ئه‌ڤرۆ نيوز:
ژ بەر سەرپێچیان و نەپێگریکرن ب رێنمایێن لژنا مولیدان ل قەزا ئامێدیێ رێڤەبەریا ناحیا دێرەلۆکێ ل ھەیڤا بوری چوار خودانێن مولیدان سزدان.
سامی ئوشانە رێڤەبەرێ ناحیا دێرەلۆکێ بۆ رۆژناما ئەڤرۆ دیاکر، کو ئەو بەردەوام دووڤچون و لێگەریانێ ل سەر موەلیدەیێن دەڤەرێ دکەن و گازندەیێن خەلکی ب گرنگی وەردگرن و دووڤچونێ ل سەر گازندەیان دکەن.
ئوشانەی گۆت ژی : د ھەیڤا چوویی دا ژ ئەگەرێ کارکەفتنا مولیدان و نە چارکرنا مولیدەان ب زووترین دەم، کو پتر ژ سێ رۆژان ب سەر ڤە چووبوو خودانێن چوار موەلیدەیان ل سەنتەرێ ناحیێ ب کوژمەکێ پارەی ھاتنە سزادان.
رێڤەبەرێ ناحیا دێرەلوکێ ئەو ژی گۆت: ھەکە موەلیدە خراب بوو وخەمساری تێدا ھاتەکرن و نەھاتە چێکرن، ماوێ کێمتر ژ سێ رۆژان دوڤچوون ل سەر نەھاتەکرن بۆ چاکرنێ، دێ خودانێ وی مولیدەی ئەو ھێتە سزادان ب کوژمەکێ پارەی .
ناڤبری ئەو ژی دیار کر، کو ل ھەیڤا چوی چوار موەلیدەیان بۆ ماوێ چەند رۆژان کار نەکریە ژ بەر وێ یەکی بۆ ھەر ئەمپیرەکی ل دووڤ رێژا بەردانا کارەبێ کوژمەکێ پارەی ل ناڤبەرا (ھزار بۆ سێ ھزار) دیناران ژ کوژنێ وێ ھەیڤێ یێ دیارکری ھاتەبرین.
نووترين نووچه
- سەرۆك بارزانی پێشوازی ل قۆنسلێ نوو یێ ئیرانێ ل هەولێرێ كر
- سەرۆك بارزانی و قۆنسلێ فەلستینێ پێشهاتێن دەڤەرێ گەنگەشەكرن
- سەرۆك بارزانی پێشوازی ل شێخ خەمیس خەنجەر كر
- نێچیرڤان بارزانی دێ سەرەدانا بەغدا كەت
- نابیت ئەم هەموو كێشەیێن خوە تنێ د بابەتێ مووچەیی دا كورت بكەین
- سەرۆكێ حوكمەتا هەرێمێ و جێگرا بالیۆزێ ئیتالیایێ دوپاتیێ ل پێدڤییا رێزگرتنێ ل مافێن دستووری یێن خەلكێ كوردستانێ دكەن
- پێشەوا هەورامانی: وەزیرێن كورد د حوكمەتا ئیراقێ دا دێ پەیاما كوردستانێ گەهیننە بەغدا
- ئەحمەد تورک دێ ڤەگەڕیتە ڤە سەر کارێ خوە
- چەتینەر چەتین: مەسرور بارزانی دشێت رۆلەكێ كاریگەر د پرۆسەیا چارەسەركرنا كێشەیا كوردی دا بگێڕیت
- دخوازین بەرسڤا باوەری و دەنگێن ب پارتی هاتینە دان بدەین
سه‌ره‌كى نووترين نووچه
پلانەک ھەبوو بەغدا ھێزەکا لەشکری رەوانەی سلێمانیێ بکەت
ئه‌ڤرۆ نيوز:
د رۆژێن بۆری دا ل سنۆری پارێزگەھا سلێمانیێ و گەرمیان و ھەلەبجە و راپەرین، خوەنیشادان بناڤێ نەبوونا مووچەی و خزمەتگۆزاریان دەستپێکرن بوون، بەلێ ھەر زوو ئارستەیا وانا ب ئاڤارەکێ دیتر دا برن و بارەگایێن حزبی و کومەتێ ھاتنە سۆتن و تالانکرن.
سەبارەت ڤان روودانان ژی پەیڤدارێ جڤاتا سەرکرداتیا پارتی دیموکراتی کوردستان ل سلێمانیێ و ھەلەبجە عەتا شێخ حەسەن بۆ رۆژناما ئەڤرۆ راگەھاند، خەوەنیشادان مافێ وەلاتیانە داخوزاا مافێن خوەیێن ڕەوا ژ حوکمەتێ بکەن، کو ب خوین و رۆندکێن خوە دروستکرینە، و ئەرکێ حوکمەتێ یە کو بەر ب داخوزایێن وەلاتیان ڤە بچیت، و مافێن وان یێن دارایی و خوشکرنا ژیارا وان دابین بکەت، بەلێ ئەو خوەنیشادانێن ڤێ جاری کو ل دەڤەرا کوردستانێ و پشکەکا کێم ئەو کەس بوون یێن داخوازا مافێن خوە دکرن، ژ دابینکرنا مووچە و خزمەتگۆزاریان، و ھندەک سیاسیان بۆ سەردابرنا داخوزیێن خەلکی خوە خستنە دناڤا خوەنیشادانان دا بۆ ب دیستڤەئینانا ھندەک دەستکەفێن سیاسی، و ھندەک ژوان ژی ئەجیندایێن دەرەکی برێڤە دبرن.
شێخ عەتا حەسن گۆت: سلێمانی باژێرەکێ بێ پەنجەر و دەرگەە موخابراتێن وەلاتێن دیتر تێدا د لەیزن، لەورا خوەنیشادانێن سلێمانیێ د مەترسیدار بوون، چونکی کا چوا مووسل ب پەلانەکا موخابراتی رادەستێ داعشێ کر و ھاتە وێرانکرن دڤیان بڤی رەنگی سلێمانیێ ژی بکەڤیت، ھەکە حکومەت و ئالیێن سیاسی ب بەرپرسیاری سەرەدەری ل گەل نەکربان سلێمانیێ دا وەکی مووسل و حەلەبێ بیت.
پەیڤدارێ جڤاتا سەرکرداتیا سیاسی یا پارتی دیموکراتی کوردستان ئاماژە کر، حوکمەتا ھەرێما کوردستانێ داخوزا کریە ددەمێ سێ ھەیڤێن بھێت دا ھەلبژارتن بھێنە ئەنجامدان، داکو ھەموو کێشە بھێنە چارەکرن، لەورا ئەم وەک پارتی ل گەل وێ چەندێ ینە حزبێن سیاسی بۆ چارەکرنا کێشان بن، و جارەکا دی ئیرادا خەلکی کوردستانێ بەرچاڤ بگرن، دەستان ژ ململانەیا سەر جادان بەردەن و حەزێن خوەیێن سیاسی تێکەلی ماف و داخوازیێن مللەتی نەکەن، ئەو یاریا ھندەک ئالیێن سیاسی دکەن پشتەڤانیا داخوازیێن خەلکی نینە و بزاڤێن چاکسازیان ژی نینە، بەلکی بتنی بزاڤ بۆ پەیداکرنا توند و تیژیان د ناڤا خونیشادانان دا، ئەم شرۆڤەکرنا وێ یا ل گەل ئارستەیا ھاتنا حەشداشەعبی بۆ سنۆرێن کوردستانێ و گۆتنێن ئیرانیان کو دبێژن، عیراق پشکەکە ژ ئیمپراتوریا فارسی دکەین، ئەڤە ژی وێ چەندێ رادگەھینیت ل گەل شەرێ گەرم شەرەکێ دیێ سار دناڤ خوەنیشادانێن ھەرێما کوردستانێ ھاتە دروستکرن، ب تایبەتی دەمێ مە دیتی دەست ب سوتن و تالانکرنا ژێرخانەیێن رێڤەبرنا وەلاتی و بکارئینانا چەکی دھێتە کرن.
ناڤبری ھەروەسا گۆت: پلانا (B ) یا ھێرشکرنا سەر ھەرێما کوردستانێ ئەو بوو کو ھەرێما کوردستانێ بھێتە پارچەکرن ل سەر چەند یەکەیێن ئیداری و سلێمانیێ ژ پارێزگەھێن ھەولێرێ و دھوک بھێتە دابڕین، ب ھاریکاریا حزبێن لوکالێن کوردستانی کو کاری ژبۆ وێ پلانا مەترسیدار دکەن، کا چەوا نوکە ھندەک حزبان خوە ژ حوکمەتێ ڤەکێشان و ئۆپۆزسیۆنا خوە راگەھاندن، کو د بنەرتدا خوە ژ حوکمەتێ نەڤەکێشاینە ھەکە نە دڤێت ئەو خوە ژ حوکمەتا خوەجھی ژی یا باژێر و پارێزگەھان ژی ڤەکێشن.
سەبارەت دستێوەردانێن عیراقێ و ئیرانێ دناڤا خوەنیشادانان دا، بەرپرسێ پارتی دبێژیت: شاندێن ھەردوو حوکمەتان ل سلێمانیێ ل گەل وان کەس و رێکخراو و ئالیان کوم دبن، کو خونیشادان ئالۆزیان پەیدا بکەن، پەیاما خوە دگەھینن وانا، کو عیراقێ دڤێت سەروەریا ھەرێما کوردستانێ تێک بدەتن و کیانێ سیاسی یێ ھەرێمێ نەھێلیت، کو ئەو ژەندە پێشێلکرنا دستووری یە ل عیراقێ و ئالیێن ناڤخوەیی بزاڤان بۆ دکەن، و ئیرانێ ژی ل سلێمانیێ گڤاشتنا ل دەڤەرێ دکەن و ان ژی کارتێکرنا خوە ھەیە، وانا ژی نەڤێت ھەرێما کوردستانێ سەروەریا خوە ھەبیت.
سەبارەت ھەبوونا چەکدارێن حەشدا شەعبی ل سلێمانیێ شێخ عەتای ژی گۆت: وەک راستەوخوە ئەو ھێز نەھاتینە، بەلێ ھندەک جە جھێن ڤەحەویانا بەرپرسێن حەشدا شەعبی ل سلێمانیێ و ل سەر جادان دھێنە دیتن، ئەڤە ژی پێدڤیە دەزگەھێن راگەھاندنێ دوڤچوونا وانا ل فەزایێ سلێمانیێ بکەن.
ل دۆر ھەبوونا ھێزا پارتی ل سلێمانیێ عەتا شێخ حەسن گۆت: ئەو ھێزا ژ ھەولێرێ ھاتی نوکە ھێزا پارتی نینە، ھێزا حوکمەتا ھەرێما کوردستانێ سەر ب وەزارەتا ناڤخووەیی ڤەیە، د چارچۆڤێ وان ئالۆزیان دا دەڤەر پاراستینە ب مەرەما نەھێلانا سوتن و تلانکرنا بارەگایێن حزبی و حکومەتێ، چونکی مەترسی ھەبوو ئەو ئالۆزی بەربەلاڤبنن و ناڤا پارێزگەھا سلێمانیێ ڤەگریت، لەورا ئاخفتن ل گەل لیژنا ئێمناھیا سلێمانیێ ھاتە کرن، کو دشیانێن وانا دایە پاراستنا دەزگەھێن برێڤەبرنا دەولەتێ ھەیە، د بەرسڤدا گۆتن ب دیتنا مە ئەم نەشێن ب پارێزین، ھەکە ھێزەکا یەدەک ھەبیت باشترە، پاشی ھێزەک ھاتە ھنارتن و ل ژێر دەستھەلاتا لیژنا ئێمناھیا سلێمانیێ بۆ ھاریکاریا پێدڤی، ھەر دەمێ سلێمانیێ گۆت مە پێدڤی ب وێ ھێزێ نینە، ئەو ھێز دێ ڤەگەریت جھێ خوە، ئەو ھێز بۆ ئاشتیا جڤاکی یێت ھاتین، نەک بۆ چو مەرمێن دیتر، کونتاکا وان یا راستەوخوە ل گل مەزنە بەرپرسێن پارێزگەھا سلێمانیێ ھەیە.
سەبارەت ئارامیا رەوشێ و نەمانا خوەنیشادانان عەتا شێخ حەسەن گۆت: پێدڤیە حوکمەتا ھەرێما کوردستانێ ب زووترین دەم بەرسڤا داخوزایێن وەلاتیان بدەت، و مووچە وژیان و ژیارا وانا دابین بکەت، ب دیتنا مە حوکمەت ب وی قەبارێ نوکە دشێت کێشێ چارە بکەت، وەلاتی ژی گەھشتن وێ باوەریێ کو ھندەک ئالیێن سیاسی دڤێن رەوشێ ئالۆز بکەن و داخوزی و مافێن وانا بۆ مەرەمێن تایبەتێن خوە بکاربینن، لەورا مامۆستا ئامادەنیە ببیتە ئالاڤەک ددەستێن وەلاتێن ھەرێمی و عیراقێ دا، ب دیتنا مە دڤێت شێوزاێن مەدنیانە بھێنە بکارئینان، کو چو ئالی و وەلاتێن دەرەکێ نەشێن، ل پشت داخوزایێن وانا مەرمێن خوە بجھبینن، ھەروەسا حوکمەت ژی باوەری ھەیە دڤێت رەوشا نوکە ھبێتە گوھۆڕین.
ل دۆر دەنگێن ئالیێن سیاسی ل ھەلبژارتنێن بھێت ل سنۆرێ پارێزگەھا سلێمانیێ، پەڤیدارێ جڤاتا سەرکرداتیا پارتی گۆت: چارێک دەنگێن ل سلێمانیێ دێ ل سەر لیستێن ئالیێن سیاسی ھێنە بەلاڤکرن، بەلێ ب بوچوونا مە دەنگێن پارتی دێ زێدەبن، پاشتەڤانی بۆ گۆتنا مە ژی دەنگێن 25 ئەیلولێ بووینە کو ب رێژا 50% وەلاتیێن سلێمانیێ دەنگ بۆ سیاسەتا ستراتیژیا پارتی دایە.
جبورى په‌يامه‌كا خوه‌ش دده‌ته خه‌لكێ كوردستانێ
ئه‌ڤرۆ نيوز: ره‌وان نهێلى:
سه‌ليم جبورى سه‌رۆكێ په‌رله‌مانێ عيراقێ ئاماژه ب وێ يه‌كێ كر كو وان نڤيساره‌ك ئاراسته‌ى دادگه‌ها فيدرالى كريه بۆ وێ يه‌كێ ئه‌و سزايێن ژ ئه‌گه‌رێ ريفراندومێ ئێخستينه سه‌ر كوردستانێ بهێنه راكرن و گۆت: سزايێن سه‌ر هه‌رێمێ دێ هێته راكرن.
ژبه‌ر ريفراندوما هه‌رێما كوردستانێ په‌رله‌مانێ عيراقێ چه‌ندين بريار دژى هه‌رێما كوردستانێ ده‌ركربوون، سه‌ليم جبورى ديار دكه‌ت كو قوناغا ريفراندومێ ده‌ربازبوو و نوكه هه‌موو بزاڤ يێن دهێنه دان كێشێن هه‌ولێر و به‌غدا بهێنه چاره‌كرن و گۆت: ل چه‌ند رۆژێن بهێن شانده‌كێ هه‌رێما كوردستانێ دێ سه‌را به‌غدا ده‌ت.
جبورى دياركر كو ئه‌و د به‌رهه‌ڤن دانپێدانێ بكه‌ن كو ريفراندوما هه‌رێما كوردستانێ چ كارتێكرنا خوه نه‌مايه و دڤێت ره‌وش بۆ به‌رى 25 ئه‌يلونا 2017 بزڤريت.
حوكمه‌تا هه‌رێمێ به‌رسڤا عه‌بادى دده‌ت
ئه‌ڤرۆ نيوز:
د راگه‌هاندنه‌كێ دا، ئه‌ڤرۆ سه‌فين دزه‌يى په‌يڤدارێ فه‌رمى يێ حوكمه‌تا هه‌رێما كوردستانێ به‌رسڤا دووماهى ئاخافتنێن حه‌يده‌ر عه‌بادى سه‌رۆك وه‌زيرێن عيراقێ دان سه‌باره‌ت داخويانيا وى ل دۆر رێژا به‌رهه‌م ئينانا نه‌فتا كوردستانێ و مووچه و چه‌ند پرسێن دى يێن گرێداى هه‌رێمێ ڤه.
په‌يڤدارێ فه‌رمى يێ حوكمه‌تا هه‌رێما كوردستانێ دايه دياركرن كو دده‌مه‌كێ دا ل سه‌ر ئاستێ ناڤخو و ده‌رڤه بزاڤ بۆ ده‌ستپێكرنا دانوستاندنان د ناڤبه‌را به‌غدا و هه‌ولێرێ هه‌نه، داخويانيێن عه‌بادى خزمه‌تا كه‌ش و ئاراستێن ئه‌رێنى ناكه‌ن و چه‌ند پێزانينێن نه‌راست سه‌باره‌ت هه‌رێما كوردستانێ به‌رچاڤ كرينه.
ل 16/10/2017 تا دووماهيا سالا 2017، هنارتنا نه‌فتێ ل هه‌رێمێ پێكهاتيه ژ 265 هزار و 970 به‌رميلان، و داهاتێ وێ نابيته دو ترليون دينار وه‌كو به‌رێز عه‌بادى ئيدعائێ بۆ دكه‌ت.
مووچێ هه‌يڤه‌كا فه‌رمانبه‌رێن هه‌رێمێ زێده‌تر ژ 850 مليار ديناران، ل گه‌ل پاشكه‌فتنێ ب نه‌چارى دبيته 600 مليار، به‌لێ به‌رێز عه‌بادى يێ دبێژيت ب تنێ 300 مليار تێرا مووچێ فه‌رمانبه‌رێن هه‌رێمێ دكه‌ن
رێیا دهۆك – مووسل هاتە ڤەکرن
ئەڤرۆ نیوز،باسم قاسم شنگالی
پشتی گرتنا رێێا سەرەکی يا دهۆکێ بەرب باژێرێ مووسلێ بۆ ده‌مێ پتر ژ چار هەیڤان، ئه‌ڤرۆ جاره‌كادى هاته ڤه‌كرن.
سالم حسێن چالاکڤانێ مەدەنی بۆ ئەڤرۆ نیوز گۆت، ئه‌ڤرۆ رێيا دهۆك – مووسل هاته ڤه‌كرن و هاتنوچوونا وه‌لاتیان دەستپێکر.
حسێنی زێده‌تر گۆت، بریار ئه‌وه رۆژانه رێ ل ده‌مژمێر شه‌شێ سپێدێ بهێته ڤه‌كرن ول ده‌مژمێر پێنجێ ئێڤارى بهێته گرتن.
به‌غدا مووچێ دو هه‌يڤان يێ ڤان فه‌رمانبه‌رێن هه‌رێمێ مه‌زاختن
ئه‌ڤرۆنيوز:
حوكمه‌تا عيراقێ مووچێن هه‌ردو هه‌يڤێن 11 و12 يێن فه‌رمانبه‌رێن به‌نداڤێن هه‌رێما كوردستانێ مه‌زاختن.
ئه‌كره‌م محه‌مه‌د، رێڤه‌به‌رێ گشتيێ به‌نداڤێن هه‌رێما كوردستانێ، ئه‌ڤرۆ چارشه‌مبى 3/1/2018 دداخۆيانيه‌كا رۆژنامه‌ڤانى دا راگه‌هاند” بريارا مه‌زاختنا مووچێن فه‌رمانبه‌رێن به‌نداڤێن هه‌رێما كوردستانێ ژلايێ به‌غدا ڤه هاته بجهئينان وفه‌رمانبه‌رێن به‌نداڤێن هه‌رێمێ مووچێن هه‌ردو هه‌يڤێن 11 و12 وه‌رگرتن”.
ب ڤه‌كرنا ده‌رگه‌هێن سنۆرى لڤینێن بازرگانى ل کوردستانێ ده‌ستپێكرینه‌ڤه
ئه‌ڤرۆنیۆز ،ره‌مه‌زان هه‌رنى :
پشتى رێفراندوما سه‌ربه‌خویا كوردستانێ كومارا ئیسلامیا ئیرانى ده‌رگه‌هێن سنورى یێن حاجى ئومه‌ران باشماخ و په‌روێزخان گرتن پشتى چه‌نده‌كێ ده‌رگه‌هێ سنوریێ باشماخ ڤه‌كرو پشتى بورینا دوهه‌یڤا ده‌رگه‌هێن حاجى ئومه‌ران و په‌روێز خان ژى ڤه‌كرن.
نه‌بى سورچى شوفێرێ بار هه‌لگره‌كا هێلا سنوریه و بۆ ئه‌ڤرۆنیۆز گوت , ژیانا من و چه‌ندین كه‌سا لسه‌ر هێلێن سنوریه تایبه‌ت حاجى ئومه‌ران و ده‌مێ دو هه‌یڤا بۆ ئه‌م بێ كارمابۆین و زیانه‌كا مه‌زن به‌ر ب ژیانا مه كه‌فت پشتى رێ هاتیه ڤه‌كرن مه ده‌ست ب كارێ خوه‌یێ ڤه‌گوهاستنێ كریه چه‌ند بۆ ئه‌م بێ كار مابۆین ترومبێلێن مه‌یێن بارهه‌لگر مابۆنه راوه‌ستایێ به‌لێ پشتى ده‌رگه‌هێن سنورى ب فه‌رمى هاتیه ڤه‌كرن دێ ده‌ست ب كارێ خوه‌یێ ڤه‌گوهاستنێ كه‌ینه‌ڤه لسه‌ر سنورا بۆ ناڤ باژێرو باژێركێن كوردستانێ.
ئه‌حمه‌د قادر قایمقامێ قه‌زا چومان بۆ ئه‌ڤرۆ نیۆز دیاركر , ئه‌و ده‌مێ ده‌رگه‌هێن سنورى ناڤبه‌را هه‌رێما كوردستانێ و كومارا ئیسلامیا ئیرانێ هاتیه گرتن هه‌مو جورێن بازرگانیێ هاتبۆنه راوه‌ستاندن زیانه‌كا مه‌زن ب به‌ر خه‌لكى كه‌فت تایبه‌ت ئه‌وێن كارێ ڤه‌گوهاستنێ دكه‌ن ناڤبه‌را هه‌ردو وه‌لاتان ئه‌وێن لسه‌ر سنورا كه‌ره‌سته‌یا ڤه‌دگوهێزین به‌لێ پشتى بۆرینا 77 روژا ب فه‌رمى هه‌مو ده‌رگه‌هێن گرتى ناڤبه‌را كوردستانێ وئیرانێ هاتیه ڤه‌كرن كارێ ڤه‌گوهاستنێ و بارزگانی كرنێ ب فه‌رمى ده‌ستپێكریه ل سه‌ر سنوران خه‌لكى ده‌ست ب كارێ خوه كریه‌ڤه روژ بۆ روژێ كارێ بازرگانى و هاتن و چونا گه‌شتیارا به‌فره‌ه تر دبیت.
بۆزانین : كومارا ئیسلامیا ئیرانێ سێ ده‌رگه‌هێن سنورى یێن فه‌رمى و شه‌ش ده‌رگه‌هێن نه‌فه‌رمى هه‌نه ل گه‌ل هه‌رێما كوردستانێ , حاجى ئومه‌ران ل رویێ كارگێرى ڤه سه‌ر ب قه‌زا چومانه و ب دوریا 192 كلم ل روژهه‌لاتا هه‌ولێرێ قه‌زا چومان چار ناحیه هه‌نه و روبه‌رێ وێ 140 كم چارگوشه‌یه , 10% ده‌شته , 60% شاخه , 30% گركه , ژمارا گوندێن وێ 19 گونده و سالا 1976 بۆیه قه‌زا.
ترامپ: دێ پشته‌ڤانيه‌كا مه‌زن ل خه‌لكێ ئيرانێ كه‌ين
ئه‌ڤرۆنيوز:
سه‌رۆكێ ئه‌مريكى دونالد ترامپ، ئه‌ڤرۆ چارشه‌مبى 3/1/2018 راگه‌هاند، دده‌مێ گونجاى دا دێ گه‌لێ ئيرانێ مه‌زنترين پشته‌ڤانيێ ژئه‌مريكا بينن.
ترامپى د به‌رپه‌رێ خوه ل سه‌ر تويته‌رى به‌لاڤكر” من رێز بۆ خه‌لكێ ئيرانێ يێ هه‌ى كو ئه‌و بزاڤێ دكه‌ن حوكمه‌تا گه‌نده‌ل نه‌هێلن”.
ترامپى گۆت ژى” دده‌مێ گونجاى دا، دێ خه‌لكێ ئيرانێ پشته‌ڤانيا مه‌زن ژ ئه‌مريكا بينن”.
بريارێن دادگه‌ها فيدرالى دژى هه‌رێما كوردستانێ دێ هێنه هه‌لوه‌شاندن
ئه‌ڤرۆنيوز:
سه‌رۆكێ جڤاتا نوونه‌رێن عيراقێ، نڤيساره‌كا فه‌رمى ئاراسته‌ى دادگه‌ها فيدرالى يا عيراقێ كريه بۆ هه‌لوه‌شاندنا وان بريارێن دژى هه‌رێما كوردستانێ ده‌ركرين.
پشتى 25ئه‌يلولا بۆرى كو دوێ رۆژێ دا هه‌رێما كوردستانێ ريفراندۆم بۆ سه‌ربخوه‌يا كوردستانێ ئه‌نجامداى، دادگه‌ها فيدرالى يا عيراقى چه‌ندين بريار دژى هه‌ريما كوردستانێ ده‌ركربوون.
سه‌ليم جبوورى، سه‌رۆكێ جڤاتا نوونه‌رين عيراقى، ئه‌ڤرۆ چارشه‌مبى 3/1/2018 دكۆنگره‌كێ رۆژنامه‌ڤانيدا راگه‌هاند” ب ديتنا دوى حاله‌تى دا كو ئه‌نجامێ ريفراندۆمێ هاته هه‌لاويستن، له‌وما ئه‌و بريارێن دادگه‌ها فيدرالى دژى هه‌رێما كوردستانێ ده‌ركرين، دێ هێنه هه‌لوه‌شاندن ودێ زگرين بۆ به‌رى 25 ئه‌يلولا 2017 ێ”.
جبوورى گۆت ژى”كێشێن هه‌لاويستى دناڤبه‌را به‌غدا وهه‌ريمێ ب رێيا لژنێن بسپۆر وته‌كنيكى دێ چاره‌سه‌ربن، هه‌ڤده‌م كێشه ب رێيا دانوستاندنێ دێ ب دووماهى هێن”.
سه‌رۆكێ جڤاتا نوونه‌رين عيراقێ ئاشكراكر ژى” بۆ ڤه‌كرنا ده‌رگه‌هێ دانوستاندنێ، شانده‌كێ په‌رله‌مانێ كوردستانێ دێ سه‌ره‌دانا به‌غدا كه‌ت”.
ئه‌ڤ شه‌ڤه شاندێ وه‌زاره‌تێن په‌روه‌ردێ وساخله‌ميێ دێ گه‌هيته به‌غدا
ئه‌ڤرۆنيوز:
برياره ئه‌ڤ شه‌ڤه شاندێ حوكمه‌تا هه‌رێمێ كو نوونه‌رێن هه‌ردو وه‌زاره‌تێن ساخله‌ميێ وپه‌روه‌ردێ بخوه‌ڤه دگريت، بگه‌هيته به‌غدا وسوباهى ل وه‌زاره‌تا پلاندانانا عيراقێ كومبوونا لژنا پێداچوونێ دمووچێن په‌روه‌ردێ وساخله‌ميێ دا ده‌ست پێ بكه‌ن.
ڤيان محه‌مه‌د رێڤه‌به‌را گشتى يا پلاندانانێ ل وه‌زاره‌تا ساخله‌ميا هه‌رێمێ گۆت”لستا ناڤێن فه‌رمانبه‌رێن هه‌ردو وه‌زاره‌تێن ساخله‌ميێ وپه‌روه‌ردێ دبه‌رهه‌ڤن وئه‌ڤ شه‌ڤه دێ به‌ر ب به‌غدا چين وسوباهى ل ده‌مژمێر 10 سپێدێ ئێكه‌م كۆمبوونا لژنا هووربينيێ دليستێن مووچه‌خۆرێن هه‌رێمێ ل وه‌زاره‌تا پلاندانانێ دێ هێته ئه‌نجامدان”.
ڤيانێ زێده‌تر بۆ نه‌وا گۆت”شاندێ هه‌رێما كوردستانێ تنێ هه‌ردو رێڤه‌به‌رێن گشتى يێن پلاندانانێ ل وه‌زاره‌تێن ساخله‌ميێ وپه‌روه‌ردێ بخوه‌ڤه دگريت”.
ئاشكرا كر ژى” ده‌ستهه‌لاتا تمام يا ب مه‌هاتيه دان كو رێ ب هه‌ر لژنه‌كا وه‌زارى يا حوكمه‌تا عيراقێ بده‌ين بۆ هووربينيێ وهه‌لسه‌نگاندنا هه‌موو رێڤه‌به‌رى ونه‌خوه‌شخانه وقوتابخانه وفه‌رمانگه‌هێن هه‌ردو وه‌زاره‌تێن ساخله‌ميێ وپه‌روه‌ردێ”.
نيشاندان
WP Facebook Auto Publish Powered By : XYZScripts.com