ئهڤرۆنيوز:
رێڤهبهريا گشتى يا كهشناسيێ وبيڤهلهرزان ل ههرێما كوردستان دياركر كو پێلا باران بارينێ ههتا رۆژا سێشهمبى يا بهێت 1/5/2018 دێ يا بهردهوام بيت.
رێڤهبهريا ناڤبرى بهلاڤكر ژى، پێلا باران بارينێ ئهوا دۆ رۆژه ههرێما كوردستانێ ڤهگرتى تێدا رێژهكا مهزن يا بارانێ هاتيه.
دياركر ژى” پێشبينى دهێته كرن ئهڤ پێلا باران بارينێ ههتا سپێدهيا رۆژا سێشهمبى يا بهردهوام بيت”.
ئهڤرۆنيوز:
دچارچۆڤێ ههوا بانگهشا ههلبژارتنان دا، قوباد تالهبانى، كورێ جهلال تالهبانى، سكرتێرێ بهرێ يێ ئێكهتيا نيشتمانى كوردستان، هێرشێ دكهته سهر بهرههم ئهحمهد سالحى وتۆمهتبار دمهت كو پشتى نهمانا پاران، ژ ئێكهتيێ جودا بوو.
ئهڤرۆ شهمبيێ 28/4/2018، قوباد تالهبانى دچارچۆڤێ ههوا ئێكهتيێ يا بانگهشا ههلبژارتنێن پهرلهمانێ عيراقێ ل ههلهبجه وههورامان هێرش كره سهر بهرههم ئهحمهد سالح سهرۆكێ ههڤپهيمانيێ بۆ ديموكراسيێ ودادپهروهريێ.
دهزگههێن راگههاندنێ يێن ئێكهتى نيشتمانى كوردستان بهلاڤكرن كو قوباد تالهبانى ئاماژه دا، هندهك كهس يێن ههين هندى پاره ههبوو، دناڤ ئێكهتيێ دابوون، بهلێ دهمێ پاره نهماى، جودابوون ونوكه ژى يێ بهحسێ حوكمرانيێ وكێماسيان دكهن.
لەمبارەیەوە میدیای فەرمیی یەکێتی بڵاوی کردووەتەوە کە قوباد تاڵەبانی ئاماژەی بەوە داوە، كهسهك يێ ههى ههتا پاره ههبوو، لهناو یهكێتیدا بوون، بەڵام كه پاره نهما، جیابووهوه و ئێستاش باسی حوكمڕانی و كهموكوڕی دهكات.
ههرچهنده قوباد تالهبانى ناڤێ بهرههم ئهحمهد سالحى نهئينا، بهلێ ب ئاماژهدان ب وێ چهندێ كو ئهو كهسه “دو جاران سهرۆكێ حوكمهتا ههرێما كوردستانێ وجارهكێ جێگرێ سهرۆك وهزيرێن عيراقێ وچهندين سالان ژى جێگرێ مام جهلالى بوو” دياركر كو مهرهما وى بهرههم ئهحمهد سالحه.
قوباد تالهبانى پرسيارا وێ چهندێ ژێ كر” بۆ ل وى دهمى نهشيا چاكسازيێ بكهت؟ وبۆچى نوكه بهحسێ چاكسازيێ دكهت؟”.
گۆت ژى” ئهو كهسه دبێ وژدانن”.
ئهڤرۆ نیوز ، نهوزاد هلۆرى
بهرى دهمهكێ كێم ئاگر بهربوو مالهكێ ل گوندێ گربیش ل ناحیا دینارته وچو زيانێن گيانێ پهيدا نهكرينه.
عهكان عهبدولسهلام، وهلاتیهكێ دهڤهرێ يه، بۆ ئهڤرۆ نیوز گۆت” بهرى دهمهكێ كێم ژئهگهرهكێ نهدیار ئاگر بهربوو مالهكێ ل گوندێ گربیش و زیانێن دراڤى گههاندنێ”.
زێدهتر گۆت” وهلاتیان پهیوهندى ب ئاگرڤهمراندنێ كریه و نها گههشتیه جهێ روودانێ و مژولێ ڤهمراندنا ئاگرى یه”.
دياركر” چو زيانێن گيانى ژ ئهنجامێ وێ ئاگربوونێ نينن”.
ئهڤرۆ نیوز ، نهوزاد هلۆرى:
جوره كێزهكا بچووك بناڤێ (سنك) كارتێكرنهكا مهزن ل سهر گهنم و جههێ سنورێ ناحیا قهسرۆكێ یا سهر ب قهزا شێخانڤه كریه و بهرپرسێ شیرهتكاریا قهسرۆكێ دیاركر ههكه سنك نههێته ژناڤبرن، دێ ژ دو ئاليان ڤه كارتێكرنێ ل سهر گهنم و جههێ دهڤهرێ كهت.
ئهندازیار ئهنوهر عهبدولرهحمان، بهرپرسێ شیرهتكاریا چاندنێ ل ناحیا قهسرۆكێ بۆ ئهڤرۆ نیوز گۆت” ههموو سالان دڤى وهرزی دا كێزا سنكى تووشى گهنم و جههێ كوردستانێ ب گشتى و دهڤهرا شێخان و قهسرۆكێ ب تایبهتى دبیت و ههكه نههێته ژناڤبرن، كارتێكرنهكا مهزن دێ ل سهر گهنم و جههى كهت”.
ئهنوهرى زێدهتر گۆت” ههكه دههر مهترهكا چار گوشه دو سنك دناڤ گهنم و جههى دا بهێنه دیتن، دێ كارتێكرنهكا مهزن ل سهر وى بهرههمێ چاندنێ كهت ب رهنگهكێ ئهو گهنم و جهه دێ ژئاليێ سنكى ڤه هێته خوارن و ژئاليهكێ دى ڤه ئهو گهنم و جههێ كو دمینیت ژى ناهێته وهرگرتن ژئاليێ سایلۆیان ڤه و ب ڤێ یهكێ جوتیار دێ زیانداربیت”.
دياركر” نها دناڤ گهنم و جههێ هندهك ژ جوتیاران دا، ههر مهترهكا چار گوشه دو سنك دهێنه دیتن و پێدڤیه ئهو جوتیار ب زووترین دهم چارهسهریا گهنم و جههێ خوه بكهن”.
ناڤبرى خوياكر ژى كو حوكمهتا ههرێما كوردستانێ جۆره دهرمانهك ب ناڤێ (فلاش) بۆ جوتیاران تهرخانكریه و ل ڤان نێزیكان دێ بێ بهرامبهر ل سهر جوتیاران هێته بهلاڤكرن و گۆت ” ل سنورێ قهزا شێخان نێزیكێ 137 هزار و 686 دونهمێن ئهردى ب گهنم و جههى يێن هاتینه چاندن”.
ئهڤرۆ نيوز:
حهيدهر عهبادى سهرۆكێ ههڤپهيمانيا نهسر بۆ ههلبژارتنێن پهرلهمانێ عيراقێ، ئهڤرۆ گههشته كهركووك ب مهرهما بانگهشهكرنێ بۆ ليستا خوه و دێ گوتارهكێ ژى پێشكێش كهت.
د ماوێ چار سالێن دهستههلاتا عهبادى وهكو سهرۆك وهزيرێن عيراقێ، بۆ ئێكهمين جاره عهبادى سهرا پارێزگهها كهركووك ددهت، سهرهدانا وى يا ڤێ جارێ ژى بۆ بانگهشا ليستا خوهيه.
ئەڤرۆ نیوز ، زنار تۆڤی :
هێزێن سوپایێ تورکیا ل باژێرل ئزمیر چار سەرکردێن دیار یێن داعشێ دەستگیرکرن،کو دناڤا وان دا ئێک ئەمیرێ وێ رێکخراوێ بوویە ل پارێزگەها دێرەزور ل سوریا.
ژێدەرەکێ ئەمنی یێ تورکی بۆ ئاژانسا ئانادۆل ئاشکراکریە،کو تیمەکا دژی تیرۆرێ ل ئزمیر،پشتی وەرگرتنا زانیاریێن سیخوری دەربارەی بزاڤێن وان چار سەرکردەیێن داعشێ بۆ تورکیا،شیان وان داعشان د ئۆپەراسیۆنەکێدا دەستگیر بکەن.
هەروەسا گوتیە،ئێک ژ وان گڕتیان یێ تۆمەتبارە ب کوشتنا 700 وەلاتیێن مەدەنی ل باژێرێن سوریا و ئێک بوویە ژ کەسێن نێزیکی ئەبوبەکر بەغدادی.
هەر چار گرتی هاتینە ڤەگوهازتن بۆ ئێکەیەکا ئەمنی ل باژێرێ ئزمیر بۆ ڤەکۆلینێ.
ئەڤرۆ نیوز ،زنار تۆڤی :
ئهمیندارێ گشتى یێ (ناتۆ) راگههاند،کو وان پلانەکا تایبهت ههیه بۆ زێووەکرنا هاریكاریێن سهربازی بۆ هێزێن سهربازی یێن عێراقێ و پێشمهرگەی.
ستو لیتنبرگ، ئهمیندارێ گشتى یێ ناتۆ گوت ژی هەڤپەیمانیا مە پلانەکا تایبهت ههیه بۆ زێدەكرنا مهشقێ ب هێزێن عێراقی و پێشمهرگەی،ئەڤ و سەرەرای هاریكاریێن زێدەتر بۆ وان.
هەڤدەم هایكو ماس، وهزیرێ دهرڤە یێ ئهلمانیا كو وەلاتێ وی ئێكه ژ ئهندامێن دیار یێن ناتۆی،کو وی پشکداری د كۆنفرانسێ وهزیرێن دهرڤە یێن ناتۆی دا،كو ل برۆكسل کریە، ههلویستێ وەلاتێ خوە ل سهر ڤێ پێنگاڤێ دهربری و راگههاند کو پێدڤیه ئاخفتنێن زێدەتر دڤی واری دا بكهین.
ئهڤرۆ نیوز:
دۆنالد ترامپ، سهرۆكێ ئهمریكا ئهڤرۆ د گهل ئهنگێلا مێركل شیرهتكارا ئهلمانیا ل كۆچكا سپی كۆم بوو و د پرێسكۆنفرانیسهكى دا ل دۆر بكارئینانا هێزێ دژی ئیرانێ داخویانی دا.
ترامپ د بهرسڤا پرسیاریا بكارئینانا هێزێ دژی ئیرانێ گۆت: ئهز نابێژم كا دێ هێزا سهربازی دژی تههران بكارئینین یان نه لێ ئهز وه پشتراست كهم كو ئیران چهكێ ئهتۆمی چێناكهت و رێ پێ ناهێته دان وێ یهكێ بكهت، هوون دشێن پشتراست بن.”
ترامپ و مێركلێ بهحسێ چالاكیێن ئیرانێ یێن ئهتۆمی و رهفتارا وێ یا دوژمنكارانه كر و مێركلێ ژی گۆت: ئێدی رێككهفتنا ئهتۆمی بتنێ ههمبهری ئیرانێ بهس نینه و ئهم د گهل ترامپ رێككهفتین كو بهرهنگاری رهفتارا دوژمنكارانه یا ئیرانێ ل سووریێ ببین.
ههڤدهم ترامپ ژ وهلاتێن رۆژههلاتا ناڤین خواست پشكدارییا خوه د بهرهنگابوونا داعش دا زێده بكهن.
ئهڤرۆ نیوز:
وهزیرێ دهرڤه یێ توركيا راگههاند، ئهو و وهزیرێ دهرڤه یێ نوو یێ ئهمریكا ههڤبۆچوونن ل دۆر ڤهكێشانا هێزێن كوردى ژ منبج.
مهولود چاویشئۆغلو دیار كر، ئهو و پۆمپیۆ ل سهر نهخشهرێیهكێ رێككهفتینه بۆ دهرخستنا هێزێن كوردى ژ منبج.
منبج ل رۆژئاڤایێ كوردستانێ یه و د بن كۆنترۆلا جڤاتا سهربازی یا منبج دایه كو سهر ب ههسهدێ یه و يهپهگه سهركێشیا وێ دكهت.
نيشاندان