رزگار سلێڤانەیی كلیپا (ما دەم نەهات) بەلاڤكر
دلۆڤان هالۆ
سترانبێژ (رزگار سلێڤانەیی) د دیدارەكێ دا بۆ رۆژنامەیا ئەڤرۆ دیاركر كو دووماهی سترانا وی ب ناڤێ (مادەم نەهات) ب شێوێ ڤیدیۆ كلیپ بەری چەند رۆژان هاتە بەلاڤكرن، پەیڤێن سترانێ ژلایێ هەلبەستڤان (ئیبراهیم قۆچانی) ڤە هاتینە نڤیسین و ئاواز یا سترانبێژی ب خۆیە.
هەروەسا گۆت: ئەڤ سترانە ل ستودیۆیا زەمان ل باژێرێ زاخۆ هاتیە تۆماركرن و بابەتێ وێ ئەڤینیی یە، بۆ زانین سترانا من یا ئێكێ ل بن ناڤێ دلبەر ل سالا 2004 ل ستودیۆیا عادل حاجی هاتبوو تۆماركرن و هەتا نوكە من (5) ڤیدیۆ كلیپ و نێزیكی (40) سترانان هەنە و پتریا سترانێن من ژ پەیڤ و ئاوازێن من ب خۆنە، هەروەسا گەلەك ماموستا و هونەرمەندێن هێژا پەیڤ و ئاواز داینە من، ژوانا (عەبدولعەزیز سلێمان، ئەحمەد عیسا فەتاح، حەسەن فەقی، ئیبراهیم قۆچانی، غازی زاخۆیی، حسێن سادق) هەروەسا من ب خۆژی هژمارەكا ستران داینە چەند سترانبێژان.