NO IORG
نووترين نووچه
Twitter

ئەڤرۆ نیوز:

ئه‌ڤرۆ، ل گەل وەرگرتنا پۆستێ‌ سەرۆكاتیا ئەمریكا ژ ئالیێ‌ جۆ بایدنى ڤە، بهایێ‌ بەرمیله‌كێ نەفتا خاڤا برێنت د بازارێن جیهانى دا گەهشتە 56 دۆلار و 25 سەنتان، بهایێ‌ بەرمیله‌كێ نەفتا سڤك یا تێكساس ژى گەهشتە 53 دۆلار و 29 سەنتان.

داخۆیانیێن جانێت یێلن یا بەربژار بۆ پۆستێ‌ وەزارەتا گەنجینا ئەمریكا، پشتەڤانی ل بلندبوونا بهایێ‌ نەفتێ‌ كرییه‌، ژبەركو ناڤهاتییێ راگەهاندییه‌، ئه‌و دێ ب شێوەكێ‌ مەزن سەرەدەریێ‌ ل گەل مه‌زاختنان، ژ پیضخه‌مه‌ت ئه‌و ئالیێن زیان گه‌هشتینێ بهێنە قەرەبۆكرن.

33

 

ئەڤرۆ نیوز:

د یاریا دووماهییێ یا جاما سۆپه‌را ئیتالى دا ئه‌ڤ شه‌ڤه‌ هه‌ردو یانێن یۆڤێنتۆس و ناپۆلى دێ رووبروو ئێك بن، یاری دێ ل ده‌مژمێر11:00 ئه‌ڤ شه‌ڤه ل یاریگه‌ها ماپێ ل باژێرێ ریگییو ئیمیلیا هێته‌ ئه‌نجامدان.

هه‌ردو یانێن یۆڤێنتۆس و ناپۆلی سێ جاران د ڤێ قارەمانیێ دا رووبروو ئێك بووینە، دو جاران ناپۆلی سەرکەفتییە و جاره‌كێ ژى ل سالا 2012 یانا یۆڤێنتۆس سەرکەفتن تۆمار كرییه‌.

21

 
ئه‌ڤرۆ نیوز:
ئه‌ڤرۆ چارشه‌مبى، دۆنالد تره‌مپى ل بنگه‌هێ ئه‌ندرۆز یێ ئه‌سمانی، كو دكه‌ڤیته‌ ویلایه‌تا ماریلاند، ب فرۆكه‌كا تایبه‌ت ل گه‌ل هێزه‌كا ئه‌سمانى یا ئه‌مریكا به‌ره‌ف مالا خوه‌ ل ویلایه‌تا فلۆریدا برێكه‌فت.

هه‌ر ئه‌ڤرۆ، دۆنالد تره‌مپى پشكدارى د رێوره‌سمین سووند خوارنا سه‌رۆكێ نوو یێ ئه‌مریكا دا نه‌كر، تره‌مپى ب ڤى هه‌لویستێ خوه، كو‌ دبیته‌ ئێكه‌م سه‌رۆكێ ئه‌مریكا، پشتى ئه‌ندرۆ جۆنسۆنێ سه‌رۆكێ ئه‌مریكا ل سالێن (1865 – 1869)‌، پشكداری د ئاهه‌نگا ده‌ستبه‌كاربوونا سه‌رۆكی پشتى خوه‌ دا نه‌كه‌ت.

18

 

ئەڤرۆ نیوز:
ئه‌ڤرۆ، وەزارەتا ساخلەمیا عیراقێ ئامارێن نوو یێن كۆرۆنایێ راگەھاندن و دیار کرییه‌، د ده‌مێ ٢٤ دەمژمێرێن بورى دا ٧٤٦ کەسێن دى ل عیراقێ تووشی کۆرۆنایێ بووینە، هه‌روه‌سا شه‌ش تووشبوویان وه‌غه‌ر كرییه‌، نوكه‌ ھژمارا گشتى یا وه‌غه‌ر كرییان ل عیراقێ گەھشتییە ١٢ ھزار و ٩٦٨ کەسان.

هه‌روه‌سا ئاشكرا كرییه‌‌: د نوكه‌ دا ھژمارا گشتى یا تووشبوویێن ڤایرۆسێ کۆرۆنایێ ل عیراقێ گەھشتییە ٦١٠ ھزار و ٥٩٨ کەسان، ژ وان ژى ٥٧٤ ھزار و ٩٢٠ کەس ب ته‌مامى چارەسەر بووینە .

 

ئەڤرۆ نیوز:
پشتى كۆمبوونا ئه‌ڤرۆ، یا مەسرور بارزانی، سەرۆکێ حوكمەتا ھەرێما کوردستانێ، ل گەل کونسول و دبلۆماتکار و نوونەرێن وەلاتێن بیانی ل ھەرێما کوردستانێ، د تویته‌كێ دا راگەھاندییه‌: ل حەفتیا بھێت شاندێ ھەرێما کوردستانێ دێ سەرەدانا بەغدا کەت .

سەرۆکێ حکومەتا هه‌رێمێ دیار کرییه‌ ژى: بۆ ئەنجامدانا گوتۆبێژان ل حەفتیا بھێت شاندێ ھەرێمێ دێ چیتە بەغدا، هه‌روه‌سا پشتەڤانیا حکومەتا ھەرێمێ بۆ ئەنجامدانا ھەلبژارتنێن پێشوەخت ژى ل عیراقێ دەربرییه‌.

 

ئەڤرۆ نیوز، زنار تۆڤی:

ل ڤان چەند رۆژان، پێلەکا سەرمایێ دەڤەرێن چیایی ل پارێزگەها دهۆکێ ڤەگرتینە و ژ ئەنجامێ وێ پێلا سەرمایێ، رێژەکا باش یا بەفرێ ل چەندین جهێن جۆدا یێن سەر ب پارێزگەها دهۆکێ ڤە بارینە، هەروەسا رێژەکا باش یا بەفرێ ل سەنتەرێ ناحیا کانی ماسێ و دەروازێ سەرزێری بارییە و نوکە ژی بەفر بەردەوام یا دباریت.

شینوار سادق، بەرپرسێ راگەهاندنا کۆمەلگەها دەروازێ سەرزێری ل ناحیا کانی ماسێ، بۆ ئەڤرۆ نیوز گۆت: ژ ئەنجامێ بارینا بەفرێ هەتا نوکە پتری میترەکا بەفرێ ل دەروازێ سەرزێری بارییه و هەتا نوکە ژی ب رەنگەکێ بەردەوام بەفر یا دباریت، هەروەسا پلێن گەرمێ گەلەک داکەفتینە و سەقایێ ڤێ دەڤەرێ ژی گەلەک ساربوویە.

هەروەسا ل شەڤا بوری 22 سم، بەفرێ ل سەنتەرێ ناحیا کانی ماسێ بارینە و رێکێن گەلەک گوندان ژ ئەگەرێ بارینا بەفرێ هاتینە گرتن.

ئەڤرۆ نیوز، عەلی حاجی:

رێڤەبەرێ گەشت و گوزارێ ل زاخۆ بۆ یٔەڤرۆ نیوز دیار کر سەرباری قەدەغەیا هاتن و چوونێ ل کوردستانێ ل سالا بوری بەلێ هاتنا گەشتیارا د رێژەیەکا زور دا بوو و هاتبا ب وی رەنگی یا گەشتیاران نە یا چاڤەرێکری بوو.

زێدەتر چیا ئەمین گۆت: (ل سالا بوری ل ١٧/٢  قەدەغەیا هاتن و چوونێ ژلایێ حکومەتا هەرێما کوردستانێ هات بوو راگەهاندن و هەر دیسان رێکێن دناڤبەرا هەرێما کوردستانێ و دەڤەرێن عێراقێ هات بوونە گرتن و هاتنا گەشتیاران ژی د وی دەمی دا نەبوو،بەلێ پشتی هەیڤا ١٠ یا سالا بوری یٔەو دەرگەهـ هاتنە ڤەکرن و رێژەیەکا زور یا گەشتیارێن دەڤەرێن عێراقێ قەستا هەرێما کوردستانێ کرن کو هەر ژ دەست پێکا هەیڤا ١٠ یا سالا بوری هەتا ١٥/١/٢٠٢١، ٨١ هزار گەشتیاران قەستا باژێرێ زاخۆ کرینە کو ٥٥ هزار گەشتیار ژ دەڤەرێن عێراقێ هاتینە و ٢٦ هزار ژی ژ دەڤەرێن جودایێن کوردستانێ قەست کرینە و یٔەڤ رێژەیە ژی نەیا چاڤەرێکری بوو و مە هزر د هاتنا ڤێ رێژەیا زێدە یا گەشتیاران دا نەدکر و د وەرزێ زڤستانێ دا هاتنا گەشتیاران یا زێدە دبیت ژ یٔەگەرێ هاتنا بەفرێ و یٔەز پێشبینی ژی دکەم رەوشا گەشتیاری د وەرزێ زڤستانێ دا بەرەڤ باشتر ڤە بچیت).

ناڤهاتی گۆت ژی : بۆ سالا ٢٠٢١ وان پلانەکا باش دارێشتی یە و دێ بیتە ئێک ژ فاکتەرێن ب هێز بۆ کەرتێ گەشتیاری ژبەرکو چەندین پروژەیێن ستراتیژی تێدا هەنە و کو ژ وان ژی دروست کرممنا پروژەیەکێ مەزنە و پلان ژی بۆ هاتیە دارێشتن کو نوکە یٔەو یێ کار ل سەر وی پروژەیی گەشتیاری دکەن ل باژێرێ زاخۆ،یٔەو پروژەیە ژی دکەڤیتە گەلیێ زاخۆ دا و پروژەیەکێ زورێ مودرنە و یٔەو کار دکەن دا کو یٔەو پروژەیە ژ سای پلان و دیزاینێ دەرباز ببیت و ب دانانا وی پروژەیی ژی دێ کارتێکرنەکا یٔەرێنی ل سەر کەرتێ گەشتیاری و هاتنا گەشتیارێن عێراقێ و نافخویی هەبیت بۆ پارێزگەها دهوکێ).

ناڤهاتی ئەو یەک ژی دیار کر جهێن گەشتیاری ل باژێرێ زاخۆ بووینە جهێ مەیدانێ شەرێ سوپایێ تورکیا و پەکەکێ و نێزیکی ٢٥ جهێن گەشتیاری ل دەڤەرێن سنوریێن زاخۆ کەفتیە بەر پێلا شەرێ دناڤبەرا پەکەکێ و سوپایێ تورکیا و وێ چەندێ ژی وەکری یە دەلیڤەیێن کاری کێم ببن و یٔەو داهاتێ بۆ وەلاتیان ژی ژ وان هاڤینگەهان بۆ خەلکەکێ دهات هاتیە برین و هەبونا پەکەکێ و هاتنا سوپایێ تورکیا بۆ وان دەڤەرێن گەشتیاری زیانەکا مەزن بەر ب وەلاتیان کەفتیە.

نها

ئەڤرۆ نیوز، عەلی حاجی:

بەرپرسا کاروبارێن ئاوەرە و پەنابەران ل هەرێمداریا زاخۆ بۆ ئەڤرۆ نیوز دیار کر د سالا بوری دا رێژەیەکا باش ژ ئاوارەیێن ئێزدی ل هەر چار کەمپێن زاخۆ د ئاکنجی بەرەڤ جهێن خوە ڤە چووینە و پشکەکا دیتر ژی پەشیمان بووینە و دووبارە ڤەگەریاینە ڤە دناڤ کەمپان دا .

زێدەتر خەلات ئوسمان گۆت: (ل سالا ٢٠٢٠ێ ب گورەی وان خێزانێن ئاوارە کو دناڤ هەر چار کەمپێن زاخۆ و سەنتەرێ زاخۆ کو ب رێکێن فەرمی داخازا ڤەگەریانێ کرین بۆ جهێن خوە سەرجەمێ گشتی دگەهیتە ٢٩٤٩ خێزانانادناڤ سەنتەرێ زاخۆ ٩٤٩ خێزان و  کو دبنە ١٤ هزار و ٣٨٠ کەس ک ژ وان ژی ٩٤٩ خێزان دناڤ سەنتەرێ قەزا زاخۆ دا و ١٣١٥ خێزان ژ کەمپا چەمشکو و ٣٥٦ خێزان ژ کەمپا بێرسڤ دو و ٢٢٩ خێزان ژ کەمپا بێرسڤ ئێک و ١٠٠ خێزان ژ کەمپا دەرکارێ، ئەڤ هەمی خێزانە ژی پشکەکا وان فەرمانبەر بووینە ل دەڤەرێن خوە یان ژی پشکەکا دی هندەک خزمەتگوزاری ل دەڤەرێن وان هاتینە کرن و پشکەکا دیتر ژی ژبەر کارێ چاندننی و ملکێن خوە ڤەگەریاینە و ئەڤە ژی پشتی وێ یەکێ هات کو حکومەتێ عێراقێ بۆ هەر خێزانەکا ئاوارە ڤەگەریتە دڤەرێن خوە هاریکاری ب سەر وان دا بەلاڤ کرینە و جودا ژ ڤێ رێژەیێ ژی پشکەک ژی ب رێکا داخازیێن فەرمی داخاز کربوون ڤەگەرنە جهێن خوە ڤە بەلێ ژبەریا چوونێ بۆ دەڤەرێن خوە پەشیمان بوون و ڤەنەگەریان جهێن خوە ڤە و هەر دیسان پشکەکا دیتر پشتی ڤەگەریانێ بۆ دەڤەرێن خوە هەر دەما گەهشتین ژی بۆ دەمەکا کێم دووبارە ڤەگەریان کەمپان ڤە) .

ناڤبری گۆت ژی پشکەکا ژ وان کەسێن ب ئێکجاری ڤەگەریاینە دڤەرێن خوە ژبەر هەبونا کورونایێ و گرتنا رێکان دناڤبەرا کوردستانێ و دەڤەرێن شنگالێ و ماددەیێ ١٤٠ ئاریشەیا هاتن و چوونێ بۆ وان دروست دبوو لەورا بریار داینە ب ئێکجاری ڤەگەرنە جهێن خوە ڤە .

ئەڤرۆ نیوز، عەلی حاجی:

بەرپرسێ نڤێسینگەها هەلبژارتنان یا لقا هەشت پارتی دیموکراتی کوردستان بۆ ئەڤرۆ نیوز دیار کر زێدەتری ٢٨ هزار دەنگدەرێن ل دەڤەرێن ماددەیێ ١٤٠ بێ بەهرن ژ کارتا بایومەتری یا دەنگدانێ و ئەڤ کارە ژی ب پلان هاتیە کرن و پێدڤیە ئەڤ بابەتە بهێتە چارەسەر کرن.

زێدەتر عەبدولواحد سلێڤانەیی گۆت: (زێدەتری ٢٨ هزار دەنگدەرێن کو دکەڤنە ل دەڤەرێن ماددەیێ ١٤٠ دا کو پرانیا وان ل موسلن کو ب رەنگەکێ کارتا وان یا بایومەتری یا ل دهوکێ کو دەنگێ خوە ل پارێزگەها دهوکێ ددەن و کارتا وان یا ئازوقەی ژی ل موسلە مافێ دەنگدانێ و کارتا بایومەتری نینە، دشێم بێژم ئەڤ کارە ب مەرەم و پلان ژلایێ حکومەتا عێراقێ ڤە هاتیە کرن و پێدڤیە ئەڤ کێشەیە بهێتە چارەسەر کرن، ژ بەر کو رێژەیەکا زۆر یا خەلکێ ب وی جوری دێ هێنە بێ بەهر کرن ژ کارتا بایومەتری و هەتا نوکە ژی رێک ب وان ناهێتە دان نە ل دهوکێ و نە ژی ل موسل خوە تومار بکەن ب هێجەتا وێ چەندێ کو کارتا وی یا بایومەتری یا دەمکی سەر ب دهوکێ ڤەیە، ژبە ڤێ چەندێ ب رێیا پەرلەمانتارێن مە ل بەغدا و دەزگایێ هەلبژارتنا و رێکخراوێن سڤیل داخواز ژ نەتەوەیێن ئێکگرتی و دادگەها فیدرالی دکەین کو مافێ وان دەنگدەران بهێتە دان و بهێنە تومار کرن و دەنگێ خوە بدەن و ئەڤ بابەتە گەهشتیە دەستێ سەرۆک وەزیرێن عێراقێ مستەفا کازمی ژی بۆ چارەسەر کرنێ) .

ناڤبری گۆت ژی : هەر دیسان نێزیکی ١٣ هزار دەنگدەرێن مە کو ل سالا ٢٠١٣ ب هێجەتا نەبوونا دەمی ژلایێ کومسیونا هەلبژارتنان ل عێراقێ کارتێن وان یێ بایومەتری ب وان نەهاتبوونە دان لەورا د نوکە دا کومسیونا هەلبژارتنان ئەو رێک دایە وان وەلاتیان نوکە دا ل هەر چار بنگەهێن دەنگدانێ ل سنورێ قەزا زاخۆ کارتێن خوە یێن مایومەتری وەربگرن  دا کو پشکداریێ بکەن د هەلبژارتنێن بهێت یێ پەرلەمانێ عێراقێ.

نها

ئەڤرۆ نیوز، عەلی حاجی :

رێڤەبەرێ وێستگەها کەشناسیێ ل زاخۆ بۆ ئەڤرۆ نیوز دیار کر د ماوەیێ ٢٤ دەمژمێرێژن بوری دا زێدەتری ٣٤ ملم بارانێ ل سنورێ قەزا زاخۆ بارینە و دهێتە چاڤەرێکرن رێژەیا باران بارینێ زێدەتر بیت .

زێدەتە شێرزاد حەسەن گۆت: (د ئەڤسالە دا بۆ دەما ٢٠ رۆژان باران باری یە و سەرجەمێ گشتێی باران بارینێ ل سنورێ قەزا زاخۆ هەتا نوکە گەهشتی یە ١٤٢ ملم بارانێ و سالا بوری هەتا ڤی دەمی ١٧٤ ملم بارانێ باری بوون بۆ دەما ٣٤ رۆژان و جیاوازی ژی دناڤبەرا سالا بوری و نوکە ٣٢ ملم بارانێ نە و ئەردی پێدڤیەکا زۆر ب بارانێ هەبوو و پێشبینی ژی دهێتە کرن ئەڤ رێژەیا بارانێ زێدەتر بیت ژبەرکو ئەم یێ ل دەستپێکا بارینا بارانێ نە، بۆ دەرباز بوون ژ هشکەسالیێ پێدڤیە رێژەیا ٣٠٠ ملم بارانێ دەرباز بکەت ئانکو ئەم هێشتا ژ مەترسیا هشکەسالیێ دەرباز نەبووینە و بۆ دەرباز بوون ژ هشکە سالیێ ژی پێدڤیە زێدەتری ٣٠٠ ملم بارانێ ببارن) .

زێدەتر ناڤهاتی گۆت ژی : هندی باران بباریت دێ بۆ ئەردی و جوتیاران یێ باش بیت و سروشتێ دەڤەرێن مە ژی ٥٠٠ هەتا ٥٥٠ ملم د باریت و سال بۆ سالێ ژی جیاوازیا خوە هەیە).

website security
WP Facebook Auto Publish Powered By : XYZScripts.com