ئەڤرۆ نیوز:
نەتەوێن یەکگرتی د داخۆیانیەکێ دا داخواز ژ ئالیێن شەری ل لیبیا کر کو د زووترین دەم دا ئاگربەستێ راگەهینن و شەرێ نها ب دووماهی بینن.
نەتەوێن یەکگرتی ئاماژە ب هندێ ژی کریە کو ژ بەر شەرێ ل لیبیا رۆژانە وەلاتیێن سڤیل دبنە قوربانی و ژ بەر هندێ ژی دڤێت ئالیێن شەری ل لیبیا هەر زوو ئاگربەستێ راگەهینن و بزاڤێ بکەن ب رێیێن سیاسی و دوور ژ شەری پرسێن خوە چارە بکەن.
ئەڤرۆ نیوز:
نوری مەحمود پەیڤدارێ یەپەگێ راگەهاند کو نێزیکی ١٠ هزار چەکدارێن رێکخراوا تیرۆرستی یا داعشێ د دەستێ مە دانە و نها ل زیندانان دانە و مە دڤێت ل دادگەهەکا نێڤدەولەتی دا بهێنە دادگەهکرن.
ناڤهاتی راگەهاند کو مە بەری نها ژی داخواز ژ هەڤپەیمانیا نێڤدەولەتی یا کری کو دادگەهەکێ بۆ وان تیرۆرستان ئاڤا بکەن دا ئەو تیرۆرستە بهێنە دادگەهکرن. چونکو دڤێت وەلاتێن بیانی ژ بۆ چارەکرنا ڤێ ئاریشێ هاریکاریا مە بکەن.
ئەڤرۆ نیوز:
وەزیرێ ڤەگوھاستنا عیراقێ ئەڤرۆ رۆژا شەمبی د سەرەدانا خوە دا بۆ فروکخانا ھەولێر یا نێڤدەولەتی دا داخوازا داشکاندنا بھایێ گەشتێن کوردستانێ بۆ بەسرا کر.
عەبدولا لعێبی وەزیرێ ڤەگوھاستنا عیراقێ دگەل رێڤەبەرێ گشتی یێ فروکەڤانی ل عیراقێ د سەرەدانا خوە دا بۆ فروکخانەیا ھەولێر یا نێڤدەولەتی دیارکر ئەو نێزیکی رێکخستنا گەشتێن بەردەوام یا ھێلا ئاسمانی ناڤبەرا فروکخانەیێن ھەولێر، سلێمانی و بەسرا دا نێزیک بووینە و داخواز ژ کومپانیێن فروکەڤانی کر داشکاندنا بھایێ پلێتێن گەشتێن ناڤبەرا فروکخانەیێن ھەولێر، سلێمانیێ بۆ بەسرا کر کو ب زووترین دەم بھایێ وێ بھێتە داشکاندن.
ئەڤرۆ نیوز:
یانا ئەی سی میلان یا ئیتالی ب فەرمی راگەھاند ئەوان ھەڤبەستا بەرەڤانێ فرەنسی و یانا ریال مەدرید یا ئسپانی سیو ھێرناندێز ئیمزا کر.
سایتێ یانا ئیتالی زێدەتر دیارکر ھێرناندێز ھەڤبەستا یانا میلان بۆ ماوێ پێنج سالان بەرامبەر کوژمێ ٢٠ ملیۆن یورویا ئیمزا کریە بۆ کرنا یاریێ ل وەرزێ بھێت د خولا ئیتالی دا.
ئەڤرۆ نیوز:
ھێرشبەرێ پولەندی و یانا بایرن میونخ یا ئەلمانی ب فەرمی رازی بوو ھەڤبەستا خوە نوو بکەت دگەل یانا خوە بۆ ماوێ چار سالێن دی.
رۆژناما سکای نیوز یا ئەلمانی زێدەتر د ڤی چارچوڤەی دا ئاشکرا کریە کو کارگێریا یانا باڤاری ب فەرمی گەھشتیە رێککەفتنێ بۆ نووکرنتا ھەڤبەستا ھێرشبەرێ خوە لیڤاندوڤێسکی بۆ ماوێ چار سالێن دی ئانکو ھەتا سالا ٢٠٢٣ و ل رۆژێن بھێت دێ ب فەرمی ئەڤ ھەڤبەستا نوو ھێتە ئیمزا کرن پشتی ئەڤ یاریزانە ژ بھێنڤەدانا خوە یا ھاڤینێ ڤەدگەریت.
ئەڤرۆ نیوز:
جەلال محەمەد ئەمین ئەندامێ فراکسیۆنا بزاڤا گۆران ل پەرلەمانێ کوردستانێ راگەهاند کو هەتا ٢٤ دەمژمێرێن دی بزاڤا گۆران دێ ناڤێن بەربژێرێن خوە رادەستی مەسرور بارزانی راسپاردی بۆ سەرۆک وەزیرێن کابینا داهاتی یا حوکمەتا هەرێما کوردستانێ کەت.
دهێتە چاڤەرێکرن کو ل ڤێ حەفتیێ هەموو ئالی ناڤێن بەربژێرێن خوە رادەستی مەسرور بارزانی بکەن دا ل پەرلەمانی دەنگ ل سەر وەزیرێن نوو بهێتە دان.
ئەڤرۆ نیوز:
رێڤەبەرییا گشتی یێ حەج و عومرێ ل ھەرێما کوردستانێ گەشتا چوونا حەجیێن کوردستانێ یێن ئەڤ سالە بۆ سعودیێ راگەھاند.
ئەڤرۆ رۆژا شەمبی ٦-٧-٢٠١٩ د راگەھاندنەکێ دا رێڤەبەریا گشتی یا حەج و عومرێ ل کوردستانێ بەلاڤ کریە گەشتا ئێکێ یا حەجیێن کوردستانێ بۆ وەلاتێ سعودیێ دێ ل رۆژا پێنج شەمبی رێککەفتی ١١-٧-٢٠١٩ ژ فروکخانەیا ھەولێرێ بۆ باژێرێ جەدە یێ سعودیێ چن و پاش بۆ باژێرێ مەدینێ د کاروانێ ئێکێ دا دێ ٣٧٦ حەجی دێ چن، جیسان ل ھەمان رۆژ دێ ١٨٨ حەجی ژ باژێرێ سلێمانیێ بەر ب مەدینێ رێککەڤن.
ئەڤرۆ نیوز:
ئەڤرۆ سەرۆک کۆمارێ تورکیا و سەرۆکێ روسیا پەیوەندیەکا تەلەفونی ئەنجام دان و ل گۆر دەزگەهێن راگەهاندنا روسیا د وێ پەیوەندیێ دا سەرۆک کۆمارێ تورکیا داخواز ژ سەرۆکێ روسیا کریە کو ئۆپەراسیۆنا ئدلبێ بدەنە راگرتن، لێ ئەو یەک ژ ئالیێ پوتینی ڤە هاتیە رەتکرن.
ئاژانسا سپۆتینگ یا روسیا دیار کریە کو پوتینی بۆ ئەردۆگانی گۆتیە هەتا هەموو ئاخا سووریێ ژ گرۆپێن تیرۆرستی نەهێتە پاقژکرن دێ ئۆپەراسیۆنان وان ل دەڤەرێن جودا جودا یێن سووریێ دا بەردەوام بن.
ئەڤرۆ نیوز:
ھێرشبەرێ ئیسپانی و یانا ریال مەدرید ماریانو دیاز نێزیکی ب جھێلانا پێکھاتیێ یانا ریال مەدرید بوویە دخوازیت بەر ب یانەکا دیڤە بچیت بوو پتر دەلیڤەیا خوە یا کرنا یاریێ بینت.
رۆژنامەیێن نێزیکی یانا ریال مەدرید ئاشکراکرینە یانا ریال مەدرید ژی دەرگەھێ چوونێ بوو ئەوی یاریزانی ڤەکریە تایبەت پشتی ھەڤبەست ل گەل ھژمارەکا یاریزانێن نوو ل ھێلا پێشیێ ئیمزاکری و ھەردیسان د پلانا زێدانی ژی دا نینە پشت بەستنێ ل سەر ئەوی یاریزانی بکەت بۆ وەرزێ نوو.
ئەوان رۆژناما ئاشکراکریە ژی یانا روما ئێک ژ بەربژارێن ھەرە ب ھێزە بۆ دەستڤە ئینانا ئەوی یاریزانی کو بەرھەڤیا خوە ب فەرمی دیارکریە بوو دەستڤە ئینانا ئەوی و چاڤەرێ دھێتەکرن ل چەند رۆژێن بھێت ب فەرمی شاندەکێ یانا روما بەر ب وەلاتێ ئیسپانیا ڤە بچیت بوو دانوستاندنان ل گەل یاریزانێ ناڤبری و یانا ریال مەدرید بۆ ڤەگوھاستنا ئەوی بۆ یانا پایتەختێ ئیتالیا.
ھەردیسان ئەوان رۆژناما دیارکریە ژی یانا توتنھام ژی ھزر ل ڤەگوھاستنا ئەوی یاریزانی کریە لێ دبیت یانا روما پتر دەلیڤەیا دەستڤە ئینانا ئەوی ھەبیت ژبەرکو وێ یانا ئیتالی گرنگیەکا مەزنتر ب وی یاریزانی دایە.
ئەڤرۆ نیوز:
ھێرشبەرێ ھەلبژارتیێ بەلجیکا و یانا مانچێستەر یوناید رومێلو لوکاکو ئێک ژ ئارمانجێن سەرەکی یێ راھێنەرێ نوو یێ یانا ئەنتر میلان ئەنتونیو کونتی یە لێ ھەتا نوکە ژبەر کوژمێ پارەی ھەردو یانێن مانچێستەر یوناید و ئەنتر میلان نە گەھشتی نە رێککەفتنێ.
مالپەرێ کاتشیو مێرکاتو یێ ئیتالی دیارکریە یانا ناپولی دبیت رێکا دەستڤە ئینانا ئارمانجا کونتی یا سەرەکی ب زەحمەت بێخیت پشتی کەڤتیە د ھەڤرکیا دەستڤە ئینانا لوکاکو ژ مانچێستەر کو سەرۆکێ یانا ناپولی ئوریلیو دی لورینتیس پەیوەندی ب رێڤەبەرێ کاروبارێن وی یاریزانی کریە بوو دەست ب دانوستاندنان بۆ ڤەگوھاستنا ئەوی یاریزانی ل مێرکاتویا نوکە.
ھەژی گوتنێ یە یانا مانچێستەر یوناید مەرجەک ھەیە بوو دەست بەردانا یاریزانێ خوە یێ بەلجیکی ئەوژی ھەر یانەکا حەزا ئیمزاکرنا ھەڤبەستێ ل گەل ھەبیت پێدڤی یە کوژمێ ٧٥ ملیون جێنێ ئیسترلینی پێشکێشی ئەوان بکەن
نيشاندان