وه‌زاره‌تا ده‌رڤه‌ يا عيراقێ : ناڤێ هه‌رێما كوردستانێ نه‌ئينن

07/11/2017 17:33

1758

ئه‌ڤرۆنيۆز:

وه‌زاره‌تا ده‌رڤه‌ يا عيراقێ هه‌موو رێڤه‌به‌رى وفه‌رمانگه‌ وپشكێن وه‌زاره‌تێ وهنارتى وكۆنسولگه‌ريێن خوه‌ ل ده‌رڤه‌ ئاگه‌هدار دكه‌ت كو ناڤێ هه‌رێما كوردستانێ نه‌ئينن.

وه‌زاره‌تا ده‌رڤه‌ يا عيراقێ ب رێيا فه‌رمانگه‌ها كارگێرى يا وه‌زاره‌تێ دنڤيسارا خوه‌ يا هژمار 68/16060 ل 5/11/2017 داخوازێ ژ هه‌موو رێڤه‌به‌رى و پشكێن ب سه‌ر وه‌زاره‌تێ ڤه‌ و هنارتيێن سياسى و كونسۆلگه‌ريێن عيراقێ ل ده‌رڤه دكه‌ت ده‌مێ داخوازا مۆله‌تا بێهنڤه‌دانێ دكه‌ن كو ل هه‌رێما كوردستانێ ببۆرينن، پێدڤيه‌ دداخوازا خوه‌دا نه‌بێژن ( دێ بێهنڤه‌دانا خوه‌ ل هه‌رێما كوردستانێ بۆرينم) ‌ به‌لكو بهێته‌ نڤيسين (دێ ل عيراقێ بۆرينم).

هه‌ر د وێ نڤيسارا وه‌زاره‌تا ده‌رڤه‌ يا عيراقێ دا، ناڤێ هه‌رێما كوردستانێ وه‌كو قه‌واره‌ نائينيت به‌لكو وه‌كو پارێزگه‌ه دئينيت وتێدا دبێژيت (فه‌رمانبه‌ر دشێت بێهنڤه‌دانا خوه‌ ل هه‌ر پارێزگه‌هه‌كێ ژ پارێزگه‌هێن عيراقێ ببۆرينيت).

شاندێ كوردستانێ ل به‌غدا دێ دانوستاندنێ ل سه‌ر سێ باده‌كان كه‌ت

07/11/2017 17:20

576

ئه‌ڤرۆنيۆز:

رۆژناما (العرب) يا له‌نده‌نى، دراپۆرته‌كا خوه‌دا كو ئه‌ڤرۆ به‌لاڤبووى دياركر كو ل هه‌فتيا بهێت دێ دانوستاندنێن به‌غدا و هه‌ولێرێ ده‌ستپێكه‌ن .

رۆژناما ناڤبرى دهژمارا 10805 يا ئه‌ڤرۆ سێ شه‌مبى ژزارده‌ڤێ ژێده‌رێن سياسى يێن بلند كو ئاماژه‌ ب ناڤێن وان نه‌داى، دبێژيت، ل هه‌فتيا بهێت دێ دانوستاندنێن به‌غدا وهه‌ولێرێ ل دۆر پلانا به‌لاڤكرنا هێزێن له‌شكرێ عيراقێ ل ده‌ڤه‌رێن ناكۆكى ل سه‌ر، وبارڤه‌كرنا داهاتيێن په‌ترۆلێ ومووچێن فه‌رمانبه‌رێن حوكمه‌تا كوردستانێ ده‌ستپێكه‌ن.

ل دووڤ وێ رۆژنامێ، هه‌ولێر دخوازيت ده‌ست ب دانوستاندنان ل گه‌ل به‌غدا بكه‌ت به‌رى هنارتنا پرۆژێ بۆدجا عيراقێ بۆ جڤاتا نوونه‌ران ب مه‌ره‌ما ئه‌نجامدانا راستڤه‌كرنان ل سه‌ر وى پرۆژه‌ى ل جڤاتا وه‌زيرێن عيراقێ.

پارتى: چه‌ند كه‌سه‌ك بوونه‌ ئه‌گه‌ر كو هێرش ل سه‌ر كوردستانێ بهێته‌ كرن

07/11/2017 17:12

372

ئه‌ڤرۆ نيوز:

جڤاتا سه‌ركردايه‌تيا پارتى ديموكراتى كوردستان پشتى كومبوونا ئه‌ڤرۆ راگه‌هاندنه‌ك به‌لاڤ كر و سه‌باره‌ت ره‌وشا كه‌ركووك و ده‌ڤه‌رێن كوردستانى يێن ئيدارا هه‌رێما كوردستانێ، راگه‌هاند: چه‌ند كه‌سه‌ك ل ناڤ حزبه‌كا كوردستانى ب پشته‌ڤانيا چه‌ند لايه‌نێن ده‌ره‌كى بوونه‌ ئه‌گه‌ر كو هێرش بۆ سه‌ر كوردستانێ بهێته‌ كرن و ب ده‌هان هزار كه‌س ئاواره‌ ببن.

جڤاتا سه‌ركردايه‌تيا پارتى ديموكراتى كوردستان پشته‌ڤانيا خوه‌ بۆ حوكمه‌تا هه‌رێما كوردستانێ ده‌ربرى وه‌كو لايه‌نه‌كێ شه‌رعى كو ده‌ست ب دانوستاندنان ل گه‌ل به‌غدا بكه‌ت، هه‌ڤده‌م پشته‌ڤانيا په‌رله‌مان و حوكمه‌تێ ژى كر بۆ چاره‌كرنا كێشێن ئابوورى و سياسه‌تا ناڤخو يا كوردستانێ.

ده‌قێ راگه‌هاندنێ

په‌يڤدارێ پارتى:دێ مووچه‌كێ دى هێته‌ دان و پێدڤيه‌ چاره‌ك بۆ پاشه‌رۆژا خه‌لكى بهێته‌ ديتن

07/11/2017 16:30

1990

ئه‌ڤرۆنيۆز:

په‌يڤدارێ فه‌رميێ پارتى ديموكراتى كوردستان، ئه‌ڤرۆ سێشه‌مبى، راگه‌هاند ره‌وشا نوكه‌ يا هه‌رێما كوردستانێ پێدڤى ب پێكئينانا حوكمه‌ته‌كا دى يان حوكمه‌ته‌كا ده‌مكى ناكه‌ت، به‌لكو پێدڤيه‌ پشته‌ڤانى ل حوكمه‌تا هه‌رێما كوردستانێ بهێته‌ كرن.

پشتى ب دووماهى هاتنا كۆمبوونا ئه‌ڤرۆ يا جڤاتا سه‌ركردايه‌تيا پارتى ديموكراتى كوردستان، مه‌حموود محه‌مه‌د په‌يڤدارێ فه‌رميێ پارتى گۆت( نابيت ئه‌و پلانا حوكمه‌تا عيراقێ بجه دئينيت، پلانا پشتى ريفراندۆمێ بيت، چونكى ئێكسه‌ر هه‌موو شيانێن له‌شكرى ل عيراقێ ل به‌رامبه‌ر راده‌ربرينا خه‌لكێ كوردستانێ (ريفراندۆمێ) بكارهات. ئه‌و چه‌نده‌ ديار دكه‌ت ژى كو به‌رهه‌ڤى وپلانرێژى هاتبوو كرن).

ل دۆر هه‌لويستێ بزاڤا گۆران وبابه‌تێ پێكئينانا حوكمه‌ته‌كا دى ل هه‌رێما كوردستانێ، په‌يڤدارێ پارتى گۆت( سه‌رۆك وه‌زيرێن هه‌رێما كوردستانێ سه‌باره‌ت ڤێ چه‌ندێ ب رۆهنى به‌حسكر، ب بۆچوونا مه‌ ره‌وشا هه‌رێما كوردستانێ ناخوازيت ده‌ستكارى د حوكمه‌تێ دا بهێته‌ كرن، به‌لكو پێدڤيه‌ پشته‌ڤانى لێ بهێته‌ كرن).

ناڤبرى داخواز ژ گه‌لێ كوردستانێ كر به‌رامبه‌ر وێ پيلانا ل دژى دهێته‌ بجهئينان، يێ خوراگر بيت و گۆت( دكۆمبوونا سه‌ركردايه‌تيا پارتى دا به‌حسێ مووچه‌ى هاته‌ كرن و دڤى ماوه‌ى دا دێ مووچه‌كێ دى هێته‌ دان، دووپاتى هاته‌ كرن ژى كو پێدڤيه‌ چاره‌ك بۆ پاشه‌رۆژا خه‌لكى بهێته‌ ديتن).

حوكمه‌تێ ل دۆر مۆله‌تا فه‌رمانبه‌ران برياره‌ك ده‌ركر

07/11/2017 15:38

3601

ئه‌ڤرۆنيۆز:

جڤاتا وه‌زيرێن هه‌رێما كوردستانێ ل دۆر دانا مۆله‌تا خواندنێ ب فه‌رمانبه‌ران دێ گوهۆرينان كه‌ت ورێنما بۆ وه‌زاره‌تێن هه‌ريمێ داينه‌ كو رێ ب دانا مۆله‌تا خواندنێ ب فه‌رمانبه‌رێن خوه‌ بده‌ن.

جڤاتا وه‌زيران د سێ نڤيسارێن خوه‌دا يێن ئاراسته‌ى هه‌ر ئێك ژ وه‌زاره‌تێن دارايى و ئابوورى، په‌روه‌رده‌ و خواندنا بلند كرين ئه‌وژى نڤيسارا هژمار 4268 ل 7/10/2017 ونڤيسارا هژمار 4377 ل 9/10/2017 ونڤيسارا هژمار 4768 ل 5/11/2017 تێدا دياركريه‌ كو گوهۆرين درێنمايێن دانا مۆله‌تا خواندنێ هاتيه‌ كرن وهه‌ر ژ نوكه‌ و پێدا دشێن مۆله‌تا خواندنێ ب فه‌رمانبه‌رێن خوه‌ بده‌ن ب مه‌رجه‌كێ دو سالێن خزمه‌تێ يێن فعلى هه‌بن.

ئاگر به‌ربوو پشكه‌كا فرۆكخانا به‌غدا يا نێڤده‌وله‌تى

07/11/2017 15:13

204

ئه‌ڤرۆنيۆز:

ژێده‌ره‌كى ژ به‌ره‌ڤانيا باژێرى ل به‌غدا راگه‌هاند، نيڤرۆيا ئه‌ڤرۆ ئاگر به‌ربوو پشكا قانوونى يا فرۆكخانا به‌غدا يا نێڤده‌وله‌تى.

وى ژێده‌رى بۆ ده‌زگه‌هێن راگه‌هاندنێ گۆت، هه‌تا نوكه‌ ئه‌گه‌رێن وێ ئاگربه‌ربوونێ وزيانێن وێ دديار نينن.

سه‌عد مه‌عه‌ن په‌يڤدارێ وه‌زاره‌تا ناڤخوه‌يا عيراقێ راگه‌هاند، وه‌زاره‌تێ په‌رێن ڤه‌كۆلينێ ل دۆر وێ روودانێ ڤه‌كرينه‌ كو ل قاتێ دويێ يێ ئاڤاهيێ فرۆكخانێ هاتيه‌ روودان.

كارگێريا فرۆكخانا به‌غدا يا نێڤده‌وله‌تى د به‌ياننامه‌كێ دا دياركر كو ئه‌گه‌رێ شۆرته‌كێ كاره‌بێ ئاگر به‌ربوويه‌ عومباره‌كا هۆلا بابل ل فرۆكخانێ وتيمێن ئاگر ڤه‌مراندنێ زوو كونترۆل ل سه‌ر كر وچو زيانێن گيانى نه‌بوون وكار ل فرۆكخانێ و خشتێن گه‌شتێن فرۆكان يێ به‌رده‌وامه‌.

موقتەدا سەدر بۆ میلیشیا (سرایا السلام): ژ كەركووكێ دەركەڤن

07/11/2017 14:27

187

ئەڤرۆنیۆز:

سەرۆكێ رەوتێ سەدری موقتەدا سەدر سێ رۆژ دەلیڤە دانە میلیشیا (سرایا السلام) كو بالێ لەشكریێ رەوتێ وی یە وئێك ژ ميليشيێن حه‌شدا شه‌عبى يه‌، كو ژ پارێزگەهێ كەركووكێ دەركەڤن و فەرمانا داخستنا هەموو بارەگایێن وێ میلیشیێ ژی ل كەركووكێ دەركر، ديسا فه‌رمانه‌كا ڤه‌بر دا كه‌سێن نێزيكى خوه‌ كارێ بازرگانى ودارايى ب ناڤێ بنه‌مالا سه‌درى نه‌كه‌ن ب تايبه‌تى دكه‌رتێ حكومى دا.

ئێکەتیا زانایێن ئایینێ ئیسلامێ ل کوردستانێ پەیامەک ئاراستەی سیستانی کریە

07/11/2017 13:52

307

ئەڤرۆ نیۆز،زنار تۆڤی:

ئێکەتیا زانایێن ئیسلامی ل کوردستانێ پەیامەکێ بۆ مەرجەعیەتا شیعەیا ل عێراقێ دهنێرن و تێدا داخوازا راوەستاندنا شەری دکەن.

مەلا عەبدولا وەیسی، سەرۆکێ ئێکەتیا زانایێن ئایینێ ئیسلامی ل کوردستانێ راگەهاند،هەکە عێراق شەی ل دژی کوردستانێ رانەگریت، ئەڤە ”د بەرژەوەندییا ئەواندا نینە“.

مەلا عەبدولا وەیسی هەروەسا راگەهاند، وەک ئێکەتیا زانایان د پەیامەکێدا،داخواز ژ ئایەتولا عەلی سیستانی، مەرجەعێ بلند یێ شیعەیان ل عێراقێ کریە،کو فشارێ بێخیتە سەر حوکمەتا عێراقێ بۆ راگرتنا شەری ل دژی کوردستانێ، بەلێ هەتا نوکە ب شێوەیەکێ کریاری بەرسڤا مە نەدا یە“.

سەرۆکێ ئێکەتیا زانایێن ئایینێ ئیسلامی ل کوردستانێ دبێژیت، هەلگیرساندنا شەری ل دژی کوردستانێ ”ل بەرژەوەندییا تاقمەکێ سیاسی یێ عێراقی دایە،لەورا پێدڤیە مەرجەعێ شیعەیان ڤی شەری راگریت.

ل دهۆكێ مفا ژ هێزا روژێ دهێته‌ وه‌رگرتن

07/11/2017 13:16

250

ئه‌ڤرۆ نيوز:

رێكخراوا UNDP ب هه‌ڤكارى دگه‌ل سه‌روكاتيا باژێرڤانيا دهوكێ پروژێ مفا وه‌رگرتن ژهێژا روژێ دناڤ باغچێ دلشاد محمد سعيدا ئاماده‌ دكه‌ت

ئه‌ڤرو سپێدێ رێكه‌فتى 7/11/2017 و ب ئاماده‌بونا اسماعيل محمد جێگرێ پارێزگه‌رێ دهوكێ بو كاروبارێن مروڤايه‌تى وعمر على تاها رێڤه‌به‌رێ گشتى يێ په‌روه‌ردێ واحسان يحيى سه‌روكێ باژيرڤانيا دهوك ونوينه‌را رێكخراوا UNDP پروژێ مفا وه‌رگرتن ژ هێژا روژێ دناڤ باغچێ دلشاد محمد سعيد هاته‌ ڤه‌كرن .
هزرا ڤى پروژه‌ى مفا وه‌رگرتنه‌ ژ هێزا روژێ بو كاركرنا چه‌ند ياريێن زاروكان هه‌روه‌سا دانا پێزانينايه‌ بو زاروكان لسه‌ر هێژا روژێ وچه‌وانيا مفا وه‌رگرتنێ ژڤێ هێزێ .
ئاماده‌بويان گه‌ريانه‌ك دناڤ پروژه‌ى دا كر وده‌ست خوشى ل رێكخراوا ناڤبرى كر وداخواز هاته‌ كرن ئه‌ڤ جوره‌ پروژه‌ به‌رفره‌هبن .

ده‌رگه‌هێ‌ پێشكێشكرنا ده‌ره‌كی بۆ 12 ئاماده‌یی هاته‌ ڤه‌كرن

07/11/2017 13:13

512

ئه‌ڤرۆ نيوز:

به‌رپرسێ‌ پشكا ئه‌زموونان ل رێڤه‌به‌ریا په‌روه‌رده‌یا دهۆك رۆژئاڤا دیار كر كو ل رۆژا 5 هه‌يڤا 11 ده‌رگه‌هێ‌ پێشكێشكرنا ئه‌زموونێن ده‌ره‌كی یێن پۆلا 12 ئاماده‌یی بۆ سالا خواندنێ‌ 2017-2018 هاته‌ ڤه‌كرن و هه‌تا 30/11/2017 قوتابی دێ‌ شێن پێشكێش بكه‌ن.

سه‌باره‌ت كه‌سێن مافێ‌ پێشكێشكرنێ‌ هه‌ی، خالد ئه‌حمه‌د خالد به‌رپرسێ‌ پشكا ئه‌زموونان ل رێڤه‌به‌ریا په‌روه‌رده‌یا دهۆك رۆژئاڤا دیار كر كو قوتابیێ‌ كه‌فتیێ‌ دو سالان ل پۆلا 12 ئاماده‌یی و ژ دایكبوویێن 1992 بۆ كۆرٍا و 1991 بۆ كچان و به‌رف خوارێ‌ و قوتابیێن پۆلا نه‌هێ‌ بنه‌ره‌ت ئه‌وێن ب سیسته‌مێ‌ كه‌ڤن ئه‌زموونێن گشتی ل سالا خواندنێ‌ 2007-2008 ده‌رچووین و پشكداری د ئه‌زموونێن پۆلا 12 دا كربن و دڤێت ناڤێ‌ پێشكێشكه‌ری د بۆردی دا هه‌بیت و دانه‌كێ‌ ژ بۆردی ژ په‌روه‌ردا گشتی بینیت و گۆت:(ب تنێ‌ قوتابیێن پۆلا 12 ئاماده‌یی یێن ل سالا خواندنێ‌ 2016-2017 كه‌فتین دێ‌ ئێكسه‌ر ئه‌زموونێن ویزاری ئه‌نجام ده‌ن و یێن دی هه‌موو دێ‌ ئه‌زموونێن پێشه‌كی ئه‌نجام ده‌ن).
خالد ئه‌حمه‌د دیسا دیار كر كو قوتابیێ‌ سێ‌ سالان یان زێده‌تر ل پشكا زانستی ده‌رنه‌چووبیت بۆ وی هه‌یه‌ لقێ‌ خواندنێ‌ بۆ وێژه‌یی بگوهۆڕیت و به‌روڤاژی و گۆت:(قوتابیێن دێ‌ ل پۆلا 10 ئاماده‌یی بیت دێ‌ 10% نمرێن پۆلا 10 ئاماده‌یی و 10% یێن پۆلا 11 بۆ هێنه‌ هژمارتن و یێن 12 ئاماده‌یی 80% و یێن دی هه‌موو دێ‌ ل سه‌ر 100% بیت).
ناڤهاتی خویا كر كو پێدڤیه‌ هه‌ر قوتابیه‌كێ‌ پێشكێش دكه‌ت، 8 وێنه‌یێن ره‌نگاوره‌نگ ل گه‌ل كۆپیه‌كا ناسناما بارێ‌ شارستانی یا ره‌نگاوره‌نگ ل گه‌ل خوه‌ بینیت و گۆت:( ئه‌م ب تنێ‌ قوتابیێن پارێزگه‌ها دهۆكێ‌ وه‌ردگرین و هه‌ر قوتابیه‌ك دێ‌ پێشكێشی په‌روه‌ردا سنۆرێ‌ ئاكنجیبوونا خوه‌ كه‌ت و د ئازادن ب زمانێ‌ كوردی بادینی یان ژی ب زمانێ‌ عه‌ره‌بی و سریانی پێشكێشی ده‌ره‌كی بكه‌ن).
به‌رپرسێ‌ پشكا ئه‌زموونان ل په‌روه‌ردا رۆژئاڤا گۆت ژی:(قوتابیێن ئه‌زموونێن پێشه‌كی “تمهیدی” ئه‌نجام دده‌ن، دڤێت زانیاریێن فۆرما خوه‌ ب رێیا مالپه‌ری www.perwerdagduhok.netتۆمار بكه‌ن دا بشێن پشكداریێ‌ د ئه‌زموونێن پێشه‌كی دا بكه‌ن).
بۆ زانین بابه‌تێ‌ عه‌ره‌بیێ‌ یێ‌ نوی یه‌ و زمانێ‌ كوردی دیالێكتا سۆرانی نه‌ما و به‌خشین ب زمانێ‌ كوردی نینه‌.

نيشاندان 1...1,000 2,000 1,6151,6161,617 2,610...2,804 زێده‌تر

لاپه‌ر 1,616 ژ 2,804