رۆژا جیهانیا ساخله‌میێ هاته ساخكرن
ئه‌ڤرۆ نیۆز، قائید میرۆ
ئه‌ڤرۆ ب هه‌لكه‌فتا رۆژا جیهانیا ساخله‌میێ ل باژێڕێ هه‌ولێرێ رێوره‌سمه‌ك هاته گێڕان و تێدا چه‌ندین بابه‌ت ل دۆر چاوانیا بكار ئینانا خوارنا ساخله‌م هاتنه پێشكه‌شكرن و وه‌زیرێ ساخله‌میا هه‌رێمێ راگه‌هاند، نه‌خۆشیێن ب ئه‌گه‌رێ خوارنێ كێمبووینه.
ئه‌ف رێو ره‌سم لژێر دروشمێ ل زه‌ڤیێ بۆ خوارنه‌كا ساخله‌م بڕێڤه‌چوو، كه‌سێن شه‌هره‌زا و بسپۆر زانیاریێن گرنگ ل دۆر بكار ئینانا خوارنێ دیاركرن، بتایبه‌تی هاندانا خه‌لكی بۆ بكار ئینانا خوارنه‌كا ساخله‌م.
دكتۆر رێكه‌وت حه‌مه ره‌شید وه‌زیرێ ساخله‌میێ ته‌كه‌زكر، رێژا نه‌ساخیێ ب ئه‌گه‌رێ خوارنێ كێمبوویه و گیان ژ ده‌ستدانژی ل هه‌رێمێ نه‌هاتیه تۆماركرن.
