NO IORG
نووترين نووچه
Twitter

670

ئەڤرۆ نیوز،زناز تۆڤی:
رۆژنامێن ئیتالی وەسا دانە دیارکرن کو یاریکەرێ هێلا ناڤین یێ هەلبژارتیێ فرنسا و یانا یۆڤێنتۆس یا ئیتالی پۆل بۆگبا پەیوەندی ب یانەیا شاهانە یا ئیسپانی کریە و هەروەسا رۆژنامێن ئیتالی ئەو چەند ژی دیارکریە کو راهێنەرێ یانا ریالمەدرید زێدانی گرنگیەکا تایبەت ب ڤی یاریکەری دایە و هەروەسا ئاماژە ب هندێ ژی دایە کو پۆل بۆگبا بەرامبەر 120 ملیۆن یۆرۆیان دێ هێتە یانا ریالمەدرید یا ئسپانی.

1144

ئەڤرۆ نيوز:
بەری نوکە چەندین جاران ھونەرمەندا دەنگخۆش چۆپی فەتاح، د دیدارێن خوەدا ئاماژە ب وێ چەندێ ددا ئەو مژوولی تۆمارکرنا سترانەکا بھێزە ل دۆر باژێرێ خوە کەرکووکێ، و ل رۆژێن بۆری سۆزا خوە بجە ئینا و ئەو کلیپ ب شێوەکێ سینەمایی ھاتیە چێکرن، و پتری سەد کەسان پشکداری تێدا کریە.
کلیپا ناڤھاتیێ کو ب (کەرکووک) ھاتیە ناڤکرن، ناڤەرۆکا وێ ل دۆر دیرۆکا وی باژێرێ یە، ب تایبەت ل دەمێ بندەستیێ، ئانکو ل سەر دەمێ رژێما ژناڤچوویا عیراقێ، و چۆپیێ ب رێیا ڤێ سترانێ ھەست و سۆزێن خوە بۆ ڤی باژێری دیارکرینە، کو ئەو ژی جھێ ژدایکبوونا وێ یە.
کلیپا ناڤھاتی، ژپەیڤێن بابێ وێ (ئیحسان فەتاح) و ئاوازا بۆرھان موفتی زادە یە، و ل دەڤەرا گەرمیان ل گوندێ ساتی و باژێرکێ قەرەھنجیرە ھاتیە تۆمارکرن.

390

ئەڤرۆ نیوز، فاتما مزوورى:
خوارنا خورمێ ئێکە ژ پێکھاتێن خوارنێ یێن سەرەکی و پتریا رۆژیگران رۆژیا خوە ب وێ دشکێنن، پێدڤیە رۆژیگر گەلەک گرنگیێ بدەنە خوارنا خورمێ ژ شرینیێن دی.
ب گۆرەی نوچەکێ مالپەرێ MBC خوارنا خورمێ ھاریکاریا ھەرسکرنێ ددەت و ھەستێ برسیاتیێ کێم دکەت.
خورما دبیتە ئەگەرێ ھێمنکرنا مێشکی و دوورکەفتن ژ تۆرەبوونێ.
خورمێ پێکھاتەکێ کانزای یێ ھەیی و ڤیتامین و پرۆتینێن مفابەخش ددەتە لاشی، ب چ رەنگەکی کولسترۆل و دوھن تێدا نینە.
ژ ئەگەرێ پێکھاتێ وێ یێ ریشاللا، خورما ھاریکاریا چالاککرنا ریڤیکان ددەت.
خورمێ پێکھاتیێ “سیلینیۆم” یێ تێدا کو دبیتە ئەگەرێ ب ھێزبوونا بەرەڤانیا لاشی، ژبلی ھەبوونا مەگنسیۆمی و پۆتاسیۆمی کو مفایەکێ مەزن بۆ ھەستی و زەبلەک و دلی یێ ھەی.

341

ئەڤرۆ، فاتما مزووری:

د ھەیڤا رەمەزانێ دا، مرۆڤ پەنایێ بۆ پترترین جورێن خوارنان دبەت ب تایبەت ئەو خوارنێن بۆ مەعیدەی د گرانن، بەلێ د پێناڤی پاراستنا ساخلەمیا خوە و لاشەکێ ساخ ئاگەھداری ڤان خالان بە:

نوشدار شیرەتان ل رۆژیگران دکەن کو بزاڤێ بکەن ئەوان خوارنان بخوەن یێن ب ساناھی دھێنە ھەرسکرن، ب تایبەت ل دەمێ پاشیڤێ، وەکو شۆڤان و نیسک و جەھـ و فێقی و گەلەک پێکھاتێن دی.

ب گۆرەی نووچەکێ مالپەرێ MBC پێدڤیە رۆژیگر رێژەکا مەزن ژ وان خوارنان بخوەن یێن پێکھاتێن ریشالی تێدا، وەکو کەسکاتی و فاسولی و بەزالیا و سپیناغ و فێقیێ ھشککری.

ل دەمێ خوارنێ، بزاڤێ بکەن ئاڤێ نەڤەخوەن یان کێم ڤەخوەن، چونکو چونکو مەعیدەی د وەرمینیت، بەلێ پاشان یان پێش خوارنێ ئاسایی یە، بزاڤێ بکەن ل گەل خوارنێ وان تشتان بخوەن یێن گەلەک ئاڤ د ناڤ دا، دا کو لاشێ ھەوە ھشک نەبیت وەکو خەس و خیار.

بزاڤێ بکەن خوە ژ خوارنێن دوھنی یێن زۆر و تشتێ قەلاندی دووربێخن، چونکو مەعیدە نەشێت زوو ھەرس بکەت و دبیتە ئەگەرێ قەلەویێ.

ڤەخوارنێن کافاین د ناڤ دا وەکو چا و قەھوە کێم بکەن، چونکو زیانێن ھەین و ب تایبەت قەھوە دبیتە ئەگەرێ میزکرنا زێدە و لاشێ مرۆڤی ھشک دبیت.

879

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 9ى تيرمه‌ها 2016ێ بهايێ زێر و زيڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

1 گرام زێرێ (ع) 18 39000
1 گرام زێرێ  (ع) 21 46000
1 گرام زێرێ  (ع) 22 48000
1 گرام زيڤ 3000

3223

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 9ى تيرمه‌ها 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

1 دولارێ ئه‌مريكى 1260
1 يۆرۆيێ ئه‌ورۆپى 1420
1 ليرێ توركى 430

بۆ وه‌رگرتنا نووترين پێزانينان ل سه‌ر ره‌وشا دراڤى ژماره‌ “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه‌.

ئه‌ڤرۆ نيوز:

رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ راگه‌هاند كو ئه‌ڤ تۆزبارينا پارێزگه‌ها دهۆكێ و هه‌رێما كوردستانێ ڤه‌گرتى دێ سوبه‌هى ژى يا به‌رده‌وام بيت.

ب گۆره‌ى نڤيساره‌كێ كو رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ ل سه‌ر په‌يجێ خوه‌ يێ تايبه‌ت يێ فه‌يسبۆكێ به‌لاڤكريه‌، ئاماژه‌ ب وێ چه‌ندێ كريه‌ كو ژ ئه‌نجامێ كارتێكرنا درێژبوونا فشارێن نزمێن كه‌نداڤێ عه‌ره‌بى بۆ سه‌ر هه‌رێما كوردستانێ، ل سه‌رانسه‌رى هه‌رێما كوردستانێ دێ تۆزبارين يا به‌رده‌وام بيت.

پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رێ دايه‌ زانين ژى كو سوبه‌هى دێ ئه‌سمان ساهى بيت ل گه‌ل هه‌بوونا تۆزه‌كا سڤك و مه‌ودايێ ديتنێ ژى دێ 8 بۆ 10كم بيت.

ده‌باره‌ى پلێن گه‌رمێ ژى خۆيا كريه‌ كو سوبه‌هى ل پارێزگه‌ها دهۆكێ نزمترين پلا گه‌رميێ دێ 23 پله‌ بيت و بلندترين پله‌ ژى دێ 34 پله‌ بيت و ئاراستێ باى ژى دێ باكوورێ رۆژهه‌لات بيت ب له‌زاتيا 10 هه‌تا 15 كيلۆمه‌تران د ده‌مژمێره‌كێ دا.

ئه‌ڤرۆ نيوز:

لژنا بلندا روو ب رووبوونا قه‌يرانێن دارايى دێ ئه‌ڤرۆ بۆ دانوستاندنێ ل سه‌ر سيسته‌مێ پاشكه‌فتكرنا مووچه‌ى كۆم بيت.

كۆمبوون دێ ب سه‌رۆكاتيا نێچيرڤان بارزانى و ئاماده‌بوونا هه‌ر ئێك ژ جێگرێ سه‌رۆكێ حوكمه‌تێ و وه‌زيرێ سامانێن سرۆشتى و وه‌زيرێ پلاندانانێ و وه‌زيرێ ئاڤه‌دانكرن و بنه‌جهكرنێ و وه‌زيرێ دارايى ب وه‌كاله‌ت و سه‌رۆكێ فه‌رمانگه‌هان دووڤچوونێ و سه‌رۆكێ ديوانا سه‌رۆكاتيا جڤاتا وه‌زيران بيت.

د كۆمبوونێ دا دێ به‌حس ل داهاتان هێته‌ كرن ب تايبه‌ت داهاتێ هه‌يڤا گۆلانێ و فرۆتنا په‌ترۆلێ و سيسته‌مێ پاشكه‌فتكرنا مووچێ فه‌رمانبه‌ران دێ ئێخنه‌ به‌ر دانوستاندنێ كو ل دووڤ گۆتنا به‌رپرسان پێدڤيه‌ ده‌ستكارى تێدا بهێته‌ كرن كو ماوه‌كه‌ بهايێ په‌ترۆلێ د بازارێن جيهانێ دا روو ل زێده‌بوونێ يه‌.

هه‌ر ديسا ب گۆره‌ى ئه‌و پێزانينێن ل به‌ر ده‌ست ئه‌ڤرۆ نيوز دێ د ڤێ كۆمبوونێ دا بڕيار ل سه‌ر به‌لاڤكرنا مووچێ هه‌يڤا گۆلانێ يێ فه‌رمانبه‌رێن هه‌رێمێ هێته‌ كرن.

وێنه‌: ئه‌رشيف

ئه‌ڤرۆ نيوز:

سپێده‌هيا ئه‌ڤرۆ دو په‌قين ل به‌غدا روودان و ب گۆره‌ى پێزانينێن ده‌سپێكى، ژماره‌كا كه‌سان هاتينه‌ كوشتن و چه‌ه‌ند كه‌س ژى بريندار بووينه‌.

ب گۆره‌ى ئه‌و پێزانينێن ميدايێن عه‌ره‌بى به‌لاڤكرين، سپێده‌هيا ئه‌ڤرۆ خۆكوژه‌كى ل نێزيكى سه‌ربازگه‌ها بێجى ل باكوورێ به‌غدا خوه‌ ب كۆمه‌كا له‌شكرێن عيراقێ ڤه‌ په‌قانديه‌ و ژماره‌كا قوربانين لێ كه‌فتيه‌.

هه‌ر ب گۆره‌ى وان ژێده‌ران ترۆمبێله‌كا مينرێژكرى ژى ل تاخێ به‌غدا يا نوو ل رۆژهه‌لاتێ به‌غدا په‌قيه‌ و د ئه‌نجام دا سێ كه‌س كوشتينه‌ و 10 ژى بريندار بووينه‌.

website security
WP Facebook Auto Publish Powered By : XYZScripts.com