سترانێن دەڤەرا شنگالێ كانیەكا زەلالن بۆ پاراستنا ناسنامە و دیرۆكا گەلێ مە
دلڤین رەشید
سترانبێژ (ئاواز خدر عەلۆ) كو خەلكێ گوندێ ئیسیایە، سەر ب قەزا شێخان ڤە، د دیدارەكێ بۆ رۆژنامەیا ئەڤرۆ گۆت: ئەڤە نێزیكی چار سالانە ئەز سترانان دبێژم و من ل بەرە سالا بهێت بچمە پەیمانگەها هونەرێن جوان دا ب شێوەیەكێ ئەكادیم بەردەوامیێ بدەمە سترانگۆتنێ، بۆ زانین ل ڤێ دووماهیێ من كلیپا (چما چما) بەلاڤكر، كو یا هونەرمەند رێبەر وەحید، بەلێ من ب دەنگێ خۆ جارەكا دی تۆماركر. هەروەسا گۆت: سترانێن فولكلۆری بگشتی و سترانێن یێن دەڤەرا شنگال ب تایبەتی كانیەكا زەلالن بۆ پاراستنا ناسنامە و دیرۆكا گەلێ مە، پێگیریكرنا مە وەك گەنج ب ئاواز و فولكلۆرێ مە دێ بیتە رێكەك دڤێ قوناغا گرنگ و هەستیار دا ژ بۆ پاراستنا ئەڤی كلتۆرێ رەسەن یێ دەڤەرا شنگالێ ب رێكا نووكرنا ئەوان پەیڤێن ژ بۆ دیرۆكێ بووینە شاهد، راستە ئەم نوكە وێ د سەردەمێ جیهانگێریا تەكنەلۆژیایی دا یا پرە ژ بابەتێ جودا، لێ یا گرنگە ئەم ڤێ دەلیڤی ب پێنگاڤەكە زێڕین ب زانینن و ب رێكا ڤێ تەكنەلۆژیایی بشێن كلتۆر و فولكلۆرێ خۆ ب جیهانێ بدەینە دیاركرن.