ئه‌ڤرۆ نيوز، نيوار محه‌مه‌د سه‌ليم:
گه‌شتيا په‌ترۆل هه‌لگر يا بريتانيا پشتى نێزيكى دو هه‌يڤان ژ ده‌سته‌سه‌ركرنێ ژ لايێ سۆپايێ پاسداران ڤه، ئه‌ڤرۆ كه‌نارێن ئيرانێ بجهـ هێلان.
ب گۆره‌يى داتايێن پێگه‌هێ “رێڤينيتيف” يێ تايبه‌ت ب لڤينێن ده‌رياڤانى، گه‌شتيا په‌ترۆل هه‌لگرا بريتانى “ستينا ئيمپرۆى” ئه‌ڤرۆ رۆژا ئه‌ينى به‌نده‌ر عه‌باس يێ ئيرانێ ب جهـ هێلا و به‌ر ب ئاڤا نێڤده‌وله‌تى ڤه ب رێكه‌فت.
ئه‌ڤرۆ نيوز، نيوار محه‌مه‌د سه‌ليم:
دادگه‌ها كه‌ركووك ياداشنامه‌ك بۆ ته‌ده‌سته‌سه‌ركرنا رێبۆرا ته‌له‌بانى، سه‌رۆكێ جڤاتا پارێزگه‌ها كه‌ركووك ب وه‌كاله‌ت ده‌ركر، ئه‌و ژى دبێژيت مه‌ره‌مێن سياسى ل پشتن و نه‌ڤێت جڤاتا پارێزگه‌ها كه‌ركووك كۆم ببيت.
رێبۆرا ته‌له‌بانى، سه‌رۆكێ جڤاتا پارێزگه‌ها كه‌ركووكێ ب وه‌كاله‌ت راگه‌هاند كو ل 16ى ئۆكتۆبه‌را 2017ێ دو ترۆمبێلێن حكومى د ناڤ مالا من دا هه‌بوون ل كه‌ركووك و ژ لايێ وان هێزان ڤه هاتنه دزين يێن هاتينه ناڤ باژێرى”.
گۆتژى: “وى ده‌مى ل دادگه‌ها هه‌ولێر و كه‌ركووك من سكالا تۆمار كربوو و ئاگه‌هدار كربوون كو ئه‌و دو ترۆمبێله هاتينه دزين، به‌لێ دادگه‌ها كه‌ركووك و ئه‌و دادوه‌ر كو هه‌ر ئه‌و دادوه‌رێ به‌رێ يه، ب مه‌ره‌مه‌كا سياسى و ب مه‌ره‌ما فرامۆشكرنێ ياداشناما ده‌سته‌سه‌ركرنا من يا ده‌ركرى”.
سه‌رۆكێ جڤاتا پارێزگه‌ها كه‌ركووك ب وه‌كاله‌ت ئاماژه ب وێ چه‌ندێ ژى دكه‌ت كو پارێزه‌رێ خوه راسپارديه ئه‌وان به‌لگان راده‌ستى دادگه‌هێ بكه‌ت يێن وى ده‌مى وى ب سكالا تۆماركرى.
ل دووڤ گۆتنێن رێبۆار ته‌له‌بانى “ئێكرێزيا پارتێن كوردستانى، نێزيك بوويه و ئێكه‌تى و پارتى و كێشا پارێزگارى هه‌موو ل سه‌ر وێ چه‌ندێ مايه جڤاتا پارێزگه‌هێ كۆم ببيت و بهێته كارا كرن، كه‌سێ ئێكانه ژى يێ بشێت وێ كۆمبوونێ بكه‌ت، سه‌رۆكێ جڤاتا پارێزگه‌هێ يه كو ئه‌زم، ژ به‌ر هندێ ئه‌ڤان كێشان دروست دكه‌ن دا كو كۆمبوون نه‌هێته كرن و هه‌تا پشتى هه‌لبژارتنان ره‌وشا كوردان ب وى ره‌نگى بمينيت”.
ئه‌ڤرۆ نیوز:
مۆزه‌خانا (ئه‌منه سوره‌كه) یا نیشتمانى ل باژێرێ سلێمانیێ كو ب ده‌هان وێنه و په‌یكه‌ر و جهێن زیندانیان و خوراگریا وى باژێرى دژى سیاسه‌تا زورداریا رژێما به‌عس ب خوه‌ڤه گرتبوو، ژ ئه‌گه‌رێ نه نه‌دانا مووچێ كارمه‌ندێن وێ هاته داخستن.
د به‌رپه‌رێ مۆزه‌خانا (ئه‌منه سوره‌كه) دا ل تۆرا جڤاكى یا فه‌یسبووكى دا رۆهنكرنه‌ك ل دۆر داخستنا وێ هاتیه به‌لاڤكرن و تێدا هاتیه” پشتى خوراگریه‌كا زۆر یا كارمه‌ندێن مۆزه‌خانێ، كو زێده‌تر ژ چار هه‌یڤانه مووچه و بودجا مۆزه‌خانێ هاتینه راگرتن و دشیان دا نه‌بوو سێرڤزێن پشك و هۆلێن مۆزه‌خانێ بهێنه دابینكرن، ژ ئه‌گه‌رێ ڤێ چه‌ندێ ژى كێشێن هونه‌رى و ته‌كنیكى بۆ دروست بوون”.
هه‌روه‌سا دیاركریه” گه‌له‌ك ژ كارمه‌ندێن مۆزه‌خانێ كرێدار و خودان زارۆكن و پێدڤى ب ژێده‌رێ ژیارا خوه‌نه كو ب نه‌چارى رۆژانه دچن بۆ كارێ كرێكاریێ تاكو بشێن درێژیێ ب ژیانا خوه یا رۆژانه بده‌ن”.
ئه‌منه سوره‌كه كو ژ لایێ رژێما به‌عس یا ژ ناڤچووى وه‌كو زیندان و سه‌نته‌رێ ئه‌شكه‌نجه‌دانێ ل سلێمانیێ دهاته بكارئینان، ل سالا 1995 بوویه مۆزه‌خانه‌یه‌كا نیشتمانى، نوكه ژى ژ به‌ر دابین نه‌كرنا بودجێ وێ مۆزه‌خانێ و مووچێن كارمه‌ندێن وێ، بریارا داخستنا وێ ژ لایێ ستافێ وێ ڤه هاته دان.
ئه‌ڤرۆ نیوز:
پشتى بریارا وه‌زاره‌تا ناڤخوه ل هه‌رێما كوردستانێ ل دۆر قه‌ده‌غه‌كرنا هاتنوچوونا ترومبێلێن حكومى پشتى ده‌وامێ، په‌یڤدارێ رێڤه‌به‌ریا هاتنوچوونا هه‌ولێرێ پێزانینه‌كا نوو ل دۆر وێ بریاره‌كێ ئاشكرا دكه‌ت و دبێژیت دێ لژنه‌كا تایبه‌ت هێته پێكئینان بۆ جوداكرنا وان ترومبێلێن رێپێدان بۆ دهێته دان.
ل دووڤ بریاره‌كا وه‌زاره‌تا ناڤخوه پشتى ده‌واما فه‌رمى نابیت ترومبێلێن حكومى بهێنه بكارئینان و هاتنوچوونێ بكه‌ن و ئه‌ڤ بریاره ل 1/10/2019 دێ چیته د وارێ ب جهئینانێ دا.
فازل حاجى، په‌یڤدارێ رێڤه‌به‌ریا هاتنوچوونا پارێزگه‌ها هه‌ولێرێ بۆ (وشه) رۆهنكر كو رێپێدان ب ترۆمبێلێن حكومى دێ ل ده‌مژمێر 7 سپێدێ تاكو 5 ئێڤارێ وگۆت” له‌وما ئه‌و ده‌مه هاتیه ده‌ستنیشانكرن چونكى شۆفێرێن فه‌رمانگه‌هێن حكومى ژ ده‌مژمێر 7 سپێدێ دچنه د دووڤ فه‌رمانبه‌ران را تاكو ب گه‌هینن ده‌وامێ، ژ به‌ر كو ده‌وام ل ده‌مژمێر 3 پشتى نیڤرۆ ب دووماهى دهێت، ل سه‌ر شۆفێری یه فه‌رمانبه‌ران بگه‌هینیته مالێن وان ژى، له‌وما ڤێ چه‌ندێ ژى ده‌م بۆ دڤێت”.
ئەڤرۆ نیوز، ئەمیر ئەترووشی
د هەیاما چار سالێن بۆری دا د ناڤا كەمپێن ئاوارەیان دا 20678 زارۆك ژدایكبووینە كو 10306 ژ وان ب رەگەزی مێ و 10372 نێر بووینە.
سالم سەعید، بەپرسێ راگەهاندنا بۆردێ كارۆبارێن مرۆڤایەتی ل پارێزگەها دهۆكێ بۆ ئەڤرۆ نیوز دیار كر، ب گشتی ئەو كەسێن د ناڤا كەمپان دا ل پارێزگەها دهوكێ ل بن ژیێ 18 سالیێ دا كو ب زارۆ دهێنە ناڤكرن هژمارا وان 79783 كەسن و ژ وان ژی 39946 رەگەزێ مێ نە و 39873 ژ رەگەزێ نێرن.
زێدەتر ل گۆرەی ئاماران دبێژیت: هەتا نها 291 كچ و 228 كوڕ كو د ژیێ زارۆكینیا دا ژ دەستێ داعشێ هاتینە رزگاركرن و هاتنا رێكخراوا تیرۆری یا داعش بۆ شنگال و مووسل بوویە ئەگەر 3560 زارۆ بێ سەمیان بووینە كو نها پتریا وان د رەوشەكا نەباش و خراب دا د ناڤا كەمپان دا دژین.
ئەڤرۆ نیوز، نەوزاد ھلۆری:
ب مەرەما خزمەتکرنا گەنجێن دەڤەرێ، بو ئێکەمجار ل سنوورێ قەزا ئامێدیێ، کومەلگەھەکا وەرزشی یا مەزن ل سەنتەرێ ناحیا شێلادزێ دھێتە چێکرن کو پێکھاتیە ژ شەش یاریگەھێن وەرزی و چەندین خزمەتێن وەرزشی ، بریارە بەری سەرێ سالێ بکەڤیتە د خزمەتا وەرزشڤانان دا.
رێدار سدقی، ئەندازیارێ سەرپەرشتێ پرۆژەی بۆ ئەڤرۆ نیوز گۆت: (کومەلگەھا وەرزشی یا شێلادزێ ئێکە ژ مەزنترین کومەلگەھێن وەرزشی ل کوردستان و پارێزگەھا دھۆک و ل سەنتەرێ ناحیا شێلادزێ دھێتە چێکرن، پێکدھێت ژ یاریگەھەکا مەزن یا 11 کەسی، یاریکەھەکا گرتی یا شەش کەسی، یاریگەھا فولیبولێ، یاریگەھا تێنسێ، یاریگەھا باسکت بولێ، مەلەڤانگەھەکا یاریێن وەرزشی، ھولەکا لەشجوانی و یاریکەھەکا بچوک کری تایبەت ب زاروکان ڤە، ل گەل پارکا ترومبێل و باخچە و کافی و ریستوراند و چەند پشکەکێن دن، ھەموو ژی ب شێوە و سالوخەتێن نیڤدەولەتی و ستاندارێن جیھانی دھێنە چێکرن).
زێدەتر گۆت: (پرۆژە، پرۆژەکێ ئێکەتیا لاوێن دیموکراتا کوردستانێ یە و وەبەرھێنەر فەخری رێکانی دروست دکەت، نوکە 25% ژ پرۆژەی ھاتیە چێکرن، بریارە بەری سەرێ سالێ ھەموو یاریگەھێن وەرزی دوماھی بھێن و بکەڤیتە دخزمەتا وەرزشڤانان دا، پرۆژە سێ ھەیڤە دەستپێکری و دەمێ پرۆژەی ژی 21 ھەیڤە).
ناڤبری دیارکر ژی کو ژبلی یاریگەھان، دھەمان دەم دا جھێ دو ھزار جەماوەر و پشتەڤانێن وەرزشی ھاتیە چێکرن و زێدەتر گۆت: (وەرزشڤان دێ ب پارەکێ کێمتر ژ یاریگەھێن دی، یاریان د یاریگەھێن کومەلگەھا وەرزشی یا شێلادزێ دا کەن، مەرەم ژ چێکرنا ئەڤێ کومەلگەھێ خزمەتکرنا گەنج و لاو و وەرزشڤانێن دەڤەرا بارزان و شێلادزێ و دێرەلووک و دەڤەرا ئامێدیێ ب گشتی یە ژبەرکو یا بێ بەھرە ژ خزمەتێن وەرزشی، دھێتە چاڤەرێکرن کو چەندین خولێن بھێز یێن دەڤەرێ ژی تێدا بھێنە ڤەکرن).
ئه‌ڤرۆ نیوز:
رێڤەبەرێ نەخۆشخانا دھۆک یا چاڤا ل پارێزگەھا دھۆکێ دیارکرکو ئامیرێ لیزەرێ بۆ رەشکا چاڤا گەھشتە پارێزگەھا دھۆکێ و دێ خزمەتا وان وەلاتیان ھێتەکرن یێن تووشی نەخۆشیێن رەشکا چاڤا دبن و ب رێیا ڤی ئامیری ئێدی رەشکا چاڤا زێدە نابی.
د. ئەفراسیاب موسا، رێڤەبەرێ نەخۆشخانا دھۆک یا چاڤا راگەھاند کو ئەو مزگینیەکێ ددەنە خەلکی ب تایبەتی ژی یێن نەخۆشیێن چاڤان ھەین، نەخۆشخانا چاڤا دگەل رێڤەبەر یا گشتی یا ساخلەمیا دھۆکێ شیان ئامیرەکێ زۆر پێشکەفتی ئەوژی ئامیرێ راوەستاندنا رەشرەشکا چاڤی یە بگەھیت کو ئەڤی ئامیرەی شیانێن نەھێلانا خرابتربوونا رەشکا چاڤی دپاشەرۆژێ دا ھەنە ل دەڤ وان کەسێن تووشی نەخۆشیا رەشکا چاڤا دبن و گۆت: ھەردەم ھەولدان مە کرینە کو خزمەتێن تەندروستی بھێنە دابینکرن داکو بارسڤکی بۆ وەلاتیان دروست بیت ژ لایێ ئابووری ڤە.
ئەوژی دیارکر کو ئارمانجا حکومەتا ھەرێما کوردستانێ دگەل وەزارەتا ساخلەمیێ و رێڤەبەریا گشتی یا ساخلەمیێ ئەوە ب باشترین کوالێتی خزمەتێن تەندروستی بۆ وەلاتیان بھێنە پێشکێشکرن و گۆت: ئەڤە ئێکەمین ئامیرەیە ل سەرانسەری ھەرێما کوردستانێ ھەتا ل عێراقی ژی ل دھۆکێ ھاتە دانان.
د. ھەڤال مستەفا، تایبەتمەندێ نەخۆشیێن چاڤا دیارکر کو ئەڤ ئامیرێ لیزەرێ دھێتە بکارئینان بۆ ھندەک نەخۆشێن چاڤا یێن رەشکا چاڤی کو یا بەربەلاڤە دناڤ خەلکی دا و گۆت: چاڤ دگەل ژیێ مرۆڤی لاواز دبیت و ئەڤ ئامیرێ نوکە گەھشتیە دھۆکێ ریگریێ ل لاوازبوونا چاڤی دگریت وناھێلیت خراپتر بیت، چونکو ھەکە رەشکا چاڤی خراپتر ببیت پێدڤیە نشتەرگەیەکا مەزن بۆ کەسێ نەخۆش بھێتە کرن، بەَلێ ئەڤ ئامیری نھا ھاتیە دھۆکێ ناھێلن نەخۆشیا چاڤی بگەھتە وێ ئاستی نشتەگەریەکا مەزن بۆ بھێتە ئەنجامدان، ئەڤەژی تشتەکێ زۆر باشە دی َشێین ب شێوەیەکێ باشتر خزمەتا خەلکێ خوە بکەین و خزمەتیێن رێَیا ڤی ئامیرەی بێ بەرامبەر بۆ وەلاتیان دھێنە پێشکێشکرن.
ئه‌ڤرۆ نيوز:
بنگه‌هێ نه‌هێلانا ماددێ هۆشبه‌ر ل حاجى ئومه‌ران سه‌ر ب رێڤه‌به‌ريا گشتى يا ئاسايشا هه‌ولێر هه‌شت كيلۆگرامێن كريستال گرتن و سێ تۆمه‌تبارێن ئيرانى ژى ده‌سته‌سه‌ركرن.
نيشاندان