ب هەروەچوونا دەمی
سولین حەسەن
نەخۆشییەكا بەربەلاڤە د نوكە دا دەمێن تە دكوژیت ڕۆژێن تە مەهێن تە، سالێن تە دبەت كۆژەكەكێ ڤەشارتییە ژیانا مرۆڤی و ژیێ مرۆڤی بهە روە دبەت، دبیتە ئەگەرێ خەم كول و كۆڤان و واسواسی و دودلیێ پەیدادكەت، گەلەك مرۆڤان ڕژدیا ژیانێ ژدەست ددەن و بێ باوەری ل دەف وان پەیدا دبیت ئەگەرێ ئەڤێ چەندێ بێكاری یە (ڤالاتییە) هەكە ئەڤ بێكاری یە نەهاتە چارەسەركرن دبیتە ئەگەرێن نەخۆشیین دەروونی گەلەك جاران دبیتە ئەگەرێ خۆ كوشتنێ، ئەڤجا چیێ زەنگین بیت یان هەژار بیت ژی چونكو ب هەروەچوونا دەمی ئەوێ دویركری ژ هەموو كارێن ڕۆژانە و هەڤسەنگیێ و تشتێن درۆست و بڕیارێن درۆست دویركری و یێ بریە دناڤ ژینگەها خەیالان دا، ئەڤجا چەوا دشێن خۆ ژ هەروەچوونا دەمی رزگاربكەین یان ژی كێم بكەین ل دەف خۆ هەموو ڕۆژان ل دووف پلانەكێ هەرە و كارێن خۆ ل دووف وێ پلانێ رێكبخێن و كارێن خۆ ددەمێ وان دابكەن داكو ڤالاتییا ژیانێ نەهێلی و هشیاربە ستتیێ دكاران دانەكە هەروەسا هەڤالێن گەشبین و خەدان بەهرە و زانست بۆ خۆ هەلبژێرە داكو هاریكارییا تە بكەن ل سەر مفا وەرگرتنا ژ دەمی و دەمێ تە بهەروە نەچیت و خۆ ژ هەر هەڤالەكی یان كەسەكی دویربكە یێن رەشبین و یێ كو رەوشتێ وی سەرداچوون و لاوازی و حەسویدی و خرابی بیت و دگەل خەلكی تێكەلی كارین باش و داهێنەر ببە داكو دەمێ تە ڤالا نەچیت و خۆ ژ گەلەك رووینشتنان بتنێ و د ژوورڤە و بێكار دویربكە رۆژانە د پلانا خۆ دا درۆست بكە كو پەرتووكەكێ بخوینی یان بچییە رووینشتنێن جۆرا و جۆر و هەروەسا دەمەكی بۆ خۆ درۆستبكەت بۆ چوونا وەرزشێ ل هولان یان باغچەكێ نێزیكی مال دگەل هەڤالان چونكو چالاكیێن ب كۆم پتر مرۆڤی هانددەنە بەردەوامی، لەورا ل دەستپێكا هەر سپێدەهیەكی ئارمانجا خۆ دەست نیشانبكە و كار بۆبكە و كارین خۆ یێن د وی َ رۆژێ دا رێكبێخە و ئەنجام بدە چونكو ئەڤ چەندە لەزاتییا ئارمانجان و دەستكەفتنا ب ساناهی دكەت ، لەورا هەكە تۆ ڕاستسسا ژی رۆژ هەر دێ بۆریت.
