ئه‌ڤرۆ نيوز:

چاڤدێرەکا سیاسی ل ھەرێما کوردستانێ دبێژیت، پێدڤیە کورد ب مەرجێ جێبەجێکرنا 55 خالێن دستوری پشکداری حوکمەتا نوویا عیراقی بن، کو حوکمەتا عیراقێ ل دەمێ بۆری بنپێ کرینە، ھەکە کورد ب ھێزەکا ئێکگرتی بەرەڤ بەغدا نەچن و داخوازا مافێن خوە نەکن جارەک دی دێ سیناریویا حوکمەتێن بۆری دوبارە بیتەڤە و کورد نەشێن مافێن کوردان بجھبینن، بەریا چونا کوردان بۆ بەغدا باشترین دەلیڤەیە پشتی رێفراندومێ ب ھێزەکا ئێکگرتی بەرەڤ بەغدا داخوازا مافێن کوردا بکەن، ھەتا نوکە پڕانیا مافێن دستوری یێن کو د بەرژەوەندیا کوردان دابۆینە نەھاتینە جێبەجێکرن و حوکمەتا عیراقێ ژی ئەڤە ب دەلیڤە دیتیە کو مافێن گەلێ کورد نەدەت ژ بەر کو کوردان کاریگەری نەبوویە ل دەڤەری ژبەر پارچە پارچە بۆنێ دناڤ خوەدا،گرنگە کورد بێ لایەن و ب تەوافقا سیاسی حوکمەتا نوو پێکبینیت و ب مەرجەکێ لایەنێ حوکمەتێ پێک دئینیت دانپێدانێ ب ھەموو مافێن کوردان بکەت.

ئاواز محەمەد چاڤدێرا سیاسی ل کوردستانێ بۆ ئەڤرۆ گوت ، دڤێت حوکمەتا عیراقێ بەریا دەمێ قانونی دووماھیک بھێت بھێتە پێکئینان ،مەزنترین دەلیڤە کو کورد ل بەغدا خوتستێن خوە ب ئێکرێزی و ئێکگرتنێ ھەمبەری بەغدا پەیدا بکەن، ھەکە کوردان ھەڤپەیمانی ل بەغدا دروستکر و ئێک دەنگ بن مەزنترین دەسکەفتە، دێ شێن گڤاشتنا ل سەر حوکمەتێ دروست کەن، بۆ ب دەستڤەئینانا مافێن کوردان، ئاریشا کوردان ل گەل عیراقێ ئاریشا مافێن دستوریە ھەتا نوکە دستور ھاتیە بنپێکرن و مافێن دستۆری یێن کوردان نەھاتینە بجھئینان، نوکە مەترسیا دروستبوونا حوکمەتا کار برێکەر ل عیراقێ ھەیە ژ سەدەمێ رێکنەکەفتنا لایەنێن سەرکەفتی ل ھەلبژارتنان حوکمەتا نوویا عیراقێ چۆ گورانکاریا دروست ناکەت. ل دەڤەرێ ،د ھەلبژاردنێن کو ھاتیە ئەنجامدان کورد ب ھێزەکا مەزن ڤە ھاتیە دیارکرن دێ کاریگەری ھەبیت لسەر پێگەھێ پێکئینانا حوکمەتێ دەستێوەردانا ئیرانێ عیراق بەرەڤ ئاقارەکێ خراب ئیرانێ دڤێت عیراق ب ڤی رەنگی بمینیت و مافێن کوردا نەھێنە جێبەجێکرن.

ناڤبریێ ھەروەسا گوت: ھەردەما حوکمەتا کار برێکەر ل عیراقێ ل ھاتە دانان و حکومەت نەھێتە پێکئینان دێ عیراق کەڤیتە د ڤالاتیەکا قانوونی دا کو ئەڤە مەزنترین مەترسیە لسەر رەوشا ئێمناھی و سیاسیا عیراقێ.

ئه‌ڤرۆ نيوز:

جێگرێ سەرۆکێ فڕاکسیۆنا پارتی دیموکراتی کوردستان ل پەرلەمانێ عیراقێ مەرجێ پارتی بۆ پشکداریکرن د پێکئینانا حوکمەتا نوویا عیراقێ دا ئاشکراکر، شاندێ پارتی ب لایەنێن عیراقێ راگەھاندیە مەرجێ سەرەکیێ پارتی ئاسایکرنا رەوشا کەرکووکێ و دەڤەرێن داگیرکریە.

شاخەوان عەبدولا، جێگرێ سەرۆکێ فڕاکسیۆنا پارتی دیموکراتی کوردستان ل پەرلەمانێ عیراقێ بۆ رۆژناما ئەڤرۆ ئاشکراکر، ددەمێ سەرەدانا شاندێ بلندێ پارتی دیموکراتی کوردستان بۆ بەغدا و وەرگرتنا بۆچوونا لایەنێن سیاسیێن عیراقێ لدۆر پێکئینانا حوکمەتا نوو یا عیراقێ شاندێ پارتی و نێچیرڤان بارزانی ب ئاشکرایی گوتیە ئالیێن عیراقی مەرجێ سەرەکیێ پارتی بۆ پشکداریکرن د پڕۆسا پێکئینانا نوویا عیراقێ دا ئاسایی کرنا رەوشا کەرکووکێ و دەڤەرێن کوردستانی یە یێن ھاتینە داگیرکرن و پێدڤیە ئەف داگیرکرنە ب دووماھی بھێت و رەوش وەکی بەرێ بھێتە ئاسایی کرن، ب تنێ ئەم رازینابین ب ڤەگەڕاندنا بارەگایێن پارتی بۆ کەرکووکێ، بەلکو دڤێت ئەو پڕۆسا داگیرکاری ب دووماھی بھێت و ھێزێن حەشدا شەعبی ژ کەرکووک و دەوروبەرێ مووسل و شنگالێ بھێنە ڤەکێشان، رەوشا دەڤەرێن داگیرکری ڤەگەڕیت وەک سالا 2014ێ ھێزێن پێشمەرگە و عیراقی پێکڤە رەوشا وان دەڤەران ب پارێزن، بۆڤێ مەرەمێ بەریتانیا و ئەمریکا بەری ئەنجامدانا پڕۆسا ھەلبژارتنێن پەرلەمانێ عیراقێ دگەلمە کۆمبووینە و دانوستاندن ل دۆر تەناکرنا رەوشا کەرکووکێ ھاتینەکرن و ھەردو وەلاتێن بەریتانیا و ئەمریکا سۆزداینە دێ بزاڤان کەن رەوشا کەرکووکێ و دەڤەرێن کوردستانی یێن ھاتینە داگیرکرن بھێنە ئاسایی کرن.

شاخەوان عەبدولای گۆتژی: بزاڤەک ھەیە بۆ چێکرنا سەنتەرەکێ ھەماھەنگیێ یێ ھەڤپشک، نوکە ب چو شێوەیەکی رەوشا وان دەڤەران ناھێتە تەناکرن و کۆنتڕۆلکرن، بگرە دێ رەوش زۆر ئالۆزتربیت، لەوڕا پێدڤیە عیراق بڕیارا ئاسایی کرنا رەوشا کەرکووکێ ھەموو دەڤەرێن ھاتینە داگیرکرن بدەت، چونکو بھێن فرەھیا خەلکێ ڤان دەڤەران ژی درێژتر نابیت و دێ کارڤەدانێن دژوار ھەبن، ھندەک ژ لایەنێن عیراقی ھەلویستەکێ باش ھەبویە بۆ ئاسایی کرنا رەوشێ و ھندەکێن دیژی بەرۆڤاژی ھەلویستەکێ توند ھەبویە، بەلێ پتریا لایەنێن عیراقی بەرھەڤیا خوە نیشادایە پێشمەرگە بھێتە ڤەگەڕاندن بۆ کەرکووکێ، ھەتا پێکڤە بادەکا ئەمنی برێڤەببەن، بۆ نموونە بۆچوونا رێکخراوا بەدر ئەو بوو نابیت ئالایێ تۆرکومانی ل کەرکووکێ بھێتە بلندکرن و ئالایێ کوردستانێ نەبیت.

ئەڤرۆ نیوز ، زنار تۆڤی:

ئەو جڤاتا دادوه‌ران یاکو ب كارێن كۆمسیۆنێ رادبن راگه‌هاندیە: کو ب تنێ ئه‌و سندۆقێن ده‌نگدانێ دێ ب ده‌ست هێنه‌ هژمارتن یێن کو سكالایێن فه‌رمی ل سه‌ر هاتینه دان.
د به‌یاننامه‌یه‌كێ جڤاتا دادوه‌ران ئاشكرا كر: ڤاڤارتنا ده‌نگان دێ ب به‌رهه‌ڤبوونا نوونه‌رێن نه‌ته‌وه‌یێن ئێكگرتی برێڤه‌چیت ل جهـ و ده‌مه‌كێ ده‌ستنیشانكری و پاشان دێ هێته‌ ده‌ستنیشانكرن.
د وێ به‌یاننامێ دا هاتیه‌ ژی: سندۆقێن ده‌نگدانێ یێن وان ده‌ڤه‌ران دێ ب ده‌ست هێنه‌ ڤاڤارتن، ئه‌وێن سكالایێن فه‌رمی ل سه‌ر هاتینه‌ تۆماركرن.

ئه‌ڤرۆ نيوز، فاتما مزوورى:

جه‌بار لعێبی، وه‌زیرێ نه‌فتا عێراقێ راگه‌هاند، سزایێن ئه‌مه‌ریكایێ باندۆر ل سه‌ر رێكه‌فتنا ڤه‌گوهارتنا نه‌فتا خاڤ د ناڤبه‌را عێراق و ئیرانێ دروست ناكه‌ت.

لعێبی د جڤینا رێكخراوا ئۆپیك ئاماژه‌ ب وێ كر، ئه‌و نه‌فتا خام یا تا نها ژبۆ ئیرانێ دهێته‌ شاندن، كرێ یا وێ كاره‌بێ پێ تێت داین كو ئه‌و وڵات بۆ عێراقێ دابین دكه‌ت.

گوت ژی ل سه‌ر بنه‌ما‌یێ گوهرتنێ ده‌ست ب شاندنه‌كه‌‌ كێم كریه‌ ژبۆ پالاوگه‌هێن ئیرانێ، ته‌كه‌زی ژی كر كو سزایێن ئه‌مه‌ریكایێ بۆ سه‌ر ئیرانێ باندۆر ل سه‌ر رێكه‌فتنا ناڤبه‌را به‌غدا و تارانێ نابه‌.

ئه‌ڤرۆ نيوز، فاتما مزوورى:

جڤاتا نیشتیمانی یا ئاسایشا عیراقێ ب سه‌رۆكا‌تیا حه‌یده‌ر عه‌بادی سه‌رۆك وه‌زیران و فه‌رماندێ گشتیێ هێزێن چه‌كدارێن عیراقێ كۆمبوون و هنده‌ك بڕیار ل دۆر ده‌ستێوه‌ردانێن توركیا د كاروبارێن عیراقێ دا راگه‌هاندن.

نڤیسنگه‌ها راگه‌هاندنا سه‌رۆك وه‌زیرێن عیراقێ د به‌یاننامه‌یه‌كێ دا ئه‌ڤرۆ ئێكشه‌مبی به‌لاڤكریه‌ و تێدا هاتیه‌: سه‌رۆكێ جڤاتا وه‌زیران و فه‌رماندێ گشتێ هێزێن چه‌كدار ل عیراقێ، سه‌رۆكاتیا كۆمبونا جڤاتا وه‌زیران و ئاسایشا نیشتیمانی كریه‌ و تێدا دانوستاندن ل دۆر بن پێ كرنێن توركیا ژبۆ سه‌ر ئه‌سمان و ئاخا عیراقێ كریه‌.

هه‌روه‌سا گۆتژی: د وێ روونشتنێ دا‌ ب هووربینی ئه‌و مژارێن ژ لايێ بزاڤ و وه‌زاره‌تا به‌ره‌ڤانى و زێره‌ڤانێن سنور و به‌ره‌ڤانيا ئه‌سمانی و وه‌زاره‌تا ده‌رڤه‌ هاتیه‌ به‌حس كرن و هنده‌ك بڕیار دانه‌ ژبۆ سه‌روه‌ریا عیراقێ و ره‌تكرن و قه‌بۆل نه‌كرنا وان ده‌ست درێژیێن دكه‌نه‌ سه‌ر ئاخا عیراقێ.

جڤاتێ هنده‌ك رێيێن چاره‌سه‌ريێ دیار كرن ژبۆ روو ب رووبونا عیراقێ و پێكئانینا لژنه‌‌كێ ژ سه‌رۆكایه‌تیا ئه‌ركانێن سۆپا و ئۆپه‌راسیۆنێن هه‌ڤپشك و ئاسایش و هه‌واڵگری و وه‌زاره‌تا به‌ره‌ڤانى و هێزێن سنور و ناڤخوه‌ و شيره‌تكارێن ئاسایشا نیشتیمانی دا كو راپۆرت و رێنمایێن خوه‌ ب زوو پێشكیش بكه‌ن.