ئەڤرۆ نیوز:
لایەنێن سیاسی یێن هەرێما کوردستانێ و نوونەرێن پێکهاتێن ل هەرێما کوردستانێ دێ رۆژا سێشەمبیێ ڤێ حەفتیێ دێ ل هەولێرێ کۆمبن.
هاتە زانین دێ کۆمبوون ب سەرپەرشتیا سەرۆکێ هەرێما کوردستانێ نێچیرڤان بارزانی هێتە کرن و تێدا دێ کەسێ ئێکێ یێ لایەنێن سیاسی بەحسێ رەوشا نها یا عیراقێ و بابەتێ گوهۆرینا دستوورێ عیراقێ کەن، دا کو هەرێما کوردستانێ ژی بۆ هەر پێشهاتەکێ بەرهەڤ بیت.
ئه‌ڤرۆ نيوز:
پشتى خوه‌نيشاندانان ده‌ستپێكرى، موقته‌دا سه‌در، رێبه‌رێ ته‌ڤگه‌را سه‌در، بۆ جارا دويێ يه سه‌ره‌دانا وه‌لاتێ ئيرانێ دكه‌ت.
موقته‌دا سه‌در رێبه‌رێ ته‌ڤگه‌را سه‌در بۆ ڤێ جارێ دێ سه‌ره‌دانا باژێرێ قوم كو ب پايته‌ختێ ئيانى دهێته دانان كه‌ت بێ كو مه‌ره‌مێن سه‌ره‌دانا وى بهێنه دياركرن.
نها موقته‌دا سه‌در ب سه‌رپێلا خوه‌نيشاندانێن عيراقێ دهێته نياسين و خوه‌نيشانده‌ر ژى دژاتيه‌كا زۆر بۆ ده‌ستێوه‌ردانێن ئيرانێ ل عيراقێ دكه‌ن و شه‌ڤا بۆرى ژى ناڤێ خومه‌ينى ل سه‌ر ئێك ژ جاددێن نه‌جه‌ف لابر.
ئه‌ڤرۆ نيوز:
هه‌سه‌دێ هه‌شت گۆند ل ده‌وروبه‌رێن سه‌رێكانيێ ژ بن ده‌ست چه‌كدارێن ئۆپۆزسيۆنا سوريا ده‌رخستن و كۆنترۆل كرن.
ره‌وانگه‌ها سورى بۆ مافێن مرۆڤى راگه‌هاند كو هێزێن سوريا ديموكرات (هه‌سه‌ده) شيا هه‌شت گۆندان ل ده‌وروبه‌رێن سه‌رێ كانيێ ب ناڤێن دادويه، سه‌عيد، ريحانه، سويديه، كنبه‌هر، عه‌بووش، ئوم شه‌عيفه و فه‌يسه‌ليه كۆنترۆل بكه‌ن.
ره‌وانگه‌ها سورى ئاماژه ب وێ چه‌ندێ ژى كريه كو شه‌ر ل وان ده‌ڤه‌ران ب دووماهى نه‌هاتيه و هه‌سه‌ده بزاڤێ دكه‌ت بۆ ده‌وروبه‌رێن تل ته‌مه‌ر پێشڤه‌چوونێ بكه‌ت.
ئه‌ڤرۆ نيوز:
نه‌رازيبوونێن دژى مانا سه‌رۆك وه‌زيرێن عيراقێ د به‌رده‌وامن، هه‌ردو فراكسيۆنێن سائيرۆن و نه‌سر داخوازا لێپرسينێ ل گه‌ل عادل عه‌بدولمه‌هدى سه‌رۆك وه‌زيرێن عيراقێ دكه‌ن و ديار دكه‌ن كو ئه‌وى حه‌فتيه‌ك ل پێشه بچيته جڤاتا نوونه‌ران و د روونشته‌كێ دا، به‌رپرسڤا پرسيارێن نوونه‌ران بده‌ت.
زێده‌ترى حه‌فتيه‌كێ يه، خۆنيشاندانان پتريا پارێزگه‌هێن عيراقێ ڤه‌گرتينه و تێدا داخوازا هه‌لوه‌شاندنا حوكمه‌تا عيراقێ و جڤاتا نوونه‌ران دكه‌ن.
سه‌رۆكێ جڤاتا نوونه‌ران ب نڤيساره‌كا فه‌رمى داخواز ژ عادل عه‌بدولمه‌هدى سه‌رۆك وه‌زيرێن عيراقێ كريه كو ئاماده‌يى ئێك ژ روونشتنێن جڤاتا نوونه‌ران ببيت و به‌رسڤا پرسيارێن وان بده‌ت، به‌لێ هێشتا ره‌زامه‌ندى ده‌رنه‌بڕيه.
ئه‌ڤرۆ نيوز:
ژێده‌ره‌كى ژ وه‌زاره‌تا دارايى و ئابوورى ل هه‌رێما كوردستانێ نووترين پێزانينێن ل دۆر به‌لاڤكرنا مووچێ فه‌رمانبه‌رێن هه‌رێما كوردستانێ به‌رچاڤكرن.
به‌رپرسه‌كێ وه‌زاره‌تا دارايى وئابوورى ل هه‌رێمێ بۆ باسنيوز راگه‌هاند كو به‌لاڤكرنا مووچێ فه‌رمانبه‌رێن هه‌رێما كوردستانێ دێ به‌رده‌وام بيت.
وى به‌رپرسێ وه‌زاره‌تا دارايى ره‌تكر كو كێشه كه‌فتبيته پرسا به‌لاڤكرنا مووچێ فه‌رمانبه‌ران، راگه‌هاند ژى” وه‌كو هه‌يڤێن بۆرى دێ ل رۆژێن داهاتى ده‌ست ب به‌لاڤكرنا مووچێ هه‌يڤا 8 يێ فه‌رمانبه‌رێن هه‌رێما كوردستانێ هێته كرن”.
ئه‌ڤرۆ نیوز:
وه‌زاره‌تا ده‌رڤه یا ئه‌لمانیا داخواز ژ وه‌لاتیێن كورد كریه یێن ره‌گه‌زناما ئه‌لمانى هه‌ى سه‌ره‌دانا وه‌لاتێ توركیا نه‌ده‌ن، وه‌زاره‌تا ده‌رڤه یا ئه‌لمانیا ئاماژه ب وێ یه‌كێ كریه كو توركیا ناڤێ وان چالاكڤان یێن ده‌ف هه‌ى یێن چالاكیان دژى توركیا ل ئه‌لمانیا ئه‌نجام دده‌ن و هه‌تا نوكه 14 وه‌لاتیێن كورد یێن سه‌ره‌دانا توركیا كرى، گرتینه.
ئه‌ڤرۆ نيوز:
سه‌رۆكا لژنا راپه‌راندنێ ل جڤاتا سووريا ديموكرات ئه‌ڤرۆ شه‌مبيێ 2/11/2019 راگه‌هاند كو د به‌رهه‌ڤن دانوستاندنێ ل دۆر چوونا هێزێن كوردى بۆ ناڤ رێزێن له‌شكرێ سوورى دا بكه‌ن.
ئيلهام ئه‌حمه‌د، سه‌رۆكا لژنا راپه‌راندنێ ل جڤاتا سووريا ديموكرات گۆت ژى” هێزێن كوردى دێ پشكداريێ دانوستاندنان دا كه‌ن هه‌كه ديمه‌شق پێشنيازه‌كا فه‌رمى به‌رچاڤ بكه‌ت”.
دووپاتكر ژى كو كوردێن سووريێ دخوازن ل گه‌ل ديمه‌شقێ ل سه‌ر مێزا دانوستاندنێ ل دۆر وى بابه‌تى روونن.
ئه‌ڤرۆ نيوز:
ژ ئه‌گه‌رێ خوه‌نيشاندانان ل به‌رده‌م به‌نده‌رێ ئوم قه‌سر ل پارێزگه‌ها به‌سره كو ئه‌و به‌نده‌ره دكه‌ڤيته سه‌ر كه‌نداڤى، زێده‌تر ژ 100 خوه‌نيشانده‌ران ژبه‌ر بكارئينانا غازا روندك رێژ ژ لايێ هێزێن ئه‌منى ڤه بريندار بووينه.
خوه‌نيشادان ل به‌رده‌م به‌نده‌رێ ناڤبرى دو رۆژه ل سه‌ر ئێك د به‌رده‌وامن و خوه‌نيشانده‌ران ئه‌و به‌نده‌ره داخستيه.
د هه‌مان ده‌م دا خوه‌نيشانده‌رێن پارێزگه‌ها مه‌يسان رێيا سه‌ره‌كى بۆ كێلگه‌ها (بازرگان) يا پترۆلى ل وێ پارێزگه‌هێ داخستيه.
ئه‌ڤرۆ نيوز:
په‌يڤدارێ فه‌رميێ پارتى ديموكراتى كوردستان ئه‌ڤرۆ شه‌مبيێ راگه‌هاند، پارتى سياسه‌ته‌كا بێهن فرهه په‌يره‌وكريه و گازنده ژ وێ چه‌ندێ كر كو بابه‌تێ بجهئينانا رێككه‌فتنان دبيته بابه‌ته‌كێ راگه‌هاندنێ.
مه‌حموود محه‌مه‌د، په‌يڤدارێ فه‌رميێ پارتى گۆت ژى” هه‌تا نوكه ئێكه‌تيێ ناڤێن به‌ربژارێن خوه بۆ به‌هرا خوه د پۆستێن خوار وه‌زيران دا نه‌داينه حوكمه‌تێ كو ڤێ چه‌ندێ كه‌م و كورتى ژ روويێ ئيدارى ڤه دروست كريه”.
دياركر”مه‌سرور بارزانى، سه‌رۆكێ حوكمه‌تا هه‌رێما كوردستانێ ل گه‌ل شانده‌كێ ئێكه‌تيێ دانوستاندنێن جدى بۆ چاره‌سه‌ركرنا وێ كێشێ كريه”.
ل دۆر وێ چه‌ندێ كو به‌رپرسێن ئێكه‌تيێ به‌حس دكه‌ن كو رێككه‌فتنا وان ل گه‌ل پارتى بۆ پێكئينانا حوكمه‌تێ نه‌هاتيه بجهئينان، مه‌حموود محه‌مه‌د راگه‌هاند” مه پێ باش بوو گوتبا كا ل كيرێ نه‌هاتيه بجهئينان”.
په‌يڤدارێ پارتى ئاماژه كر كو ل هه‌يڤا 8 يا بۆرى پارتى داخواز ژ ئێكه‌تيێ كربوو كۆمبوونه‌كێ بكه‌ن و ل سه‌ر ده‌م و جهى ژى رێككه‌فتن، به‌لێ ئێكه‌تيێ داخوازكر كۆمبوون بهێته پاشخستن و هه‌تا نوكه ژى ئه‌و كۆمبوون نه‌هاتيه ئه‌نجامدان”.
خوياكر ژى” سه‌رده‌مێ فيفتى فيفتى يێ پارتى و ئێكه‌تيێ يێ ب دووماهى هاته و ئێكه‌تيێ ژى ئه‌و چه‌نده قبوول كريه”.
ئەڤرۆ نیوز:
سەرۆک مەسعود بارزانی راگەهاند کو رەوشا نها یا عیراقێ گەلەک ئالۆزە و ئەو یەک دەرئەنجامێ فەشەلا ١٥ سالێن بۆری یا دەستهەلاتداریا عیراقێ یە، گەلێ عیراقێ گەلەک ئێش و ئازار دیتینە و مافێ وانە ئەڤرۆکە خوەنیشادانان بکەن و داخوازا مافێن خوە بکەن.
سەرۆک بارزانی ئەو یەک ژی دیار کر کو ئاریشا هەری مەزن یا عیراقێ ئەوە کو دستوور نەهاتیە بجهئینان و خالا دی دڤێت قانوونا هەلبژارتنان بهێتە گوهۆرین دا دەربڕینێ ژ داخوازیا هەموو پێکهاتێن عیراقێ بکەت.
سەرۆک بارزانی د پەیاما خوە دا ئاماژە ب گوهۆرینا دستووری ژی کر و راگەهاند کو نابیت گوهۆرینا دستووری ب زۆرێ بهێتە سەپاندن یان ژی ل سەر کیستێ مافێن گەلێ کورد و پێکهاتێن دی یێن عیراقێ بیت.
نيشاندان