ئهڤرۆنيوز:
سهرۆكێ بهرێ يێ كۆمسيۆنا ههلبژارتنان ل عيراقێ، سهربهست رهشيد، راگههاند، ل دووڤ دستوورى، بۆ جڤاتا نوونهران ههيه باوهريێ ژكۆمسيۆنێ بستينيت، بهلێ وێ چهندێ ژى پێرابوونێن خوه يێن قانوونى يێن ههين كو دڤێت 50 پهرلهمانتار پشتهڤانيێ ل كهسهكى بكهن كو داخوازهكێ ئاراستهى سهرۆكاتيا جڤاتا نوونهران بۆ وێ مهرهمێ بكهت، وێ چهندێ ژى هژمارهكا روونشتنێن جڤاتا نوونهران پێ دڤێن.
سهربهست رهشيد دبێژيت” هندهك رێيێن دى ژى يێن ههين، وهكو راستڤهكرنا قانوونا ههلبژارتنان كو ل شوونا وێ چهندێ كۆمسيۆن سهرپهرشتيا جوداكرنا دهنگان بكهت، دادگهه وى كارى ئهنجام بدهت كو ژ 9 دادوهران پێك بهێت ول ههر پارێزگهههكێ ژى دادوهرهك وهكو ئهندام تێدا پشكدار بيت، نوكه ژى جڤاتا نوونهران كارى بۆ ڤێ چهندێ دكهت”.
ناڤبرى زێدهتر بۆ مالپهرێ فهرميێ پارتى ديموكراتى كوردستان گۆت” چهندين پێنگاڤێن دى ژى دمينن تاكو ئهو پرۆژه ببيته قانوون كو پێدڤيه سهرۆك كۆمار پهسهندێ ل سهر بكهت، ههكه هات وپهسهندر نهكرن، دێ هێته رهوانهكرن بۆ جڤاتا نوونهران وپاشى ل رۆژناما فهرمى هێته بهلاڤكرن وپاشى دێ بيته قانوون وكۆمسيۆن نهشێت بجه نهئينيت”.
گۆت ژى”هێشتا بريارا دووماهيێ ژلايێ دادگهها بلند ڤه نههاتيه دان، جڤاتا نوونهران بزاڤا وێ پرۆژێ قانوونێ ژلايهكى وژلايهكى دى ڤه ژى بزاڤا ڤهكێشانا باوهريێ ددهت ودڤێ چهندێ دا جڤاتا نوونهران لهز يا كرى وئهو بزاڤا جڤاتێ وسهرۆكێ وێ لڤينهكا سياسى يه نهكو قانوونى، چونكى بزاڤا ههلوهشاندنا ههموو ئهنجامان ددهت، لهوما ههر بريارهكا جڤاتا نوونهران دڤى دهمى دا بدهت، يا دستوورى وقانوونى نينه وكۆمسيۆن دشێت پێگيريێ پێ نهكهت”.
نيشاندان