سێ كورتە فلمێن كوردی ل ئەلمانیا هاتنە نیشادان
رەمەزان زەكەریا
ل باژێڕێ شتوتگارت یێ ئەلمانیا فیدراسیۆنا جیهانی یا كوردی سێ كورتە فلمێن دەرهێنەرەكێ كورد نیشاندان، كو بەحس ل رەوشا كوردان ل ڕۆژئاڤایێ كوردستانێ د سەردەمێ دەسەلاتا بەشار ئەسەدی دا دكەن.
ڕێباز نەجم، سەرۆكێ فیدراسیۆنا جیهانی یا كوردی، د دیدارەكێ دا بۆ ئەڤرۆ گۆت: سێ كورتە فلمێن دەرهێنەرێ كورد (شام جولی) د چالاكییێ دا هاتنە نیشادان و ژبلی بینەرێن كورد مێڤانێن ئەلمان ژی بینەرێن وێ بوون و كورتە فلمەك ژ وان یێ تایبەت بوو ب ئەشكەنجەدان و ئازاردانا ژنێن ڕۆژئاڤایێ كوردستانێ ژلایێ بەرپرسێن دەستهەلاتا ئەسەدی یا وی سەردەمی، هەردو فلمێن دی سەرنجا وان ل سەر ئازاردانا خەلكی بوون د ناڤ زیندانێن سوریێ دا و ئەو كورتە فلم هاتبوونە ژێرنڤیسكرن ب زمانێن ئەلمانی و ئینگلیزی دا كو ئامادەبوویێن چالاكییێ د ناڤەرۆكا وان بگەهن.
