ئەڤرۆ نیوز:
سەمیر هەورامی پەیڤدارێ جێگرێ سەرۆک وەزیرێن هەرێما کوردستانێ راگەهاند کو ئەڤرۆ پشتی نیڤرۆ شاندێ هەرێما کوردستانێ ب سەرۆکاتیا قوباد تالەبانی جێگرێ سەرۆک وەزیرێن هەرێما کوردستانێ دێ ل گەل وەزیرێن دارایی و پەترۆلی یێ عیراقێ کۆمبیت و هەروەسا کۆمپانیا سۆمۆ ژی دێ د کۆمبوونێ دا پشکدار بیت.
ناڤهاتی راگەهاند کو بابەتێ سەرەکی یێ کۆمبوونێ پرسێن دارایی و هەروەسا بابەتێ موچێ فەرمانبەرێن هەرێما کوردستانێ یە.
ئەڤرۆ نیوز،عەلی حاجی :
ل نێزیک ناحیا دەرکارێ ژ ئەگەرێ روودانەکا ترافیکی دناڤبەرا دو ترۆمبێلان دا کەسەکی گیانێ خوە ژ دەست دا و کەسەک ژی بریندار دبیت.
کومیسەر بەشیر یوسڤ ژ راگەهاندنا رێڤەبەریا هاتن و چوونا زاخۆ بۆ ئەڤرۆ نیوز گۆت : ل ناحیا دەرکارێ دەمژمێر ٧:٣٠ی شەڤ ژ ئەگەرێ روودانەکا ترافیکی دناڤبەرا ترۆمبێلەکا بی ئێم دەبلیو و ترۆمبێلەکا ژ جورێ ئوپەل دا شوفێرێ ترۆمبێلا بی ئێم دەبلیو گیانێ خوە ژ دەست دا و شوفێرێ ترۆمبێلا ئوپەل ژی بریندار دبیت،شوفێرێ گیانێ خوە ژ دەست دایی بۆ پزیشکیا داد ل زاخۆ هاتە رەوانە کرن .
ئەڤرۆ نیوز، عەلی حاجی:
ل دویف وان پێزانینێن باوەرپێکری ب دەست ئەڤرۆ نیوز کەفتین گوهورین دێ د پوستێ سەروکاتیا باژێرڤانیا زاخۆ دا هێتە کرن و ئەندازیارەک ژ خەلکێ زاخۆ دێ وی پوستی وەرگریت.
هەر ل دویف پێزانینان ل دویف بەرنامەیێ گهورینان کو هاتیە دارێشتن، ئەندازیار وەلات سەعدی دێ ل جهێ سەروکێ باژێرڤانیا زاخۆ بژار مونیبی دەست ب کار بیت وەکو سەروکێ باژێرڤانیێ و بریارە د دەمەکێ نێزیک دا ئەو گوهورین بکەڤنە بوارێ جێبەجێ کرنێ دا و سەرۆکێ نوو ژی دەست ب کاری بیت.
ئەڤرۆ نیوز:
ده‌سته‌یا سه‌ربه‌خۆ یا مافێ مرۆڤى ل هه‌رێما كوردستانێ راگه‌هاند، ئه‌و ل روانگه‌یا بنه‌مایێن مافێ مرۆڤى و به‌ندێن جاڕناما مافێن مرۆڤى و د كڤانێ قانوونا به‌ركارێن هه‌رێما كوردستانێ، خوه‌نیشادانان وه‌ك مافه‌كێ ئاسایی و قانوونى یێ وه‌لاتیان دبینیت، ژ پێخه‌مه‌ت دابینكرنا داخوازیان و ئامانجه‌كا دیاری كرى د كڤانی قانوونى و رێنمایان دا و دوور ژ تووندوتیژیێ.
ده‌سته‌یا سه‌ربه‌خۆ یا مافێ مرۆڤى ل هه‌رێما كوردستانێ ئاشكرا كر، ئه‌و ژ حكومه‌تا هه‌رێما كوردستانێ دخوازن بزاڤێن خوه چڕتر بكه‌ن بۆ رێكکه‌فتنێ ل گه‌ل حكومه‌تا ناڤه‌ندى ژ پێخه‌مه‌ت دابینكرنا مووچه‌ى و شایستێن دارایی یێن مووچه‌خۆران و په‌یداكرنا ده‌لیڤێن كارى و بنبڕكرنا گه‌نده‌لیێ و دابینكرنا ژیانه‌كا ژ هه‌ژى بۆ وه‌لاتیێن هه‌رێما كوردستانێ.
ده‌سته‌یا سه‌ربه‌خۆ یا مافێ مرۆڤى داخواز ژ هه‌موو لایه‌نێن سیاسی و ده‌زگه‌هێن راگه‌هاندنێ كر ب هه‌ستیاری و هه‌ستكرن ب به‌رپرسیاتیێ سه‌رده‌ریێ ل گه‌ل ره‌وشێ بكه‌ن و هه‌موو ئالى هه‌ڤكار بن ژ پێخه‌مه‌ت دیتنا چاره‌سه‌ریا ئاریشان و گه‌هشتن ب رێكکه‌فتنێ و رێكخستنا ناڤمالیا هه‌رێما كوردستانێ و پاراستنا ئاساییشا جڤاكى و دوور ژ گۆتارا تووندره‌ویێ.
ئەڤرۆ نیوز:
کۆمسیۆنا مافێن مرۆڤی یا ئیراقێ بەیاننامه‌ک ل دۆر خوه‌نیشادانێن سلێمانیێ بەلاڤ کریه و دیار كریه، هه‌شت کەسان د خوه‌نیشادانان دا گیانێ خوه ژ دەست دایە و داخواز کریه، هەموو لایەن ئارام بن.
هه‌روه‌سا گۆتیه: هه‌ر ژ رۆژا 3/12 هه‌تا 9/12/2020 هەشت خوه‌نیشادەران ل سنۆرێن پارێزگه‌ها سلێمانیێ گیانێ خوه ژ دەست دایە و 54 کەسێن دی ژى بریندار بووینە.
کۆمسیۆنا مافێن مرۆڤى گۆت ژى، تۆڕێن جڤاکی یێن فێیسبووكى، ئینستیگرامى، ڤایبەرى، و سنەپچات ل سلێمانیێ هاتینە راگرتن و داخواز ژ هێزێن ئێمناهیێ و خەلکێ سلێمانیێ کریه، ئارامیا وى باژێرى رابگرن.
ئەڤرۆ نیوز، عه‌زیز هه‌ورامى، حه‌له‌بجه:
عه‌زیز هه‌روامى، په‌یامنێرێ ئەڤرۆ نیوز ل سلێمانیێ و هه‌له‌بجه راگه‌هاند، ده‌سته‌كێن پارتییا كاركه‌رێن كوردستانێ په‌كه‌كێ و ئیتلاعاتا ئیرانێ ل ژێر ناڤێ خوه‌نیشادانان ل باژارێن سلێمانیێ و چه‌مچه‌مال و رانیه و گه‌رمیان ده‌ست ب تێكدانێ و ئالۆزیان كرییه.
په‌یامنێرێ ئەڤرۆ نیوز ئاشكرا كر، عه‌بدوللا مه‌لا نوورى، په‌رله‌مانتارێ به‌رێ یێ ته‌ڤگه‌را گۆڕان و یێ نها سه‌ر ب په‌كه‌كێ ڤه، ده‌ست ب خوه‌نیشادان و تێكدانا باژاران كرییه، هێزێن ئێمناهیێ ژى عه‌بدوللا مه‌لا نوورى ده‌سته‌سه‌ر كرییه.
دلشاد نامق، چاڤدرێ سیاسى ل سلێمانیێ بۆ ئەڤرۆ نیوز راگه‌هاند، ئه‌وا نها ل ژێر ناڤێ داخوازكرنا مافان و خوه‌نیشادانان دهێته كرن، تێكدان و ئالۆزكرنا ره‌وشێ یه ب ده‌ستێن ده‌ره‌كى، پێدڤییه وه‌لاتى ژى هشیار بن نه‌كه‌ڤنه ته‌لها نه‌حه‌زێن كوردستانێ.
دلشاد نامق ئاشكرا كر، ئه‌و كه‌سێن داخوازا مافێن خوه دكه‌ن، پێدڤییه رێ نه‌ده‌ن خه‌لكێ تێكده‌ر تێكه‌لى وان ببیت و زیانێ بگه‌هینن مال و مولكێ گشتى.
ژ ئالییه‌كێ دى ڤه به‌كر پێنجوینى، به‌رپرسێ لژنا ناوچا پارتییا دیمۆكراتا كوردستانێ ل پێنجوین بۆ ئەڤرۆ نیوز راگه‌هاند، په‌كه‌كێ هێرشه‌كا به‌رفره‌هـ ب هه‌موو جۆرێن چه‌كى كرییه سه‌ر باره‌گه‌هێ ناوچا وان و پێشمه‌رگه‌یه‌ك ب چه‌كێ نیشانگر شه‌هید كرییه و سێ ژى بریندار بووینه.
د خوه‌نیشاداننێن چه‌ندین رۆژێن بوورى دا ل پارێزگه‌ها سلێمانیێ، تا نها نه‌هـ كه‌سان ژیانا خوه ژ ده‌ست دایه و ب سه‌دان كه‌س ژى برینداربووینه، ب ده‌هان باره‌گه‌هێن حزبى و ئاڤاهیێن حكومه‌تێ ژى هاتینه سۆتن و تالان كرن.
به‌رپرسێن وه‌زاره‌تا به‌رگرییا ئه‌مریكا پێنتاگۆنێ راگه‌هاند، سوپایێ ئه‌مریكا كه‌فتییه ئاماده‌باشیێ و هێزێن خوه ل رۆژهه‌لاتا ناڤین زێده و بهێزتر كرینه، بۆ به‌رسینگگرتنا هه‌ر هێرشه‌كا چاڤه‌رێكرى یا ئیرانێ.
به‌رپرسێن پێنتاگۆنێ ئاشكرا كر، میلیشیایێن سه‌ر ب ئیرانێ ڤه ل ئیراقێ د چه‌ندین رۆژێن بوورى دا به‌رهه‌ڤییه‌كا مه‌زن كرییه و وێ یه‌كێ ترس ل نك ئه‌مریكیان دروست كرییه كو دبیت هێرشێ بكه‌نه سه‌ر هێزێن ئه‌مریكى و پێگه‌هێن دبلۆماسى یێن سه‌ر ب واشنتۆنێ ڤه.
میدیایێن ئه‌مریكا ژ زارێ به‌رپرسێن پێنتاگۆنێ ئاشكرا كرییه، ره‌وشا ده‌ڤه‌رێ جهێ دلگرانییا وانه، ل گۆره‌ى ئاگاهیێن ل به‌ر ده‌ستێ وان ژى، میلیشیایێن ئیرانێ به‌رهه‌ڤیێن هێرشان دكه‌ن، چه‌ك و پێدڤییێن سه‌ربازى د ده‌ستێ میلشیایێن سه‌ر ب ئیرانێ ڤه ل ئیراقێ هه‌نه و به‌رده‌وام مۆشه‌ك و ته‌قه‌مه‌نییان عمبار دكه‌ن.
هه‌ر چه‌نده چ ئاماژه بۆ بریارا ده‌ستپێكرنا هێرشێ ل سه‌ر ئیرانێ نینن، لێ ل گۆره‌ى گۆتنا به‌رپرسێن پێنتاگۆنێ، ئه‌وان به‌رهه‌ڤیێن خوه ته‌مامكرینه.
نيشاندان