ئهڤرۆ نيوز:
ئەندامێ لژنا دارایی یا جڤاتا نوونەرێن عێراقێ، حاکم سرحان سلێڤانەی بۆ ئەڤرۆ نيۆز دیارکر كو سوبههى رۆژا ئێكشهمبى رێكهفتى چارى چريا ئێكێ دێ گەنگەشە د گەل ھوشیار زیباری وەزیرێ دارایی ل عیراقێ ھێتە کرن، ل سەر بوودجا سالا 2016ێ پەرلەمانتارێن عیراقێ تایبەتی ژێ لژنا دارایی چەندین پرسیار بەرھەڤکرینە و ئاراستەی وەزیری کەن، ژوانا ژی دێ پرسیار ل سەر وەرگرتنا قەرێن نافخۆیی و دەرڤە ھێتە کرن و سەرەدانا وەزیری بۆ وەلاتێ ئەمریکا دێ ئێک ژ پرسان بیت.
حاکم سهرحان سلێڤانەی ئەندامێ لژنا دارایی یا جڤاتا نوونەرێن عێراقێ دیارکر دێ پرسیار ژ وەزیری ھێتە کرن کا چوونا وی بۆ وەلاتێ ئەمریکا چ مفا بۆ عیراقێ تێدا ھەبوو و چ کریە دێ ئەو سەندەیێن دەرڤە ھاتینە فروتن یان نە زێدەباری چەندین پرسیارێن دی یێ گرێدایی بوودجا سالا 2016ێ وگۆتژی بەندەک ژ بوودجێ دا ھاتیە دانان، ھەر لایەنێ پیگیر نەبیت رێکەڤتنی لایەنێ بەرامبەر ماڤ یێ ھەی پترولا خوە بفروشیت بۆ نموونە ئەو رێکەڤتنا دھێتە کرن ناڤبەرا عیراقێ و ھەرێمێ دا،ھەکە ھات عیراق پیگیر نەبیت ھەرێم یا ئازادە فروتنا پترولێ و ھەکە ھەرێم پیگیر نەبیت عیراق یا ئازادە دفروتنێ دا زێدەباری چەندین تەوەرێن دی یێن گرنک دێ ھێنە گەنگەشەکرن.
حاکم سهرحان سلێڤانەی زێدەتر گۆت: ل رۆژا 10ى چريا ئيكێ يا سالا 2015ێ دێ بوودجا خهملاندی یا سالا 2016ێ گەھيتە جڤاتا نوونەران کو ل سەر 84 تریلیۆن دیناران ھاتیە دانان یێن فروتن ونەفروتنا پترولێ کو یێن فروتی 69 تریلیۆن دیناران و یێ نە فروتی 14 تریلیۆن دینار و بوودجا ھەرێمێ ژی ل سەر 17% ھاتیە دان دووڤ وێ رەشنڤیسا بوودجا ل بەردەست،ھەکەر ئەنجومەنی وەزیران چوو گوھورینێن نوو تێدا نەکەت ھەتا رۆژا 10ى چريا ئێكێ و مەزاختێن عیراقی 113 تریلیۆن دیناربن ئانکو 29 تریلیۆن دینار کورت ئینانە.
ئهڤرۆ نيوز:
دهمژمێر 4 ى ئێڤاریا ئهڤرۆ 2 چریا ئێكێ داعش ژ سێ ئالین ڤه هێرش كره سهر هێزێن پێشمهرگهى ل میحوهرێ شنگالێ، لێ پێشمهرگه شیان بتوندی بهرسڤا وێ هێرشێ بدهن و تێكبشكێنن.
عهقید عیسا زێوهیی فهرماندێ لیوا 4 یا وهزارهتا پێشمهرگه خویاكر كو وان زانیاری ههبوون ژ نیهتا داعش بۆ هێرشێ لهورا د ئامادهبوون و هێرشا داعش كو ل ناڤهراستا (ست زهینهب) ل رۆژههلاتا شنكالێ دهستپێكر ژ ئالیێ پێشمهرگهی ڤه هاته تێكشكاندن.
ههروهسا پشتراستكر كو پێشمهرگه بێ زیان ژ هێرشێ ب سهركهفتی دهركهڤتیه، و زیانێن مهزن ب تيرورستئن داعش كهڤتنه.
ئهڤرۆنیوز: كاروان باعهدرى:
ئهڤرۆ شاندهك ژ حكومهتا ههرێما كوردستانێ دێ سهرهدانا وهلاتێ مسرێ كهت و دێ ل گهل موفیتی دیارى مسرێ و شیخێن ئهزههر و ئهنبا توازرس پاپایێ كهنیسهیێ قبتیه كومببن.
ریڤهبهرێ كاروبارێن ئێزدیان ل پاریزگهها دهۆكێ هادى دوبانى بۆ ئهڤرۆ نیوز گۆت: ئهڤ شانده پێكهاتیه ژ سێ نوینهرێن ئایینێن سهرهكى یێن ههرێما كوردستانێ ب سهروكاتیا خهیرى بۆزانى ریڤهبهرێ گشتیێ كاروبارین ئیزدیان و خالد جمال ریڤهبهرێ كاروبارین مهسیحیان و مهریوان نهقشهبهندى بهرپرسێ پهیوهندیین ئهوقافێ.
ناڤهاتی زیدهتر گۆت: ئهڤ ههرسێ نۆینهره دێ نامهیهكێ گههیننه وان و د وێ نامێ دا رهوشا وان كچ و ژنێن ئێزدى یێن ددهستێ داعشێ گههیننه وان . كو ئهو تیدا ئهو ههلویستێ خۆ دیاركهن لههمبهرێ ڤێ چهندێ و وێ نامێ بگههیینه جیهانا عهرهبى و ئیسلامى تهڤایێ .
ئەڤرۆ نیوز، زنار تۆڤی:
وەزارەتا دەرڤە یا تورکیا ئەڤرۆ راگەهاندنەک بەلاڤکریە و تێدا داخواز ژ رووسیا کریە کو هێرشێن خۆ بو سەر چهكدارێن ئۆپۆزسیونا سۆریێ و ناوچێن بن كنترۆلا وان رابگریت و هێرشێ بکەتە سەر داعش، هەروەسا وەزارەتا دەرڤە یا تورکی دیارکریە، هێرشێن رووسیا ل سۆریێ پێشڤەچوونەکا ترسناکە و دێ تۆندوتیژیێ زێدەکەت، ئەڤە ژی د بەرژەوەندا ڤێ ناوچەیێ دا نینە.
ئهڤرۆ نیوز:
د.جهمال كوچهر رهخنێ ژ گوتارا حهیدهر عهبادى دگریت كو بهحسێ قارهمانیا پێشمهرگهى نهكریه، ئهڤه ژى دهقێ نڤیسینا وى یه.
لاوازیا گتارا د. حیدر عبادى ل نهتهوێن ئێكگرتى
د.حیدر عبادى سهروك وهزیرێ عیراقێ ل كونگرێ نهتهوێن ئێكگرتى وتارا عیراقێ خاند .. و ب دیتنا من وتارهكا گهلهك لاواز بو و یا دیر بو ژ پێتڤیێن عیراقێ یێن سهرهكى ، و نه ل ئاستێ وى كونگرهى و وى جهى بو …
ژ لاوازیێن وتارا د.حیدر عبادى :
1- بهحس ل سوپایێ عیراقێ و حشد الشعبى و سهركهفتنێن وان ل تكریت و صلاحدین كر ، و هیچ ئاخفتنهك دهربارهى پێشمهرگه و سهركهفتنێن وان نه كر .. ددهمهكى دا كو ئهندامێن كونگرهى ههمى دزانن كو پێشمهرگهى چهند سهر كهفتن ب دهست ڤه ئیناینه و چهند جه رزگاركرینه ب شێوهكى كو د ههمان روژا كونگرهى دا پێشمهرگهى (12 گوند) ب دویراتیا 60 كیلومهتران رزگاركرینه .
وهزیرێ بهرگریا ئهمریكا بهحسێ ڤێ قارهمانیێ كر و عهبادى بهحس نهكر ، و ئهڤ چهنده ژى نهفسیهتا بچیكا وى و لایهنگریا تا ئیفى دهردئێخیت .
2- ب درێژى بهحسكرنا رزگاركرنا جرف الصخر و ئامرلى و تكریت و چهندین جهێن دى .. د كونگرهیهكى دا نه جهێ بهحسكرنا ڤان وردهكاریانه .. و ئهوێن لوێرێ ههمى دزانن سوپایێ عیراقێ و حشد الشعبى نهشێن بهوستهكێ پێشڤه بچن بێى وهلاتێن ههڤ پهیمان .
3- بهحسكرنهكا لاواز بو ئاریشێن عیراقێ یێن لهشكهرى و ئهمنى و ئابورى و پێتڤیێن عیراقێ یێن سهرهكى دوان بواران دا ، دگهل ئاریشا تیرورێ و كوچبهران و دابهزینا بهایێ گازێ و و كارتێكرنا وێ ل سهر رهوشا ئابورى یا دهولهتى .
ب راستى وتارهكا لاواز و نه ل ئاستێ سهروك وهزیران بو و نه دهربرین بو ژ ههمى ئاخا عیراقێ و خهلكێ وێ و نه ل دویڤ پێتڤى و رهوشا ئهڤرو یا عیراقێ بو .. و دڤێ وتارێ دا ئاستێ سهروك وهزیرێن عیراقێ باش دیاربو .
د.جمال كوچهر
ئهڤرۆ نیوز:
ب هەلکەفتا روژا جیهانی یا موزیکێ رێڤەبەریا گشتی یا رەوشەنبیری و هونەری دهوک رێڤەبەریا هونەری موزیکێ، کونسێرتەکا مەزن سازكر كو هونەرمەندان (حسن شریف ،عبدالقهار زاخویی ، گوران سالح ، کیژان ابراهیم ) هەروەسا تیپا روباد یا موزیکێ و کورالا پەیمانگەها هونەرێ جوان دهوك پشكدارببون.
دڤێ کونسێرتێ دا سێ هونەرمەندێن مەزن یێن هەرێما کوردستانێ ژ لایێ رێڤەبەریا گشتی یا رەوشەنبیری و هونەری دهوک هاتنە رێز لێنان ئەو ژی ( ئەنوەر قەرەداغی ژ سلێمانیێ و سید احمد ژ هەولێرێ و وەلید خالد ژ دهوکێ) .
ئهڤرۆ نيوز، بارزان مزوورى:
ئەفسەرەکى ژ ھێزێن پێشمەرگەی ل میحوەرێ ناوەران بو مالپەرێ ئەڤرو نیوز ئاشکرا کر کو ئەڤرو دەمژمێر 4:30ى ئیڤاريا 1ى چريا ئێكێ يا سالا 2015ێ چەکدارێن تیرورستێن داعش مژوولی ڤەگوھاستنا چەکدارێن خوه بوون فروکەیێن ھەڤپەیمانان کاروانەکێ ترومبێلێن ڤەگوھاستنێ بوردومان کرن ژمارەکا مەزن یا چەکدارا دناڤ بو ھەموو ب ترومبێل ڤە ھاتن ناڤبرن.
ناڤبری دیار کر کو چەکدارێن تیروستێن داعش پشتی پێشمەرگەی جەندین گوند ل میحوەرێ کەرکوک ددەستێن وان دا ئیناینە دەر شکەستن کەفتیە ھەمی میحوەرێن وان ھەولێن سستکرنا میحوەرا کریە چەکدارێن خو ژ ترسێن پێشمەرگەی بو ناڤ باژێرێ مووسل ڤەگوھاستینە ،
ناڤبری گوت ژی کو دناڤ باژێرێ مووسل ژی ترس ژ ناڤ وان دروست بویە ھەولێن کوشتنا دەستگیرکرنێن ددەستێن وان دا دکوژن.
ئهڤرۆ نیوز:
حهیدهر عهبادی سهرۆك وهزیرێ ئیراقێ گۆت كو حكومهتا ئیراقێ دێ بخێرهاتنا هێرشێن ئاسمانیێن رووسیا كهن ل دژی داعش ل ئیراقێ.
پشتی پرسیار ژ عهبادی هاتیه كرن كا ئهڤ یهكه ل گهل رووسیا گهنگهشهكریه گۆت : هیشتا نه، لێ ههكهر رووسیا ڤێ یهكێ بخازیت ئهم دێ هزر تیدا كهین و بخێرهاتنێ لێ كهین.
ئهڤ ئاخڤتنا عهبادی د كۆنگرهكێ رۆژنامهڤانی دا ل پشتی گۆتارا وی یا ل نهتهوێن ئێكگرتی هات كو تیدا بهحسێ رۆلی پێشمهرگه ل دژی داعش نهكر.
نيشاندان