ئەز حەز ژ ڕەنگێن گەرم دكەم
هەرهین محەمەد
شێوەكارێ گەنج (شڤان رەجەب) د دیدارەكێ دا بۆ رۆژنامەیا ئەڤرۆ گۆت: دەستپێكا من ژ زارۆكینیێ بوو، دەمێ من هەست ب حەزا رەنگان كری و كاریگەریا سروشتێ كوردستانێ و ژیانا فولكلۆری ل سەر من گەلەك یا دیارە، هەروەسا من گەلەك مفا ژ قوتابخانەیێن جیهانی یێن وەك (سۆریالیزم و ئێكسپرێشنیزم) وەرگرتییە ورەنگ ل لنك من بتنێ ئامراز نینن، بەلكو زمانێ ئاخفتنێ نە و ئەز پتر حەزژ رەنگێن گەرم دكەم چونكی هەستێ ژیان و بزاڤێ ددەنە مرۆڤی، هەر رەنگەك د ناڤ كەڤالەكێ من دا چیرۆكەكا جودا دگێڕیت
هەروەسا گۆت: ئەز حەز دكەم دەرگەهێ خەیالێ بۆ بینەری ڤەكەم، راستی پەیامەكا سەرەكی هەیا، بەلێ جوانیا هونەری ل وێرێ یە كو هەر كەسەك ل گۆڕەی دیدەڤانیا خوە تێگەهشتنەكا جودا بۆ كەڤالی هەبیت و تەكنۆلۆژیا ئامرازەكێ نوو یێ داهێنانێ یە، ئەز وەك شێوەكار دبینم كو دشێین مفای ژێ وەربگرین بۆ پێشڤەبرنا كارێن خوە، بەلێ روح و هەستێ مرۆڤی ل سەر كاغەزێ و قوماشی هەر ب بنیات دمینیت و ناهێتە گۆهۆڕین و گرنگترین تشت بەردەوامی و راهێنانن و پێدڤییە پتر بەرێ خۆ بدەینە كارێن هونەرمەندێن مەزن و ترسا تێكچوونا كاری لنك وان نەبیت، چونكی هەر شاشیەك دكارەكێ هونەری دا دەرگەهەكێ نوو یێ داهێنانێ یە.
