ئەڤرۆنیوز،سالار دۆسکی:
ئەندازیار ئوسمان یونس ھاریکارێ پارێزگەرێ دھۆک بۆ ئەڤرۆ نیۆز گۆت: پارێزگەھا دھۆک زەنگترە ژ ھەرسێ پارێزگەھێن دی و یەدەکەکێ باش ھەیە، دیسا ھەشت پانزینخانە ھاتبوونە سزادان و داخستن ژ بەر نە پێگریکرنێ.

ھاریکارێ پارێزگەرێ دھۆک ئاشکراکر کو ئەو ل گەل خودانێن پانزیخانان کومبوینە کو پانزین گران نەبیت و گۆت: ( لیترا پانزینێ ژ ٦٢٥ و ٧٢٥ دینارایە و خودانێن پانزیخانا دیارکر بوو کو بلندبوون و نزمبوونا بھایێ پانزینێ د دەستێ کومپانیێ دایە و نە دەستێ ئەوان دایە و ژ بەر ڤێ یەکێ ئەڤرۆ دێ کومبوونەک ل گەل خودانێ کومپانیا ئینانا پانزینێ ھێتەکرن.

ھاریکارێ پارێزگەرێ دھۆک ئەو ژی دیارکر کو دەرگەھێ ڤەکریە بۆ ھەر بازرگانەکێ بشێت پانزینێ بو دهۆک بینیت و دێ ھەموو ئاسانکاری بۆ ھێنەکرن ژئالیێ گومرکێ ڤە و ھەر پێدڤیەکا گرێدایی کارگێریا پارێزگەھێ بیت، ب مەرجەکی کوالێتیا پانزینێ ھەمان کوالێتیا پانزینا نوکە بیت .

ئەندیار ئوسمان ھاریکارێ پارێزگەری ئەو ژی ئاشکراکر کو گران بوونا بھایێ دولاری و پەترۆلێ دکەنە ئاستەنگ ھەمبەر گران بوونا بھایێ پانزینێ ل بازاری دا و ئەڤ بابەتە ب گشتی دێ ھێتە گەنگەشەکرن ب وێ مەرەمێ بگەھینە ئەنجامەکی کو خزمەھا خەلکێ پارێزگەھێ دا بیت.

ناڤبری ئەو ژی گۆت: گازوایا ژی گران بوویە و رەنگە ئەڤ گران بوونا گازوایلێ بیتە ئەگەرێ کو کارەبا مولیدان گەلەک گران بیت، دیسا رەنگە حوکمەتا ھەرێما کوردستانێ ھندەک کارەبا گشتی بدەتە مووسل و دەردورێن وێ و ئەڤە دێ بیتە ئەگەر گازوایل کێم بیت و ئەگەر کێم بوو دێ گران بیت و ئەگەر گران بوو دێ بھایێ کارەبا مولیدە گران بیت.

ھاریکارێ پارێزگەرێ دھۆک ئەو ژی دیارکر کو ھەکە ھات و چ بازرگان نەبوون پانزینێ بینە بازاری مە ھندەک رێکێن دی دێ ھەبن بو ئینانا پانزینێ گۆت و ژی: ( دێ ژ پارێزگەھێن ھەولێر و سلێمانیێ بو دهوک  ئینین، ھەکە بازرگان بوومە پانزینێ بینت ژ دەرڤەی کوردستانێ دھینت و ئەڤێ جوداھی ھەیە، پشست راستین ژ قەیرانێن پانزینێ دوست نابن چونکە مە یەدەکێ باش ھەیە و تێرا چل رۆژێن دی ژی و باشتر ژ ھەرسێ پارێزگەھێن ھەولێر و سلێمانیی و ھەلەبچە باشترین.

ھاریکارێ پارێزگەری ئەو ژی دیارکر کو کومبوون ل گەل فەرمانگەھێن میری پارێزگەھێ ئەنجامداینە و ھەر کەسەکێ بھایێ پانزینێ گران بکەت دێ ھێتەسزادان، ئەڤرۆ دێ بریارا دووماھیێ ل سەر بھاییێن پانزینێ ھێتەدان. ھاریکارێ پارێزگەریً دھۆک ئەو ژی دیارکر کو پانزینا دھۆکێ گەلەک باشترە ژ پانزینا پارێزگەھێن دی و مە دەرگەە نە ڤەکریە چەندین جورێن پانزینێ بھێن وەک پارێزگەھێن دی، وەک محسن و سوپەر و عادی و نورمال، مە ل دووڤ پیەرێن زانستی کریە دو جورێن پانزینێ، ھەیڤا بوری ھەشت پانزیخانە ل دھۆک ھاتبوونە سزادان و داخستن ژ بەر گران بوون و نەباشیا کوالێتیی.

ئەڤرۆ نیوز، سالار دۆسکی:

جێگرێ سەرۆکێ ئێکەتیا مامۆستایێن کوردستانێ ئاشکراکر پێشنیارا ئەنجوومەنێ وەزیران ل سەر دانا ٧٠% ژ مووچێ جاران بۆ مووچە خواران ئەم وەک ئێکەتیا مامۆستایێن کوردستانێ گەلەک ب باشی دبینین و دێ ژیانا مامۆستان باشتربیت وئەم ھرە دەم داکوکیێ ل سەر وێ چەندێ دکەین کو ژیانا مامۆستان باشتر لێ بھێت.
عەبدالواحد حاجی زێدەتر بۆ ئەڤرۆ نیۆز گۆت: بەرپرساتیەکا مەزن ل سەر ملێن مامۆستانە و دڤێت گەلەک بەرپرسینە سەردەریێ ل گەل بکەت.
ھەمبەر پارێن ھاندانێ ژی ناڤبری گۆت: ل گەل حوکمەتێ رێکەفتینە کو ئەف پارە بھێنەدان ژ ھەیڤا یازدە ھەتا دووماھیا سالا خواندنێ و دڤی ماوەی ٣ ھەیڤ ھاتینە دابەشکرن و دبزاڤێ داینە کو ھەیڤا سێ ژی بھێتە دابەشکرن و ەک ئێکەتیا مامۆستاێن کوردستانێ بتنێ چارەسەری ئەوە پاشکەفت نەمینت ورێژا مووچەی بلند بیت.

ئەڤرۆ نیوز ، نەوزاد ھلۆری:
دەمەک بەریا نھا شەر و پێکدادان دناڤبەرا ھێزێن پێشمەرگەی و چەکدارێن داعش ل سنوورێ داقوق درۆست بو ، پشتی روو ب رووبوونەکا زۆر ھێرشا داعش ژلایێ ھێزێن پێشمەرگەی ڤە ھاتە شکاندن.
ژێدەرەکێ ژ فەوجا ھێزێن پێشمەرگێن کاکەیی بو ئەڤرۆ نیوز گۆت: ( ئەڤرو بو جارا دوویێ دماوەیێ سێ رۆژێن بوری دا چەکدارێن داعش ھێرشەک بو سەر سەنگەرێن پێشمەرگەی ل داقوق ئینا بەلێ ب توندی ژلایێ ھێزێن پێشمەرگەی ھاتە شکاندن)
زێدەتر گۆت: ( سوپاس بو خودێ پێشمەرگەی چوو زیان نەبوون ، بەلێ داعشێ زیان ھەنە و چەند چەکدارەکێن وان ھاتینە کوشتن و ھندەک ژی ب برینداری ژلایێ داعش ڤە ھاتینە رزگارکرن ، و نھا رەوش ئارامە و شەر ب دوماھی ھات)
روژا ھەینی یا بوری ژی چەکدارێن داعش ھێرشەک بو سەرنگەرێن پێشمەرگەی ل داقوق ئینا بەلێ ژلایێ پێشمەرگەی ھاتبویە شکاندن ، ھژمارەکا داعشان ھاتبونە کوشتن و سێ پێشمەرگە ژی ھاتبونە شەھیدکرن.

ئەڤرۆ نیوز ، نەوزاد هلۆری:
دەردورێن دەمژمێر 10 یا ئەڤ شەڤە سنێلەیەکێ ژ ئەگەرا روودانەکا هاتن و چۆنێ ل سنوورێ قەزا ئاکرێ یا سەر پارێزگەها دهۆک گیانێ خوە ژ دەست دا.
دڤی واریدا رائید کاروان زیوەر بەرپرسێ هاتن و چۆنا ئاکرێ بو ئەڤرۆ نیوز گۆت: (دەردورێن دەمژمێر 10 یا ئەڤ شەڤە سنێلەیەکێ کو دژیێ 14 سایێ دایە ل کولانا روناهی ل سەنتەرێ قەزا ئاکرێ ژ ئەگەرا روودانەکا ترافیکێ گیانێ خوە ژ دەست دا)
زێدەتر گۆت: (ئەوی سنێلەی لسەر جاددێ هاتن و چون دکر و ژ نیشکەکێڤە دکەڤیتە د بن ترومبێلەکا بارهەلگر ژ جورێ کەیا دوو تەن و دەملدەست گیانێ خوە ژ دەست دا)

ئەڤرۆ نیوز ، نەوزاد هلۆری:
دەمەک بەریا نها بەرپرسەکێ پارتی ل سنوورێ قەزا سۆران کو پلەیا کارکێر لق هەیە وەغەرکر.
دڤی واریدا عەبدولرەحمان گوانی ل پشکا رێکخستن یا سەر ب لقێ 10ێ پارتی دیموکراتی کوردستنان بۆ ئەڤرو نیوز گۆت: (دەمەک بەریا نها ئازاد عەبدوللا هاودیانی کارگێرێ لقێ 10ێ پارتی ل سوران ل نەخۆشخانا تەنگاڤیا سۆران وەغەرکر)
زێدەتر گۆت: (ناڤبری نەخۆشیا شەکرێ هەبوو و سپێدێ سەرەدانا ئێک ژ نەخوشخانێن هەولێر کربوو و پاشان هاتبویە مال ، بەلێ نها جارەک دن رەوشا وی تێکچوڤە ، پشتی کو هندەک چارەسەری وەرگرتی ب مخابنیڤە گیانێ خوە ژ دەست دا)
دهێتە زانین کو ناڤبری ئێکبویە ژ خەمخورێن رێبازا پارتی و بارزانی و رولەکێ بەرچاڤ هەبوویە دناڤ رێزێن پارتی و رێکخستنێن وێ دا ، ئەڤە زێدەباری کو پێشمەرگەیەکێ دێرینە و د چەندین شەر و داستانان دا پشکداری کریە.