NO IORG
Twitter

 

ئەڤرۆ نیوز، عەلی حاجی :

ئەڤرۆ ل روژا دوو شەمبێ رێکەڤتی ٦/٥/۲۰۱ تاخێ گولان ل باژێرێ زاخۆ ٤ کرێکار ژئەگەرێ کارکرنێ د قەستەلا ئاڤاھیێ خوە دا توشی تەنگە نەفەسیێ دبن و کرێکارەک گیانێ خوە ژدەست دەت و سێ ژی بریندار بیت و جیرانەکێ وی ئاڤاھی د ھەوارا وان کرێکاران دچیت و ئەو ژی ژ ئەگەرێ تەنگە نەفەسیێ دناف قەستەلێ دا گیانێ خوە ژدەست.

شاھد حالەکێ روودانێ بناڤێ شەرف دیندار بۆ ئەڤرۆ نیوز ئاشکەرا کر من وەکو کرێکار ل سەر ئاڤاھیەکێ نێزیکی روودانێ کار دکر پشتی من زانی ئەو کەسە یێ کەڤتینە دوێ قەستەلێ دا من ئێکسەر دەست ژکارێ خوە بەردا و ئەز چووم دا وان کەسان قورتال بکەم و ل دەست پێکێ کرێکارەک دا دارێن خوەێن دارتاشیێ ژوێ قەستالێ ئینیتە دەر توشی تەنگە نەفەسیێ ببو و ھەڤالێن دگەل دا ئێک ل دووف ئێک چوونە قەستەلێ دا داکو ئێک و دوو قورتال بکەن بەلێ ئەوژی توشی تەنگە نەفەسیێ ببون ٬ پشتی ھینگێ من خوە گرێدا دگەل ھاریکاریا کەسێن جھێ روودانێ ئامادەبوی چوومە دقەستەلێ دا و ب رێیا ترومبێلەکا بارھەلگر من ھەوا دا قەستەلێ و پشتی چوویمە قەستەلێ دا گەلەکا تاری بو و نێزێکی نیڤ مەترێ ئاڤ تێدا بو ٬ دوی دەمی دا دوو کەسان گیانێ خوە ژدەست دابو و سێ کەس بریندار ببون و ئەو کەسە زێدەتری دەمژمێرەکێ مابونە دوێ قەستەلێ دا و پشتی بورینا دوو دەمژمێران من شیا ھەر کەسان دناڤ قەستەلێ دا بینمە دەر و ئێکسەر رەوانەی نەخوشخانا تەنگاڤیا ل زاخۆ کرن .

ئەمیر عەلی بەرپرسێ راگەھاندنا ساخلەمیا زاخۆ بۆ ئەڤرۆ نیوز گوت: سێ ژوان کرێکاران براێن ئێک بون و ئێکێ دی ژی پسمامێ وان لسەر ئاڤاھیێ خوە کاردکەن و دەما ئەو ٤ کرێکارە دقەستەلێ دا دمینن جیرانەکێ وان دھەوارا دچیت و کرێکارەک بناڤێ بژار سوار دژیێ ۲۰ سالیێ دا گیانێ خوە ژدەست دابو و جیرانێ دھەوارا کرێکارا ژی چووی بناڤێ خالد حسێن خەلکێ شنگالێ یە ئەو ژی گیانێ خوە ژدەست ژئەگەرێ تەنگە نەفەسیێ و سێ کرێکارێن دی ژی پشتی ھاتینە نەخوشخانا زاخۆ پشکا تەنگاڤیان چارەسەریەکا بلەز بو وان ھاتنە دیتن و نوکە رەوشا وان یا ساخلەمیێ بەرەڤ باش بونێ ڤە چوویە و ل بن چاڤدێریا نوژداران دانە ٬ بەلێ ژبەرکو خەلکەکێ زور ل جھێ روودانێ ئامادە ببو بو ئەگەرێ وێ چەندێ تیمێن مە نەشیان ب دروستی ب ئەرکێ خوە رابن و ئەڤ چەندە ژی ئاریشەیەکا مەزنە بو تیمێن مە.

 

ئه‌ڤرۆ نیوز:

وه‌زاره‌تا په‌روه‌ردێ ل هه‌رێما كوردستانێ ئه‌ڤرۆ دوشه‌مبى 6/5/2019 چه‌ند پێزانینه‌كان ل دۆر ئه‌زموونان ئاراسته‌ى قوتابیێن 12 ئاماده‌یى دكه‌ت.

د وێ ئاگه‌هداریا وه‌زاره‌تا په‌روه‌ردێ دا هاتیه‌ كو ئه‌و قوتابیێ 12 ئاماده‌یى كو ب 3 وانه‌یان كه‌فتبیت، دشێت پشكداریێ د ئه‌زموونێن وزارى دا بكه‌ت، هه‌كه‌ ب 4 وانه‌یان زێده‌تر كه‌فتبیت، ب كه‌فتى دهێته‌ هژمارتن ودێ ل پۆلا خوه‌ مینیت.

دیاركر ژى كو هه‌ر قوتابیه‌كێ ئێك بابه‌ت یان دو سالان ل سه‌ر ئێك د ئه‌زموونێن وزارى دا ده‌رنه‌چیت، پێدڤیه‌ مامه‌له‌ ئێك بابه‌تى ودو بابه‌تى ل په‌روه‌ردا خوه‌ كربیت، هه‌كه‌ نه‌، نه‌شێت پشكداریێ د ئه‌زموونێن وزارى دا بكه‌ت وبۆ سالا داهاتى دڤێت ل هه‌موو وانه‌یان ئه‌زموونان بكه‌ت.

وه‌زاره‌تا په‌روه‌ردێ ئاماژه‌ كریه‌ ژى هه‌كه‌ هه‌ر قوتابیه‌ك دو سالان ل سه‌ر ئێك د ئه‌زموونێن وزارى دا ده‌رنه‌چیت، بۆ سالا سیێ دێ هێته‌ سه‌رپشككرن كو بچیته‌ قوتابخانه‌كا ئێڤاران یان ب شێوێ ده‌ره‌كى ئه‌زموونێن وزارى ئه‌نجام بده‌ت.

ئەڤرۆ نیوز:
ئەڤرۆ ئێڤاری ل تاخێ عەباسیکێ ل زاخۆ د روودانەکێ دا ل سەر خانیەکێ کاڤل چار کەس کەفتینە تێدا و دویا ژ وانا گیانێ خوە ژ دەستدایە.
بەرگریا شارستانی یا پارێزگەھا دھۆکێ دیارکر ئەڤ روودانە ل زاخۆ روودایە و چار کەس کەفتینە د چالەکێ دا و برینداربووینە و ل جھێ روودانێ تیمێن مە ئامادەبووینە و دەرخستینە لێ ب مخابنی ڤە دو کەس ژ وانا گیانێ خوە ژ دەستدایە و دو یێن دی ھاتنە رەوانەکرن بۆ نەخوشخانا تەنگاڤیان ل زاخۆ بۆ وەرگرتنا چارەسەریێ.

59495104_2472350442816541_7340132781407600640_n 59535345_2022962041160633_8671359775998476288_n 59652735_393123811274877_4115626972300705792_n

ئەڤرۆ نیوز:

عەبدوللا ئۆجەلان سەرۆکێ زیندانکری یێ پەکەکێ ب رێیا پارێزەرێن خوە راگەهاند کو دڤێت ل تورکیا دوور بین ژ شەری و هەموو پرس ب رێکێن سیاسی و دیموکراتی بهێنە چارەکرن.

ئۆجەلان ل دۆر قەیرانا سووریا و پرسا کوردی ل وی وەلاتی ژی دیار دکەت کو دڤێت هێزێن سووریا دیموکرات کار بۆ پارچەکرنا ئاخا سووریێ نەکەن و دڤێت هەموو ئالی بزاڤێ بکەن ب رێیا دستووری قەیرانا سووریێ بهێتە چارەکرن.

ل دۆر هەڤالێن وان یێن کو نها ل زیندانێن تورکیا دەست ب مانگرتنێ ژی کرینە ئۆجەلانی دبێژیت: مە نەڤێت چو کەسەک ژ برسا بمریت و دڤێت هەڤالێن مە گرنگیێ بدەنە ساخلەمیا خوە.

سەرۆکێ پەکەکێ هەروەسا دبێژیت ئەم دشێین هەموو پرسێن دەڤەرێ و ب تایبەتی ژی پرسێن ل تورکیا دوور ژ شەری و ب ئاشتیێ و دیموکراسیێ چارە بکەین.

 

723

ئەڤرۆنیوز، ڕەزوان ڕۆژبەیانی:

بۆتان بۆتانی بەرپرسێ ڕاگەھاندنا قایمەقامیا قەزا بەردەڕەش بۆ ئەڤرنیوز خویاکر ئەڤرۆ رێککەفتێ ٦/٥/٢٠١٩ د سەرەدانەکا مەیدانی دا قایمەقامێ قەزا بەردەڕەش خەلیل مەحمود اوسی و دگەل داواکارێ گشتی و رێڤەبەرێین پۆلیس و کەرتێ تەندروستی ل قەزا بەردەڕەش بۆ ناڤ بازارێ بەردەڕەش ب تایبەت  دەرمانخانان دەستپێکر و گوت: ( ل دووڤ رێنمایی و  بریارێین حوکمەتا ھەرێمی چار دەرمانخانە ژ ئەگەرێ دەرمانێن ئێکسپایەر و نە ئامادەبوونا دکتۆرێین دەرمانساز ل ھەر چار دەرمانخانان ھاتنە دائێخستن و ل دووڤ یاسایان لێپرسین دگەل وان دھێنە کرن و چاڤدێری ل سەر وێ کارتێ و کەرتێن دی دێ بەردەوام بن).

184

ئەڤرۆ نیوز، نەوزاد ھلوری:

بەری دەمەکێ کێم ئەڤرۆکە ئێڤاری رۆژا دوشەمبی ٦-٥-٢٠١٩ فروکێن شەرکەرێن تورکیا دو جاران بوردومانا چیایێ کورەژار ل نێزیک شێلادزێ کر.

ئەڤرۆ نیوز دیمەنێن دەما بوردومانکرنێ ب ڤیدیو بەلاڤ دکەت.

197

ئەڤرۆ نیوز:

جۆن بۆلتۆن شیرەتکارێ ئاسایشا نەتەوی یا ئەمریکا راگەھاند کو گەمیەکا مەزن یا شەری و گەلەک فرۆکێن شەری مە رەوانەی رۆژھەلاتا ناڤین کریە، مە ب ڤێ چەندێ پەیامەکا ئاشکرا دایە ئیرانێ کو رەوشا دەڤەرێ ئالۆز نەکەت، چونکو ئەم ناھێلین ئیران ب رێیا گرۆپێن تیرۆرستی مەترسیەکا دی ل رۆژھەلاتا ناڤین بۆ مە و ھەڤپەیمانێن مە دروست بکەت و دێ یا پێدڤی ل دژی ئیرانێ کەین.

ناڤھاتی ئەو یەک ژی دیار کر کو ھەتا رژێما ئیرانێ ھەلویستێ خوە نەگوھۆریت و داخوازیێن مە قەبوول نەکەت دێ فشارێن مە ل سەر دەستھەلاتا ئیرانێ د بەردەوام بن.

146

ئەڤرۆ نیوز، عەلی حاجی :

رێڤەبەرێ ناحیا رزگاری بۆ ئەڤرۆ نیوز دیارکر ئەو کوژمێ پارەی ھاتیە تەرخان کرن بۆ دوبارە چێکرنا جاددا ئیبراھیم خەلیل بۆ زاخۆ یێ کێمە و داخوازا زێدەکرنا وی ھاتیە کرن.

زێدەتر سەروەر سەعید گۆت: رێیا سەرەکی یا ئیبراھیم خەلیل بۆ زاخۆ بریارا دوبارە چێکرنا وێ ھاتیە دان و ٢ ملیار دینار ژی ھاتینە مەزاختن و ئەو پروژە بوویە تەندەر لێ ئەو پارێ ھاتیە تەرخان کرن یێ کێمە پێدڤی یە پارەکێ باشتر بھێتە تەرخان کرن و ئەڤ چەندە بویە ئەگەر ھەتا نوکە کار دەست پێنەکری یە و د نوکە دا پەیوەندی ب وەزارەتا دارایی ھاتیە کرن دا کو ئەڤ کوژمێ پارەیی بھێتە زێدەکرن ژبەر کو جاددەیەکا سەرەکی یە دڤێت ب شێوەیەکێ باش بھێتە راکرن و دوبارە بھێتە چێکرن ڤە.

127

ئەڤرۆ نیوز:

رۆژناما ئەلعەرەبی د راپۆرتەکێ دا دیار کریە کو کوردێن سووریا نها کار بۆ هندێ دکەن هەرێمەکا وەکو هەرێما باشورێ کوردستانێ بۆ خوە ئاڤا بکەن و ئەمریکا ژی پشتەڤانیێ ل وان دکەت، چونکو سیستەمێ کوردان و داخوازیێن وان د بەرژەوەندیا ئەمریکا دانە.

رۆژناما ئەلعەرەبی ئەو یەک ژی دیار کریە کو کورد نها ل سووریێ رۆژ ب رۆژێ بهێزتر لێ دهێن و دەستهەلاتا بەشاری ژی باش دزانیت کو ئەمریکا ب هەموو هێزا خوە پشتەڤانیێ ل کوردان دکەت و ژ بەر هندێ ژی زەحمەتە شام بشێت شەرێ کوردان بکەت.

ئەڤرۆ نیوز:

ئاسایشا دھۆکێ ئەڤرۆ رۆژا دوشەمب ٦-٥-٢٠١٩ راگەھاند ئەوان پێنج کەس ل پارێزگەھا دھۆکێ دەستەسەر کرینە کو چار کیلویێن ماددەیێن ھوشبەر دگەل دابووینە و دانپێدان ژی کریە.

زێدەتر د راگەھاندنەکێ دا ئاسایشا دھۆکێ دیارکر ئەو شیاینە ل ٤-٥-٢٠١٩ پێنج کەسان ل دھۆکێ دەستەسەر بکەن کو خەلکێ پارێزگەھا دھۆکێ ب خوەنە و تەمەنێ وان ناڤبەرا ٢٠ ھەتا ٣٥ سالیێ دانە و چار کیلویێن ماددەیێن ھوشبەر دگەل دابووینە و دانپێدان ژی ب ڤێ چەندێ کریە و ھاتینە رەوانەکرن بۆ دادگەھێ داکو سزایێ خوە وەرگرن.

website security
WP Facebook Auto Publish Powered By : XYZScripts.com