دخوازم هندەك دیاردەیان ب رێكا كەڤالان نەهێلم
شێوەكار (دلێر خێرەدین) د دیدارەكێ دا بۆ رۆژنامەیا ئەڤرۆ گۆت: ئەزخەلكێ قەزا بەردەرەشم، نوكە قوتابیێ زانكۆیا دهۆك پشكا شێوەكاری مە، ل قوناغا چارێ ، ناڤەرۆكا كەڤالێن من ل دۆر چیروكێن ناخ هەژینن ئەوێن بووینە قوربانیێن سۆشیال مەدیایێ و دخوازم دیاردەیێن خراب بكارئینانا سۆشیال مەدیایی دناڤ جفاكێ مەدا ب رێكا چێكرنا كەڤالان كێم بكەم.
هەروەسا گۆت: هزرا پەیدابوونا ڤێ چیرۆكی ژ من دەستپێكر، ئەز ب خۆ ئێك ژ قوربانیین وێ دیاردەیا خراب بكارئینانا سۆشیال مەدیایێ مە، كو من ب بهاترین كەس دژیانا خۆدا ژ دەست دای، ئەڤێ چەندێ وەل من كرن ئەز گرنگیێ ب وان جۆرە كەڤالان بدەم، و بڤێ رێكی هشیاری دناڤ خەلكێ دا پەیدا بكەم، چونكی سۆشیال مەدیایی دو لایەن هەنە یێن خراب و باش ، بۆچی ئەم فێرنەبین لایەنێ باش ب كار بینینن و شوونا ستریا ئەم گولا پێشكێشی ئێكو دو نەكەین و د پاشە رۆژێ دخوازم هزرێن باشتر ب رێكا هونەری شێوەكاری ئەم ڤێ دیاردەیا نەشرین دناڤ جڤاكێ خۆ دا كێم بكەین و رێزی ل ئێكو دو بگرین، چونكو ئەم وەك مللەتێ كورد خودان رەوشتێن پاقژین هەكە چەند گوهۆڕین دجیهانگێڕیا ئەڤرۆ دا چێبن، دڤێت ئەم وی رەوشتێ خۆ یێ جوان ژبیرنەكەین.
