ئەڤ جۆرە فێستیڤالە گەلەگ دگرنگن
سندس سالح سلێڤانەیی
عەبدولعەزیز خەیات، فولكلۆرزان و كەسایەتیێ بەرنیاس، كو ئێك ژ پشكدارێن فەستیڤالا چارێ یا شەلوشەپكان و جلكێن كوردی بوو، ئەوا ل حەفتیا بۆری ل ئیدارەیا سەربەخۆیا زاخۆ هاتیە گێڕان، د دیدارەكێ دا گۆت: سالانە ئەز دهێم پشكداریێ دڤێ فەستیڤالێ دا دكەم و ئەز دبینم سال بۆ سالێ ئەڤ فیستەڤالا یا باشتر لێ دهێت و ئەز دەستخۆشیێ ل دەستەیا سەرپەرشتیا فیستەڤالێ دكەم و ب دیتنا من ئەڤ فیستەڤالە گەلەك دگرنگن بۆ دانەنیاسین جلك و كلتۆرێ كوردی.
سەبارەت بەرگیزێن منژی (مەرەزن) من داینە چێكرن، هەكە من ل بازاڕی كڕی بان دا بهایێ وان ژ(1000) هەتا (1200) دۆلاران بیت و ئەڤە گۆژمە گەلەكە هەموو كەسان پێ چێنابیت بكڕن، مەرەما من پێ ئەو نینە كو ئەز كەسەكێ پێ چێبوویمە، لێ بۆ من دەست ددەت و بەرێكڤە دهێت.
