(دنیا دەرزی) كلیپەكا نوو بەلاڤكر
زنار تۆڤی
سترانبێژ (دنیا دەرزی) سترانەكا نوو ب ناڤێ (پەلكە زێڕینە) ب شێوێ ڤیدیۆ كلیپ بەلاڤكر، پەیڤ و ئاوازا ڤێ سترانێ ژلایێ هونەرمەند (میدیا حسێن) ڤە هاتیە نڤیسین و چێكرن، ئاریۆسی ب رەنگەكێ نوو و هەڤتەریب ل گەل هەستێ سترانێ دابەشكرنا مۆزیكێ بۆ ڤی بەرهەمی ئەنجام دایە و رۆلەكێ گرنگ هەبوویە د چێكرنا ڤێ سترانێ دا، هەروەسا توانا خورشید ب ئامیرێ كەمانچێ هەستەكێ خەمگین و نازك ئێخستیە د ناڤ ڤی بەرهەمی دا، حەمید پیرەش ب بالەبانێ، رەنگ و بێهنەكا رۆژهەلاتی یێ جوان دایە ڤێ سترانێ، هەروەسا محەمەد شەهریاریی فەر ب ئامیرێ گیتارێ و میر سابونچی ب پەركەشن، ب شێوەكێ هارمۆنی و هووركاریێن بلند، هاریكاری كریە بۆ تەمامكرنا مۆزیكا ڤی بەرهەمی.
ناڤهاتیێ گۆت: ئەڤ سترانە بزاڤەكە هەستێ خۆشی و ژیانێ بگەهینیتە گوهداری، ئەڤ بەرهەمە ب تێكهەلبوونا مۆزیكا رۆژهەلاتی و شێوازێ نوو، هاتیە بجهئینان و شیایە سەقایەكێ گەرم و دلخۆشكەر چێكەت كو ل گەل هەستی هەڤتەریب بیت، هەروەسا گرنگیا ڤێ سترانێ ئەوە، كو ب ئامیرێن مۆزیكێ رۆحەكا زیندی و پر هێز دایە ڤی بەرهەمێ من یێ نوو.
