ب داهاتێ گولان هاریكاریا خێزانا خۆ دكەم
دلڤین رەشید
هیبا عیماد، خانمەكا دەستڕەنگینا خەلكا دهۆكێ یە، د دیدارەكێ دا بۆ رۆژنامەیا ئەڤرۆ دبێژیت: ژبەر حەز و ئارەزویێن خۆ بۆ كارێ دەستی من دەست ب چێكرن و فرۆتنا گولا كریە و ب رێكا ئۆنلاین دفرۆشم و داخواز ل سەر كڕینا وان هەیە.
ناڤهاتیێ گۆت: راستە ب كارێ دەستی و گولا داهاتەك بۆ من ژێ دهێت، بەلێ بوویە هەستەكی دلخۆشكەر ژی بۆ من و ئەز ل مال گولا چێدكەم و ب داهاتێ وان هاریكاریا خێزانا خۆ دكەم و هیڤیخوازم جهێن پەیوەندیدار پتر بشێن پشتەڤانیا كچ و ژنێن دەست ڕەنگین بكەن ، دا كو ئەو ژی بشێن بەردەوامیێ ب كار و پیشەیا خۆ یا بدەن.
