ئهڤرۆنيوز:
جڤاتا وهزيرێن ههرێما كوردستانێ پرۆژه قانوونهك بۆ چاكسازيێ دليستا مووچهخۆران دا وچاكسازى وپێداچوون ب مووچێن نهقانوونى وخانهنشينان پهسندكريه ودێ هێته هنارتن بۆ پهرلهمانێ كوردستانێ كو برياره پشتى بێهنڤهدانا سهرێ سالى بكهڤيته دبوارێ دانوستاندنێ دا ل پهرلهمانى.
ل دووڤ وى پرۆژه قانوونێ، خانهنشينيا پهرلهمانتار ووهزيران وهندهك ژ پلێن بلند دێ هێته سنورداركرن، ئهوژى ههر كهسهكێ ب پلهكا بلند بهێته خانهنشينكرن پێدڤيه خزمهتا 15 سالان ههبيت وژيێ وى ژ 53 ساليێ زێدهتر نهبيت.
ل دووڤ پێزانينێن ئهڤرۆنيوز، خانهنشينيا كهلهك ژكهسێن ب پلێن بلند هاتينه خانهشنينكرن دێ هێته ههلوهشاندن.
ئهڤرۆنيوز:
ئۆفيسا نورى مالكى جێگرێ سهرۆك كۆمارا عيراقێ رهتكر ههلويستێن ڤێ دووماهيێ بهرامبهر كوردان، وهكو ههڤپهيمانيهك بهێته هژمارتن.
هيشام رهكابى، رێڤهبهرێ ئۆفيسا نورى مالكى جێگرێ سهرۆك كۆمارا عيراقێ راگههاند” نابيت پهيوهنديكرن ل گهل ههڤپشكێن پرۆسا سياسى وهكو ههڤپهيمانيكرن بهێته هژمارتن”.
رۆهنكر ژى” قۆناغا داهاتى دێ يا تايبهت بيت ب ههڤپهيمانيێ ورێككهفتنێ ل گهل وان هيزێن باوهرى ب پرۆژێ مالكى ههى، ئهوژهى حوكمرانيه ل سهر بنهمايێ زۆرينهيا سياسى”.
رهكابى گۆت ژى” ههتا نوكه نهخشێ ههڤپهيمانيان نههاتيه ئاشكراكرن، ئارمانجا ديدارا تهلهڤزيۆنى يا ڤێ دووماهيێ يا مالكى ل گهل كهنالهكێ كوردى، گههاندنا وى پهيامى يه بۆ گهلێ كورد كو هێشتا مالكى گهلێ كورد دبينيت كو پشكهكه ژ گهلێ عيراقێ”.
دياركر” ل گهل مافێن كوردان، هندهك ئهرك ژى يێن ل سهر وان كو پێدڤيه پێ دپێگيربن، ههڤدهم پێدڤيه ژى حوكمهتا عيراقێ بهرسڤا داخوازيێن كوردان بدهت”.
ئهڤرۆنيوز:
ل پێناڤى پاراستنا مافێ فهرمانبهرێن گرێبهست، حوكمهتا ههرێمێ بريارهكێ دهردكهت ورێ نادهت گريبهستێن وان بهێنه ب دووماهى ئينان.
ل دووڤ نڤيسارهكا سهرۆكاتيا جڤاتا وهزيران كو ل 28/11/2017 دهرچووى، تێدا هاتيه دياركرن بۆ پاراستنا مافێن فهرمانبهرێن گرێبهست بريارهك هاتيه دهركرن.
ب گۆرهى وێ بريارێ، چو كهسهك ل جهێ فهرمانبهرێ گرێبهست ناهێته دانان وتێدا هاتيه” بۆ بهرژهوهنديا گشتى وپاراسنا مافێن وان فهرمانبهرين ب گرێبهست ل سهر ميلاكێ ههموو فهرمانگههين حوكمهتێ هاتينه دامهزراندن، رێ ناهێته دان گرێبهستێن وان ب دووماهى بهێن، ب مهرهما دامهزراندنا كهسێن دى ل جهێن وان”.
فهرمانبهرێن گرێبهست وهكو فهرمانبهرين بهردهوام ل تۆمارا بايۆمهترى يا مووچهى يێن هاتينه تۆماركرن ومافێن وان ژلايێ حوكمهتێ ڤه دپاراستى نه.
جڤاتا وهزيران رۆهن دكهت” بێ داخوازا فهرمانبهرێ گرێبهست، يان بێ هۆكارهكێ قانوونى وكارگێرى، نابيت كهس ل جهێ فهرمانبهرێن گرێبهست بهێته دانان، ئهوژى ل پێناڤى پاراستنا مافێن فهرمانبهرێن گرێبهست”.
حوكمهت داخوازێ ژ ههموو فهرمانگهه ودامودهزگههان دكهت وێ بريارێ وهكو خوه ب جهبينن، ئهو برياره ژى ژفهرمانبهر ومامۆستايان وههموو وان كهسان دگريت يێن گرێبهست بۆ هاتينه ئهنجامدان.
هۆشهنگ شێخ محهمهد سهرۆكێ فهرمانگهها كارگێرێ ودارايى ل سهرۆكاتيا جڤاتا وهزيران بۆ باس گۆت” ئهو برياره بۆ پاراستنا ماف وخزمهتا فهرمانبهرێن گرێبهسته” . ديار كر ژى” هژمارهكا مهزن يا فهرمانبهرێن گرێبهست چهندين ساله خزمهتێ دكهن، لهوما نابيت گرێبهستێن وان بهێنه ب دووماهى ئينان وخهلكهكێ دى ل جهێن وان بهێنه دانان ومه ئهو نڤيسار بۆ ههموو وهزارهت وفهرمانگههان يا هنارتى ب مهرهما بجهئينانا وێ وپاراستنا مافێ فهرمانبهرێن گرێبهست”.
ل دووڤ ئامارهكا وهزارهتا دارايى ل ههرێما كوردستانێ، زێدهتر ژ 22 هزار كارمهندێن گرێبهست يێن ههين كو پتريا وان يێن ل ههردو وهزارهتێن باژێرڤانيێ وساخلهميێ.
ئهڤرۆنيوز:
وهزارهتا شههيد وئهنفالكريان ل ههرێما كوردستانێ رادگههنيت، ههتا نوكه چو بريار نههاتينه دان ل دۆر پاشكهفتكرنا مووچێ كهسوكارێن شههيدان .
فوئاد عوسمان، پهيڤدارێ وهزارهتا كاروبارێن شههيد وئهنفالكريان ئهڤرۆ سێشهمبى 26/12/2017 گۆت” پشتى حوكمهتا ههرێما بريارهكا دى ل دۆر پاشكهفتكرنا مووچێ وهزارهتا پێشمهرگه وهێزێن ئهمنى دهركرى، وهزارهتا شههيد وئهنفالكريان دوڤچوونا مووچێ كهسوكارێن شههيدان كر وههتا نوكه چو بريار دهرنهكهفتينه كو مووچێ كهسوكارێن شههيدان بهێنه پاشكهفتكرن”.
ل دۆر وان كهسێن دئێك دهمدا مووچێ فهرمانبهريا خوه ومووچێ وارسێن شههيدى وهردرگن، ئايا دێ ئێك ژوان مووچان هێته برين، پهيڤدارێ وهزارهتا شههيد وئهنفالكريان بۆ دوارۆژ گۆت” ئهو بابهته پێدڤى ب قانوونهكێ يه كو دڤيت ل پهرلهمانى دهربچيت وئهو كهسێ شههيد بووى وهكو بهخشين مووچه ب كهسوكارێن وى دهێته دان وچو كێشهكا قانوونى تێدا نينه، لهوما هر بريارهك بۆ برينا مووچێ شههيدى بهێته دان، ههڤدژى قانوونێ يه وبێ وهفايى يه بهرامبهر خوينا شههيدان”.
سهبارهت وان كهسێن ب شێوهكێ نهشايسته مووچێ شههيدبوونێ بۆ هاتيه دروستكرن، گۆت” ل دهمێ بۆرى وهزارهتا شههيد وئهنفالكريان نڤيسارهك ئاراستهى دامودهزگههێن پهيوهنديدار كربوو كو ههر كهسهكێ ل وهزارهتا ناڤبرى ب نهشايسته مووچێ شههيد بۆ هاتيه دروستكرن، ب بهلگه ناڤێ وى بينن، بهلێ ههتا نوكه چو كهسهك نههاتيه بسهلمينيت فلان كهس شههيد نينه ومووچێ شههيدبوونێ بۆ هاتيه دروستكرن، ئهوا دهێته گوتن تنێ ئاخڤتنێن بێ بهلگهنه”.
ئەڤرۆنیوز، مەحمود نهێلی
بەرپرسێ لژنەیا موەلیدان ل قەزا ئامێدیێ بۆ ئەڤرۆ نیوز دیارکر، کو بهایێ کارەبا موەلیدان بۆ هەر ئەمپیرەکی ل سەرانسەرێ قەزائامێدیێ گوهۆرين کەفتە تێدا و ل پتريا جهان بووینە 13 هزار دینار.
ئەندازیار هەکار ئامێدی بەرپرسێ لژنا موەلیدان ل قەزا ئامێدیێ بۆ ئەڤرۆ نيوز گۆت” د کومبوونا لژنا موەلیدان ل دهۆکی بریار هاتە دان بۆ هەیڤا 12 یا ئەڤ سالە بۆ هەر ئەمپیرەکی کارەبا موەلیدان ل سەنتەرێ قەزا ئامێدیێ و کانی ماسێ 12 هزار و 750 دینارن ، ل دێرەلۆک و شێلادزێ و سەرسنکێ و بامەرنێ 13 هزار دینارن و ل چەمانکێ 12 هزار دینارن”.
ههكارى گۆت ژى” بەرنامێ کارکرنا موەلیدان ژی بو هەیڤا ئێک دێ هەر وەکو بەری نوکە بیت کو دێ ل دەمژمێر حەفتێ سپێدێ دەستپێکەت بۆ 11 سپێدێ و دویێ نیڤرۆ بۆ دویێ شەڤێ هەردەمەکێ کارەبا نیشتیمانی هاتە برین دێ موەلیدە د کاری دا بیت، ژبلی رۆژانێن ئەینی و رۆژانێن بهێن ڤەدانێن فەرمی کو كاركرنا موهليدان دێ ل دەمژمێر 10 سپێدێ دەستپێکەت بو دویێ شەڤێ”.
ئهڤرۆنيوز:
مالپهرهكێ توركى يێ نێزيك ژ حزبا داد وگهشهپێدان يا حوكمران ل توركيا بهلاڤكر كو سهرۆكێ سودانێ گزيرتهكا سودانى بۆ دهمهكێ دياركرى پێشكێشى توركيا كر.
مالپهرێ (يهنى شهفهق) يێ توركى ب زمانێ عهرهبى ئهڤرۆ سێشهمبى 26/12/2017 بهلاڤكر” پشتى سهرۆكێ توركى وسهرۆكێ سودانێ پێكڤه سهرهدانا گزيرتا (سواكن) يا سودانى كرى ل دهريا سور كو ئهو گزيرته ب سهر ويلايهتا بورسودان يا سودانى ڤهيه، دپهيڤهكێ دا ل گوربهندێ ئابووريێ بزنسمانێن توركى وسودانى، ئهردۆگانى گۆت” مه داخوازا گزيرتا سواكن بۆ دهمهكێ دياركرى ژ سودانێ كر تاكو دوباره ئاڤهدان بكهين وبزڤرينين بۆ رهسهناتيا وێ يا كهڤن وسهرۆكێ سودانێ عومهر بهشير گوته مه (بلا)”.
ئهردۆگانى ئاشكراكر ژى” پاشبهنديهكا ههى، بهلێ نوكه بهحسێ وێ ناكهم”.
ل دووڤ وى مالپهرێ توركى، گزيرته وبهندهرێ سواكن كهڤنترين بهندهرێ سودانى يه ودهێته بكارئينان بۆ ڤهگۆهاستنا رێڤينك وكهلوپهلان بۆ بهندهرێ جهده يێ سعودى ودهێته هژمارتن بهندهرێ دويێ يێ سودانێ پشتى بهندهرێ بورسودان كو 60 كيلۆمهتران دكهڤيته باكوورێ وى”.
دياركريه ژى” دهولهتا عوسمانى گزيرتا سواكن وهكو بنگهههك بۆ هێزا خوه يا دهريايى ل دهريا سور بكاردئينا وبارهگايێ واليێ عوسمانى يێ دهڤهرا باشوورێ دهريا سوور دناڤبهرا سالێن 1821 و1885 لێ بوو”.
ئهردۆگانى ئاشكراكر ژى” وهلاتيێن تورك ئهوێن دخوازن بچنه سعوديێ بۆ ئهداكرنا رێ ورهسمێن عومرێ، دێ هێنه سواكن وپاشى دێ چنه عومرێ ل سعوديێ دچارچۆڤێ گهتياريهكا بهرمهجهكرى دا”.
مالپهرێ يهنى شهفهق دياركر”سهرهدانا ئهردۆگانى بو سودانێ كو دو رۆژان ڤهكێشاى ئێكهم سهرهدانه سهرۆكهكێ توركى بۆ سودانێ دكهت ژ راگههاندنا سهربخوهيا وێ ل سالا 1956″.
ئهڤرۆنيوز:
كونسۆلخانا ئيرانێ ل ههولێرێ ئهڤرۆ سێشهمبى 26/12/2017 دبهياننامهكێ دا راگههاند، دهرگههێ سنوريێ پاشماخ ل گهل ههرێما كوردستانێ يێ ڤهكريه، ههر وهلاتيهكێ عيراقى ڤيزا ههبيت، دشێت ب رێيا دهرگههين پاشماخ وپهروێزخان يێن سنورى سهرهدانا ئيرانێ بكهن.
دهزگههين راگههاندنێ يێن ئيرانى بهلاڤكريه، ئهڤرۆ سيشهمبى كونسۆلخانا ئيرانێ ل ههولێرێ راگههانديه” دهرگههێ پاشماخ يێ سنورى ل مهريوان ل گهل ههرێما كوردستانێ هاته ڤهكرن وب مهرهما بازرگانيێ وهاتنوچوونا گهشتياران ووهلاتيان دشێن ل خالا پهروێزخان يا سنورى هاتنوچوونێ بكهن”.
دبهيانناما كونسۆلخانا ئيرانێ ل ههولێرێ هاتيه” ڤهكرنا وى دهرگههێ سنورى بۆ باڤرگانيێ وهاتنوچوونا گهشتياران دناڤبهرا ههردولا مفايێ خوه يێ ههى ودهرگههێ سنورى بۆ دهمێ 24 دهمژمێران دێ يێ ڤهكرى بيت بۆ ئالوگۆريا بازرگانى”.
كونسۆلخانا ئيرانى دياركر ژى” ئهو وهلاتيێن عيراقى يێن ڤيزا ئيرانى ههى، دشێن ل دهرگههێ پهروێزخان وپاشماخ سهرهدانا ئيرانێ بكهن”.
ئەڤرۆ نیۆز،تۆڤی:
سۆزا سەرۆكێ حوکمەتێ، بڕیارا وان دەربارەی ڤەكێشانا وان ژ حوکمەتێ گوهۆری و ئەڤە گوتنا ئەندامەکێ سەركردایەتیا ئێكگرتوویا ئیسلامیا كوردستانێ بوو،کو هەشت دەمژمێران دانوستاندن كریە بۆ مان یان ژی ڤەكێشانا وان د حوکمەتێ دا و پاشی بریار دا د حوکمەتێدا بمینن، هەروەسا سەرۆكێ فەرمانگەها هەماهەنگی و دووڤچوونێ ل جڤاتا وەزیران دبێژیت،دێ چاكسازی د لیستا مووچەخۆراندا هێنەکرن و ب ڤی ئەگەری دێ 100 ملیار دینار بۆ حكومەتێ زڤرن.
حاجی كاروان، ئەندامێ سەركردایەتیا ئێكگرتوو بەحسێ وێ نیەتا سەرۆكێ حوکمەتێ دکەت بۆ پاكسازیێ د لیستا مووچەخۆراندا و دبێژیت بەلێنا سەرۆكێ حوکمەتێ بۆ ئەنجامدانا چاكسازیێ د مەسەلا مووچەیدا، كاریگەری هەبوو ل سەر هندێ کو ئێكگرتوو خۆ ژ حوکمەتێ ڤەنەکێشیت.
حاجی كاروان دبێژیت ژی:ئێكگرتوو پڕۆژێ خۆ پێشكێشی حوکمەتێ كریە، کو دێ هەرێما كوردستانێ هەیڤانە 650 ملیۆن دۆلار داهات هەبیت. لەورا دناڤا حوکمەتێدا مرۆڤ وی شەری بكەت باشترە، ژ هندێ و مرۆڤ ژ دەرڤەی حوکمەتی بكەت.
نوری ئوسمان، سەرۆكێ فەرمانگەها هەماهەنگی و دووڤچوونێ ل جڤاتا وەزیران هندەك ئامارێن قەبە ل لیستا مووچەخۆراندا ئاشكرا دکەت،کو هەکە چاكسازی تێدا بهێنەکرن،دێ پارەکێ زۆر بۆ حوکمەتێ هێتە ڤەگەراندن.
نوری ئوسمانی گوت ژی: 68 هزار كەسان ل هەرێما كوردستانێ دو مووچە و سێ مووچە و چار مووچە هەنە، ئەڤە دێ هێنە سەرپشك کرن و دێ ئێك مووچەی هەلبژێرن، ناچێبیت وارس مووچێ زیندانیێن سیاسی، یان خانەنشینی وەربگریت و وی ژی مووچە هەبیت.
هەروەسا ئێك ژ وان مەلەفێن حوکمەتێ دڤێت دەستی بۆ ببەت. خانەنشینا پەرلەمانتارانە كو پشتی چار سالێن پەرلەمانتاریێ ب 80% مووچێن وان خانەنشین دبن و نێزیكی شەش ملیۆن دیناران وەردگرن، ل دووڤ پرۆژێ حوکمەتێ بیت، ئەو سەردەمە ب سەرڤەچوویە.
دیسا ژێدەرەکێ دیارکریە،کو:خانەنشینیا پەرلەمانتاران دێ هێته چارەسەر کرن، هەر پەرلەمانتارەکێ تەمەنێ وی ژ 50 سالان زێدەتر نەبیت و 15 سالان خزمەت نەبیت،ناهێتە خانەنشین کرن.
ئهڤرۆنيوز:
ئهڤرۆ بهرى نيڤرۆ، فرۆكێن توركى دهڤهرا بهروارى بالا توپبارانكر وترس خسته دناڤ خهلكێ وان گوندێن توپبارانكرن ل نێزيك وان هاتيه كرن.
سلێمان بهروارى، وهلاتيهكێ دهڤهرا بهروارى بالايه بۆ ئهڤرۆنيوز گۆت” بهرى نيڤرۆيا ئهڤرۆ سێشهمبى فرۆكێن توركى دهڤهرێن نێزيكى گوندێ شێلازا وگهليێ بازێ توپبارانكرن”.
سلێمانى گۆت” چو زيانێن مادى وگيانى ب وهلاتيێن دهڤهرێ نهكهفتن، بهلێ ترسهك كهفته دلێ خهلكێ وان گوندان”.
نيشاندان