ئەڤرۆ نیوز:
سەرۆکێ کۆمەلا قوربانیێن چەکێن کیمیاوی ل هەلەبجە راگەهاند ب بریارا سەرۆکێ حوکمەتا هەرێما کوردستانێ مەسرور بارزانی دێ ٤٧ بریندارێن چەکێن کیمیاوی بۆ چارەسەریێ رەوانەی دەرڤەی وەلاتی هێنە کرن.
لوقمان عەبدولقادر ئەو یەک ژی دیار کر کو ئەو نەخوشێن دێ هێنە رەوانە کرن دەمەکە ل نەخوشخانان بووینە و پێویستیا وان بۆ چارەسەریێ یا هەی و ئەو یەک ژی پێنگاڤەکا گرنگە چونکو ل دەرڤە دێ یا پێدڤی بۆ وان هێتە کرن.
ئه‌ڤرۆ نيوز، نيوار محه‌مه‌د سه‌ليم:
مه‌كته‌با سياسى يا پارتى ديموكراتى كوردستان روونكرنه‌ك ل دۆر تۆمه‌تباركرنا پێشمه‌رگه‌ى ل دژى خوه‌نيشاندانان به‌لاڤكر و ئاشكه‌را كر كو پێشمه‌رگه زۆر ژ هندێ يێ دووره كو ب هه‌ڤدژى وژدان و خواستێن نشتيمانى ناڤ و رێبازا خوه له‌نگدار بكه‌ت.
مه‌كته‌با سياسى يا پارتى ديموكراتى كوردستان د روونكرنه‌كێ دا كو دانه‌ك ب ده‌ست ئه‌ڤرۆ نيوز كه‌فتيه دياركر كو ئه‌وان وه‌كو پارتى ديموكراتى كوردستان رێز و پێزانين بۆ هه‌موو بزاڤ و تێكوشينێن جه‌ماوه‌رى يێن ئاشتيخواز يێن هه‌موو ته‌خ و چينان كو ل گۆره‌پانێن خوه‌نيشاندانن هه‌يه و ل گه‌ل كۆم بووينه، مه ب پێدڤى دزانى بۆچوونا خووشك و برايێن خوه يێن خودان مافێن دستوورى رابكێشين دا كو ئاگه‌هدارى بزاڤێن هنده‌ك خه‌لكێ سه‌ر لێ شێويايى و تێكده‌ر بن كو بۆ ژناڤبرن و تێكدانا ئاشتيا جڤاكى و دروستكرنا مه‌ترسيێ بۆ سه‌ر سلامه‌تيا نشتيمانى، ل دژى پێشمه‌رگه‌ى پرۆپاگندێن ژه‌هراوى به‌لاڤ دكه‌ن، ئه‌و ژى د رێيا تێكه‌لكرنا ناڤێ پێشمه‌رگه‌ى ل گه‌ل به‌رپرساتيا ژ وان بابه‌تێن د ناڤ خوه‌نيشانده‌ران دا رووداين.
دا زانين ژى كو پێشمه‌رگه‌ى كو ب مێژوويا دوور و درێژ يا نشتيمانى خوه بۆ هه‌موو عيراقيان قه‌لغان بوويه و هه‌موو پاراستينه و ب شه‌هيدێن سه‌ربلندێن خوه قوربانى و وه‌فادارى پێشكێش كريه بۆ وێ چه‌ندێ گه‌لێ عيراقێ ب هه‌موو پێكهاتێن خوه ڤه د پێشه‌نگا گه‌لێن ئازاديخواز و پێشكه‌فتيخوار دا بيت، هێزا پێشمه‌رگه‌ى پشكه‌كه ژ سيسته‌مێ به‌رگريێ عيراقێ و برايێن هه‌وه‌نه، پێشمه‌رگه زۆر ژ هندێ يێ دووره كو ب هه‌ڤدژى وژدان و خواستێن نشتيمانى ناڤ و رێبازا خوه له‌نگدار بكه‌ت.
ل دووماهيێ ژى ئاماژه ب وێ چه‌ندێ كر كو دوژمنێن ئێكرێزيا نشتيمانى ب مه‌ره‌ما گوهۆڕينا رێيا روودانان و بۆ خزمه‌تا به‌رژه‌وه‌نديێن گۆماناوى، بزاڤا به‌خشينا تۆمه‌تێن دره‌و دده‌ن. ئه‌م ژى په‌يمانێ دده‌ين كو گه‌لێ مه ب هه‌موو هێزێن خوه بۆ روو ب روو بوونا هه‌موو ئه‌وێن بزاڤێن تێكدانا ئێكرێزيا نشتيمانى دده‌ن، د ئاماده‌باشيێ دابيت.
ده‌قێ روونكرنا مه‌كته‌با سياسى يا پارتى ديموكراتى كوردستان
پشكه‌ك ژ كورێن گه‌لێ عيراقێ، ب خوه‌نيشاندان و داخوازكرنا مافێن خوه د چارچۆڤێ ناسناما وه‌لاتيبوون و د پێناڤ باشتركرنا هه‌لومه‌رجێن نها يێن عيراقێ دا، مافه‌كى په‌يره‌و دكه‌ن كو دستوور پشت گوهـ هاڤێتيه.
مه وه‌كو پارتى ديموكراتى كوردستان رێز و پێزانين بۆ هه‌موو بزاڤ و تێكوشينێن جه‌ماوه‌رى يێن ئاشتيخواز يێن هه‌موو ته‌خ و چينان كو ل گۆره‌پانێن خوه‌نيشاندانن هه‌يه و ل گه‌ل كۆم بووينه، مه ب پێدڤى دزانى بۆچوونا خووشك و برايێن خوه يێن خودان مافێن دستوورى رابكێشين دا كو ئاگه‌هدارى بزاڤێن هنده‌ك خه‌لكێ سه‌ر لێ شێويايى و تێكده‌ر بن كو بۆ ژناڤبرن و تێكدانا ئاشتيا جڤاكى و دروستكرنا مه‌ترسيێ بۆ سه‌ر سلامه‌تيا نشتيمانى، ل دژى پێشمه‌رگه‌ى پرۆپاگندێن ژه‌هراوى به‌لاڤ دكه‌ن، ئه‌و ژى د رێيا تێكه‌لكرنا ناڤێ پێشمه‌رگه‌ى ل گه‌ل به‌رپرساتيا ژ وان بابه‌تێن د ناڤ خوه‌نيشانده‌ران دا رووداين.
پێشمه‌رگه‌ى كو ب مێژوويا دوور و درێژ يا نشتيمانى خوه بۆ هه‌موو عيراقيان قه‌لغان بوويه و هه‌موو پاراستينه و ب شه‌هيدێن سه‌ربلندێن خوه قوربانى و وه‌فادارى پێشكێش كريه بۆ وێ چه‌ندێ گه‌لێ عيراقێ ب هه‌موو پێكهاتێن خوه ڤه د پێشه‌نگا گه‌لێن ئازاديخواز و پێشكه‌فتيخوار دا بيت، هێزا پێشمه‌رگه‌ى پشكه‌كه ژ سيسته‌مێ به‌رگريێ عيراقێ و برايێن هه‌وه‌نه، پێشمه‌رگه زۆر ژ هندێ يێ دووره كو ب هه‌ڤدژى وژدان و خواستێن نشتيمانى ناڤ و رێبازا خوه له‌نگدار بكه‌ت.
ژ به‌ر هندێ دوژمنێن ئێكرێزيا نشتيمانى ب مه‌ره‌ما گوهۆڕينا رێيا روودانان و بۆ خزمه‌تا به‌رژه‌وه‌نديێن گۆماناوى، بزاڤا به‌خشينا تۆمه‌تێن دره‌و دده‌ن. ئه‌م ژى په‌يمانێ دده‌ين كو گه‌لێ مه ب هه‌موو هێزێن خوه بۆ روو ب روو بوونا هه‌موو ئه‌وێن بزاڤێن تێكدانا ئێكرێزيا نشتيمانى دده‌ن، د ئاماده‌باشيێ دابيت.
مه‌كته‌با سياسى يا پارتى ديموكراتى كوردستان
18/11/2019 هه‌ولێر
ئه‌ڤرۆ نيوز، نيوار محه‌مه‌د سه‌ليم:
ئه‌ڤرۆ رۆژا دوشه‌مبى 18ى چريا دويێ 2019ێ دادگه‌ها ڤه‌كۆلينێن كه‌رخ ل به‌غدا، كو يا تايبه‌ته ب پرسێن ده‌ستپاكيێ ژ ئه‌گه‌رێ گه‌نده‌ليێ بڕيارا ده‌سته‌سه‌ركرنێ بۆ ته‌لال زۆبه‌يعى ئه‌ندامێ جڤاتا نوونه‌رێن عيراقێ ده‌ركر.
ب گۆره‌يى به‌ياننامه‌كا جڤاتا بلندا دادوه‌ريا عيراقێ، رێيا گه‌شتكرنێ ل وى نوونه‌رى هاتيه گرتن و ده‌ست ب سه‌ر دارايێ وى دا دێ هێته گرتن.
د به‌ياننامێ دا ئاماژه ب وێ چه‌ندێ ژى كريه كو دادگه‌هێ بڕيار ده‌ركريه كو ده‌ست ب سه‌ر مۆلك و مال و دارايێ ناڤبرى ژى دا بگرن.
بڕيار ب گۆره‌ى ماددێ 308 ژ قانوونا سزايێن عيراقى يه، د خولا به‌رێ ژى دا سه‌رۆكێ لژنا ده‌ستپاكيا جڤاتا نوونه‌رێن عيراقێ بوو.
ئەڤرۆ نیوز، مەحمود نهێلی:
د دوو رودانێن ئاگر بەربوونێ دا ل سنورێ ناحیا دێرەلۆک رێژەیەکا زۆرا دارستانێ ل چیایی لینکی و چیایێ سگێرێ دهێنە سوتن.
مەلکو سەلیم هەلبژێرێ گوندێ هەسنبەکرا بو ئەڤرۆ نیوز دیار کر، کو سپێدەهیا ئەڤرۆ ۱۸/۱۱/۲۰۱۹ ئاگر بەربوویە دارستانا گوندێ وان ل چیایی لینکی و گۆت : دڤێ روودانا ئاگر بەربوونێ دا رێژەیەکا زۆرا دارستانێ و داروباری هاتینە سوتن .
ناڤهاتی دیار ژی کو تا نوکە ئەگەرێ ئاگر بەربوونێ نەهاتیە زانین لێ دیار بوویە کو ژلایێ فروکەیێن تورکیا نەهاتیە توپ باران کرن.
هەروەسا ئەڤە هەیاما سێ رۆژایە ئاگر ب چیایێ گوندێ سگێرێ ڤە ل دەڤەرا نهێلی و تا نوکە نەهاتیە کونترولکرن .
ل گور ئاخفتنا شاهد حالان پشتی کو ئەڤ چیایە ژلایێ فرۆکەیێن تورکیاڤە هاتیە توپ بارانکرن ئەڤ ئاگرە دروست بوویە .
ئه‌ڤرۆو نیوز، نه‌وزاد هلۆری:
ده‌مه‌كێ كێم به‌ری نوكه د كونگره‌یه‌كێ رۆژنامه‌ڤانی دا نڤیسنیگه‌ها ره‌ڤاندیێن ئێزدی ل دهۆكێ دوماهی ئامارا ره‌ڤاندی و رزگاركری و قوربانیێن كاره‌ساتا شنگال و ئێزدیان راگه‌هاند.
- هژمارا شه‌هیدان 1293
– هژمارا ره‌ڤاندیان ب گشتی 6 6417 كه‌س، ژ وانان 3548 ژ ره‌گه‌زێ نێر و و 2869 ژی ژ ره‌گه‌زێ مێ
– هژمارا ئاواران پتری 360 هزار كه‌سه
– هژمارا مه‌زارێن ته‌قاندی 68
– پتری 100 هزار كه‌سان په‌نابه‌رێ ده‌رڤه‌یێ كوردستانێ بوینه
– هژمارا زاروكێن هێتیم 2745
– هژمارا گورێن ب كوم هاتینه دیتن 73
– هژمارا رزگاركریان 3524 كه‌س كو ئه‌و ژی 1197 ژن، 339 زه‌لام، 950 زاروكێن كور، 1038 زاروكێن كچ
– هژمارا كه‌سێن مای 2893 كه‌س كو ئه‌و ژی 1313 ژ ره‌گه‌زێ مێ و 1580 ژی ژ ره‌گه‌زێ نێرن
ئه‌ڤرۆ نيوز:
ب گۆره‌ى ئاماره‌كا ئاژانسا ده‌نگوباسێن ميهرى يا ئيرانى، ژمارا ئه‌و كه‌سێن د سێ رۆژێن رابۆرى دا ل ئيرانێ دژى گرانبوونا بهايێ په‌نزينێ خوه‌نيشاندان ئه‌نجام دايى، گه‌هشتيه 87 هزار و 400 كه‌سان و خوه‌نيشاندانێن ئه‌ڤێ جارێ ژى ب دژوارتر ژ يێن سالا 2017ێ ب ناڤ كرينه.
ئاژانسا ئيرانى دايه زانين كو نێزيكى هزار كه‌سان ژ ئه‌گه‌رێ خوه‌نيشاندانان هاتينه گرتن و نێزيكى 100 به‌نكان تووشى ده‌ستدرێژيا دزى و تالانكرنێ بووينه.
ب شه‌ڤ ل ته‌هران خوه‌نيشاندان برێڤه دچن و خوه‌نيشانده‌ر ل گه‌ل هێزێن ئه‌منى روو ب روويێ ئێك دبن. خوه‌نيشانده‌رێن ئيرانى درويشمێ “مه‌رگ بۆ دكتاتۆر”ى بلند كريه. ل پتريا جهان ته‌قه ل خوه‌نيشانده‌ران دهێته كرن دا كو بهێنه به‌لاڤكرن ب تايبه‌ت ژى ل رۆژهه‌لاێ كوردستانێ ژ به‌ر ڤێ چه‌ندێ ژى ژماره‌ك ژ خوه‌نيشانده‌ران هاتينه كوشتن و بريندار بووينه.
ئه‌ڤرۆ نيوز، نيوار محه‌مه‌د سه‌ليم:
نڤيسينگه‌ها راگه‌هاندنێ يا سه‌رۆك وه‌زيرێن عيراقێ ئاشكه‌را دكه‌ت كو د ماوێ حه‌فتيه‌كێ دا، پرۆژێ قانوونا بوودجا 2020ێ دێ هێته ره‌وانه‌كرن بۆ جڤاتا نوونه‌رێن عيراقێ.
عه‌بدولموحسن هه‌نين، شيره‌تكارێ ئابوورى يێ سه‌رۆك وه‌زيرێن عيراقێ راگه‌هاند، دانوستاندن ده‌رباره‌ى پرۆژێ قانوونا بوودجێ و گوهۆڕينێن ل سه‌ر ل جڤاتا وه‌زيران د به‌رده‌وامن، به‌لێ د حه‌فتيه‌كێ دا، پرۆژێ قانوونا بوودجا 2020ێ يێ عيراقێ دێ هێته ره‌وانه‌كرن بۆ جڤاتا نوونه‌ران.
ئاماژه ب وێ چه‌ندێ ژى كر كو هه‌موو بزاڤێن وان ئه‌ون كو پرۆژه بێ كێشه و د زووترين ده‌م دا ب دووماهى بهێت و د ماوێ حه‌فتيه‌كێ هه‌تا 10 رۆژان دا دێ گه‌هيته جڤاتا نوونه‌ران.
ئاماژه ب وێ چه‌ندێ ژى كر كو له‌زكرن د ئاماده‌كرنا پرۆژه‌ى دا بۆ وێ چه‌ندێ يه به‌رى سه‌رێ سالا نوو ده‌نگ ل سه‌ر پرۆژه‌يى بهێته دان و ب ببيته قانوون دا كو خه‌له‌تيێن سالێن بۆرى دووباره نه‌بن.
ئه‌ڤرۆ نيوز:
په‌يڤدارێ نڤيسينگه‌ها سه‌رۆك وه‌زيرێن عيراقێ راگه‌هاند د پێشنيازێن راستڤه‌كرنا قانوونا هه‌لبژارتنێن عيراقێ خودانێن ده‌هان جۆرێن پۆستان نه‌شێن خوه به‌ربژار بكه‌ن، هه‌روه‌سا هژمارا ئه‌ندمێن په‌رله‌مانى ژى دێ هێنه كێمكرن.
سه‌عه‌د حه‌ديسى، په‌يڤدارێ نڤيسينگه‌ها عادل عه‌بدولمه‌هدى سه‌رۆك وه‌زيرێن عيراقێ د داخۆيانيه‌كا رۆژنامه‌ڤانى دا راگه‌هاند، ل دووڤ پرۆژێ قانوونا نوو يا هه‌لبژارتنێن عيراقێ، نابيت ئه‌و كه‌سێن ئه‌ڤ پۆسته هه‌ين نابيت د هه‌لبژارتنان دا خوه به‌ربژار بكه‌ن:.
– سه‌رۆك كۆمار
- سه‌رۆك وه‌زيران و جێگرێن وى
- وه‌زير و بريكارێن وه‌زيران
- سه‌رۆكێن ده‌سته‌يێن سه‌ربخوه و جێگرێن وان
- سه‌رۆكێن ده‌زگه‌هێن نه گرێداى ب وه‌زاره‌تان ڤه و جێگرێن وان
- راوێژكار
- پارێزگه‌ر و جێگرێن وان
- سه‌رۆك و ئه‌ندامێن جڤاتێن پارێزگه‌هان
- خودانێن پلێن تايبه‌ت
- رێڤه‌به‌رێن گشتى
- دادوه‌ر
- ئه‌ندامێن داواكاريا گشتى
- هه‌موو ئه‌ندامێن هێزێن ئه‌منى
- ئه‌ندامێن جڤاتا كۆمسياران و خودانێن پۆستێن بلند ل كۆمسيۆنا بلند يا هه‌لبژارتنان و فه‌رمانبه‌رێن كۆمسيۆنێ
هه‌روه‌سا دياركر كو ئه‌ندامێن په‌رله‌مان ل دووڤ وى پرۆژه‌ى دێ 251 كه‌س بن كو 5 ژوان كوتا مه‌سيحى و 1 سابيئه و 1 ئێزدى و 1 كوردێ فه‌يلى و 1 شه‌به‌ك.
ئاماژه كر ژى كو ل دووڤ پرۆژێ ناڤبرى عيراق ل سه‌ر ئاستێ پارێزگه‌هان بۆ 18 بنگه‌هێن هه‌لبژارتنێ دێ هێته دابه‌شكرن.
ئه‌ڤرۆ نیوز:
رێڤه‌به‌رێ گشتیێ ڤه‌گوهاستنێ ل هه‌رێما كوردستانێ ئه‌ڤرۆ ئێكشه‌مبى 17/11/2019 د كۆنگره‌كێ رۆژنامه‌ڤانى دا راگه‌هاند كو ئه‌ڤرۆ چه‌سپاندنا لۆگۆیێ تاكسیان ده‌ستپێكریه و پێدڤیه شوفێر پێگیریێ ب بریار و رێنمایان بن.
سه‌لاح جه‌وهه‌ر، رێڤه‌به‌رێ گشتیێ ڤه‌گوهاستنێ ل هه‌رێمێ گۆت” ئه‌ڤرۆ پرۆژێ دانانا لۆگۆى و ره‌نگێ تایبه‌ت ب تاكسیێن باژیران ده‌ستپێكر و ده‌مێ شه‌ش هه‌یڤان دێ مۆله‌ت ب شۆفێران بۆ تمامكرنا كارێن خوه هاتیه دان”.
گۆت ژى” پێدڤیه شۆفێرێن تاكسیان سه‌ره‌دانا رێڤه‌به‌ریێن ڤه‌گوهاستنێ ل پاریزگه‌هێن خوه بكه‌ن بۆ وه‌رگرتنا فۆرما تایبه‌ت و ده‌ستپێكرن ب بجهئینانا وى پرۆژه‌ى”.
عه‌بدولقادر عه‌زیز، رێڤه‌به‌رێ گشتیێ پۆلیسێن هاتنوچوونێ ل هه‌رێما كوردستانێ د وى كۆنگرێ رۆژنامه‌ڤانى دا گۆت” ده‌مه‌كێ زۆره ل گه‌ل وه‌زاره‌تا ڤه‌گوهاستنێ مژوولى ڤى پرۆژه‌ى نه كو وه‌لاتى گه‌له‌ك جاران به‌حس دكه‌ن كو كارمه‌ندێن وه‌زاره‌تا ناڤخوه و پێشمه‌رگه ب كارێ شۆفێریا تاكسیێ رادبن كو ئه‌ڤه ژى یا رێپێداى نینه و نابیت كارێ تاكسیێ بكه‌ن و رێ ل وه‌لاتیان بگرن، له‌وما مه ئه‌ڤ پرۆژه‌یه خستیه د وارێ بجهئینانێ دا”.
ل دووڤ بریارا ناڤبرى، لۆگۆیێ تاكسیان ناڤ باژێرێ هه‌ولێرێ سوور بیت و یێ سلێمانیێ ره‌نگێ شێن و یێ دهۆكێ ره‌ش و ئه‌و تاكسیێن د ناڤ باژێران دا كار دكه‌ن دێ ره‌نگێ لۆگۆیێ وان قه‌هوایى بیت.
ل رۆژا 8/10/2019 وه‌زیرێ ڤه‌گوهاستنێ و گه‌هاندنێ ل هه‌رێما كوردستانێ راگه‌هاندبوو” دڤێت سێ له‌زگا دناڤ ترۆمبێلا تاكسی دا بهێنه هه‌لاویستن كو ناڤ و وێنێ شوفێرى و هژمارا ته‌له‌فۆناێن شۆفێر، پۆلیس، ئاسایش و به‌رهنگاریا توندوتیژیا دژى ئافره‌تان ل سه‌ر بیت و هه‌ر كه‌س د هه‌ر حاله‌ته‌كى دا كو هه‌ست ب پێشیلكاریێ به‌رامبه‌ر خوه بكه‌ت، دشێت وێنه‌كێ له‌زگێ بگریت و سكالایێ تۆمار بكه‌ت”.
نيشاندان