دیزاینەرێ پرۆفیشنال د شێت داهاتەكێ باش پەیدا بكەت
بێوار حەمدی
دیزاینەرێ گەنج (نیهاد جیهاد) كو زێدەتر ژ شەش سالانە ڤی كاری دكەت، د دیدارەكێ دا بۆ رۆژنامەیا ئەڤرۆ گۆت: من ب رێیا پراكتیكی و خۆ فێركرنێ ئەڤ شارەزاییە ل دەف خۆ پەیداكریە، لێ وەكو خواندن من ب ئەكادیمی نەخواندیە، چنكو ئەڤە ب رێكا فێربوونێ گەلەك باشترە و پتریا كارێن من (مۆشن گرافك و دەرهێنا هونەری یە).
هەروەسا گۆت: من گەلەك حەزژ ڤی كاری كریە، ژبەركو ئارامیێ ددەتە دیزاینەری و پتر جهێ سەنجڕاكێشانا بینەری و هەكە دیزاینەر یێ پرۆفشینال و سەركەفتی بیت دێ شێت كارەكێ ب ساناهی و داهاتەكێ باش پەیداكەت و ئەو كەسێ دڤێت خۆ فێری كارێن دیزاینێ بكەت پێدڤیە ل سەر ئەنترنێتێ باش خۆ فێربكەت و گرنگیێ ب كارێن دیزاینەرێن مەزن بدەن دا مفای ژێ وەربگرن، هەروەسا دڤێت بەردەوام كاربكەت، دا شارەزا بیت و بشێت داهێنانێ بكەت.