سەنا بەرزنجی كلیپەكا نوو بەلاڤكر
زنار تۆڤی
سترانبێژ (سەنا بەرزنجی) بەرهەمەكێ نوو ب ناڤێ دو كۆتر بەلاڤكر، ئەڤ سترانە، پشكەكە ژ ئەلبۆما وێ یا بهێت، كو ب ناڤێ (پەپوولە) یە، هەروەسا ئەڤ سترانە ل تاخێن دیرۆكی یێن باژێرێ سلیمانیێ هاتیە وێنەكرن و وێ ئەڤ كلیپە وەكو دیاریەك پێشكێشی خەلكێ سلیمانیێ كرییە.
ناڤهاتیێ گۆت: هەموو كارێن هونەری یێن ڤێ ئەلبۆما من، ژ ئاوازێن سترانان هەتا دابەشكرنا مۆزیكێ، ل وەلاتێ ئیرانێ و ژ لایێ گرۆپێ (ئیس پی بی پرۆدێكشن) هاتینە ئەنجامدان، كو ئەڤە دەمێ سێ سالانە ل گەل وی گرۆپی كار دكەم، و پەیڤێن سترانێ یێن منن، سلیمانیێ باژێرەكێ هند یێ جوانە، من ڤیا عەشقا دلێ خۆ ب جوانییا سلیمانیێ وەسف بكەم، دەربارەیی جهێ وێنەكرنا كلیپێ ژی، من ل تاخێن (سابوونكەران) و (گۆیژە) ل باژێرێ سلیمانیێ هەلبژارتینە و ل دەمەكێ نێزیك دا دێ كلیپا پشتپەردێ ژی بەلاڤكەت.
