درامایەكا كوردی چار خەلات ل (عومان) وەرگرتن
زنار تۆڤی
نەژاد نەجم، دەرهێنەرێ دیۆدراما (سەلمە) د دیدارەكێ دا بۆ رۆژنامەیا ئەڤرۆ گۆت: گرۆپێ شانۆیا هەوار پشكداری د فیستەڤالا نێڤدەولەتیا شەڤێن ئوفیری بۆ شانۆیا دیۆدراما ل باژیرێ سەلالە ل سەلتەنەتا عۆمان كر و دوێ فیستەڤالێ دا شانۆیا كوردی و عیراقی ل عومانێ دیرۆكەك تۆماركر و گرۆپێ شانۆیا هەوار چار خەلاتێن سەرەكی یێن فیستەڤالێ وەرگرتن.
ناڤهاتی گۆت: مە نیشادانا وێ شانۆگەریێ پێشكێشی روحا رۆژنامەڤان (هەلكەوت عەزیزی) كر و ب شانازی ڤە دیۆدراما (سەلمە) وەك نوونەرا كوردستانێ پشكدار ببوو، ئەو چار خەلات ژی ئەڤە بوون (خەلاتێ باشترین نیشادان، باشترین دەرهێنەر، باشترین ئەكتەرا كچ بۆ (هەوار فارس) ل كوردستانێ و (ئۆغیرلێ ئەمپێرت) ل فرەنسا، ئەڤ بەرهەمە ب سپۆنسەریا (فیدراسیۆنا جیهانی یا كورد) هاتە ئەنجامدان، دیو دراما ژ نڤێسینا د. دلشاد مستەفایە، كارێ سینۆگرافی و دەرهێنان (نەژاد نەجم).
