شه‌مۆ قاسم: هه‌ر قوتابخانه‌كا 25% ئێزدی بن په‌رتووكا ئێزدیاتیێ دهێته خواندن
ئه‌ڤرۆ، سالار محه‌مه‌د دۆسكی:
به‌رپرسێ ره‌وشه‌نبیری ل ده‌سته‌یا بلند یا بنگه‌هێ لالش دیاركر، ماوێ 10 سالانه پێداچوون د په‌رتووكا ئێزدیاتیێ دا نه‌هاتیه‌كرن و وه‌زاره‌تا په‌روه‌ردێ فه‌رمانا دروستكرنا دو لژنا بۆ پێداچوونا پرۆگرامی دره‌كریه و 15/8 دێ هه‌ر دو لژنه ده‌ست بكاربن.
شه‌مۆ قاسم، به‌رپرسێ ره‌وشه‌نبیری ل ده‌سته‌یا بلند یا بنگه‌هێ لالش بۆ رۆژناما ئه‌ڤرۆ گۆت: ژ سالا 2006 هه‌تا نوكه ل هه‌ر دو قوناغێن بنه‌ره‌ت و ئاماده‌یی، ئانكو ژ پولا ئێكێ هه‌تا 12ێ په‌رتووكا ئێزدیاتیێ دهێته خواندن و یا به‌رده‌وامه، ژ سالا 12 مه خواست بوو پێداچوونه‌ك ل په‌رتووكێن هه‌ر 12 قوناغا دا بهێته‌كرن و ئه‌ڤه ماوێ 10 سالانه پێداچوون ل ئه‌وان پرۆگرامێن خواندنێ و تایبه‌ت په‌رتووكا ئێزدیاتیێ دا نه‌هاتیه‌كرن، له‌وما ژی مه داخاز ژ سه‌رپه‌رشتیارێن بابه‌تێ ئێزدیاتیێ و رێڤه‌به‌ریا گشتی یا په‌روه‌ردێ كر لژنه‌ك بهێته دروستكرن بۆ پێداچوونا بابه‌ت و پرۆگرامێن ئێزدیاتیێ ل هه‌ردو قوناغێن بنه‌ره‌ت و ئاماده‌یی.
شه‌مۆ قاسم ئه‌و ژی گۆت: پشتی دووڤچوون و داخوازیێن مه ل سه‌ر بابه‌تی ب خوشحالی ڤه رێڤه‌به‌رێ گشتیێ په‌روه‌ردێ نڤیساره‌ك بۆ وه‌زاره‌تا په‌روه‌ردێ بلندكریه ل سه‌ر بابه‌تی و دو لژنه هاتیه دروستكرن كو لژنه‌ك بۆ پێداچوونا بابه‌تی ژ پولا ئێكێ هه‌تا نه‌هێ و لژنه بۆ قوناغا ئاماده‌یی ئانكو پولا 10 هه‌تا 12ێ وه‌زاره‌تا په‌روه‌ردێ فه‌رمانا دروستكرنا لژنا ده‌ركریه، به‌لێ هه‌تا نوكه ده‌ست ب كار نه‌بووینه و ئه‌ڤه ژی بۆ دو ئه‌گه‌ران ڤه‌دگه‌ریت ئێك بۆدجه یێ كێمه و ئالیێ دی وه‌ك بنگه‌هێ لالش مژوولی ئه‌نجامدانا كونگرێ خوه یه و ب هیڤی نه پشتی ئه‌نجامدانا كونگره‌ی دێ لژنه ده‌ست بكاربن وه‌ك بنگه‌هێ لالش یێ ره‌وشه‌نبیری و جڤاكی دێ پشته‌ڤان و هاریكاربین ل گه‌ل ئه‌ڤان هه‌ر دو لژنان و بۆ هه‌ر پێدڤیه‌كێ ب ژڤانین پشتی 15/8 ئه‌ڤ لژنه ده‌ست بكارێ خوه بكه‌ین .
شێخ شامۆ ئه‌و ژی گۆت: دێ گوهۆرینێن گه‌له‌ك مه‌زن كه‌ڤنه پرۆگرامێن په‌رتووكا ئێزدیاتیێ و تایبه‌ت پشتی كاره‌ساتا شنگال ل 3/8/2014 و دێ پشته‌ڤان و هاریكاربین كو پرۆگرامه‌ك بهێته‌دانان كو بشێت پتر پێكڤه ژیانێ دناڤبه‌را هه‌می خه‌لكێ كوردستانێ دا خورت بكه‌ت و پتر ئێمناهی و ته‌ناهیێ دناڤبه‌را هه‌می خه‌لكی دا دروست بكه‌ت و دژی ئه‌وان كه‌سان بین ئه‌وێن كار دكه‌ن ئه‌ڤ برایه‌تی و پێكڤه ژیانه نه‌مینت.
شه‌مو قاسم ئه‌و ژی دیار كر، ل سه‌رانسه‌ری پارێزگه‌ها دهۆكێ شه‌ش سه‌رپه‌رشتێن په‌رتووكا ئێزدیاتیێ هه‌نه ل هه‌ر دو قوناغێن بنه‌ره‌ت و ئاماده‌یی و هه‌ر ده‌رڤه‌ره‌كا ئێزدی تێدا بژین ئه‌ڤ په‌رتووكا تێدا دهێته خواندن و دیسا هه‌ر قوتابخانه‌كا 25% قوتابی ئێزدی بن ئه‌ڤ په‌رتووكه تێدا دهێته خواندن.
