ئاشنایێ پەرتووكا خۆ ل دهۆكێ ئیمزاكر
شاكر ئەتروشی
بەردەوامی دا ب بزاڤ و چالاكیێن ئێكەتیا نڤیسەرێن كورد/دهۆك، ل ئێڤاریا رۆژا 25/6/2026 چالاكیەیا تایبەت بۆ نڤیسەر و هونەرمەند (ئاشنا عومەر) ماموستا ل زانكۆیا سەلاحەددین, كولیژا هونەرێن جوان/پشكا مۆزیكێ رێكخست و دوێ چالاكیێ دا ئاشنایێ پەرتووكا خۆ (ڕەهەندەكانی گۆڕانی چێژی ئیستاتیكی لە گورانیی هاوچەرخی كوریدا) رێكخست و ب درێژی بەحسێ هزر و قوناغێن بەرهەڤكرنا ڤێ پەرتووكی كر، كو ژ (236) بەرپەران پێك دهێت و دیاركر كو ئەڤە پشكەك بوو ژ نامەیا وێ یا ماستەرێ.
د دووڤدا هونەرمەند (بێكەس نوری عەبدال) قوتابیێ دكتۆرایێ و ماموستا ل زانكۆیا دهۆك, كولیژا هونەرێن جوان/پشكا مۆزیكێ خواندنەك دا وێ پەرتووكێ و هندەك لایەنێن ئەرێنی و نەرینێ ژ پەرتووكێ دیاركرن و تێبینیێن خۆ ل سەر پەرتووكێ دیاركرن، هەروەسا پارچەیەكا مۆزیكێ كو ژ ئامادەكرنا وی بوو ب ئامێرێ (قانوونێ) پپێشكێشی بەرهەڤبوویان كر،ل دووماهیا چالاكیێ ژی ماموستا (ئاشنا عومەر) پەرتووكا خۆ ئیمزاكر و ب دیاری ل سەر بەرهەڤبوویان هاتە بەلاڤكرن.
