ئەڤرۆ نیوز:
ئەنجوومەنی نشتیمانی یێ کوردی ل سووریێ راگەهاند کو دڤێت هێزێن نێڤدەولەتی کار بۆ دەرخستنا هێزێن چەکدار یێن ژ عەفرینێ بکەن، چونکو هەتا عەفرین د بن کۆنترۆلا وان هێزان دا بیت خەلکێ وی باژێری نەشێن ڤەگەرنە ڤە مالێن خوە.
ئەنجوومەنێ نشتیمانی یێ کوردی ل سووریێ هەروەسا پێشوازی ل دەستپێشخەریا فرەنسا بۆ چارەکرنا پرسێن رۆژئاڤایێ کوردستانێ ژی دکەت.
ئەڤرۆ نیوز:
ئه‌ڤرۆ ل كوچكا مێهڤانداریا فه‌رهاد ئه‌مین ئه‌تروشى پارێزگه‌رێ دهوكێ پێشوازیا (رێنێ سولانو) به‌رپرسێ به‌رنامێن سندوقا چاڤدێریا جڤاكى یێن به‌نكا ده‌ولى ل ئیراقێ وشاندێ دگه‌لدا كر.
دهه‌ڤدیتنه‌كێدا ب ئاماده‌بونا به‌هزاد على ئاده‌م جێگرێ پارێزگه‌رێ دهوكێ به‌حسێ به‌رنامێن سندوقا چاڤدێریا جڤاكى یێن به‌نكا ده‌ولى ل ئیراقێ ب گشتى ول پارێزگه‌ها دهوكێ ب تایبه‌تى هاته كرن.
پارێزگه‌رێ دهوكێ خوشحالیا خو ب سه‌ره‌دانا شاندێ ناڤبرى دیاركر وده‌ست خوشى ل تیمێ به‌رنامێن سندوقا چاڤدێریا جڤاكى یێ به‌نكا ده‌ولى ل ئیراقێ كر كو هاتینه ژنێزیك پێدڤیێن وان گوندا بزانن یێن كو بریاره پروژێن خزمه‌تكارى بو بهێنه دورستكرن وپشته‌ڤانیا پارێزگه‌هێ نیشان دا بو هه‌ر هاریكاریه‌كێ دگه‌ل تیمێ ناڤبرى بوبجه ئینانا وان پروژان.
هه‌ژى گوتنێ یه حكومه‌تا ئیراقا فیدرال كوژمێ 300 ملیون دولار ژبه‌نكا نیف ده‌وله‌تى قه‌ر كرینه كو بریاره دماوێ پێنج سالان دا چه‌ندین پروژێن خزمه‌تكارى ل هه‌ژارترین سێ پارێزگه‌هێن ئێراقێ (موسه‌نا ل باشورێ وه‌لاتى وتكریت ل ناڤه‌راستا ئیراقێ ودهوك ل سه‌ر ئاستێ هه‌رێما كوردستانێ) بهێنه ئه‌نجامدان.
ئەڤرۆ نیوز:
ل گۆر راپۆرتەکا ئاژانسا سپۆتینگ یا روسی پشتی هێرشێن ڤێ دووماهیێ یێن لەشکرێ سووریا ل سەر هێزێن تورکیا د ئەنجام دا تورکیا نەچار مایە ل حەما و چەندین دەڤەرێن دی هژمارەکا هێزێن خوە ڤەکێشیت دا ئالۆزیێن ل گەل سووریا زێدەتر لێ نەهێن.
چاڤدێرێن سیاسی ژی دیار دکەن ب نەمانا داعشێ و گرۆپێن دی یێن تیرۆرستی ئێدی روسیا ژی وەکو بەرێ پشتەڤانیێ ل مانا هێزێن تورکیا ل سووریا ناکەت.
ئەڤرو نیوز:
ئه‌ڤرو پشتى نیڤرو 6-5-2019 ل كوچكا مێهڤانداریا فه‌رهاد ئه‌مین ئه‌تروشى پارێزگه‌رێ دهوكێ پێشوازیا (پول گیلبارد) بالیوزێ وه‌لاتێ كه‌نەدا ل ئیراقێ و (نانسى بیرجیرون) كونسلا كه‌ندا ل هه‌رێما كوردستانێ وشاندێ دگه‌لدا كر.
دهه‌ڤدیتنه‌كێدا ب ئاماده‌بونا به‌رێز اسماعیل محمد هاریكارێ پارێزگه‌رى بو كاروبارێن ئاواره وپه‌نابه‌ران به‌حسێ ره‌وشا پارێزگه‌ها دهوكێ ژرویێ خزمه‌تكارى وره‌وشا ئاواره وپه‌نابه‌ران وئه‌و هاریكاریێن ب رێكا پارێزگه‌هێ وسازیێن نیڤ ده‌وله‌تى بو دهێنه پێشكێشكرن هاته كرن.
دته‌وه‌ره‌كێ دن دا به‌حسێ په‌یوه‌ندیێن حكومه‌تا كوردستانێ دگه‌ل حكومه‌تا كه‌ندا وره‌وشا وان پروژان ئه‌وێن ب پشته‌ڤانیا حكومه‌تا كه‌ندا ل پارێزگه‌هێ دهێنه ئه‌نجامدان هاته كرن.
بالیوزێ وه‌لاتێ كه‌نەدا ل ئیراقێ ته‌كه‌زى ل خورتكرنا په‌یوه‌ندیان دناڤبه‌را كه‌ندا وهه‌رێما كوردستانێ كر ودیاركر كو وه‌لاتێ وان به‌رده‌وام دێ هاریكاریا هه‌رێما كوردستانێ وپارێزگه‌ها دهوكێ كه‌ت.
پارێزگه‌رێ دهوكێ خوشحالیا خو ب سه‌ره‌دانا شاندێ بالیوزخانه‌یا وه‌لاتێ كه‌نەدا دیاركر وسوپاسیا حكومه‌تا وى وه‌لاتى كر هه‌مبه‌ر ئه‌و هاریكاریێن بو پارێزگه‌ها دهوكێ پێشكێشكرین بو ئاواره‌یان وخوجهێن پارێزگه‌هێ وخواست قه‌بارێ وان هاریكاریا بهێته زێده‌كرن.
هه‌ژى گوتنێ یه حكومه‌تا كه‌ندا پشته‌ڤانیا بجهئینانا پروژێ چاره‌سه‌ركرنا ئاڤا پیس یا كو ژبن گلێشێ كارگه‌ها چاره‌سه‌ركرنا گلێشى ل ده‌ڤه‌را كواشێ دكه‌ت بو وێ یه‌كێ زیانێ نه گه‌هینیته ژینگه‌ها ده‌ڤه‌رێ .
ئه‌ڤرۆ نيوز:
ده‌سته‌يا سه‌رۆكاتيا په‌رله‌مانێ كوردستانێ راگه‌هاند كو رۆژا چارشه‌مبى دێ كۆمبوونا په‌رله‌مانێ كوردستانێ ب مه‌ره‌ما ده‌نگدان ل سه‌ر پێشنيازا سه‌رۆكاتيا هه‌رێمێ هێته دان.
ب گۆره‌ى نڤيسارا سه‌رۆكاتيا په‌رله‌مانێ كوردستانێ كو دانه‌ك ب ده‌ست ئه‌ڤرۆ نيوز كه‌فتيه ل رۆژا چارشه‌مبى 8ى گۆلانا 2019ێ و ل ده‌مژمێر 11:00 سپێدێ په‌رله‌مانێ كوردستانێ دێ ده‌نگدانێ ل سه‌ر پێشنيازا قانوونا سه‌رۆكاتيا هه‌رێمێ ده‌ت.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 6ى گۆلانا 2019ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 100 دولارێ ئه‌مريكى | 120.100 دينار |
| 100 يۆرۆيێ ئه‌ورۆپى | 135.000 دينار |
| 100 ليرێ توركى | 20.500 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
ئه‌ڤرۆ ل به‌ر ده‌رگه‌هێ په‌يمانگه‌ها ته‌كنيكى دهۆك يا تايبه‌ت ئاگر به‌ربوو ترۆمبێله‌كا ڤه‌گوهاستنا سوته‌مه‌نيێ و سێ ترۆمبێل ژى ل گه‌ل هاتينه سۆتن.
نه‌وزاد چێى، كه‌سه‌كێ نێزيكى روودانێ بوو و وێنه و ڤيديۆ بۆ ئه‌ڤرۆ نيوز ره‌وانه كرينه، دياركر كو ئاگر به‌ربوويه ترۆمبێله‌كا سۆته‌مه‌نيێ كو دبيت ب مه‌ره‌ما وێ چه‌ندێ ل وێرێ بوويه سۆته‌مه‌نيێ بۆ په‌يمانگه‌هێ دابين بكه‌ت، به‌لێ ئاگر به‌ربوون چێبوويه و سێ ترۆمبێل ل گه‌ل سۆتينه.
ئاشكه‌را ژى كر كو سه‌ره‌راى زيانێن ماددى، ئه‌مبۆلانس ژى چووبوونه جهێ روودانێ و ڤه‌گه‌ريان و گۆت: “روودان نها ژ لايێ تيمێن ئاگرڤه‌مراندنێ ڤه هاته كۆنترۆلكرن”.
ئەڤرۆ نیوز، نەوزاد ھلۆری:
کچە ھونەرمەندا کورد (دینا) نووترین کیپ ب ھەلکەفتا ھەیڤا رەمەزانا پیرۆز بەڤکر کو ب زمانێ عەرەبی ھاتیە چێکرن..
ھەلکەوت زاھێر، ئاوازدانەرێ کورد لسەر پێگەھێ خوە ل تورا جڤاکی یا یوتیوب نوترین کلیپا دینایێ بەلاڤکریە، تێدا رون دبیت کو تێکستا کلیپێ ژلایێ کەریم عیراقی و ژ دەرئینانا بریار فاتحە.
ب گورەی کلیپێ، دینا ب شێوە و ستایلەکێ موحەجەب کری و ب جلوبەرگێن سپی دەردکەڤیت و دەنگڤەدانەکا باش دناڤ تورێن جڤاکی پەیداکریە.
نيشاندان