ب فەرمانا مەلا مستەفا بارزانی پارە بۆ نووژەنكرنا دێرێن گوندێن دەڤەرا بەهدینان هاتە تەرخانكرن
سالار محەمەد دۆسكی:
2-5
رۆژا دوڤدا دەمژمێر چاری ئێڤاری مەلا مستەفا بارزانی هات و گۆت كا برایێ من؟، من گۆتێ قوربان ل ژۆر ڤەیە و سحكەرێ و گۆتە من بگەهینە نوژداری وی دەمی نەخوشخانەك ل ناوپردان بوو و من گەهاند و نوژداری تەماشكەرێ و پشكنینكر و گۆت تە چارەسەری نینە و نەشێم چ چارەسەریا بدەمە تە و ئێكسەر ئەم زڤرینە قەسرێ و مەلا مستەفا بارزانی دووبارە پرسیار كر گۆت كا برایێ من؟، من گۆتێ قوربان ل ژۆر ڤەیە و گۆت نوژداری چ گۆت؟، من گۆتێ گۆت چارەسەری نینە و ئێكسەر مەلا مستەفا بارزانی گۆتێ دێ كاغەزەكێ دەمە تە و ئەڤ شەڤە دێ تە ڕەوانەی وەلاتێ فەرنسا كەم، مەترانی گۆت یامن هەر چوو و فایدە ناكەت، و ئەز دایك و بابێن خوە ناهێلم و رۆژا پاشتر مە سەرەدانا خودێ ژێ رازی ئدریس بارزانی كر، و هندەك پارە دانێ و 25 دینار ژی دانەمن و ئەم زڤرین ل ئامێدیێ ئەو چوو گوندی و ئەم هاتنە مال و رۆژا پاشتر ئەم چووینە ئامێدیێ و مە ئینا نەخوشخانا دهۆكێ و هاتە رەوانەكرن بۆ باژێرێ مویسل، و رۆژا پاشتر جەنازێ وی ئینا ل ناحیا فەیدیێ ل هنداڤ جەنازێ وی راوستیام و ل سەر سیپا ترۆمبێلەكێ بوو، خودێ ژێ رازی (عیسێ سوار) هات وەكی بچیكا بۆ كرە گری، و سێ جارا سەرێ خوە ل سندریكا وی دا و گۆتێ قوربان خوزی ئەز ل جهێ تەبام ل ئەوێ سندریكێ دا، هندی هند مەترانێ دلسۆز بوو بۆ بارزانی و گەلەك حەژێ دكر، و مە جنازێ وی برە دیرێ و حەفت رۆژان ئەم ماینە ل ودیرێ و رۆژا شەشێ عەلی شنگالی پێش مەلا مستەفا بارزانی هات و پشكداری تازیێ دا كر، و گۆت مەلا مستەفا بارزانی سلاڤ ل هەوە كرینە و جەنابێ وی ئاگەهدار كریمە كو چەند مەزاختی ل تازیێ بچیت ل سەر كیستێ جەنابێ وی و پشتی تازی ب دووماهی هات، ئەم رۆژا پاشتر چووینە حاجی عومەران و ئەم ل گەل هاشم ئاكرەیی چووین و ئەو ژی ئەم برینە باژێرێ مویسل چووینە هەولێرێ و ئەم چووینە دەف عەبدولعەزیز و ئەم كرینە ترۆمبێلەكێ دا و ب شەڤ ئەم چووینە حاجی عومەران، دەمژمێر 11 شەڤ گەهشتینە وێرێ و رۆژا پاشتر ئەم چووین و مەلا مستەفا بارزانی گەلەك كرە گری بۆ وەغەركرنا مەترانی ب لەوەندی یا خوە روندكێن خوە زوهادكرن، و گۆت خوزی ژ خێرا خودێ را ئدریس با و مەتران نەبا و هنداڤ بووم گەلەك كرە گری و برایێ من بوو ملێ راستێ بوو نوكە مامە ب مللەكی، دیرۆك و ڤیانا مەلا مستەفا بارزانی بۆ دەسپێكا شۆرشا مەزنا ئیلونێ ڤەدگەریت و دەمێ شۆڕش دەستپێكری مەلا مستەفا بارزانی قەستا گوندێ دورێ بوو سەر ب كانی ماسی ڤە و 10 رۆژان ل گوندێ وان بوو، و مەلا مستەفا بارزانی گەلەك حەژێ دكر، مەتران بۆ قوتابی و رێڤەبەرێ گشتی ل بەغدا نازم دجاج ئەو كوشت.
هەمان پێشمەرگەیێ شۆڕشا مەزنا ئیلونێ گۆت: ب هەیڤان ئەز د مامە ل مالا مەلا مستەفا بارزانی و ئەڤە ب رێكا گورگیس ملك چكو بوو چونكە زێرەڤانێ ویێ تایبەت بووم، دووماهیێ گوگیسی خێزانا خوە ژی ئینا و دایكا مەسعود بارزانی جلكێن كوردی دانێ و هاریكاری بۆ پێشكێشكرن و ئەڤ قەدر و قیمەتێ گورگیس و مە یێ هورمزی بوو، حوكمەتا ئیراقێ بزاڤكر گورگیس ل زاخو بگریت و من قورتالكر، و من نەهێلا ئەو پلان سەر بگریت و گورگیس چیرۆكا خوە بۆ رەحمەتی مەلا مستەفا بارزانی دگۆت و رەحمەتی مەلا مستەفا گۆت تە چ دیاری دڤێت پێشكێشی تە بكەم تو هندە چاڤێ خوە دەیە برایێ من، من داخوازا دێربینكێ كر و من گۆتێ گەلەك جاران دچمە دەشتێ ب مەرەما كارێ پشكنینێ چونكە هندەسە مە، جەنابێ مەلا مستەفا بارزانی گۆت سەرچاڤا و رۆژا دی ئێڤاری جەنابێ وی هات و دێربینە دەستی دا ئەز پێشڤە رابووم و چوومە بەراهیێ و دێربینا من دامن، رۆژا پاشتر چوومە دەف ئدریس بارزانی ل قەسرێ و جەنابێ وی گۆت بارزانی چ دیاری پێشكێشی تە كربوو؟، من گۆتێ قوربان دێربینەك بوو، ڤێت توژی دیاریەكێ بدەیە من، گۆت تە چ دڤێت؟، من گۆتێ كلاشینكوف من هەیە بەلێ من دەمانجە نینە و كاغەزەك نڤێسی و گۆت هەرە مەلجەبێ و ئەز چووم برایێ كامیران نفتی ل وێرێ بوو دەمانجەك دامن و 50 گولە ل گەل دا بوون، ئەڤە ل سالا 1973ێ بوو، پشتی 11ی ئادارێ سالا 1970 هەتا سالا 1974 ژیانا خەلكێ مە گەلەك یا خوش بوو و سالێن خێر و خوشی و ئاشتیێ بوون.
هەمان پێشمەرگەیێ شۆڕشا مەزنا ئیلۆنا ئەو ژی گۆت: ل سالا 1974 دەمێ بوویە شەر ئەز هاتمە دەڤەرێ و گورگیس ل گەل خێزانا خوە چوونە ئیرانێ و ئەز هاتمە سەنگەرێ شەری ژ ئالوكا هەتا دگەهیتە شیف شرین و هەتا دگەهیتە تلعەدس و منارە پێشمەرگە لێ بوو و هەمی پێشمەرگەیێ گورگیس مەلك چكو بوون، و پشتی ئەو چوویە ئیرانێ بریكارێن وی مانە ل جهێ وی شوعیە و گورگیس خەلكێ سەرسنگ و چەند كەسەكێن دی ژی بوون و ئەم نێزیكی 2000 كەسێن مەسیحی بوون و دگۆتنێ هێزا شەهید هورمز مەلك چكو، دەمێ ب شەف دەركەفتم و من تێنتی چاندن من 12 زێرەڤان هەبوون، و جهێن من تێنتی دانا (شاریا، تلعەدس و منارە، دوغاتا، ئەلقوش، شیف شرین، تلسقوف) هەیڤەكێ من پشكداری خولەكێ دا كربوو یا چاندنا تێنتی و مامۆستایێن مە عەبدلرەحمان ئاكرەیی بوو، و مولازم ئێكێ یوسف بوو، وی دەمی خودێ ژێ رازی عەلی بالێتەی ژی ل گەل من بوو و خولا من بوو، بیرا من دهێتە خودێ ژێ رازی نەجمەددین یوسفی دڤیا بچیتە دەشتێ نەدشیا بچیت و هاتە دەف من و من گۆتێ تو نەشێی بچی و من دەشت پركریە ژ چاندنا تێنیتی و من گۆتێ ئەز دێ ل گەل تە هێم و ل گەل زێرەڤانێن خوە چوویمە .
شلیمۆن لاجین عودیشو، بەحسێ بیرهاتنەكا خوە ل گەل خودێ ژێ رازی ئدریس بارزانی دكەت و گۆت: رۆژەكێ ژ رۆژان جگارێن من خلاس بوون، گورگیس ل جهەكی روینشتی بوو و جەرجیس فەتحوللا ل جهەكێ دی و ئەژی چووم من دەست هاڤێتە پاكیتێ ومن جگارەك ئینا دەر و ئێكسەر گورگیس دەرگەه ڤەكر، و دیت ئەزێ جگارا ژ پاكیتا وی تینمە دەرێ و دەنگێ خوە بلندكر و گۆت بۆچی جگارا ژ پاكیتا من تینە دەرێ؟، تە مووچە هەیە؟، و من گۆتێ قوربان ئەڤە هەیڤەك پێنج دینار داینە من ما پێنچ دینار چنە؟، روینشتمە خوارێ و رۆندك ژ چاڤێن من هاتن و ئێكسەر روینشتم و ئێكسەر من دیت ئادەم زێرەڤانێ تایبەتێ مەلا مستەفا بارزانی هات و گۆت تە خێرە؟،
