درامایا (كەسەر) ئەز ژ زیندانا تاری ئازاد كرم
سندس سالح سلێڤانەیی
ئەكتەرا گەنج (جیلان تاهر) كو خەلكا ئیدارەیا سەربەخۆیا زاخۆیە، د دیدارەكێ دا بۆ رۆژنامەیا ئەڤرۆ گۆت: دژیەكێ بچووك دا من حەزژ كارێ ئەكتەریێ دكر و پشتی دەلیڤە هاتی من دەستپێكر و نوكە ب پشكداریێن خۆ د هەر بەرهەمەكێ هونەری دا یا سەرفەرازم و دێ یا بەردەوامبم.
هەروەسا گۆت: ل سالا 2018 من پشكداری د زنجیرە درامایا (تەحل و شرین) دا كر، كو ئەڤە دەستپێكا من بوو، د دووڤدا زنجیرەیێن (ڤەكولین، سنۆر، پایز، كەسەر) بو زانین ل دەستپێكێ مالا مە دڕێگر بوون و حەزنەدكرن ل تەلەفزیۆنێ دەربكەڤم، لەورا من گەلەك زەحمەت دیت هەتا شیایم وان ئاستەنگان نەهێلم و درامایا (كەسەر) گەلەك نێزیكی كەسایەتیا من بوو، چنكو ئەز ژ زیندانا تاری ئازاد كرم بۆ رۆناهیێ، هەروەسا ب مخابنی ڤە دێ بێژم ژبەر مژوولبوونا من ب هندەك كاران ڤە ل دەمێ بۆری ئەز نەشیام پشكداریێ د چو كارێن هونەری دا بكەم و پەیڤان من بۆ وان كچ و ژنان ئەوە ئەوێن حەزا هونەری هەین بلا بهێن دەستپێبكەن، ڕاستە ل دەستپێكێ دێ هندەك ئاستەنگ هەبن، بەلێ پشت راستبن پشتی دەمەكی نامینن و دێ ب هەموو حەز و ئارەزوویێن خۆ شاد بن.