ئەڤرۆ نیوز ، نەوزاد ھلۆری:
ب مەرەما زێدەتر خزمەتکرنا قوتابیان و بلندکرنا ئاستێ زانستیێ قوتابیان دوو پشکێن نوو ل کولیژا تەکنیکی یا ئاکرێ ھاتنە ڤەکرن.
دڤی واریدا ھونەر سەلیم بەرپرسێ راگەھاندنا کولیژا تەکنیکی یا ئاکرێ بۆ ئەڤرۆ نیوز گۆت: (ل گورەی فەرمانەکا وەزارەتا خواندنا بلند و ڤەکولینێن زانستی یا حکومەتا ھەرێما کوردستانێ ھژمار 1050 یا رێکەفتی 13 تەباخا 2017 و زانکویا پولیتەکنیکی یا دھۆک ھژمار 2296 یا رێکەفتی 20تەباخا 2017، و ب مەرەما زێدەتر خزمەتکرنا خەلکێ دەڤەرێ و قوتابیان و بلندکرنا ئاستێ زانستیێ قوتابیان ، دوو پشکێن نوو ل کولیژا تەکنیکی یا ئاکرێ ھاتنە ڤەکرن کو ئەو ژی ھەردوو پشکێن زانستیێن ژمێریاری و کارگێری کار ل شەفتێ سپێدەیان)
زێدەتر گۆت: ( ھەر قوتابیەکێ حەز لسەر خواندتا ئەوان ھەردوو پشکان ھەبیت دشێن بو خواندنا سالا 2017-2018 پەیوەندیێ ب کولیژا تەکنیکی یا ئاکرێ بکەن ، قوتابی ب شێوەیێ راستەوخۆ دھێنە وەرگرتن قوتابی دکارن ھەر سوبەھی وێڤە سەرەدانا کولیژێ بکەن بو وەرگرتنا فورمان)

ئەڤرۆ نیوز ، نەوزاد ھلۆری:
شەڤا بوری و سپێدەیا ئەڤرۆ سێ بیڤەلەرزێن دی دەڤەرێن ھەرێما کوردستانێ ھژاندن.
رێڤەبەریا گشتی یا کەشناسی و بیڤەلەرزان یا سەر ب ھەرێما کوردستانێ دیارکر کو شەڤا بوری و سپێدەیا ئەڤرۆ بیڤەلەرزان سێ دەڤەرێن دی یێن ھەرێما کوردستانێ ھژاندن ، بەلێ چوو زیان نەبوون.
ل گورەی راگەھاندنا رێڤەبەریا ناڤبری ئەو ھەر سێ بیڤەلەرزە دەڤەرێن قەلادزێ و کویە و دوزخورماتو ب خوڤە گرتن و تەمامکەرا بیڤەلەرزێن روژانێن بوریێن دەڤەرێن دی یێن کوردستانێ بوون ، بەلێ ژ بەرکو ھێزا وان کێمبوویە خەلکی گەلەک ھەست پێ نەکریە.

ئەڤرۆ نیوز، لەزگین جوقی:
نڤیسێنگەھا رزگارکرنا رەڤاندیێن کوردێن ئێزدی ل دھۆکێ دیارکر کو شڤێدی سێ کچ و ژنێن رەڤاندیێن کوردێن ئێزدی ژ دەستێن تیرۆرستێن داعش ل تەلەعفەر ھاتنە رزگارکرن و گەھشتنە ناڤ کەس و کارێن خوە ل پارێزگەھا دھۆک.
حوسێن کورۆ قائێدی رێڤەبەرێ نڤیسێنگەھا رزگارکرنا رەڤاندیێن کوردێن ئێزدی ل دھۆکێ بو ئەڤرۆ نیوز گۆت: (ئەڤرۆ کچەکا ١٩ سالی و و ژنەکا ٤٠ سالی کو ژ گۆندێ کوجۆ بوون ، ل گەل کچەکا دی دژیێ ١٤ سالیێ دا کو خەلکا گوندێ تل عزیربوو ل سەنتەری قەزا تەلەعفەر ھاتنە رزگارکرن ژ دەستێن تیرۆرستێن داعش و گەھشتنە پارێزگەھا دھۆک)
زێدەتر گۆت: ( ئەڤ ھەرسێ کچ و ژنە درەنگی یا شەڤا بۆری نڤسینگەھا رزگارکرنا رەڤاندیێن ئێزدی ب ھەڤکاریا کەسانێن خێرخوازان شیان ژ دەستێن تیرۆرستێن داعش رزگاربکەت و ب کەس و کارێن وان شاد بکەن ل دھوکێ)

ئەڤرۆ نیوز ، نەوزاد ھلۆری:
شڤێدی و سپێدەیا ئەڤرۆ ھێزێن پێشمەرگێن کوردستانێ ل دەردورێن قەزا تەلەعفەر ھژمارەکا چەکدارێن داعش گرتن و کوشتن کو دڤیا ب رێیا ناحیا عیازە خوە بگەھینن سوریا.
دڤی واریدا نەقیب بێدار زێباری ژ ھێزا پێشمەرگێن پاراستنا ژینگەھێ یا سەر ب لیوا ١٢ یا وەزارەتا پێشمەرگەی بۆ ئەڤرۆ نیوز گۆت: ( ھژمارەکا چەکدارێن داعش درەنگی یا شەڤا بووری و سپێدە زویا ئەڤر دڤیا ب رێیا سەنگەرێن پێشمەرگەی ل دناڤبەرا ئەو جھێ کو ھێزێن پێشمەرگەی تێدا ئاکنجی و قەزا تەلەعفەر ل سنوورێ ناحیا عیازە خوە بگەھینن سوریا ، بەلێ ھێزێن پێشمەرگەی شیان خوە بگەھینن وان و ھەمووان بگرن و بکوژن)
زێدەتر گۆت: ( لیوا ١٢ یا ھێزێن پێشمەرگێن کوردستانێ ١٣ داعش گرتن و ھێزا پاراستنا ژینگەھا دھوکێ ژی ١٠ گرتن ، و دیسان شەش ژی ھاتنە کوشتن و داعشەکێ ژی خوە تەقاند ، و سوپاس بو خودێ پێشمەرگەی چوو زیان نەبوون)

ئەڤرۆ نیوز ، نەوزاد ھلۆری:
گوندەکێ ناحیا دێرەلوک یا سەر ب دەڤەرا ئامێدیێ ھاتە بێ بەھرکرن ژ ئاڤا پرۆژێ ستراتیجیێ ئاڤا ئامێدیێ ، و ئەڤە د دەمەکێ دایە کو بوریا سەرەکی یا پرۆژێ ستراتجیا ئاڤا ئامێدیێ دنیڤا گوندی دا دبوریت.
دیندار باوانی وەلاتیەکێ گوندێ باوان یا سەر ب ناحیا دێرەلوکێ یە بۆ ئەڤرۆ نیوز گۆت: ( گوندێ مە ئێکە ژ وان گوندێن کو پشتی ئازادیا عیراقێ ھاتیە ئاڤاکرن ، بەلێ چەندین خزمەتگوزاریێن دەستپێکی نینن ، ھەر بو نموونە جاددا سەرەکی یا گوندێ مە نەھاتیە چێکرن و دیسان گوند ژ پرۆژێ ستراتیجییا ئاڤا ئامێدیێ ھاتیە بێ بەھرکرن ئەڤە سەرەرای کو بوریا سەرەکی یا پرۆژەی دنیڤا گوندێ مەدا دبوریت و دچیتە ناحیا شێلادزێ)
زێدەتر گۆت: (چەندین جاران مە جھێن شولەژێ ئاگەھدارکرینە لسەر نەبوونا ئاڤێ و راکێشانا بوریەکا ئاڤێ ل پرۆژێ ستراتجیێ ئامێدیێ ، بەلێ ھەتا نھا چوو دیار نینە و دخوازین کو ب زوترین دەم چارەسەریا ئاڤا گوندێ مە ژی وەکو ھەموو گوندێن دی یێن دەڤەرێ بھێتەکرن)

ئەڤرۆ نیوز ، نەوزاد هلۆری:

ب هەلکەفتا جەژا قوربانا پیروز حکومەتا هەرێما کوردستانێ شەش روژ وەکو بێهڤەدان راگەهاندن.

سەفین دزەی ئاخفتنکەرێ حکومەتا هەرێما کوردستانێ دراگەهاندنەکێ دا کو دانەیەک بو ئەڤرو نیوز هنارتیە و گۆت : ( ب هەلکەفتا جەژنا قوربانا پیروز حکومەتا هەرێما کوردستانێ زێدەباری پیروزباهیکرنا جەژنێ ژ کەس و کارێن شەهید و پێشمەرگێن قەرەمان و موسلمان و خەلکێ کوردستانێ و ب ڤێ هەلکەفتێ ژی رادگەهینین کو ل روژا 31-8-2017  هەتا روژا 5-9-2017 ل سەرجەم دام و دەزگەهێن حکومەتێ بێهنڤەدانە و روژا دوڤدا دێ دەوام دەست پێ کەت ڤە)