ئه‌ڤرۆ نیوز:
پشتی دو هه‌یڤان ژ كه‌ره‌نتینه‌كرنێ باژێرێ ئوهان یێ چینێ كۆ ژێده‌رێ سه‌رهلدانا ڤایرۆسێ كورونایێ بوو رێك هاته دان ب وه‌لاتی و قه‌ده‌غه‌یا هاتنوچونێ هاته راكرن.
لگۆری بریارێن چینێ وه‌لاتی دشێن بتنێ سه‌ره‌دانا باژێرێ ئوهان بكه‌ن، به‌لێ بۆ كه‌سێ باژێرێ ئوهان نینه بهێته ده‌رڤه‌ی باژێرێ خۆ.
باژێرێ ئوهان كۆ ژیده‌رێ ڤایرۆسێ كورونایێ بوو، زێده‌تری 50 هزار كه‌س توشبوون، وه‌لاتێ چینێ تانوكه زێده‌تری 81 هزار كه‌س توشی ڤایرۆسی بوون و زێده‌تر 3 هزار كه‌سان ژی بڤی ڤایرۆسی مرینه.
ئه‌ڤرۆ نیوز:
وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا به‌لاڤكر، 8 حاله‌تێن دی هاتینه توماركرن ب نه‌خوشیا ڤایرۆسێ كوڤید 19 كۆ ل پارێزگه‌ها هه‌ولێرێ نه و ژ وان ژی دو ژن و زه‌لامه‌ك و دو زارۆك و سێ كه‌سین دی ژ ئه‌نجامێ تێكه‌لی كرن ل گه‌ل كه‌سێن توشبویی هاتیێ.
راگه‌هاندنا ژماره 30
ده‌ربارێ نه‌خوشیا ڤایرۆسێ كوڤید 19 ل هه‌رێما كوردستانێ، تیمێن ساخله‌میێ بۆ كه‌ره‌نتینه‌كرن و دیتن و پشكنینا هه‌لگرێن ڤایرۆسێ كورونایێ به‌رده‌وام د كاری دا.
كه‌ره‌نتینه‌كرن:
ژماره‌یا وه‌لاتیێن ل كه‌ره‌نتینه‌كرنێ دا 5273 وه‌لاتی بوون ل 35 جهێن جودا ، نوكه بتنێ 1422 وه‌لاتی ل كه‌رنتینه‌كرنێ دا ماینه، 425 ل هه‌ولێرێ و 281 ل سلێمانێ و 628 ل دهۆكێ و 30هه‌له‌بجه و 5 گه‌رمیان و 33 ل راپه‌رین و 20 ل كویێ 3651 وه‌لاتی ژ كه‌رنتینه‌كرنێ ده‌ركه‌یتنه و ڤه‌گه‌ریاینه مالێ ل بورینا 24 ده‌ژمێران یێن شنی هاتینه كه‌ره‌نتینه‌كرن 129 وه‌لاتی نه.
پشكنین:
ل ده‌مێ 24 ده‌مژمێرێن بوری 521 پشكنین هاتینه كرن كۆ 407 هه‌ولێر و 97 ل سلێمانێ و 17 دهۆك، ده‌ر ئه‌نجام 9 توشبوویێن نوو هاتینه بڤی شیوه‌یێ خارێ.
پارێزگه‌ها هه‌له‌بجه ئێك پوزه‌تیڤ كۆ زه‌لامه‌كێ ژیێ وی 37 ساله.
وه‌زاره‌تا ساخله‌میا حكومه‌تا حكومه‌تا هه‌ریما كوردستانێ
28 ئادارێ 2020
وەزارەتی تەندروستی
حکومەتی هەرێمی کوردستان
٢٨ی ئازاری٢٠٢٠
ئەڤرۆ نیۆز، عەزیز هەورامی:
بەڕێوەبەرایەتی گشتی تەندروستی سلێمانی ڕای گەیاند، ئەمشەو ۹ توشبوی کۆرۆنا نەخۆشخانە بەجێ دەهێڵن بە تەواوەتی چاک بونەتەوە
لە ڕاگەیەندراوێکی بەڕێوەبەرایەتی گشتی تەندروستی سلێمانی کە کۆپییەکی بۆ ئەڤرۆ نیۆز نێردراوە تێداهاتووە، لە سلێمانی ۹ توشبووی تری ڤایرۆسی کۆرۆنا بەتەواوەتی چاک بونەتەوە ئەمشەو نەخۆشخانە بەجێ دەهێڵن دەڕۆنەوە ناو ماڵ و منداڵیان.
تەندروستی سلێمانی دەڵێ، چاک بوونەوەی هەڵگرانی ڤایرۆسی کۆرۆنا گێشتە، ٥۰ کەس ئێستا لە سلێمانی تەنها ۲۸کەس لە نەخۆشخانە ماونەتەوە ڕەوشی تەندروستیان جێگیرە.
ئەڤرۆ نیوز:
وەزارەتا ساخلەمیا حکومەتا هەرێما کوردستانێ داخوازێ ژ وەلاتیان دکەت، ئەوێن وەلاتیێن ژ 01/03 هەتا 14/03 ژ ئورۆپا ڤەگەریاین، ب لەز پەیوەندیێ ب ژمارە 122 بکەن.
دەقێ بانگەوازیێ.
دلنیایێ ددەت، کو ب تنێ دێ پشکنین بۆ وان کەسان هێتە کرن.
بۆ هەموو وان وەلاتیێن ژ وەلاتێن ئورۆپا ژ 3/1 هەتا 3/14 ڤەگەریاین، بۆ بەرژەوەندیا خوە و خێزانێن خوە و وەلاتیێن کوردستانێ، ب لەز پەیوەندیێ ب ژمارە 122 بکەن، یان سەرەدانا سەنتەرێن کۆڕۆنا یێ ل ناڤا باژێر و قەزا و ناحیان بکەن بۆ پشکنینا تاقیگەهێ بۆ ڤایرۆسل کۆڕۆنا، ژ بۆ دلنیابوونێ ژ هەبوون و نەبوونا ڤایرۆسێ کۆڕۆنا یێ، ئەم هەوە دلنیا دکەین، ب تنێ دێ نموونا پشکنینێ هێتە وەردەگرتن بۆ بەرژەوەندیا وان.
ئەڤرۆ نیوز:
وەزارەتا پەروەردێ یا هەرێما کوردستانێ میکانیزما دابەشکرنا مووچێ وەزارەتا خوە رادگەهینیت و گۆتیە، دڤێت رێڤەبەرێن گشتی یێن پەروەردەیان بەرنامەکێ دانن کو قەرەبالغ دروست نەبیت و پابەندی رێنمایێن ساخلەمیێ ژی بن.
لدووڤ میکانیزمێن وەزارەتا پەروەردە، رێڤەبەرێن گشتی یێن پەروەردەیان ب هەڤکاریا رێڤەبەرێن پەروەردەیان لیستا مووچێن باخچە، قوتابخانە و پەیمانگەهان بدەنە بانکێن خوە یێن دیاریکری، ب شێوەکێ قەرەبالغ ب هیچ جۆرەکێ دروست نەبیت.
گۆتیە ژی، دڤێت رێڤەبەرێن باخچە، قوتابخانە و پەیمانگەهان و هاریکارێن وان مووچان بگەهیننە مالێن مامۆستایان.
بۆ هندێ کو رێیا هاتنوچوونێ پێ بهێته دان، پێدڤیە هەموو رێڤەبەر نڤیسارەکێ بۆ خوە و هاریکارێن خوە بکەن پێدڤیە بەروار ل سەر بیت و ب تنێ بۆ وێ رۆژێ ب کار بهێت.
لدووڤ راگەهاندنا وەزارەتا پەروەردێ هەر مامۆستایەکێ مالا وی نێزیکی مالا رێڤەبەری یان هاریکارێ وی بیت، دشێت بچیتە مالا وی و مووچێ خوە ژێ وەربگریت.
هەروەسا گۆتیە، ل دەمێ وەرگرتنا مووچەی ل بانکێ و گەهاندنا وی بۆ مامۆستایان، دڤێت پابەندی هەموو رێنمایێن ساخلەمیێ بن و پێدڤیێن خوە پارێزیێ ب کاربینن.
ئەڤرۆ نیوز:
سەرۆک وەزیرێن بریتانیا راگەهاند، کو پشکنینێن کۆرۆنا یێ بۆ هاتیە کرن و ئەنجامێن پشکنینێ د پۆزەتیڤ بووینە، هەلگرێ ڤایرۆسێ کۆرۆنا یێ بوویە.
بۆریس جۆنسن، سەرۆک وەزیرێن بریتانیا ل ئەکاونتێ توویتەرێ خوە بەلاڤکریە، د 24 دەمژمێرێن بوری دا و چەند نیشانێن ناڤنجی یێن کۆرۆنا یێ هەبووینە و پشتی پشکنینێ دەرکەفتیە کو تووشی کۆرۆنا یێ بوویە.
هەروەسا گۆتیە، وی خوە کەرەنتینە کریە، بەلێ ب رێیا ڤیدیۆیان کارێ خوە دکەت.
ئەڤرۆ نیوز:
وەزارەتا ساخلەمیا هەرێما کوردستانێ راگەهاند، 10 تووشبوویێن نوو ل هەولێر، سلێمانیێ و دهۆکێ هاتنە تۆمارکرن.
د ماوێ ٢٤ دەمژمێرێن بوری (٤٧٧) پشکنین هاتینە کرن، (٣١١) هەولێر، (٩٩) سلێمانی، (٦٧) دهۆك،
دەرئەنجام (١٠) تووشبوویێن نوو هاتینە تۆمارکرن ب ڤی رەنگی:-
– پارێزگەها هەولێرێ (٤) پۆزەتیڤ، کو ژنەکا تەمەن (٢٨) سالیە و (٣) گەنج د ژیێن (١٥)، (١٨)، (٢٦) سالیێ دانە و بەرکەفتیێن تووشبوویێن بەری نوکە نە.
– پارێزگەها سلێمانیێ (١) پۆزەتیڤ، کو ژنەکا تەمەن (٥٦) سالیە بەرکەفتیا تووشبوویێ پێشیە.
– پارێزگەها دهۆك (٥) پۆزەتیڤ، کو هەموو ئەندامێن ئێك خێزانێ نە (١) زەلام د تەمەنێ (٤٥) سالیێ دایە و کو ل وەلاتێ بریتانیا ڤەگەریایە، ژنەکا تەمەن (٣٩) سالی، (٢) گەنجێن د ژیێ (١٤)، (١٣) سالیێ دانە، زارۆیەکێ تەمەن (٥) سالی.
ئامارا گشتی یا هەلگرێن ڤایرۆسێ کۆڕۆنا یێ ل هەرێما کوردستانێ گەهشتە (١١٣) کەسان.
ئه‌ڤرۆ نیوز:
حكومه‌تا چینێ راگه‌هاند ب شێوه‌یه‌كێ ده‌مكی و بۆ رێگرتن ژ سه‌روشنی به‌ربه‌لاڤبوونا كورونایێ، گه‌شتێن بۆ ده‌رڤه‌ی وه‌لاتی دێ هێنه راوه‌ستاندن.
لگۆری راگه‌هاندنه‌كا حكومه‌تا چینێ هاتیه به‌لاڤكرن، پشتی بوورینا حه‌فت رۆژان كۆ چ حاله‌تێن توشبوویی ب كورونایێ نه‌بوون ئه‌ڤێن نوكه‌ژی په‌یدا بووین كۆ ژ ده‌رڤه هاتینه، له‌ورا دێ گه‌شت هێنه راوه‌ستاندن و توخیب دێ ب شێوه‌یه‌كێ ده‌مكی ل گه‌ل وه‌لاتان هێنه گرتن.
لگۆری ئه‌وێ بریارێ چین دێ رێگریێ ژ گه‌شتیارێن بیانی بۆ ناڤخۆ و ده‌رڤه‌ییێ چینێ كه‌ت، هه‌ڤده‌م رێگریكرن ژ ئه‌وان كه‌سان ناهێته‌كرن كۆ هه‌لگرێن پاسپورتێن دیپلوماسی یان بازرگانن بچنه ناڤ ئاخا چینێ دا.
ئه‌ڤه دده‌مه‌كی دایه كۆ چین كو ناڤه‌ندا سه‌رهلدانا ڤایرۆسێ كورنایێ یه، پشتی ده‌ربازبوونا هه‌فتیه‌كێ چ توشبووی نه‌هاتبوونه توماركرن، ئه‌ڤرۆ لژنا ساخله‌میا نیشتمانی یا ئه‌وی وه‌لاتی راگه‌هاند: ل باژێرێ ئوهان 55 حاله‌تێن توشبوون ب كورنایێ هاتینه توماركرن ژبلی ئێك توشبوو ته‌ڤایا یێن دی ژ ده‌رڤه‌ی وه‌لاتی هاتبوونه ناڤ چینێ.
هه‌تا نوكه ل چینێ 81 هزار و 340 توشبوو ب ڤایرۆسێ كوڤید 19 هاتینه توماركرن و سێ هزار و 292 توشبوو ب ئه‌گه‌رێ ڤایرۆسی مرینه و هه‌مبه‌ر دا 74 هزار و 588 توشبوویێن كورونایێ ساخ بووینه.
نيشاندان