ئەڤرۆ:
رێڤەبەریا گەشت و گوزارێ ل زاخۆ دیار کر، ئێکەم پرۆژێ نافۆرا لەیزۆک ل سەر ئاوازێن مۆزیکێ بۆ جارا ئێکێ یە ب ڤی شێوەیێ پێشکەفتی ل کوردستانێ و عیراقێ کو جھێ ڤەحەواندنا نێزیکی ھزار گەشتیاران ھەیە د ڤان رۆژان دا دێ ھێتە ڤەکرن.

ئەڤرۆ نیوز:

ئەندامەکێ سەرکردایەتیا پارتی دیموکراتی کورستان راگەھاند، گۆڕان ل گەل درووشمێن خوە یا راستگو نەبوو و نەشیان چار سالێن ئارام دروست بکەن.
عەلی عەونی ئەندامێ سەرکردایەتیا پارتی دیموکراتی کوردستان بۆ باسنیۆز گوت” بارودۆخێ کوردستانێ یا تایبەتمەندە و ئەم یێن دناڤ شەڕەکێ گران ل گەل داعشێ دا، دۆرپێچا ئابووری یا ل سەر مە و پاشەرۆژا دەڤەرێ یا نەدیارە، ل ڤێرێ ژی ل کوردستانێ بارودۆخێ مە گەلەک یێ باش نینە، نەوشیروان موستەفا رێکخەرێ گشتیێ بزاڤا گۆڕان راستی نەگوت کو چار سالێن ئارام ل ھەرێما کوردستانێ یێن ب رێڤە، چونکی ئەڤە سالەک ب سەردا چوو و خەریکە ھەموو تشت دێ ھێنە ھەلوەشاندن، لەوما ھزرکرنا نەوشیروان موستەفای ل سەر رەوشا کوردستانێ، پشکەکە ژ قەیرانێ”.
عەلی عەونی زێدەتر دبێژیت” مخابن، بزاڤا گۆڕان کلتۆرەک ل سلێمانیێ یێ دروستکری، کو کۆمەکا کەسان بێ ھزرکرن یا دەست ب ئاخڤتنێن کریت و سوتنا جەمەدانیا و سوتنا رەمزێ نەتەوایەتیێ، کو ئەڤە نە زمانێ سیاسەتێ نە و نەوشیروان و بزاڤا گۆڕانێ ژێ د بەرپرسیارن”.
ناڤبری خویاکر” ئێکەتی دەمێ گۆڕان ژی ل گەل، بۆ وێ چەندێ ھاتە دامەزراندن دژی پارتی و نەھجێ بارزانی کاربکەن، نوکە ژی ئەو قوتابخانە وانەیان بۆ گۆڕانێ و ئێکەتیێ دبێژیت، بنگەھێ جەماوەری یێ وان گەلەک یێ ژ ھەڤ دوور نینە، ژ سەرڤە وەسا دیاردبیت ژبەر ھندەک پۆستان ژھەڤدوو ددوورن، بەلێ ل سەر ئاستێ جەماوەری ئێکن و یێن بووینە کوتلە کوتلە”.
ل دووڤ بۆچوونا ڤی ئەندامێ سەرکردایەتیا پارتی دیموکراتی کوردستان” ئێکەتی وێ پێشنیارێ ددەتە گۆڕان و دبێژیتی ئەم ئێک حزبین و دشێین د چارچۆڤەکێ نوو دا کاربکەین و سەعدی پیرەی ئەندامێ مەکتەبا سیاسی یا ئێکەتی نیشتمانی کوردستان ئەو ئاخڤتنە گوت کو ئەو ھەردو حزب گەلەک ژ ھەڤدو د نێزیکن، لەوما پێ دچیت ئێکەتیێ ئەو کەسایەتیا واتەیی ژدەست دابیت، لەوما یا نەچارە بکەڤیتە دبن کاریگەریا گۆڕانێ دا، یان گۆِران ڕادەستی بنەمالا تالەبانی بھێتە کرن”.
ھەر ل دۆر ڕادەستکرنا بزاڤا گۆڕان بۆ بنەمالا تالەبانی، عەلی عەونی دبێژیت” د جیھانا سیاسەتێ دا ھەموو تشت مومکینە، لەوما چوونا نەوشیروان موستەفای بۆ ناڤ ئێکەتیێ و دوور نینە گۆڕانێ تەسلیمی ئێکەتیێ بکەت، نوکە ژی گۆڕان دەست ب خانەنشینکرنێ و گەندەلیێ دناڤ حوکمەتێ دا یا کری و یا ڕاست نەبوو ل گەل درووشمێن خوە”.

ئه‌ڤرۆ نيوز:

سه‌عيد محه‌مه‌د شه‌ريف، رێڤه‌به‌را پرۆگراما ل رێڤه‌به‌ريا گشتيا په‌روردا پارێزگه‌ها دهۆكێ راگه‌هاند: كۆمبووك ل وه‌زاره‌تا په‌روه‌ردێ هاتيه‌ كرن تێدا به‌حس ل سه‌رپێچيكرنا كۆمپانيێن ب كارێ چاپكرنا پرتووكان رادبن كر و به‌حس ل وان ژى كر يێن نه‌هێنه‌ خواندن كو پێدڤيه‌ ل كوگه‌هان بهێنه‌ هه‌لگرتن.

ئاماژه‌ ب وێ چه‌ندێ ژى كر كو بابه‌تێ ئيسلاميێ ژ پۆلا ئێكێ هه‌تا 12 هه‌موو دێ هێته‌ گوهۆڕين و دێ ب ره‌نگه‌كێ دى هێته‌ چاپكرن و دروستكرن و هه‌رديسا دێ هنده‌ك چاكسازى د زمان و ئه‌ده‌بێ كوردى يێ پۆلا حه‌فت و هه‌شت و نه‌هێ دا هێنه‌ كرن.

سه‌عد گۆتژى: “پشكا پارێزگه‌ها دهۆكێ ژى د كۆمبوونێ دا هاته‌ به‌حسكرن كو ل دووڤ ئامارا قوتابيان دێ 50% بيت، ئه‌ڤا ديمينيت ژى دێ پشت به‌ستن بيت ل سه‌ر پرتووكێن كه‌ڤن”.