سترانا (ل ئامەدێ) دناڤ ڤان هەست و سۆزان دا ژ دایكبوویە
زنار تۆڤی
هونەرمەندا باكورێ كوردستانێ، رۆژینێ، نووترین بەرهەمێ خۆ یێ هونەری ب ناڤێ (ل ئامەدێ) بەلاڤكر و دبێژیت، ئەڤ سترانە گەشتەكە بۆ ڤەدیتنا من دناڤ جادەێن ئامەدێ دا. رۆژینێ دیاركر، سترانا (ل ئامەدێ) ب تنێ سترانەكا ئاسایی نینە، بەلكو گەشتەكە كو تێدا ئەز خۆ ل سەر جادەێن ئامەدێ دبینم، هەروەسا ئاماژێ ب بیرۆكەیا سترانا خۆ دكەت و دبێژیت، ل گەل پەرداخەكێ قەهوێ و ل سەر جادەێن كەڤنێن ئامەدێ، من ئاواز و پەیڤێن وێ سترانێ گۆتینە و ئامەد بۆ من ب تنێ باژێرەك نینە، بەلكو ب واتایا بیرهاتن، حەسرەت، خۆراگری و گەرموگوریێ ددەت، هەروەسا سترانا (ل ئامەدێ) دناڤ ڤان هەست و سۆزان دا ژ دایكبوویە و بۆ ماوێ چار سالان ل گەل وێ دا مەزن بوویمە و پەیڤ و ئاواز یێن منن، عەلی حەیدەر باشاكی، كارێ دابەشكرنا مۆزیكێ بۆ ڤێ سترانێ كریە، ئەز ڤی بەرهەمی وەك نامەكێ بۆ ئامەدێ و بۆ روحا مرۆڤێ وەسف دكەم، هەروەسا هندەك جاران باژێرەك هەموو بیرهاتنان دئینیتەڤە بیرا مرۆڤی، بۆ من ژی ناڤێ وی باژێری ئامەدە.
