ئهڤرۆ نيوز:
بهرهڤانيا باژێرى ل دهوك بهلاڤكريه كو ئەڤرو ۲۰۱٦/٤/۱۸ لدەمژمێر حەفتى مەغرەب تیمێن نقومڤان يێن بەرەڤانیا باژێرێ زاخو هاتنە ئاگەهدار کرن کو دوو هاولاتی کو هەردوک ( کور و بابن ) بناڤێ لوءى محسن محمد ژدایک بویێ ١٩٩٠ و عبدالله لوءى محسن د ژیێ ٧ سالى ل پرا بەری ل قەزا زاخو خهندقينه و تیمێن وان بەردەوامن ژ لێگەرینێ بهلێ هێشتا نە هاتینە دیتن.
ئهڤرۆ نيوز:
وهزيرێ بهرهڤانيا ئهمريكا راگههاند بۆ شهرێ دژى داعش، ئيدارا ئهمريكا دايه 415 مليون دولاران بدهته هێزێن پێشمهرگهى.
ئهڤرۆ ئاشتون كارتهر وهزيرێ بهرهڤانيا ئهمريكا ب سهردانهكا نهراگههاندى گههشته بهغدا ، پشتى سهرهدانا خوه بۆ بهغدا، اشتون كارتهر وهزيرێ بهرهڤانيا ئهمريكا راگههاند بۆ شهرێ دژى داعش، ئيدارا ئهمريكا دايه 415 مليون دولاران بدهته هێزێن پێشمهرگهى.
ئاشتون كارتهر وهزيرێ بهرهڤانيا ئهمريكا ئاماژه ب وێ يهكێ كر ژى كو ئهمريكا دێ 200 سهرباز و راوێژكاران بۆ شهرێ دژى داعش هنێريته عيراقىێ.
ئهڤرۆ نیۆز، قائید میرۆ
حوكمهتا ههرێما كوردستانێ رێژهیهكا زۆرا باجێ ئێخسته سهر ئینانا ترۆمبێلا ژ دهرڤه و بڕیاره سبه رێنمایێن دوماهیێ بهێنه بهلافكرن.
ژێدهرهكی ژ حوكمهتا ههرێما كوردستانێ بو ئهڤرۆ نیۆز راگههاند” حوكمهتا ههرێمێ بڕیاردایه باجێ دانیته سهر ترۆمبێلێن ژ دهرڤه دهێنه ههرێما كوردستانێ و بڕیاره رێژهیا باجێ بشێوهیهكی بیت كاریگهری لسهر گرانبوونا بهایێ ترۆمبێلا ههبیت.
ژێدهری نهڤیا ناڤێ وی بهێته بهلافكرن و گۆت” نوكه حوكمهت مژۆلی دیاركرنا باجێ یه و دێ سهبه رۆژا سێشهمبی ههموو رێنمایهك بۆ زێدهكرنا باجێ هێنه دیاكرن و نابیت بهرۆڤاژی قانوونێ بیت، چونكه بهری نوكه پهرلهمانێ عێراقێ ژی ئهف بڕیار دهركریه.
ئەڤرۆ نیوز،زنار تۆڤی:
ئاشتن کارتەر وەزیرێ بەرگریا ئەمریکا دپرێس کۆنفرانسەکی دا ئەڤرۆ دیارکر،کو ژمارا سەرباز و شیرەتکارێن ئەمریکی ل عێراقێ دێ بۆ 4087 هێنە زێدەکرن و ئەو سەرباز و شیرەتکار دێ چنە پێشیا سەنگەرێن شەری ل عێراقێ و دێ پشتەڤانیا سەربازێن عێراقی کەن د روو ب رووبوونا شەرێ دژی داعش دا و گۆت ژی:ئەمریکا دێ 415 ملیۆن دۆلاران دەتە هێزێن پێشمەرگێ کوردستانێ وەک پشتەڤانیەک بۆ وان،دیسان ئەمریکا دێ هەلیکۆپتەرێن ئەپاتچی و 200 سەرباز و شیرەتکارێن هونەری هنێریت بۆ شەرێ ئازادکرنا مۆسلێ،ناڤهاتی دیارکر ژی،هنارتنا هەلیکۆپتەرێن ئەپاتچی پێنگاڤەکە بۆ دەرخستنا داعشێ ل باژێرێ مۆسلێ و هەروەسا ئەمریکا دێ کەتیبەکا مۆشەکێن دوورهاڤێژ ل نێزیک مۆسلێ جهگیرکەت.
ئەڤرۆ نیۆز، قائید میرۆ:
ددەمێ نوکەدا پانزین لپارێزگەھا دھۆکێ ل ھەموو پارێزگەھێن ھەرێمێ گرانترە و پەرلەمانتارەکژی دبێژیت، دیارکرنا بھایێ پانزینا ئەھلی لسەر خواستا کڕینا پانزینێ یە.
عەلی ھالو، ئەندامێ لیژنا پیشەسازی لپەرمانێ کوردستانێ ب ئەڤرۆ نیۆز راگەھاند” کو ئەرزانبوون و گرانبوونا بھایێ پانزینا ئەھلی پەیوەندی ب بازاڕێ کڕین و فرۆتنا پانزینێ ڤە ھەیە و ھەر دەمێ خواست زۆربیت دێ بھا گرانبیت و بەرۆڤاژی خواست کێم بیت لسەر پانزینێ دێ بھا داکەڤیت.
لدۆر کوالێتا پانزینێ ھالوی دیارکر، پشکنینا پانزینێ و خراپبوونا کوالێتیا پانزینێ ژلایێ وەزارەتا سامانێن سرۆشتی دھێنە ئەنجامدان و ئەو لێ بەرپرسن، تنێ پەرلەمان دوڤچوونێ بۆ دکەت.
ئهڤرۆ نيوز:
وهزارهتا كارهبا عيراقێ ئهڤرۆ رۆژا دوشهمبى رێكهفتى 18ى نيسانا 2016ێ ژ ئهگهرێ كارێن تێكدانێ ل دهوروبهرێن ئاڤاهيێ وهزارهتێ سهرهلداين هاته داخستن.
بهرى نيڤرۆ يا ئهڤرۆ خۆنيشاندهر ب دژوارى نێزيكى ئاڤاهيێ وهزارهتا كارهبێ بوون و ژ ئهگهرێ وێ چهندێ وهزارهت هاته داخستن.
خۆنيشاندهرێن بهغدا دڤێت وهزارهتا پهترۆلێ دورپێچ بكهن و خوه نێزيكى وهزارهتێن دژى بكهن د ههمان دهم دا خۆنيشاندان ل بهر دهرگههێ وهزارهتا وهرزش و لاوان و ژێدهرێن ئاڤێ يا بهردهوامه.
ئەڤرۆ نیۆز، قائید میرۆ:
ئەگەرەکێ نەدیار بازاڕەکێ ھەڤچەرخ ل ھەولێرێ سووت و بەڕەڤانیا باژێڕی ئاشکراکر، چو زیانێن گیانی نەبووینە.
شێخ کافی، بەرپرسێ ژۆرا ھەوارھاتنا بەڕەڤانیا ھەولێرێ ب ئەڤرۆ نیۆز راگەھاند” تیمێن مە ھاتینە ئاگەھدارکرن لدۆر چێبوونا ئاگرەکێ مەزن ل نھووما دویێ یا بازاڕێ نیشتیمان و پشتی گەھشتنا تیمێن بەڕەڤانیا باژێڕی کارین روویدانێ کۆنتڕۆل بکەن و ژبلی زیانێن ماددی چو زیانێن گیانی نەبووینە.
کافی گۆتژی” ھێشتا ئەگەرێ ئاگری نەھاتیە زانین، بەلێ ڤەکۆلین د بەردەوامە، چونکو بازاڕێ نیشتیمان مەزنترین بازاڕێ ھەرێما کوردستانێ یە و خەلکێکەکێ زۆر تێدایە.
نيشاندان