین جاران من و خودێ‌ ژێ‌ رازی ژ نێزیك ئێك و دو دیت و كومبوون كرن و بەلاڤووك ژی ژێ‌ وەرگرتینە و هەرل هەمان جه من خودێ‌ ژێ‌ رازی عیرفان هروری كومبوون و دانوستاندن كرینە دیسان ل مزگەفتا گوندێ‌ بازێ‌ ژی مە كومبوون ئەنجامداینە ل كانیا جوهیا ل ئاقارێ‌ بازێ‌ مە ئێك و دو دیتیە و شكەفت رەشا تەنگا گەلیێ‌ بازێ‌ مە ئێك و دو دیتیە مە دانوستاندن و سوحبەت و بیرهاتن كرینە ل وی دەمی دژیێ‌ گەنجاتیێ‌ دابووم و ل قوناغا چارێ‌ ئامادەیێ‌ بووم ل ئامادەیا بێرسڤێ‌، رۆژەكێ‌ ئەز ل دەڤ هەردوو خودێ‌ ژێ‌ رازیان لبن چادرێ‌ بووین و دوژمنی ژنیشكەكێ‌ ڤە گەلیێ‌ بازێ‌ توپ بارانكر و ئەم لبن چادرێ‌ بووین و ئەم هەموو چووینە دگەلی دا و چادر ب جه هێلا و چووینە بن هندە كەڤرا و دوژمنی ب چری گەلیێ‌ بازێ‌ توپ بارانكر بۆ ماوێ‌ دەمژمێرەكێ‌ پتر ئەم ماینە دبن بەراڤە ڤەشارتی هەتا توپ بارانا وان راوەستیایی و مە پرسیارا ئێك و دوو كر كەس چلێ‌ نەهاتیە هەموویان گۆت سوپاس بۆ خودێ‌ ئەم هەموو ب سلامەتین و من گوتە عیرفان هروری كا بەهرا مە ژ بەلاڤوكان گۆت من مە هزرا تە یا كری و من یێن داینەف جەمال قەدشی ئەز چوومە دگەلی دا و ل جەمالی گەریام و من دیت و من بەلاڤوكێن خوە ژێ‌ وەرگرتن و ئەز هاتم و چەندین جاران من سەرەدانا ئەوان بەرێزان كر، ژبەركو ئەز كەسێ‌ ئێكێ‌ بووم یێ‌ رێكخراوا جەلەولا هاتن و چوون من دكر و هەر ئەز بووم ل ئامادەیا بێرسڤێ‌ ل زاخۆ هەرجهەكێ‌ ئەز لێ‌ بام هەر ئەز دهاتم و چووم بۆ ناڤ رژێمێ‌ بۆ بارەگایێ‌ لژنەیا ئامێدیێ‌ ل مەغربیەكێ‌ ئەز ل ئاقارێ‌ بازێ‌ و نێزیك موغبەرا چەمشێخێ‌ ل گەل نێچیرڤان ئەحمەد بووم و كومبوون دكر و ئەم دەربازی گوندێ‌ چەم سەدا بووین و دیسان ژلایێ‌ فەوجا سوتكێ‌ هاتنە توپبارانكرن و هەرئێك ژمە بخۆ چوو كاك نێچیرڤان چووبوو كانی مەزنێ‌ و توپەك بەرسنگێ‌ من كەت و تژی سەروچاڤێن من خیزو ئاخ و بەركرن و خۆدێ‌ ئەز خلاسكرم و هەتا كو لژنە چوویە گەلیێ‌ بیشیلێ‌ و بارەگا چێكری و خانی دروستكرن و پاشی سەید بورها نبۆ بەرپرسێ‌ لژنێ‌.
هەمان زیندانی گۆتژی: رێكخراوا جەلەولا ژچەند شانەكان پێك دهات ئەوژی شانەیا سەرچنار، دیاربەكر، پێنجوین، و هەرشانەك پێكدهات ژسێ‌ ئەندامان شانەیا سەرچنار پێكدهات ژ سالح سەدیق ئوسمان، عەلی محەمەد تاها، یوسف ئەمین سالح بەپرسێ‌ شانەیا دیاربەكر پێكدهات ژ تاهر عەبدولكەریم، عادل موحسن عەبدلكەریم، عامر إسماعیل عەبدلكەریم بەرپرسێ‌ شانەیا پێنجوین پێكهاتبوون ژ سەگڤان بەرپرس بوو ئیبراهیم ئەحمەد، یوسڤ حەمدی عەبدلباقی، سەعید ئەحمەد سەلمان.
دوی سەردەمێ‌ سەخت و دژواردا مە گەلەك كارێن ئەنجامداین دناڤ جەرگێ دوژمنێ هار و دینێ‌ بەعسیان دا و ئەم دخوین گەرم بووین و مە چو هزر بۆ دوژمنی نەدكر ژبەركو بیرو باوەر و مەبدەئێ‌ مە یێ‌ راست و دروست بوو دكوردایەتیێ‌ و رێبازا بارزانیێ‌ نەمر من بتنی گەلەك جاران بەلاڤووك یێن بەلاڤكرین دئوردیگایی دەركارێ‌ ل بەردەرگەهێ‌ رێكخراوا بەعسیان و ل قوتابخانەیا دەركارێ‌ یا تێكەل هەروەسا ل ئوردیگایێ‌ بێرسڤێ‌ و ل بەردەرگەهێ‌ ماموستایێ‌ رەفیق محەمەد مەحمود سامەرایی و مامۆستایێ‌ رەفیق عەبدلحەسەن دجێلی و لبەردەرێ‌ دوكانێن بێرسڤێ‌ و هەروەسا ل فرقا عەسكەری ل زاخۆ ل بەردەرێ‌ ئەمنا زاخۆ دیسان ئامادەیا زاخۆ و ل بەردەرێ‌ قایم قامیا زاخۆ و گەلەك جهێن دی ل زاخۆ، هەروەسا ل مووسلێ‌ ژی ل سویكا نەبی یونس و ل باب شمس ل گەراج شیمال و من دگەل یوسڤ حەمدی كو رێكخستیێ‌ من هەردەمی مە لڤینەكا عەسكەری دیتبا ل باژێرێ‌ مووسل بەرب تەمشیتەكا عەسكەری دهات ل دهۆك و زاخۆ ل دەملدەست مە بەرسڤ دگەهاندە دەڤەرێن ئازادكری و یێن پێشمەرگەی وەكو ئاگەهداری و هەركارەكێ‌ دبەرژەوەندیا شۆرشێ‌ دا با مە ئاگەهداریا لژنا ناوچا ئامێدیێ‌ دكر ب رێیا پوستەكی.
هەمان زیندانیێ‌ سیاسی و رێكخستیێ‌ نهێنی بەحسێ‌ رۆلێ‌ هێزێن بەرگێریا ملی كر و گۆت: بەرگێریا مللی وەكو هێزەكا پالپشت بۆ پێشمەرگەی ل هەموو دەمان دئامادەبوون بۆ هەرهاریكاریەكا پێدڤی دا بۆ پێشمەرگەی ب روح و جان ئەوی ژی وەكو هێزەكا رێكخستی بوون ل گوندان و چەك هەبوون و كومبوون ب شەڤ ل مزگەفتا گوندی دكرن و زێرەڤانی ل خوە و خەلكێ‌ گوندی دكرو هێزەكا ئامادەبوو ل سەر هەرمەترسیەكا دەڤەرێ‌ و هەرهێرشەكا هاتبا سەر دەڤەرێن وان ئەو ملبملێ‌ پێشمەرگەی ڤە بوون د هەموو شەرو داستانان پشكداربوون و گەلەك كاریگەرو ب هێز بوون و بەرگێری مللی گەلەك هاریكاریا پێشمەرگەی دكر و چ ژ خوارن و ڤەخارنێ‌ و پێدڤیێن پززیشكە بۆ دبرن و برینداردگەهاندنە نك نوشداران و ئەگەرشەهید هەبان دگەهاندنە جهێن دویری لەشكەرێ‌ عیراقێ‌، یان جهێ‌ شەر لێ‌ ب گشتی بێژم بەرگێری مللی رولەكێ‌ باش هەبوو دشورەشا گولانێ‌ و د هەموو واران دا و لگەل خەلكێ‌دەڤەرێن ئازاد كری ب گشتی مالا خالەتێ‌ و مالا مامی ب روح و جان دگەل شورەشێ‌ و پێشمەرگەی بوون و هەردوژمنەكی هێرش كربا ل سەر دەڤەرێن ئازادكری ب چ شێوەبا ب فروكە یان توپا چ جێوازی نەكرە دناڤبەرا پێشمەرگەی یان خەلكێ‌ دەڤەرێن ئازاد كری و هەموو كەس لنك وان پێشمەرگە بوون ئانكو چ جوداهی دناڤبەرا رەش و سپی نەبوون و شورەش قەرداری خەلكێ‌ دەڤەرێن ئازاد كریە و هەتا نوكە ژی خەلكێ‌ ماین مەقدور وەكو پێدڤی بۆ نەهاتیە كرن .