دجیتال مەدیا شیایە سنۆران دەرباز بكەت
بێوار حەمدی
عەلی دیوالی، پەیامنێرێ دیجیتال مەدیایا ئاژێر پرێس، د دیدارەكێ دا بۆ رۆژنامەیا ئەڤرۆ گۆت: ئەڤە نێزیكی (13) سالانە ئەز دبۆارێ راگەهاندنێ دا كاردكەم و من ئەزموونێن جودا جودا هەنە، لێ هەلبژارتنا من بۆ ئاژێر ژبەر وێ چەندێ یە كو ئەز ل ڤی جهی پتر هەست ب ئارامیا دەروونی بكەم.
هەروەسا گۆت: ب دیتنا من د نوكە دا دجیتال مەدیا شیایە سنۆران دەرباز بكەت و خزمەتەكا بلەزتر پێشكێشی جڤاكی بكەت، لێ ئێك ژ ب زەحمەترین ئەركێن پەیامنێری دیتنا ژێدەرێن باوەرپێكری و ب دەستڤەئینانا پێزانینێن دروستە و دەمێ هەر كەسەك ل جهەكی مایكەكێ هەلدگریت ل وی دەمی جوداهی دناڤبەرا راگەهاندكارێ پیشەی و كەسێن دی دا نامینیت، لەوما ئەڤ چەندە دبیتە ئەگەر كو رۆژنامەڤانێن زیرەك ببنە قوربانی سەنگ و بهایێ كارێ راگەهاندنێ.