ئه‌ڤرۆنيوز:
وه‌زيرێ پلاندانانێ ل هه‌رێما كوردستانێ ئه‌ڤرۆ دوشه‌مبى 18/12/2018 راگه‌هاند، ئاكنجيێن هه‌رێمێ زێده‌ترن ژ حه‌فت مليۆن كه‌سان.
عه‌لى سندى، وه‌زيرێ پلاندانانێ ئه‌ڤرۆ دكونفرانسه‌كێ ساخله‌مى وپه‌روه‌رده‌يى دا ل هه‌ولێرێ گۆت” هژمارا ئاكنجيێن هه‌رێما كوردستانێ ب ئاواران ژى ڤه حه‌فت مليۆن كه‌سن ورێژا زارۆيان ب شێوه‌كێ به‌رچاڤ يا كێمبووى”.
دياركر ژى” هژمارا ئاكنجيێن هه‌ريمێ به‌رى هاتنا ئاوارن پێنج مليۆن كه‌س بوو”.
ئه‌ڤرۆ نیوز:
وه‌زاره‌تا خواندنا بلند، ئه‌ڤرۆ د راگه‌هاندنه‌كێ دا، داخوازێ ژ هه‌لگرێن باوه‌رنامێن ماسته‌ر و دكتورایێ دكه‌ت كو ب رێیا وه‌زاره‌تا وان داخوازیێن خوه بۆ دامه‌زراندنێ ل زانكۆ و په‌یمانگه‌هێن تایبه‌ت پێشكێش بكه‌ن.
بۆ زانینا مه‌رجان لینكێ ل خوارێ ڤه‌كه.
ئه‌ڤرۆنيوز:
فه‌رمانگه‌ها راگه‌هاندنێ ل په‌رله‌مانێ عيراقێ ئه‌ڤرۆ دوشه‌مبى 18/12/2018 ناڤێن وان په‌رله‌مانتارێن خۆلا نوو به‌لاڤكر يێن هه‌تا نوكه سويندا دستوورى نه خواندى كو هژمارا وان هه‌شت په‌رله‌مانتارن.
فه‌رمانگه‌ها ناڤبرى دبه‌ياننامه‌كێ دا به‌لاڤكر” هه‌شت په‌رله‌مانتار كو دهه‌لبژارتنێن 12/5/2018 دا سه‌ركه‌فتن ب ده‌ستڤه ئينايه، تاكو روونشتنا 16 ژى يا په‌رله‌مانى كو ل 6 ڤێ هه‌يڤێ هاتيه ئه‌نجامدان، سويندا دستوورى نه‌خوانديه. كو ئه‌وژى هه‌ر ئێك ژ :
1- حه‌يدر جه‌واد عه‌بادى.
2- نورى كامل مالكى.
3- ئه‌سعه‌د عه‌بدولئه‌مير.
4- حسێن جاسم.
5- راكان سه‌عيد.
6- عه‌بدولحسێن عه‌بدولره‌زا باقر.
7- قاسم محه‌مه‌د جه‌لال.
8- عه‌توان سه‌يد حه‌سه‌ن.
ئه‌ڤرۆنيوز:
دادگه‌ها كارگێرى ل عيراقێ ئه‌ڤرۆ دوشه‌مبى 17/12/2018 برياره‌ك ل دۆر هه‌لوه‌شاندنا برياره‌كا سه‌رۆك وه‌زيرێن به‌رێ يێ عيراقێ حه‌يده‌ر عه‌بادى ده‌ركر ول دووڤ وێ بريارێ فالح فه‌ياز بۆ پۆستێن خوه يێن به‌رێ هاته زڤراندن.
دادگه‌ها كارگێرى يا عيراقى برياره‌كا حه‌يده‌ر عه‌بادى سه‌رۆك وه‌زيرێن به‌رێ يێ عيراقێ ره‌تكر كو ل دژى فالح فه‌ياز سه‌رۆكێ ده‌سته‌يا حه‌شدا شه‌عبى ده‌ركربوو.
دادگه‌ها ناڤبرى دبرياره‌كا دادوه‌رى دا راگه‌هاند كو بريارا عه‌بادى يا ل دۆر لادانا فالح فه‌ياز ژپۆستێ سه‌رۆكاتيا ده‌سته‌يا حه‌شدا شه‌عبى برياره‌كا هه‌لوه‌شيايه.
نڤيسينگه‌ها فالح فه‌ياز كوپيه‌كا بريارا دادگه‌هێ به‌لاڤكر وتێدا دياردبيت كو فالح فه‌ياز هه‌رسێ پۆستێن خوه يێن به‌رێ وه‌رگرتن ئه‌وژى سه‌رۆكاتيا ده‌سته‌يا حه‌شدا شه‌عبى وشيره‌تكارێ ئاسايشا نيشتمانى يا عيراقێ وسه‌رۆكێ ده‌زگه‌هێ ئاسايشا نيشتمانى.
ئه‌ڤرۆ نيوز:
د.ئارام بالاته‌يى، ئه‌ندامێ په‌رله‌مانێ عيراقێ، ئه‌ڤرۆ ب فه‌رمى ژ ئاليێ سه‌ركردايه‌تيا پارتى ديموكراتى كوردستان ڤه هاته هه‌لبژارتن وه‌كو په‌يڤدارێ فراكسيونا پارتى ل په‌رله‌مانێ عيراقێ.
د.ئارام بالاته‌يى بۆ ئه‌ڤرۆ نيوز دياركر: سوپاس بۆ سه‌ركردايه‌تيا پارتى كو ئه‌و باوه‌ريه ب من داى، هيڤيدارم بشێم ب شێوه‌يه‌كێ دادپه‌روه‌رانه ڤى ئه‌ركى ئه‌دا بكه‌م.
ئەڤرۆ نیوز:
ئەڤرۆکە سەرۆک بارزانی ل گەل نوونەرێ تایبەت یێ سەرۆکێ ئەمریکا بۆ شەرێ ل دژی داعشێ بریت ماکگورک کۆمبوو و د کۆمبوونێ دا بەحسێ رەوشا سووریێ و گوهۆرینێن ل دەڤەرێ هاتە کرن و هەروەسا رەوشا عیراقێ و پەیوەندیێن د ناڤبەرا هەولێرێ و بەغدایێ ژی تەوەرەکا دی یا کۆمبوونا سەرۆک بارزانی ل گەل بریت ماکگورکی بوو.
سەرۆک بارزانی د کۆمبوونێ دا دلگرانیا خوە ل دۆر رەوشا نها یا سووریێ و رۆژئاڤایێ کوردستانێ گەهاندە نوونەرێ ئەمریکا و داخوازا چارەسەریا ئالۆزیان کر.
د کۆمبوونێ دا بالیۆزێ ئەمریکا ل بەغدا دۆگلاس سلێمان و شاندەکێ دی ژی ل گەل بریت ماکگورک د کۆمبوونێ دا بەرهەڤ بوون.
ئەڤرۆ نیوز:
بەری دەمەکێ کێم ل باژێرێ نینون یێ سویسری پشککێشانا قوناغا شازدێ یا قارەمانیا ئوروپا قارەمانێن خولان ھاتنە راکێشان بۆ وان یانێن دەربازی ڤێ قوناغێ بوین ئەوێن دێ ل ١٣ ھەیڤا شوباتا سالا بھێت دێ ھێنە کرن و ئەنجامێن ڤێ پشککێشانێ ژی ب ڤی رەنگی بوون.
بورسیا دورتموند VS توتنھام یا ئنگلیزی
مانچستەر ستی VS شالکە یا ئەلمانی
مانچستەر یونایتد VS پاریس سان جێرمان
ئەتلەتیکو مەدرید ئسپانی VS یوڤانتوس یا ئیتالی
ئولومپیک لیون فرەنسی VS بەرشەلونا یا ئسپانی
روما یا ئیتالی VS پورتو یا پرتوگالی
ئەیاکس ئەمستردام ھولەندیVS ریال مەدرید یا ئسپانی
لیڤەرپول یا ئنگلیزی VS بایرن میونخ
ئەڤرۆ نیوز، لەزگین جوقی:
ئەندامەکی جڤاتا پارێزگەھا نەینەوا دیار کر کو ھەتا نوکە رەڤاندیێن ئێزدی د ناڤ خێزانیێن مووسل دا ھەنە و بەردەوام تووشی توندوتیژیێ دبن.
خەلیل شەمۆ، ئەندامێ جڤاتا پارێزگەھا نەینەوا بۆ ئەڤرۆ نیوز دیار کر کو گەلەک حالەت ھەبووینە و کچێن رەڤاندی یێن ژ ناڤ مالان ھاتینە رزگارکرن ھەتا نوکە ب سەدان رەڤاندیێن ئێزدی ھەنە ھێشتا ب نھێنی د ناڤ مالان دا د ڤەشارتینە و بەردەوام تووشی توندوتیژیی دبن، پێدڤیە ھەموو بزاڤ بھێنە کرن ب شێوەیەکێ بەرفرەھتر کاری ل سەر رزگارکرنا رەڤاندیێن ئێزدی بھێتە کرن و گۆت: “ھەر خێزانەکا ل مووسل کچەک یان ژنەکا ئێزدی د ناڤ مالا وی دا ھەبیت و رادەستی ھێزین ئەمنی نەکەت ئەو خێزانا مووسل دێ تووشی لێپرسینێ و سزادانەکا توند بیت”.
ناڤھاتی ئاشکرا کر کو گەلەک کچێن رەڤاندی یێن ئێزدی ھێشتا ل نک وان خێزانان ماینە یێن ل سەر دەمێ تیرۆرستێن داعش ئەو رەڤاندیێن ئێزدی برینە د ناڤ مالێن خوە دا و گۆت: “ئەم دەنگێ خوە دگەل دەنگێ کەسوکارێن رەڤاندیێن ئێزدی بلند دکەین بۆ وێ چەندێ ھەموو کار بۆ رزگارکرنا رەڤاندیێان بھێنەکرن”.
نيشاندان