بنەمایێ سەركەفتنا وێنەگری ئەوە كو بەردەوام نوویاتیان بكەت
بێوار حەمدی
وێنەگر (رەیان هاشم) د دیدارەكێ دا بۆ رۆژنامەیا ئەڤرۆ گۆت: ئەڤە (15) سالن ئەز كارێ وێنەگریێ دكەم، لێ دەستپێكا من ژ شێوەكاریێ دەستپێكر و ل وی دەمی من كەڤال چێدكرن و بۆ هەردو كارێن من ئەندامێن مالێ هەموو دپشتەڤان بوون.
هەروەسا گۆت: ئەز وێنەگریێ بۆ كارێن جودا دكەم، وەك (رۆژبوون، سالڤەگەڕ، شەهیان، بازاڕگەری) لێ ب دیتنا من د نوكە دا كارێ بازاڕگەری و ریكلامێ بۆ وێنەگری گەلەكێ باشە و هندەك جاران ب رێكا سۆشیالێ ئەز چاوانیا بكارئینانا كامیرێ ب شێوەیەكێ دروست نیشا ددەم، دا كو كامیرەڤانێن مە باشتر شارەزا ببن، هەر چەندە هەتا رادەیەكی ژیریا چێكری شیایە كارێ مە ب ساناهیتر لێ بكەت، ژبەركو ب هندەك رێكێن بچووك دێ شێی كارەكێ مەزن كەی، لێ جوداهی دناڤبەرا وێنەگران دا نەهێلایە، چنكو نوكە هەموو ب وێ رێكێ كاردكەن، ئانكو هندەك كار نەشیانێن وێنەگری بتنێ نە، لێ هەر چاوا بیت بنەمایێ سەركەفتنا وێنەگری ئەوە كو شوون تبلێن وی ل هەموو جهان هەبن و بەردەوام نوویاتیان بكەت.
